ARYNews.tv | Urdu – Har Lamha Bakhabar

Tag: 2 کھیل

  • ملتان ٹیسٹ: پاکستان اورانگلینڈ کے درمیان پہلے روزکا کھیل ختم

    ملتان ٹیسٹ: پاکستان اورانگلینڈ کے درمیان پہلے روزکا کھیل ختم

    ملتان: ملتان کرکٹ اسٹیڈیم میں پہلے روز کا کھیل ختم ہوگیا، انگلینڈ کی ٹیم پہلی اننگز میں 281 رنز بنا کر آؤٹ ہوگئی جبکہ پہلے روز ہی پاکستان بیٹنگ کرتے ہوئے 2 وکٹوں کے نقصان پر 107 بنالیے ہیں۔

    چائے کے وقفے کے بعد نے اپنی اننگز کا آغاز کیا، قومی ٹیم کے اوپنر امام الحق صفر جبکہ عبداللہ شفیق صرف 9 رنز پر پویلین لوٹ گئے، اس وقت کیریز پر بابر اعظم 61 اور سعود شکیل 36 رنز کے ساتھ کل کھیل کا آغاز کریں گے۔

    انگلینڈ کی اننگز

    ابرار احمد نے ملتان ٹیسٹ میں تاریخ رقم کردی، انہوں نے انگلینڈ کے خلاف اسپن بولر نے عمدہ بولنگ کرتے ہوئے  انگلینڈ کی 7 وکٹیں لے لی ہیں۔

    دوسرے ٹیسٹ  میچ کے پہلے روز کا دوسرا سیشن میں انگلینڈ کی ٹیم 281 رنز بنا سکی، انگلینڈ کی آٹھویں نویں اور آخری وکٹ زاہد محمود نے لی۔

    لنچ بریک تک انگلینڈ نے 5 وکٹ کے نقصان پر 180 رنز بنائے تھے۔

    انگلینڈ کے خلاف اسپن بولر ابرار احمد عمدہ بولنگ کرتے ہوئے پہلے سیشن سے قبل ہی 5 وکٹ لینے میں کامیاب ہوگئے، ابرار احمد ٹیسٹ ڈیبیو پر پانچ وکٹیں لینے والے 13 ویں بولر بن گئے ہیں، دوسرے سیشن میں مزید 2 کھلاڑی آؤٹ کیے۔

    ٹیسٹ میچ میں ڈیبیو کرنے والے ابرار احمد نے اپنی پہلی انٹرنیشل وکٹ پہلے اوور کی پانچویں بال میں لی، انہوں نے اگلینڈ کے اوپنر زیک کرالی کو 19 رنز پر آؤٹ کیا۔

    اس کے بعد آنے والے دو بلے باز بھی ابرار احمد کا شکار ہوئے، ابرار نے 19 ویں اوور میں بین ڈکٹ کو 63 رنز پر آؤٹ کیا۔

    اسپن بولر نے باقی کی وکٹ بھی اپنے نام کی، انہوں نے جوروٹ کو 8 رنز، اولی پوپ کو 60، ہیری بروک کو صرف 9 ، کپتان بین اسٹوکس کو 30 ، ول جیکس کو 31 رنز پر  پویلین بھیج دیا۔

    اس کے علاوہ انگلینڈ کی آٹھویں نویں اور آخری وکٹ زاہد محمود نے لی، انہوں نے پہلے 2 گیند پر 2 کھلاڑیوں کو آؤٹ کیا اس کے بعد آخری وکٹ لی۔

    ٹاس

    ملتان ٹیسٹ میں بھی ٹاس انگلیند نے جیتا اور پہلئ بیٹنگ کا فیصلہ کیا۔

    پاکستان کرکٹ ٹیم کے کپتان بابر اعظم نے ٹاس کے موقع پر کہا کہ اگر ہم ٹاس جیت جاتے تو بیٹنگ ہی کرتے، اس کے علاوہ انگلینڈ ٹیم کے کپتان بین اسٹوکس نے کہا کہ پراعتماد ہیں، مومینٹم کولیکر چلیں گے۔

