ARYNews.tv | Urdu – Har Lamha Bakhabar

Tag: 2 کھیل

  • ورلڈ کپ: آسٹریلیا نے افغانستان کو 275 رنز سے شکست دے دی

    ورلڈ کپ: آسٹریلیا نے افغانستان کو 275 رنز سے شکست دے دی

    پرتھ: ورلڈ کپ میں آسٹریلیانے افغانستان کو دو سو پچھہتر رنز سے  شکست دے دی۔

    پرتھ میں کھیلے گئے میچ میں افغانستان نے ٹاس جیت کر آسٹریلیا کو پہلے بیٹنگ کی دعوت دی جس کا اس نے خوف فائدہ اٹھایا اور مقررہ 50 اوورز میں 5 وکٹوں کے نقصان پر 417 رنز بنا کر ورلڈ کپ میں کسی بھی ٹیم کی جانب سے سب سے زیادہ رنز کی نئی تاریخ رقم کردی۔

    اوپنر ڈیوڈ وارنر نے دھواں دھار بلے بازی کا مظاہرہ کیا اور 133 گیندوں میں 19 چوکوں اور 5 چھکوں کی مدد سے 178 رنز کی جارحانہ اننگز کھیل کرمار مار بولرز کو دن میں تارے دکھا دئیےجبکہ اسٹیون اسمتھ نےشاندار شراکت قائم کرتے ہوئے 98 رنز کی ذمہ دارانہ اننگز کھیلی۔

    ہدف کے تعاقب میں افغانستان کی ٹیم 38ویں اوور میں 142 رنز پر ڈھیر ہوگئی، 30 رنز پر پہلی وکٹ گرنے کے بعد افغانستان کا کوئی بلے باز آسٹریلوی بولروں کے وار جھیل نہ پایا اور آسٹریلیا نے یہ میچ 275 رنز سے اپنے نام کرلیا۔

    بہترین بلے بازی کا مظاہرہ کرنے پر ڈیوڈ وارنر کو مین آف دی میچ قرار دیا گیا۔

  • سرفراز سے اوپننگ کراکے ان کا کیرئیر تباہ نہیں کرنا چاہتے، وقار یونس

    سرفراز سے اوپننگ کراکے ان کا کیرئیر تباہ نہیں کرنا چاہتے، وقار یونس

    نیپیئر: سرفراز احمد کو ٹیم میں شامل کرنے پر ہیڈ کوچ نے نرالی منتق اپنالی ہے، وقار یونس کا کہنا تھا کہ سرفراز کو اوپنر کھلا کر ان کا کیرئیر داؤ پر نہیں لگانا چاہتے۔

    پاکستان کرکٹ ٹیم کے ہیڈ کوچ وقار یونس نے میڈیا سے سرفراز کی شمولیت کے حوالے سے انوکھی منتق اپناتے ہوئے کہا سرفراز سے اوپننگ کراکے ان کا کیرئیر تباہ نہیں کرنا چاہتے۔

    یو اے ای کیخلاف ایک سو انتیس رنز کی کامیابی پر وقار یونس نے کہا کہ عرفان کے انجرڈ ہونے سے نقصان ہوا، یو اے ای کیخلاف میچ ایک سو پچاس سے زائد رنز سے جیتنا چاہتے تھے۔

    وقار یونس نےکہا کہ دو میچز جیت کا ٹیم کو مورال بلند ہے، کوارٹرفائنل میں باآسانی جگہ بنانے کیلئے جنوبی افریقہ کو ہرانا ہماری ضرورت بن گیا ہے۔

     وقار یونس کا کہنا ہےکہ میگاایونٹ میں پاکستان کی کارکردگی کو بہتر نہیں کہا جارہا ہے لیکن تنقید کرنے والے اس بات کو بھی مد نظر رکھیں کہ اس وقت ٹیم کے دو اہم کھلاڑی سعید اجمل اور محمد حفیظ موجود نہیں ہیں۔

    ہیڈ کوچ نے کہا کہ ہم نے ماضی میں کئی مرتبہ جنوبی افریقا کو شکست دی اور اب بھی دے سکتے ہیں۔

