ARYNews.tv | Urdu – Har Lamha Bakhabar

Tag: 2 کھیل

  • الیکشن 2018: ویسٹ انڈیز کے لیجنڈ کرکٹر کی عمران خان کو مبارک باد

    الیکشن 2018: ویسٹ انڈیز کے لیجنڈ کرکٹر کی عمران خان کو مبارک باد

    اسلام آباد: ویسٹ انڈیز کے لیجنڈ کرکٹر سر ووین رچرڈ نے عمران خان کو عام انتخابات میں ملنے والی کامیابی پر مبارک باد پیش کرتے ہوئے مستقبل میں نیک خواہشات کا استعمال کیا گیا۔

    تفصیلات کے مطابق عام انتخابات 2018 میں تحریک انصاف کے قومی و صوبائی اسمبلی کی نشستوں پر واضح اکثریت حاصل کیں، جس کے بعد پی ٹی آئی خیبرپختونخواہ اور پنجاب میں پہلی سندھ اور بلوچستان کی دوسری بڑی جماعت بن گئی۔

    عمران خان نے قومی اسمبلی میں اکثریت ملنے کے بعد قوم سے خطاب کیا جسے نہ صرف پاکستانیوں بلکہ غیر ملکیوں نے بھی بہت زیادہ سراہا اور اسے پاکستان کے روشن مستقبل کا عکاس قرار دیا۔

    مزید پڑھیں: ترک صدر کا عمران خان کو فون، جیت پر مبارک باد

    تحریک انصاف کے چیئرمین کو دنیا بھر سے نامور شخصیات اور کرکٹرز کی جانب سے مبارک باد اور نیک خواہشات کے پیغامات موصول ہوئے، سعودی عرب، چین، بھارت، افغانستان، ترکی، کینیڈا کے سربراہان نے بھی کپتان کو مبارک باد دی۔

    عمران خان کے ساتھ کرکٹ کھیلنے والے یا دنیائے کھیل سے وابستہ افراد نے بھی ممکنہ وزیراعظم بننے پر چیئرمین پی ٹی آئی کو مبارک باد پیش کررہے ہیں، اس ضمن میں ویسٹ انڈین ٹیم کے لیجنڈ کرکٹر نے بھی کپتان کو واضح اکثریت حاصل کرنے پر مبارک باد کا پیغام شیئر کیا۔

    سماجی رابطے کی ویب سائٹ پر ووین رچرڈ نے ایک ویڈیو شیئر کی جس میں اُن کا آڈیو پیغام ہے۔

    یہ بھی پڑھیں: سرفراز کی قیادت میں‌ کھلاڑیوں‌ کی بنی گالہ آمد، مبارکباد

    ویسٹ انڈین کرکٹر کا کہنا تھا کہ ’مجھے معلوم ہے کہ میں نے کئی عرصے سے آپ کے خلاف میچز نہیں کھیلے مگر یہ جانتا ہوں کہ آپ ہی وہ واحد سبقت رکھنے والے لوگوں میں سے ایک ہیں جس سے میرا سامنا ہوتا‘۔

    ’جیسے کرکٹ کے میدان میں آپ کے اندر جذبہ دیکھا یہی خاصیت آپ کی سیاسی میدان میں بھی نظر آئی، امید ہے کہ آپ کی قیادت میں ملک اور شہریوں کی مشکلات کو دور کرے گی اور خدا آپ کی مدد بھی کرے گا! انشاء اللہ‘۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بیڈمنٹن کی قومی چیمپین مہور شہزاد نے اناپورنا انٹرنیشنل بیڈمنٹن چیمپین شپ جیت لی

    بیڈمنٹن کی قومی چیمپین مہور شہزاد نے اناپورنا انٹرنیشنل بیڈمنٹن چیمپین شپ جیت لی

    کھٹمنڈو: بیڈمنٹن میں قومی چیمپین مہور شہزاد نے نیپال کے دارالحکومت کھٹمنڈو میں کھیلی جانی والی اناپورنا انٹرنیشنل بیڈمنٹن چیمپین شپ 2018 جیت لی۔