     انگلینڈ کے خلاف قومی ٹیم کے پلیئنگ الیون میں  تین تبدیلی ہوئی ہے، اظہر علی، قومی ٹیم کے فاسٹ بولر حارث رؤف اور نسیم شاہ ٹیم کا حصہ نہیں ہیں، ان کی جگہ فہیم اشرف، محمد نواز اور ابرار احمد کو ٹیم میں شامل کیا گیا ہے۔

    دوسری جانب  انگلینڈ کی ٹیم  میں  بین فوکس کی جگہ اولی پوپ ہی وکٹ کیپنگ کریں گے، مارک ووڈ کو لیام لیونگ اسٹون کی جگہ پلیئنگ الیون ٹیم میں شامل کرلیا گیا ہے جبکہ ول جیکس بھی انگلش ٹیم پلیئنگ ٹیم کا حصہ ہیں۔

  • ملتان ٹیسٹ میں شاندار پرفارمنس پر ابرار احمد کے گھر والے بھی خوشی سے نہال

    ملتان ٹیسٹ میں شاندار پرفارمنس پر ابرار احمد کے گھر والے بھی خوشی سے نہال

    کراچی: ابرار احمد کے والد نور اسلام نے کہا کہ بیٹے نے اپنی ٹیم میں سلیکشن درست ثابت کردی۔

    اے آر وائی نیوز سے گفتگو کرتے ہوئے اسپنر ابرار احمد کے والد نے کہا کہ  کراچی کے جہانگیر روڈ پر اسپنر ابرار احمدکی رہائش گاہ پر جشن سماں ہے، چاہنے والوں سمیت رشتے داروں نے لوگوں میں میٹھائیاں تقسیم کی۔

    ابرار احمد کے والد نور اسلام کا کہنا تھا کہ اسپنر ابرار احمد نےملتان ٹیسٹ یادگار بنادیا، بہت خوش ہوں کہ ابرار نےنام روشن کردیا۔

    انہوں نے کہا کہ میں پہلے تو یہی کہتا تھا کہ ابرار تمھیں موقع کیوں نہیں ملتا لیکن اب ابرار نے اپنی ٹیم میں سلیکشن درست ثابت کردی۔

    بھائی شہزاداختر کا کہنا تھا کہ ملتان ٹیسٹ میں ابرار کی  شاندار پرفارمنس پر  ہم سب کو فخر ہے۔

    واضح رہے کہ اسپنر ابرار احمد نے ملتان میں جاری میچ میں انگلینڈ کی سات وکٹ لے ہیں، جس کے بعد پاکستان میں ٹیسٹ ڈیبیو پر پانچ وکٹیں لینے والے 13 ویں بولر اور پہلے اسپنر بن گئے ہیں۔

  • شعیب اختر نے سچن ٹنڈولکر کو آؤٹ کرنے کا دلچسپ قصہ سنا دیا

    شعیب اختر نے سچن ٹنڈولکر کو آؤٹ کرنے کا دلچسپ قصہ سنا دیا

     نئی دہلی: جب بھی بھارت اور  پاکستان میچوں کے قصوں کی بات آتی ہے تو غیر ملکی کھلاڑی بھی اس کو بہت دلچسپی سے سننا چاہتے ہیں ۔

    ٹیلی گراف اسپورٹس پر مائیکل وان کے ساتھ ایک انٹرویو کے دوران شعیب اختر نے سچن ٹنڈولکر کو آؤٹ کرنے کا دلچسپ قصہ سنایا،  1999 ایشین ٹیسٹ چیمپئن شپ میں ایڈن گارڈنز میں میچ کے دوران شعیب اختر نے بھارت کے چار وکٹ لیے تھے۔

    اس میچ میں پاکستان کے فاسٹ بولر شعیب اختر اور بھارت کے لیجنڈ بلے باز سچن ٹیندولکر کے درمیان سخت مقابلہ ہوا تھا،  میچ میں شعیب اختر نے سچن ٹیندولکر کو پہلی ہی گیند پر آوٹ کردیا تھا،  اس کا قصہ انہوں نے مائیکل وان کے ساتھ شیئر کیا ۔