  • بوم بوم آفریدی – انوکھا ریکارڈ بنانے والے ہیں

    بوم بوم آفریدی – انوکھا ریکارڈ بنانے والے ہیں

    کراچی (ویب ڈیسک) – بوم بوم آفریدی کا شمار دنیائے کرکٹ کے مایہ ناز کھلاڑیوں میں ہوتا ہے جنہیں نہ صرف پاکستان بلکہ دنیا بھرکے شائقینِ کرکٹ قدر کی نگاہ سے دیکھتے ہیں ۔

    شاہد خان آفریدی کرکٹ میں کئی طرح کے ریکارڈز کے حامل ہیں۔ ورلڈ کپ 2015 میں یو اے ای کے خلاف کھیلتے ہوئے انہوں نے آٹھ ہزاررنز بھی مکمل کرلئے ہیں، آپ آٹھ ہزار رنز مکمل کرنے والے پاکستان کے چوتھے کھلاڑی ہوگئیے ہیں اس سے قبل انضمام الحق، سعید انوراورمحمد یوسف اعزازاپنے نام کرچکے ہیں جبکہ دنیا بھر میں ان کا نمبر 27واں ہے۔

    اس سے قبل سنتھ جیسوریا 13430 رنز اور323رنز بنا کر ایک عمدہ آل راؤنڈ ریکارڈ بنانے میں کامیاب رہے ہیں۔

    آفریدی اس وقت 395وکٹیں لے چکے ہیں اوراگر لالہ مزید پانچ وکٹیں لینے میں کامیاب ہوجاتے ہیں تو 8000 رنزاورچارسو وکٹوں کے ساتھ وہ ایک منفرد ریکارڈ بنانے میں کامیاب ہوجائیں گے۔

    واضح رہے کہ دنیا کی تیزترین سینچری کا ریکارڈ بھی سولہ سال تک شاہد خان آفریدی کے پاس رہا جبکہ34 چھکوں کے ساتھ سب سے زیادہ چھکے لگانے کا ریکارڈ بھی آفریدی سے ہی منسوب ہے۔

    CRICKET-WC-2015-PAK-UAE

    ۔

  • گوگل پر بھی چڑھ گیا کرکٹ ورلڈکپ کے میلے کا رنگ

    گوگل پر بھی چڑھ گیا کرکٹ ورلڈکپ کے میلے کا رنگ

    کراچی: (ویب ڈیسک) گوگل پر بھی چڑھ گیا کرکٹ ورلڈکپ کے میلے کا رنگ۔

    کرکٹ ورلڈکپ کا بخار ایک سو چار ڈگری پر سر چڑھ کر بول رہا ہے۔

     فیس بک ہو یا ٹیوٹر یا کوئی بھی سوشل میڈیا پاک بھارت میچ کو لے کر جہاں سب ہی پرجوش ہیں وہیں۔

    ایسے میں گوگل کیسے پیچھے سکتا تھا وہ بھی میدان میں چوکے چھکے مارنے  آگیا ہے۔

    اپنے منفرد لوگو کے ساتھ گوگل بھی اپنے صارفین کو لمحہ بہ لمحہ باخبر رکھے گا۔

    گوگل کے نئے لوگو میں ایمپائر ہو یا بالر، بیٹ مین یا فیلڈر، وکٹ کیپر کو بھی ایکشن میں دیکھایا گیا ہے۔

     خوبصورت رنگوں کے ساتھ بس کلک کرے اور اب ڈیٹ سے اسکور معلوم کرے۔

  • چیف آف آرمی اسٹاف ہاکی چیمپیئن شپ نیشنل بینک نے جیت لی

    چیف آف آرمی اسٹاف ہاکی چیمپیئن شپ نیشنل بینک نے جیت لی

     راولپنڈی : نیشنل بینک نے پی آئی اے کو ہرا کر پہلی چیف آف آرمی اسٹاف ہاکی چیمپیئن شپ جیت لی۔ راولپنڈی کے ہاکی اسٹیڈیم میں پہلی چیف آف آرمی اسٹاف ہاکی چیمپیئن شپ کا فائنل نیشنل بینک اور پی آئی اے کی ٹیموں کے درمیان کھیلا گیا۔

    نیشنل بینک نے پی آئی اے کو باآسانی دو صفر سے شکست دیکر ہاکی چیمپیئن اپنے نام کی۔ نیٹ ساؤنڈ فائنل میچ کے مہمان خصوصی آرمی چیف جنرل راحیل شریف نے کھلاڑیوں میں میڈلز اور انعامات تقسیم کیے۔