    تفصیلات کے مطابق اناپورنا کارپوریٹ انویٹیشنل انٹرنیشنل بیڈمنٹن ٹورنامنٹ چیمپین شپ 2018 کٹھمنڈو میں 23 سے 28 جولائی کھیلی گئی جسے پاکستانی اسٹار بیڈمنٹن پلیئر مہور شہزاد نے جیت لیا۔

    بیڈمنٹن ٹورنامنٹ میں پاکستان کے علاوہ بھارت، بنگلہ دیش اور نیپال کے کھلاڑیوں نے حصہ لیا، پاکستانی کھلاڑی مہور شہزاد نے نیپال کی کھلاڑی کو شکست دے کر ٹائٹل اپنے نام کیا۔

    نیپال سے تعلق رکھنے والی کھلاڑی راشیلا مہا رجن کو مہور شہزاد نے فائنلز میں 15-21 اور 10-12 سے شکست دے کر انٹرنیشنل ٹورنامنٹ جیتا۔

    مہور شہزاد کی بہترین کارکردگی کے باعث بیڈمنٹن ایشیا فیڈریشن نے انھیں آئندہ اولمپکس گیمز کی تیاری کے لیے ایشیا اولمپک پروجیکٹ (AOP) پروگرام کے لیے بھی چُن لیا ہے۔

    خلا میں بیڈ منٹن میچ

    واضح رہے کہ مہور شہزاد 9 تا 12 نومبر 2017 کو اسلام آباد میں کھیلی جانے والی پاکستان انٹرنیشنل سیریز 2017 کا وومن سنگل ٹائٹل بھی جیت چکی ہیں۔

    کٹھمنڈو میں ہونے والے بیڈمنٹن مقابلوں میں پاکستانی کھلاڑیوں کی کارکردگی قابل تعریف رہی، اس سے قبل مین ڈبلز اور سنگل میں بھی پاکستان نے کام یابیاں سمیٹیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سپر باکسنگ لیگ: لاہور کی ٹیم کے ٹرائلز مکمل، 10 مرد اور 2 خواتین باکسرز کی ٹیم منتخب

    سپر باکسنگ لیگ: لاہور کی ٹیم کے ٹرائلز مکمل، 10 مرد اور 2 خواتین باکسرز کی ٹیم منتخب

    لاہور: سپر باکسنگ لیگ کے لیے گوجرانوالہ کے بعد لاہور کی ٹیم کے ٹرائلز بھی مکمل ہوگئے، 10 مرد اور 2 خواتین باکسرز پر مشتمل ٹیم کا انتخاب کر لیا گیا۔

    تفصیلات کے مطابق پاکستان کی پہلی سپر باکسنگ لیگ کی ٹیموں کے انتخاب کے لیے ملک بھر میں باکسرز کے ٹرائلز جاری ہیں، ٹرائلز کے ذریعے لاہور کی ٹیم کا انتخاب عمل میں آ گیا ہے۔

    قبل ازیں گوجرانوالہ میں بھی باکسرز کی ٹیم کے انتخاب کے لیے ٹرائلز کیے گئے تھے، ملک بھر میں باکسنگ لیگ کے لیے ٹرائلز کا سلسلہ 11 اگست تک جاری رہے گا۔

    سپر باکسنگ لیگ میں ٹیموں کے انتخاب کے لیے ٹرائلز کے شیڈول کے مطابق اسلام آباد میں 28 کو ٹرائلز ہوں گے جب کہ پشاور میں 29 جولائی کو ہوں گے۔

    کوئٹہ میں سپر باکسنگ لیگ کے ٹرائلز 2 اگست کو شیڈول ہیں، جب کہ کراچی میں 5 اور 6 اگست کو سپر باکسنگ کے ٹرائلز ہوں گے۔

    پاکستان کی پہلی سپر باکسنگ لیگ کے ٹرائلز شروع

    فیصل آباد سے باکسنگ ٹیم کے انتخاب کے لیے ٹرائلز 10، جب کہ ملتان سے ٹیم کے انتخاب کے لیے 11 اگست کو شیڈول کیے گئے ہیں۔