    شعیب اختر نے کہا کہ سچن دنیا کے ایک سب سے اچھے ، سب سے عظیم شخص ہونے کے ناطے میں ان کے پاس گیا تھا ۔ انہیں دیکھا اور کہا کہ آپ کے پاس میرے خلاف کوئی موقع نہیں ہے، میں نے اس میچ میں سچن کو پہلی ہی گیند پر آوٹ کردیا تھا  اور یہ کرکٹ کی تاریخ میں ایسا پہلی مرتبہ ہوا تھا ۔

    شعیب اختر نے مزید کہا کہ میری وجہ سے وہ پہلی گیند پر آوٹ ہوگئے تھے ،  میری وجہ سے پہلی مرتبہ 70 ہزار سے 80 ہزار لوگ اسٹیڈیم سے باہر جانا چاہتے تھے، پہلی مرتبہ میچ میں تاخیر ہوئی تھی ، میچ تقریبا دو گھنٹے بعد شروع ہوا تھا ۔ تاریخ میں پہلی مرتبہ تقریبا ایک لاکھ لوگ میچ دیکھنے آئے تھے اور  ٹندولکر کے آؤٹ ہونے کے بعد وہاں پر کوئی نہیں تھا۔

    واضح رہے کہ  شعیب اختر کیلئے یہ وکٹ انتہائی خاص تھی، کیونکہ انہوں نے اس وقت کے بہترین بیٹر کو صفر پر آوٹ کیا تھا ۔ انہوں نے اس میچ میں سچن کے علاوہ وی وی ایس لکشمن، راہل دراوڑ اور وینکٹیش پرساد کا بھی وکٹ بھی لیا تھا  جبکہ بھارت  یہ میچ 46 رنز سے ہار گیا تھا ۔

  • ڈیبیو کرنے والے مسٹری اسپنر ابرار احمد نے اہم اعزاز اپنے نام کرلیا

    ڈیبیو کرنے والے مسٹری اسپنر ابرار احمد نے اہم اعزاز اپنے نام کرلیا

    اسپنر ابرار احمد انگلینڈ کے خلاف ملتان ٹیسٹ میں آج اپنا ڈیبیو میچ کھیل رہے ہیں جہاں انہوں نے اب تک انگلینڈ کی آدھی ٹیم کو پویلین بھیج دیا ہے۔

    انگلینڈ کے خلاف ڈیبیو کرنے والے اسپنر ابرار احمد کو پاکستان کرکٹ ٹیم کے ہیڈ کوچ ثقلین مشتاق نے ٹیسٹ کیپ دی۔

    ابرار احمد کی گھومتی گیندوں نے انگلش ٹیم کوگھما دیا، انہوں نے ٹیسٹ ڈیبیو میں اہم اعزاز اپنے نام کرلیا ہے۔

     

    View this post on Instagram

     

    A post shared by Pakistan Cricket (@therealpcb)

    اسپنر ابرار احمد نے ملتان میں جاری میچ میں لنچ سے پہلے انگلینڈ کی آدھی ٹیم کو پویلین بھیج دیا ہے جس کے بعد ٹیسٹ ڈیبیو  پر پانچ وکٹیں لینے والے 13 ویں بولر اسپنر بن گئے ہیں۔

    اس کے علاوہ ابرار احمد ڈیبیو ٹیسٹ کے پہلے دن 5 وکٹیں لینے والے پہلے پاکستانی اسپنر بن گئے ہیں، اور کھانے کے وقفے سے پہلے 5 وکٹیں لینے والے بھی پہلے بولر ابرار احمد ہی ہیں۔

    ڈیبیو کیپ حاصل کرنے کے بعد ابرار احمد کا کہنا تھا آج کا دن میرے لیے بہت ہی خاص دن ہے، اسی دن کے لیے میں نے محنت کی تھی، خوشی کا اظہار لفظوں میں بیان نہیں کر سکتا، تمام چاہنے والوں سے درخواست ہے کہ پاکستانی ٹیم کے لیے اور میرے لیے دعا کریں۔

  • فیفا ورلڈ کپ کوارٹر فائنل: پانچ مرتبہ کی چیمپئن برازیل کا ٹاکرا آج کروشیا سے ہوگا

    فیفا ورلڈ کپ کوارٹر فائنل: پانچ مرتبہ کی چیمپئن برازیل کا ٹاکرا آج کروشیا سے ہوگا