    آرمی چیف نے قومی کھیل کا سنہری دور واپس دلوانے کے عزم کا بھی اظہار کیا۔ تقسیم انعامات کے بعد آرمی چیف نے فاتح ٹیم کو دس لاکھ، رنز اپ کو سات لاکھ اور تیسری پوزیشن پر رہنی والی ٹیم کو پانچ لاکھ روپے کا انعام دیا۔

  • کھلاڑیوں کے فٹنس ٹیسٹ کا آخری مرحلہ آج سے لاہور میں شروع

    کھلاڑیوں کے فٹنس ٹیسٹ کا آخری مرحلہ آج سے لاہور میں شروع

    لاہور: ورلڈ کپ سے قبل کھلاڑیوں کے فٹنس ٹیسٹ کا آخری مرحلہ آج سے لاہور میں شروع ہوگیا، کپتان مصباح الحق سمیت چند کھلاڑی جنوری کے وسط میں فٹنس ٹیسٹ دیں گے۔

    نیشنل کرکٹ اکیڈمی لاہور میں سینڑل کانٹریکٹ میں شامل کھلاڑیوں کی فارم اور فٹنس کا جائزہ لیا جارہا ہے، کپتان مصباح الحق ہیمسٹرنگ انجری کے باعث فٹنس ٹیسٹ میں شامل نہیں ہوں گے، مصباح الحق، احمد شہزاد، یونس خان، سرفراز احمد اور ذوالفقار بابر جنوری کے وسط میں فٹنس ٹیسٹ دیں گے۔

     پی سی بی نے سینڑل کانٹریکٹ کے مطابق ہر چار ماہ بعد کھلاڑیوں کے فٹنس ٹیسٹ کرانے کا فیصلہ کیا ہے اور ورلڈ کپ سے قبل کھلاڑیوں کی جانچ کا یہ آخری مرحلہ ہوگا۔

  • ورلڈکپ کیلئے بنائی گئی پاکستانی جرسی لیک

    ورلڈکپ کیلئے بنائی گئی پاکستانی جرسی لیک

    لاہور: کرکٹ ورلڈ کپ 2015 کو شروع ہونے میں 65 دن باقی ہیں تاہم کرکٹ شائقین کے ذہنوں میں یہی سوال ہے کہ پاکستان ٹیم اس میگا ایونٹ میں کونسی جرسی پہنے گی۔
    کرکٹ کے نگراں عالمی ادارے انٹرنیشنل کرکٹ کونسل نے ورلڈکپ 2015 کے لیے پاکستان کرکٹ ٹیم کی جرسی تیار کرلی ہے جس کی تصاویر آئی سی سی نے سماجی وابطے کی ویب سائٹ پر جاری کی ہیں۔
    میگا اونٹ کی جرسی 1992 ورلڈکپ میں استعمال کی گئی جرسی کی کاپی ہے، جس میں کندھوں پر سفید، لال، نیلے اور سبزرنگ کی پٹیاں لگائی گئی ہیں۔

    دلچسپ بات یہ ہے کہ جب پاکستان نے پہلی بار ورلڈکپ جیتا تو تاریخ میں یہ پہلا موقع تھا کہ رنگین یونیفارم پہن کر کھلاڑی میگاایونٹ میں اترے اور میزبان ممالک نیوزی لینڈ اور آسٹریلیا تھے،2015 کا ورلڈکپ بھی انہی ممالک میں ہورہا ہے اور 22 سال پہلے بنے والی تاریخ کو مدنظر رکھتےہوئے ٹیموں کا یونیفارم بنایا گیا ہے۔

  • اسرائیلی ایمپائرگیند لگنے سے جاں بحق

    اسرائیلی ایمپائرگیند لگنے سے جاں بحق

    یروشلم: کرکٹ کی دنیا کا ایک اور سانحہ ، اسرائیل کی قومی ٹیم کے سابق کپتان اور ایمپائر ایک مقامی میچ کے دوران گیند لگنے سے جاں بحق ہوگئے۔

    ان کی موت کا واقعہ آسٹریلیوی بلے باز فلپ ہیوز کی حادثاتی موت کے محض دو دن بعد ہوئی ہے، فلپ سڈنی میں ہونے والے ایک میچ کے دوران شان ایبٹ کی باوؑنسر لگنے کے نتیجے میں جاں بحق ہوئے تھے۔

