ARYNews.tv | Urdu – Har Lamha Bakhabar

Tag: 2 کھیل

  • کون ہوگا فاتح؟ راولپنڈی ٹیسٹ دلچسپ مرحلے میں داخل

    کون ہوگا فاتح؟ راولپنڈی ٹیسٹ دلچسپ مرحلے میں داخل

    راولپنڈی ٹیسٹ دلچسپ مرحلے میں داخل،انگلینڈ کو جیت کے لئے 8 وکٹ درکا جبکہ پاکستان کو 263 رنز بنانے ہونگے۔

    تفصیلات کے مطابق پاکستان اور انگلینڈ کے درمیان جاری راولپنڈی ٹیسٹ کے چوتھے روز کا کھیل ختم ہوگیا ہے، پاکستان نے اپنی دوسری اننگز میں دو وکٹوں پر 80 رنز بنالئے ،امام الحق 43 اور سعود شکیل 24 رنز کے ساتھ کریز پر موجود ہے۔

    قومی ٹیم کو کھیل کے آخری روز جیت کے لیے 263 رنز درکار ہیں جبکہ انگلینڈ کو فتح کے لئے 8 وکٹوں کی ضرورت ہے۔Image

    اس سے قبل انگلش ٹیم نے اپنی دوسری اننگز میں 7 وکٹوں کے نقصان پر 264 رنز بناکر ڈیکلئر کردی تھی اورپاکستان جو جیت کے لئے 343 رنز کا ہدف دیا۔

    یہ بھی پڑھیں: پنڈی ٹیسٹ، انگلینڈ کا پاکستان کو جیت کیلیے 343 رنز کا ہدف

    انگلینڈ کی جانب سے ہیری بروک ٹیسٹ کی دوسری اننگ میں اپنی دوسری سنچری کرنے سے محروم رہے اور 87 رنز بنا کر آؤٹ ہوئے، جوئے روٹ 73 اور کرولے نے 50 رنز کی اننگز کھیلی۔

    پاکستان کی جانب سے نسیم شاہ، محمد علی، زاہد حسین نے دو، 2 وکٹیں حاصل کیں جب کہ آغا سلمان نے ایک کھلاڑی کو آؤٹ کیا۔

  • انگلش کھلاڑی نے سب کو حیران کر دیا (ویڈیو)

    انگلش کھلاڑی نے سب کو حیران کر دیا (ویڈیو)

    انگلینڈ کے مایہ ناز بلے باز جو روٹ نے اتوار کو کرکٹ کی دنیا کو اس وقت حیران کر دیا جب انہوں نے پاکستان کے خلاف پہلے ٹیسٹ میں بائیں ہاتھ سے بیٹنگ کی۔

    بلے بازوں کے لیے سازگار پچ پر جوروٹ نے نصف سنچری بنانے کے بعد اپنا بیٹنگ انداز کی بدل ڈالا اور نے پاکستانی اسپنر کے چھٹے اوور کی پہلی دو گیندوں پر زاہد محمود کا بائیں ہاتھ سے سامنا کیا۔

    انگلینڈ کے سابق کپتان نے پہلی گیند کو براہ راست اسکوائر لیگ پر فیلڈر کو سوئپ کیا اور نسیم شاہ کے ہاتھوں کیچ وکٹ گنواتے گنواتے بچ گئے۔ فیلڈر نے بھرپور کوشش کی تاہم کیچ ڈراپ ہو گیا۔

    انہوں نے 73 رنز کی تیز رفتار اننگز کھیلی جو کہ عمومی طور پر کا ان کا اندازِ بیٹنگ نہیں تھا۔

    پاکستان میں 17 سال بعد کھیلنے والی انگلینڈ ٹیم کو سپورٹ کرنے کے لیے انگلش شائقین کے ساتھ ساتھ اہلِ خانہ بھی راولپنڈی میں موجود ہیں۔

    انگلینڈ کے مایہ ناز کھلاڑی جوئے روٹ کے والد میٹ روٹ بھی تاریخی روالپنڈی ٹیسٹ کو دیکھنے کے لیے میدان میں نظر آئے۔

  • پنڈی ٹیسٹ، انگلینڈ کا پاکستان کو جیت کیلیے 343 رنز کا ہدف

    پنڈی ٹیسٹ، انگلینڈ کا پاکستان کو جیت کیلیے 343 رنز کا ہدف

    پنڈی ٹیسٹ دلچسپ مرحلے میں داخل ہوگیا ہے اور انگلینڈ نے چوتھے روز دھواں دھار بیٹنگ کرکے پاکستان کو جیت کے لیے 343 رنز کا ہدف دیا ہے۔