    دوحہ: فیفا کوارٹر فائنل میچز کا سلسلہ آج سے شروع ہو رہا ہے جو اتوار 11 دسمبر تک جاری رہے گا۔

    قطر میں جاری فیفا فٹ بال ورلڈ کے پہلے کوارٹر فائنل میں پانچ مرتبہ کی عالمی چیمپیئن برازیل کا ٹاکرا کروشیا سے ہوگا، یہ میچ قطر ایجوکیشن سٹی اسٹیڈیم میں کھیلا جائے گا۔

    فیفا ورلڈ کپ کے دوسرے کوارٹر فائنل میں کل ارجنٹائن اور نیدرلینڈز کی ٹیمیں لوسیل اسٹیڈیم میں آمنے سامنے ہوں گی۔

    کل دوسرا کوارٹر فائنل مراکش اور پرتگال کی ٹیموں کے درمیان الہتمامہ اسٹیڈیم میں کھیلا جائے گا۔

    اتوار 11 دسمبر کو چوتھے کوارٹر فائنل میں انگلینڈ اور فرانس کی ٹیمیں البیت اسٹیڈیم میں مدمقابل ہوں گی۔

  • کیچ پکڑتے ہوئے کھلاڑی شدید زخمی (ویڈیو)

    کیچ پکڑتے ہوئے کھلاڑی شدید زخمی (ویڈیو)

    سری لنکا پریمیئر لیگ کے دوران کھلاڑی کیچ پکڑتے ہوئے اپنے دانت تڑوا بیٹھا۔

    واقعہ کینڈی فلیکنز اور گال گلیڈی ایٹرز کے مابین کھیلے جارہے میچ کے دوران اس وقت پیش آیا جب آل راونڈر چمیکا کرونارتنے کیچ پکڑتے ہوئے گیند کو ٹھیک سے تھام نہ سکے۔

    کیچ کی کوشش میں گیند چمیکا کے منہ پر آ لگی جس سے ان کے 4 دانت ٹوٹ گئے تاہم وہ کیچ لینے میں کامیاب رہے۔

    زوردار گیند لگنے سے فیلڈر کے منہ سے خون بہنے لگا اور انہیں فوری طبی امداد کے لیے میدان سے باہر لے جایا گیا۔

    میڈیا رپورٹس کے مطابق زخمی کھلاڑی کو اسپتال منتقل کر کے آپریشن کیا گیا ہے اور وہ اب بھی زیرعلاج ہیں۔

  • حارث کے بعد ایک اور فاسٹ بولر ان فٹ، پاکستان کو بڑا جھٹکا

    حارث کے بعد ایک اور فاسٹ بولر ان فٹ، پاکستان کو بڑا جھٹکا

    انگلینڈ کے خلاف ملتان ٹیسٹ پہلے پاکستان ٹیم کو ایک اور بڑا جھٹکا لگ گیا۔

    فاسٹ بولر حارث رؤف کے سیریز سے باہر ہونے کے بعد اہم پیسر نسیم شاہ کی شرکت بھی مشکوک ہو گئی ہے۔

    ذرائع کے مطابق نسیم شاہ کندھے کی تکلیف کا شکار ہو گئے ہیں اور ان کی ملتان ٹیسٹ میں شرکت پر سوالیہ نشان لگ گیا ہے۔

    https://urdu.arynews.tv/shaheen-shah-afridi-talk-about-his-injury/

    نسیم شاہ کی دوسرے ٹیسٹ میں دستیابی غیریقینی کی صورتحال سے دوچار ہے اور امکان یہی ہے کہ اسپن فرینڈلی پچ بنا کر اسپنرز کو میدان میں اتارا جائے گا۔

    واضح رہے کہ شاہین شاہ آفریدی اور حارث رؤف کی غیرموجودگی میں فاسٹ بولنگ کا شعبہ نسیم شاہ کے کندھوں پر تھا۔

    پاکستان نے مستقل ٹیم کا حصہ رہنے والے فاسٹ بولرز میں سے حارث رؤف کو ڈیڈ پچ پر ڈیبیو کروایا جس سے وہ اسٹرین یعنی کچھاو کا شکار ہو گئے۔