    واضح رہے کہ ملک میں پہلی سپر باکسنگ لیگ کے لیے ’روڈ ٹو دا رِنگ‘ ٹرائلز 20 جولائی سے شروع ہیں، جن کا اختتام گیارہ اگست کو ملتان میں ہوگا۔

    سلمان اقبال اور باکسر عامر خان کی کاوش، پاکستان میں‌ سپر باکسنگ لیگ کا انعقاد

    ملک میں باکسنگ کے فروغ کے لیے پاکستان میں پہلی سپر باکسنگ لیگ کا شان دار آغاز اے آر وائی ڈیجیٹل نیٹ ورک کے سی ای او سلمان اقبال اور ممتاز باکسر عامر خان کی مشترکہ کاوشوں سے ہوا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ہاکی ٹیم کے کھلاڑیوں کے گھروں کے چولھے ٹھنڈے پڑنے لگے، ایشین گیمز کے بائیکاٹ کی دھمکی

    ہاکی ٹیم کے کھلاڑیوں کے گھروں کے چولھے ٹھنڈے پڑنے لگے، ایشین گیمز کے بائیکاٹ کی دھمکی

    کراچی: پاکستان ہاکی ٹیم کے کھلاڑیوں کے گھروں کے چولھے ٹھنڈے پڑنے لگے، کھلاڑی تا حال ڈیلی الاؤنس اور معاوضوں سے محروم ہیں۔

    تفصیلات کے مطابق پاکستان ہاکی ٹیم کے کھلاڑیوں کی معاشی حالت ناگفتہ بہ ہوگئی، حکومت کے بعد پاکستان ہاکی فیڈریشن نے بھی آنکھیں پھیر لیں۔

    ہاکی ٹیم کے کھلاڑیوں کو نہ ڈیلی الاؤنس ملا ہے نہ ہی ان کے معاوضے مل رہے ہیں، ایشین گیمز کے لیے تربیتی کیمپ میں شامل کھلاڑیوں نے بائیکاٹ کی دھمکی دے دی۔

    خیال رہے کہ پاکستان ٹیم کے کھلاڑی کئی سال سے سینٹرل کنٹریکٹ سے محروم ہیں، ٹیم کی ناقص کارکردگی کے بعد حکومت نے پی ایچ ایف کی گرانٹ روک لی تھی۔

    پاکستان ہاکی فیڈریشن کی انتظامیہ معاملات کو سلجھانے کے لیے حکمت عملی ترتیب دے رہی ہے، تاہم وہ کھلاڑیوں کے معاوضوں سے متعلق سنجیدہ دکھائی نہیں دے رہی۔

    ذرائع کا کہنا ہے کہ کھلاڑیوں میں بغاوت کو روکنے کے لیے کھلاڑیوں کے مسائل حل کرنے کی بہ جائے مقامی کوچز اور اولمپئنز کی خدمات لینے پر غور کیا جا رہا ہے۔

    ڈیمز کی تعمیر، باکسر عامر خان نے 10 لاکھ روپے عطیہ کردیے

    ذرائع نے سوال اٹھایا ہے کہ اگر ہاکی فیڈریشن کے پاس فنڈز نہیں تھے تو ڈیولپمنٹ اسکواڈ کو کینیڈا کیوں اور کیسے بھیجا گیا؟

    واضح رہے کہ اٹھارویں ایشین گیمز آئندہ ماہ انڈونیشیا میں 18 اگست سے منعقد ہوں گے جو جکارتہ اور پالمبنگ میں 2 ستمبر تک جاری رہیں گے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سرفراز الیون کا بڑا کارنامہ: پاکستان 9 ٹی ٹوینٹی سیریز جیتنے والا پہلا ملک بن گیا

    سرفراز الیون کا بڑا کارنامہ: پاکستان 9 ٹی ٹوینٹی سیریز جیتنے والا پہلا ملک بن گیا