    ٹیسٹ میچ کے چوتھے روز پہلے سیشن میں پاکستان کی پوری ٹیم 579 رنز بنا کر آؤٹ ہوگئی تھی اور انگلینڈ کو 78 رنز کی برتری ملی تھی، جو اس نے دوسری اننگ میں انتہائی تیز رفتاری سے کھیلتے ہوئے 342 تک پہنچا دی۔

    انگلینڈ نے اپنی دوسری اننگ کا آغاز انتہائی تیز رفتاری سے کیا اور بلے بازوں نے دھواں دھار بیٹنگ کی۔ انگلش بلے بازوں نے صرف 35.5 اوورز میں ساڑھے 7 سے بھی زائد کی اوسط کی کھیلتے ہوئے 7 وکٹوں پر 264 رنز بنا کر چائے کا وقفہ ہوتے ہی اننگ ڈیکلیئر کرنے کا اعلان کردیا۔

    انگلینڈ کی جانب سے ہیری بروک ٹیسٹ کی دوسری اننگ میں اپنی دوسری سنچری کرنے سے محروم رہے اور 87 رنز بنا کر آؤٹ ہوگئے۔ جوئے روٹ نے 73 اور کرولے نے 50 رنز کی اننگز کھیلیں۔

    پاکستان کی جانب سے نسیم شاہ، محمد علی، زاہد حسین نے دو، 2 وکٹیں حاصل کیں جب کہ آغا سلمان نے ایک کھلاڑی کو آؤٹ کیا۔

    یہ بھی پڑھیں: پنڈی ٹیسٹ، قومی ٹیم پہلی اننگ میں 579 رنز بنا کر آؤٹ

    پاکستانی بلے بازوں نے 343 کے ہدف کا تعاقب شروع کردیا ہے اور بغیر کسی نقصان کے 16 رنز بنا لیے ہیں۔

  • سعودی فٹ بال کھلاڑیوں سے متعلق کوچ کا بیان

    سعودی فٹ بال کھلاڑیوں سے متعلق کوچ کا بیان

    فیفا ورلڈ کپ میں سعودی ٹیم کے کوچ ایروی رینارڈ نے کہا ہے کہ سعودی کھلاڑیوں نے بہترین کارکردگی کا مظاہرہ کیا۔

    سبق ویب سائٹ کے مطابق سعودی قومی ٹیم کے کوچ ایروی رینارڈ نے قطر ورلڈ کپ کے دوران میچز میں سعودی کھلاڑیوں کی کارکردگی کو کھل کر سراہا۔

    فرانسیسی کوچ ایروی رینارڈ نے کہا کہ فیفا ورلڈ کپ میں سعودی کھلاڑیوں نے بہترین کارکردگی کا مظاہرہ کیا ہے۔ انھوں نے سعودی سپورٹرز کا شکریہ بھی ادا کیا۔

    انھوں نے کہا کہ فیفا ورلڈ کپ کے یاد گار لمحے ان کے ذہن میں محفوظ رہیں گے، ٹیم نے ارجنٹائن کو شکست دے کر ایک تاریخی میچ کھیلا تھا تاہم بعد میں پولینڈ اور میکسیکو سے سعودی ٹیم ہار گئی۔

    یاد رہے کہ فرانسیسی کوچ ایروی رینارڈ 2019 سے سعودی ٹیم کے ساتھ وابستہ ہیں، اس سے قبل وہ مراکشی ٹیم کے کوچ رہے، جس نے روس میں منعقد ہونے والے ورلڈ کپ میں شان دار کارکردگی کا مظاہرہ کیا تھا۔

    ایروی رینارڈ کی سربراہی میں سعودی ٹیم نے اب تک 39 میچ کھیلے ہیں، جن میں 20 میچ جیت چکی ہے، 10 میچوں میں نتیجہ برابر رہا جب کہ 9 میچوں میں ٹیم ہار گئی تھی۔

  • پنڈی ٹیسٹ، قومی ٹیم پہلی اننگ میں 579 رنز بنا کر آؤٹ

    پنڈی ٹیسٹ، قومی ٹیم پہلی اننگ میں 579 رنز بنا کر آؤٹ

    راولپنڈی ٹیسٹ کے چوتھے روز پاکستان کی پوری ٹیم پہلی اننگ میں 579 رنز بنا کر آؤٹ ہوگئی انگلینڈ کو پہلی اننگ میں 78 رنز کی برتری ملی ہے۔

