زیورخ: یوکرین روس جنگ کے اثرات کھیلوں کے میدان میں بھی نظر آنے لگے، فٹبال کی عالمی تنظیم فیفا بھی جنگ کے خلاف میدان میں آگئی۔
غیر ملکی میڈیا رپورٹ کے مطابق یوکرین میں روس کے فوجی آپریشن کے سبب فٹبال کی عالمی تنظیم "فیفا” نے یوکرین پر روس کے حملے اور طاقت کے استعمال کی مذمت کرتے ہوئے اعلان کیا ہے کہ وہ روس میں کوئی بھی بین الاقوامی میچ منعقد نہیں کرائے گی۔
فیفا نے کہا کہ روس کےہوم میچز غیرجانبدار علاقے اور تماشائیوں کے بغیر کھیلےجائیں گے، بیرون ملک میچوں میں شرکت کے موقع پر روسی ٹیم کو اپنے ملک کا پرچم لہرانے یا قومی ترانہ بجانے کی اجازت نہیں ہوگی۔
فیفا نے فریقین پر زرو دیا کہ تشدد کسی بھی مسئلےکاحل نہیں، فریقین امن کیلئے بات چیت کرے، ہم اس بات پر پختہ یقین رکھتےہیں کہ کھیلوں کو جاری رہنا چاہئے۔
فیفا نے باور کرایا کہ وہ روس کے خلاف اضافی پابندیوں کے اقدام کا حق رکھتی ہے، ان میں بین الاقوامی مقابلوں سے ممکنہ بے دخلی شامل ہے۔
یہ بھی پڑھیں: فٹبال ورلڈ کپ: پولینڈ، سویڈن اور جمہوریہ چیک کا روس کے خلاف اہم فیصلہ
دوسری جانب یوکرین حملے پر انگلینڈ فٹبال ٹیم نے روس سے میچز نہ کھیلنے کا اعلان کیا ہے۔
انگلش فٹبال ایسوسی ایشن کی جانب سے جاری بیان میں کہا گیا کہ انگلینڈ مستقبل قریب میں روس کےخلاف کوئی میچ نہیں کھیلےگا۔
واضح رہے کہ یوکرین پرحملےکےبعد متعدد یورپی ممالک نے روس سے میچز نہ کھیلنےاعلان کیا ہے، گزشتہ روز پولینڈ، سویڈن اور چیک رپبلک نے ورلڈکپ پلےآف میچز کھیلنے سےانکار کیا۔
یاد رہے کہ روس چیمپئینز لیگ کے فائنل کی میزبانی سے بھی ہاتھ دھوچکا ہے۔
کپتان شاہین شاہ آفریدی کا کہنا ہے کہ دوسرے ایلیمینٹر میں اسلام آباد یونائیٹڈ کے خلاف سنسنی خیز میچ میں کامیابی کے بعد لاہور قلندرز کی نظریں اب ٹرافی پر مرکوز ہیں، ایک ماہ ٹیم نے شاندار کرکٹ کھیلی، ملتان سلطانز کی ٹیم بھرپور فارم میں ہے تاہم لاہور قلندرز اسے ہرانے کی مکمل صلاحیت رکھتے ہیں۔
انہوں نے کہا کہ لاہور قلندرز نے اب تک ایونٹ میں بہترین کرکٹ کھیلی، انھیں کراؤڈ سے بھی بھرپور سپورٹ میسر ہوگی، امید ہے کہ فائنل میں ملتان سلطانز کے شائقین بھی بڑی تعداد میں اسٹیڈیم کا رخ کریں گے، گزشتہ سال ملتان سلطانز نے ابوظبی کے خالی اسٹیڈیم میں ٹرافی اٹھائی تھی مگر اس مرتبہ تماشائیوں سے بھرے قذافی اسٹیڈیم لاہور میں فائنل جیتیں گے۔