    کراچی: سرفراز الیون نے سہ فریقی ٹی ٹوینٹی سیریز جیت کر بڑا کارنامہ انجام دے دیا، پاکستان مسلسل نو ٹی ٹوینٹی سیریز جیتنے والا دنیا کا پہلا ملک بن گیا۔

    تفصیلات کے مطابق زمبابوے میں پاکستان کرکٹ ٹیم نے نئی تاریخ رقم کر دی، ٹی ٹوئنٹی کی عالمی رینکنگ میں پاکستان کی پوزیشن مزید مستحکم ہوگئی۔

    مسلسل نو سیریز جیتنے والی دنیا کی نمبر وَن پاکستان ٹیم زمبابوے میں چیمپئنز کی طرح کھیلی، فائنل میچ میں آسٹریلیا کو آؤٹ کلاس کردیا اور ثابت کر دیا کہ اس کے ساتھ کوئی مقابلہ نہیں۔

    اپنے آخری بارہ میچز میں پاکستان صرف ایک میچ ہارا لیکن سیریز جیتنے کی ٹرپل ہیٹ ٹرک ضرور کردی، پاکستان ٹی ٹوئنٹی میں سب سے آگے نکل گیا۔

    زمبابوے میں فتح حاصل کرنے کے ساتھ ہی سرفراز بھی ٹی ٹوئنٹی کے بہترین کپتان بن گئے، سرفراز کی کپتانی میں پاکستان 23 میچز جیتا جب کہ صرف چار میچز ہارا۔

    پاکستان نے سہ ملکی ٹی ٹوینٹی سیریز جیت لی،آرمی چیف کی مبارکباد

    خیال رہے کہ سرفراز کی قیادت میں پاکستان نے اب تک ستائیس میچز کھیلے ہیں، سہ ملکی سیریز میں کام یابی کے بعد پاکستان کی آئی سی سی رینکنگ میں پہلی پوزیشن مزید مستحکم ہوگئی۔

    کرکٹ کے ٹی 20 فارم میں پاکستان کی بادشاہت برقرار رہی، پوائنٹس ٹیبل پر پاکستان کرکٹ ٹیم 132 پوائنٹس کے ساتھ ٹاپ پر ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پچ فکسنگ اسکینڈل: پی سی بی نے حسن رضا کا نام سامنے آنے پر نوٹس لے لیا

    پچ فکسنگ اسکینڈل: پی سی بی نے حسن رضا کا نام سامنے آنے پر نوٹس لے لیا

    لاہور: سری لنکا میں وکٹ فکسنگ اسکینڈل میں پاکستانی کرکٹر حسن رضا کا نام بھی سامنے آگیا، جس پر پاکستان کرکٹ بورڈ نے فوری طور پر نوٹس لے لیا ہے۔

    تفصیلات کے مطابق پی سی بی اور اینٹی کرپشن یونٹ پچ فکسنگ اسکینڈل میں حسن رضا کے حوالے سے شواہد اکھٹے کرے گا، کرکٹ بورڈ کے ترجمان کا کہنا ہے کہ کرکٹ بورڈ نے اس اہم معاملے کا نوٹس لے لیا ہے۔

    پاکستان کرکٹ بورڈ کے ترجمان نے بتایا کہ کرکٹر حسن رضا کے خلاف شواہد ملے تو کارروائی کی جائے گی، ان کا کہنا تھا کہ تحقیقات تک پی سی بی کی جانب سے کوئی بیان نہیں دیا جائے گا۔

    واضح رہے کہ عرب ٹی وی الجزیرہ سے تعلق رکھنے والے ایک رپورٹر نے اسٹنگ آپریشن کے ذریعے سری لنکا میں کرکٹ میچ فکسنگ کی نئی سازش بے نقاب کی ہے۔

    الجزیرہ کے رپورٹر نے بزنس مین بن کر گال اسٹیڈیم کے اسسٹنٹ مینجر تھرانگا اندیکا اور سابق بھارتی کرکٹر رابن مورس سے ملاقات کی اور تمام گفتگو خفیہ کیمرے سے ریکارڈ کی، اس ویڈیو میں حسن رضا بھی موجود تھے۔