  • ٹیم میں شامل نہ کرنے پر شعیب ملک کا بابر سے متعلق اہم انکشاف

    ٹیم میں شامل نہ کرنے پر شعیب ملک کا بابر سے متعلق اہم انکشاف

    پاکستان کے سابق کپتان شعیب ملک نے انکشاف کیا ہے کہ بابراعظم نے پہلے ہی بتا دیا تھا کہ وہ ورلڈکپ ٹی ٹوئنٹی کا حصہ نہیں ہیں۔

    ایک انٹریو میں شعیب ملک نے کہا کہ ایشیاکپ کے دوران بابراعظم نے کہا کہ ورلڈکپ یہی اسکواڈ کھیلے گا انہوں نے مجھے مسلسل اسکواڈ سے آگاہ کیے رکھا اور بتانے کی کوشش کرتے رہے کہ میں ٹیم کا حصہ نہیں ہوں گا۔

    شعیب ملک نے کہا کہ ٹیم میں شامل نہ کرنے پر میری بابراعظم سے کوئی ناراضی نہیں ہے میں ان کے لیے دعاگو ہوں کہ وہ اچھا کھیلیں اور ٹیم کی پرفارمنس بھی اچھی ہو میری دعائیں بابر کے ساتھ ہیں۔

    سابق کپتان نے کہا کہ بابراعظم کو اپنا چھوٹا بھائی سمجھتا ہوں جب جب بابر کو میری ضرورت پڑی خواہ ٹیم یا اس کی اپنی کارکردگی سے متعلق ہو تو میں معاونت کرتا رہا ہوں اور آگے بھی کرتا رہوں گا۔

    ان کا کہنا تھا کہ جب بابراعظم کپتان بن گئے تو ان سے فاصلہ اختیار کر لیا تاکہ وہ اپنے فیصلے بہتر انداز میں کر سکیں قیادت میں اکیلے رہنے سے ہی کپتان بہت کچھ سیکھتا ہے۔

    شعیب ملک کا کہنا تھا کہ ٹیم میں شامل نہ کرنے پر مجھے کوئی افسوس نہیں ہے میں یہ نہیں سوچتا تھا کہ ٹیم میں شامل نہیں کیا تو ناراض ہو جاؤں، چاہتا ہوں کہ بابر اچھی طرح قیادت کرے اور ٹیم کی رینکنگ اچھی ہو۔

  • رمیز راجا کا بابر اعظم کی کپتانی سے متعلق اہم بیان

    رمیز راجا کا بابر اعظم کی کپتانی سے متعلق اہم بیان

    پاکستان کرکٹ بورڈ کے چیئرمیں رمیز راجا نے بابر اعظم کی کپتانی کے متعلق اہم بیان جاری کیا ہے۔

    اسٹیڈیم میں صحافیوں نے گفتگو کے دوران رمیز راجا سے سوال کیا گیا کہ بابر بطور کپتان آپ کو کیسے لگتے ہیں؟ اس سوال کے جواب میں ان کا کہنا تھا کہ ٹھیک ہےٹھیک ہیں، کھیل میں اوپر نیچے ہوتا رہتا ہے، ہم ابھی ٹی ٹوئنٹی ورلڈ کپ فائنل کھیل کر آئے ہیں، انسان اپنی غلطیوں سے ہی سیکھتا ہے۔

    رمیز راجا نے دوران گفتگو کہا کہ انگلینڈ کی ٹیم سب کے لیے آئی اوپنر  ہے، انہوں نے ٹیسٹ کرکٹ میں ایک نیا ٹرینڈ سیٹ کیا ہے۔

    کرکٹ بورڈ کے چیئرمین کا مزید کہنا تھا کہ ایک کرکٹ بورڈ تب ہی بڑا ہوتا ہے جب وہ چیزوں کو اینلائز کرے اور اس پر کھل کر بات کر سکے۔

    رمیز راجا کا کہنا تھا کہ میں بطور کرکٹر اس بات کو تسلیم کرتا ہوں کہ ہم پیچھے ہیں، لیکن ہم تینوں فارمیٹ میں ٹاپ کوالٹی کی ٹیمز کو ٹرن آؤٹ کرنا تھوڑا مشکل ہے، لیکن ہم چیزوں کو آگے لے کر جائیں گے۔