    اسرائیلی پولیس نے واقعے کی ابتدائی تفتیش کے بعد کسی فاوؑل پلے کے باعث موت کے امکانات کو مسترد کردیا ہے۔

    پچپن سالہ حلیل آسکر اسرائیل کی قومی کرکٹ ٹیم میں کھیلتے رہے ہیں اور کپتان کی حیثیت سے بھی فرائض انجام دیتے رہے ، ریٹائرمنٹکے بعد انہوں نے بحیثیت ایمپائر اپنے کیرئر کا آغاز کیا۔

    اسرائیل کرکٹ ایسوسی ایشن کے چیف نائرگڈکر کا کہنا ہے کہ یہ نیشنل لیگ کا آخری میچ تھا جس میں بلے باز نے گیند کو کھیلا اور و ہ سیدھی ان کی طرف آئی ، انہوں نے بچنے کوشش کی لیکن موت نے گیند کی صورت انہیں آ دبوچا۔

  • فٹنس اچھی ہے،جلد کم بیک کرونگا،احمدشہزاد

    فٹنس اچھی ہے،جلد کم بیک کرونگا،احمدشہزاد

    لاہور:اوپننگ بیٹسمین احمد شہزادوطن واپس پہنچ گئے،وہ نیوزی لینڈ کے خلاف انجری کاشکارہوکرسیریز سے باہرہوگئےتھے،احمد شہزاد کہتےہیں کوشش کریں گےتیسرے ٹیسٹ میں ٹیم کاحصہ ہوں۔

    اینڈرسن کا باؤنسر مس جج کرنا احمد شہزاد کو مہنگا پڑگیا،جارح مزاج اوپنرگھائل ہوکر تین ہفتوں کیلئے میدان سے باہرہوگئے،احمد شہزاد کا وطن واپس پہنچنے پر میڈیا سے گفتگو میں کہنا تھا کہ انھیں گیند لگی توایسا لگا کہ پچیس لوگوں کو لگی ہو۔

    آرام کے طبی مشورے پر احمد شہزاد کا کہنا تھا کہ تین ہفتوں کا ٹائم ڈاکٹرز نے دیا   فٹنس اچھی ہےتیسرے ٹیسٹ کیلئےکم بیک کریں گے۔

    ایک سوال کے جواب میں احمد شہزاد کا کہنا تھا آسٹریلیا سے ٹی ٹوئنٹی اور ون ڈےسیریزکی ہار سے بہت کچھ سیکھا۔

  • لیجنڈ بھارتی کرکٹر سچن ٹنڈولکر کی کتاب کی رونمائی

    لیجنڈ بھارتی کرکٹر سچن ٹنڈولکر کی کتاب کی رونمائی

    ممبئی : لیجنڈ بھارتی کرکٹر سچن ٹنڈولکر کی کتاب کی رونمائی ممبئی میں ہوگئی۔

    دنیائے کرکٹ پر ریکارڈز کے انباز لگانے والے لٹل ماسٹر سچن ٹنڈولکر نے اپنی یاداشتوں کو کتاب کی شکل دے دی، ٹنڈولکر کی سوانح عمری ( پلئنگ اٹ مائی وے) کی تقریبِ رونمائی ممبئی میں ہوئی، جس میں سابق کپتان سارو گنگولی سمیت نامور کرکٹرز نے شرکت کی۔

    ٹنڈولکرنے اپنی آپ بیتی میں زندگی کے ان پہلوؤں کو اجاگر کیا ہے، جن سے ان کے پرستار ناواقف رہے، ٹنڈولکر نے اپنی کتاب میں کئی سنسنی خیز انکشافات بھی کئے ہیں، جس سے یہ کتاب رونمائی سے قبل ہی متنازع ہوگئی تھی۔

    ٹنڈولکر نے سابق بھارتی کوچ گریگ چیپل پر سازشی ہونے کا الزام عائد کیا۔

    ٹنڈولکر کا کہنا ہے کہ دوہزار گیارہ کا عالمی کپ جیتنا ان کی زندگی کے یادگار لمحات میں سے ایک ہے، دوہزار تیرہ میں انٹرنیشنل کرکٹ کو خیرباد کہنے والے لیجنڈ بیٹسمین کوبھارت کے سب سے بڑے سول ایوارڈ بھارت رتنا سے بھی نوازا گیا۔