    خیال رہے کہ پچ فکسنگ اسکینڈل کے تحت گال اسٹیڈیم کے اسٹاف نے سری لنکا انگلینڈ ٹیسٹ کے لیے پچ خراب کرنے کی یقین دہانی کرائی تھی، یہ اپنی نوعیت کا ایک نیا فکسنگ اسکینڈل ہے۔

    حسن رضا کا رد عمل

    دوسری طرف سابق پاکستانی بلے باز حسن رضا نے کہا ہے کہ جس ویڈیو میں مجھے دکھایا گیا ہے وہ پرانی ہے اور یہ مجھے پھنسانے کے لیے بنائی گئی تھی۔ میڈیا سے گفتگو کرتے ہوئے ان کا کہنا تھا کہ یہ عجمان کی ویڈیو ہے جہاں ہم ایک مقامی ٹورنامنٹ میں کھیلنے گئے تھے۔

    لارڈز ٹیسٹ: تیسرا روز، انگلینڈ کے6وکٹوں کے نقصان پر235رنز

    ان کا کہنا تھا کہ سینٹرل کنٹریکٹ لسٹ میں نہ ہونے کی وجہ سے انھوں نے عجمان دورے سے متعلق پی سی بی کو مطلع نہیں کیا تھا، نہ ہی بورڈ کے ساتھ زیادہ رابطے میں تھا۔

    حسن رضا نے کہا کہ جب مجھے شک ہوا کہ میچ فکسنگ کی بات ہورہی ہے تو میں گفتگو سے ہٹ گیا، ان کا کہنا تھا کہ میں پی سی بی اور آئی سی سی کے ساتھ مکمل تعاون کرنے کے لیے تیار ہوں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • مردان میں اسپورٹس کمپلیکس کا افتتاح، عمران خان نہ پہنچ سکے

    مردان میں اسپورٹس کمپلیکس کا افتتاح، عمران خان نہ پہنچ سکے

    مردان: خیبر پختونخوا کے مہمان نواز شہر ضلع مردان میں وزیر تعلیم کے پی نے تعلیمی بورڈ کے اسپورٹس کمپلیکس کا افتتاح کردیا۔

    تفصیلات کے مطابق اسپورٹس کمپلیکس کے افتتاح کے لیے پاکستان تحریک انصاف کے چیئرمین عمران خان نے پہنچنا تھا لیکن وہ بروقت نہ پہنچ سکے۔

    ذرائع کا کہنا تھا کہ عمران خان اپنے دورۂ مردان میں اسپورٹس کمپلیکس کے ساتھ ساتھ بے نظیر چلڈرن اسپتال کا بھی افتتاح کریں گے تاہم وہ ہیلی کاپٹر میں فنی خرابی کے باعث نہیں آسکے۔

    چیئرمین پی ٹی آئی کے نہ پہنچ سکنے کی وجہ سے اسپورٹس کمپلیکس کا افتتاح وزیر تعلیم خیبر پختونخوا عاطف خان نے کیا، ان کا کہنا تھا کہ حکومت کھیلوں کے فروغ کے لیے اقدامات کر رہی ہے۔

    عاطف خان نے افتتاح کے موقع پر تقریب سے خطاب کرتے ہوئے کہا کہ مردان اسپورٹس کمپلیکس37 کروڑ روپے کی لاگت سے مکمل ہوا ہے۔

    مردان: اسٹیج اداکارہ سنبل خان قاتلانہ حملے میں جاں بحق

    کے پی کے وزیر تعلیم کا کہنا تھا کہ مردان اسپورٹس کمپلیکس میں عالمی سطح کے تمام اِن ڈور اور آؤٹ ڈور کھیلوں کی سہولت ہوگی، کمپلیکس کی وجہ سے ضلع کے اندر نوجوانوں میں صحت مند جسمانی سرگرمیوں کی طرف رجحان بڑھے گا۔

    عاطف خان نے اس موقع پر صحافیوں سے گفتگو کرتے ہوئے کہا کہ نگراں وزیراعلیٰ کے لیے منظورآفریدی کے نام پراتفاق ہوا ہے، عمران خان کو بھی نام پر اتفاق سے متعلق آگاہ کر دیا گیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانےکے لیے سوشل میڈیا پر شیئر کریں۔

  • اسکارف پہنی مسلم میچ ریفری کی تصویر وائرل، برطانیہ میں نئی تاریخ رقم

    اسکارف پہنی مسلم میچ ریفری کی تصویر وائرل، برطانیہ میں نئی تاریخ رقم

    لندن: صومالیہ کی مسلم خاتون جواہر روبل نے تاریخ رقم کردی ہے وہ برطانیہ میں کھیلے گئے ایک بڑے فٹبال ٹورنامنٹ کے میچ میں ریفری کے فرائض انجام دینے والی پہلی مسلم خاتون بن گئی ہیں۔

    برطانوی میڈیا کے مطابق چوبیس سالہ جواہر روبل جے جے کے نام سے جانی جاتی ہیں، وہ برطانیہ کی فٹبال ایسوسی ایشن کی ایک تربیت یافتہ ریفری ہیں، جے جے بطور ریفری اپنا دوسرا سیزن مکمل کررہی ہیں، وہ اب چیمپئنز لیگ میں ریفری بننے کی خواہش مند ہیں۔

    جے جے خانہ جنگی کا شکار ملک صومالیہ سے اپنے والدین کے ہمراہ برطانیہ منتقل ہوئی تھیں تب وہ بہت چھوٹی تھیں، ان کے آٹھ بہن بھائی ہیں، وہ بچپن میں صومالی دارالحکومت موغادیشو میں بہن بھائیوں کے ساتھ فٹبال کھیلا کرتی تھیں۔

    جواہر روبل نے برطانیہ میں ابتدائی اور ثانوی تعلیم کے بعد ایک یونیورسٹی میں انفارمیشن ٹیکنالوجی میں اعلیٰ تعلیم کے حصول کے لیے داخلہ لیا تھا تاہم پھر انہوں نے ایک پیشہ ور ریفری بننے کا فیصلہ کرلیا تھا۔

    جے جے کے مطابق ابتدائی طور پر بعض کھلاڑیوں کے کھیل کے میدان میں مذاق اُڑاتے ہوئے ان کا استقبال کیا تھا، بعض تو اس قسم کی آوازیں بھی کستے تھے کہ یہ لڑکی ریفری کا فریضہ انجام دے گی، ایسا نہیں ہوسکتا ہے۔

    جے جے میچ کے دوران سر پر اسکارف پہنتی ہیں، وہ لمبی آستینوں والے قمیص اور شارٹس کے نیچے مکمل پاجاما پہنتی ہیں اور ہاتھوں میں دستانے ہوتے ہیں، ان کا کہنا تھا کہ اب کھلاڑیوں نے انہیں بطور ریفری قبول کرلیا ہے بلکہ ایک لڑکا میرے قریب آیا اور کہنے لگا مجھے خاتون ریفری پسند ہیں وہ اچھی طرح اپنے فرائض انجام دیتی ہیں۔

    انہوں نے اس عزم کا اظہار کیا کہ وہ آئندہ دس سال کے دوران پیشہ ور ریفری بننا چاہتی ہیں، وہ ایک روز پریمیئر شپ اور چیمپئنز لیگ میں بھی ریفری کے فرائض انجام دینا چاہتی ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ملک میں عام انتخابات کی تیاریاں کھیلوں پر اثر انداز ہونے لگیں

    ملک میں عام انتخابات کی تیاریاں کھیلوں پر اثر انداز ہونے لگیں

    اسلام آباد: ملک میں عام انتخابات کی تیاریاں کھیلوں پر اثر انداز ہونے لگیں، ایشین گیمز سمیت دیگر انٹرنیشنل ٹورنامنٹس کی تیاریاں متاثر ہونے کا خطرہ پیدا ہوگیا۔

    تفصیلات کے مطابق ڈپٹی کمشنر کراچی ایسٹ نے پاکستان سپورٹس بورڈ کے ڈائریکٹر جنرل کو خط لکھتے ہوئے کہا ہے کہ کراچی میں نیشنل کوچنگ سینٹر کا عارضی کنٹرول ان کے حوالے کیا جائے۔

    ڈپٹی کمشنر ایسٹ سید افضل زیدی نے اپنے خط میں مؤقف اختیار کرتے ہوئے کہا ہے کہ آئین کے مطابق وفاق اور صوبوں میں انتظامی حکام کا فرض ہے کہ وہ کمشنر اور الیکشن کمیشن کے ساتھ ان کے فرائض کی انجام دہی میں تعاون کریں۔

    خط میں لکھا گیا ہے کہ 2018 کے عام انتخابات کا انعقاد جولائی کے آخر میں متوقع ہے، اس سلسلے میں ڈسٹرکٹ ریٹرننگ آفیسر کراچی ایسٹ کی خواہش ہے کہ نیشنل اسپورٹس، ٹریننگ اینڈ کوچنگ سینٹر کراچی کو الیکشن کیمپ کے طور پر استعمال کیا جائے۔

    خط میں پاکستان اسپورٹس بورڈ سے کمپلیکس ڈسٹرکٹ الیکشن کمشنر کراچی کے حوالے کرنے کی استدعا کی گئی ہے، اور کہا گیا ہے کہ الیکشن جب بھی منعقد ہوں، اس سے بیس دن قبل کمپلیکس حوالے کردیا جائے۔

    کراچی میں پہلا عالمی ریسلنگ کا دنگل سج گیا

    ڈپٹی کمشنر ایسٹ کے خط کے مطابق ٹریننگ سینٹر کا کنٹرول عام انتخابات کے انعقاد کے بعد ہی واپس کیا جائے گا، خیال رہے کہ اس دوران کمپلیکس میں کسی بھی قسم کا کھیلوں کا ایونٹ منعقد نہیں ہوپائے گا۔

    دوسری طرف وزارت بین الصوبائی رابطہ نے اس خط پر تشویش کا اظہار کیا ہے، وزارت کے سیکریٹری نے معاملہ چیف سیکرٹری سندھ سے اٹھانے کا فیصلہ کرلیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شوبز اور کھیلوں کی معروف شخصیات کی جانب سے رمضان المبارک کی مبارکباد

    شوبز اور کھیلوں کی معروف شخصیات کی جانب سے رمضان المبارک کی مبارکباد

    کراچی: رمضان المبارک کا آغاز ہوتے ہی کھیلوں اور شوبز کی معروف شخصیات نے سوشل میڈیا پر اپنے مداحوں اور دوستوں کو مبارکباد دینا شروع کردی ہے، جن میں اس ماہ مقدس کے حوالے سے نیک خواہشات کا اظہار کیا گیا ہے، شوبز اور کھیلوں سے وابستہ شخصیات کی بھی اس ماہ مقدس کو لے کر کئی امیدیں ہیں جن کا انہوں نے ٹویٹر پر اظہار کیا ہے۔

    اداکارہ ماہرہ خان کا کہنا تھا کہ رمضان المبارک کی آمد کے ساتھ ہی گھر میں کھانے کی باتیں شروع ہوگئی ہیں، اللہ تعالیٰ ہم سب پر رمضان المبارک میں رحمتوں کی بارش کرے۔


    اداکار ہمایوں سعید کا کہنا تھا کہ تمام عالم اسلام کو رمضان کی آمد مبارک ہو، امید کرتا ہوں کہ ہم رمضان المبارک کے اس بابرکت مہینے میں‌ ایک دوسرے کو عزت دیں گے اور آپس میں‌محبت برقرار رکھیں‌گے.


    بالی ووڈ اداکار رشی کپور نے کہا کہ تمام لوگوں کو رمضان المبارک مبارک ہو۔


    دیگر معروف شخصیات نے رمضان المبارک کی آمد پر مداحوں کو مبارکباد کے پیغامات دئیے ہیں آئیے ان پیغامات پر نظر ڈالتے ہیں۔