    اے آر وائی نیوز کے مطابق راولپنڈی ٹیسٹ کے چوتھے روز پاکستان کی پوری ٹیم پہلی اننگ میں 579 رنز بنا کر آؤٹ ہوگئی۔ مہمان ٹیم کو 78 رنز کی برتری ملی ہے۔ انگلش بولر ول جیکس نے کیریئر بیسٹ بولنگ کرتے ہوئے 6 وکٹیں حاصل کیں۔

    قومی ٹیم نے ٹیسٹ میچ کے چوتھے روز 7 وکٹوں پر 499 رنز پر دوبارہ بیٹنگ کا آغاز کیا۔ پاکستان کو پہلا نقصان 554 کے مجموعے پر اٹھانا پڑا جب آغا سلمان نصف سنچری بنانے کے بعد ول جیکس کی وکٹ بنے۔

    آنے والے بقیہ دو کھلاڑی صرف 25 رنز کا اضافہ کرسکے اور پوری ٹیم 554 رنز کے مجموعے پر پویلین لوٹ گئی۔ زاہد محمود 17 اور حارث رؤف 12 رنز بنا کر آؤٹ ہوئے۔

    آج کی تینوں وکٹیں ول جیکس نے حاصل کیں اور اننگ میں 6 کھلاڑی آؤٹ کرکے کیریئر کی سب سے بہترین بولنگ کی۔

    اس سے قبل گزشتہ روز پاکستان کے کپتان بابر اعظم سمیت دونوں اوپنر عبداللہ شفیق اور امام الحق نے سنچریاں اسکور کی تھیں۔ بابر اعظم نے 136، امام الحق نے 121 جب کہ عبداللہ نے 114 رنز کی اننگزکھیلی تھیں۔

  • فرانس یا پولینڈ، سینیگال یا انگلینڈ کون آگے اور کون گھر جائیگا؟ فیصلہ آج ہوگا

    فرانس یا پولینڈ، سینیگال یا انگلینڈ کون آگے اور کون گھر جائیگا؟ فیصلہ آج ہوگا

    فیفا ورلڈ کپ کے ناک آؤٹ مرحلے میں آج دو پری کوارٹر فائنل کھیلے جائیں گے جس میں فاتح دو ٹیمیں کوارٹر فائنل کا ٹکٹ کٹائیں گے جب کہ ہارنے والی گھروں کو واپس جائیں گی۔

    اے آر وائی نیوز کے مطابق قطر میں جاری دنیا کے سب سے مقبول کھیل فٹبال ورلڈ کپ سنسنی خیز ناک آؤٹ مرحلے میں داخل ہوگیا ہے۔ آج مزید دو میچز ہوں گے جن کی فاتح ٹیمیں ٹرافی کے حصول کی جانب پیش قدمی جاری رکھیں گی جب کہ ناکام ٹیمیں خالی ہاتھ گھروں کو لوٹیں گی۔

    آج تیسرا پری کوارٹر فائنل میں دفاعی چیمپئن فرانس اپنے اعزاز کے دفاع کے لیے اگلے مرحلے تک رسائی کا عزم لے کر میدان میں اترے گی جہاں اس کا مقابلہ لیون ڈوسکی کی پولینڈ سے ہوگا یہ میچ پاکستانی وقت کے مطابق رات 8 بجے کھیلا جائے گا۔

    پری کوارٹر فائنل مرحلے کا چوتھا میچ انگلینڈ اور سینیگال کی ٹیموں کے درمیان ہوگا جس کا آغاز رات 12 بجے ہوگا۔

    یہ بھی پڑھیں: میسی کا جادو چل گیا، آسٹریلیا کو ہرا کر ٹرافی کیجانب ایک اور قدم بڑھا دیا

    برازیل اور نیدر لینڈ کوارٹر فائنل مرحلے میں پہنچنے والی پہلی دو ٹیمیں ہیں۔

    میگا ایونٹ کے تمام میچ اے اسپورٹس اور اے آر وائی زیپ پر براہ راست نشر کیے جا رہے ہیں۔

  • میسی کا جادو چل گیا، آسٹریلیا کو ہرا کر ٹرافی کیجانب ایک اور قدم بڑھا دیا

    میسی کا جادو چل گیا، آسٹریلیا کو ہرا کر ٹرافی کیجانب ایک اور قدم بڑھا دیا

    قطر میں جاری فیفا ورلڈ کپ کے ناک آؤٹ پری کوارٹر فائنل مرحلے میں میسی کی ارجنٹائن نے آسٹریلیا کو شکست دے کر ٹرافی کی جانب ایک قدم اور بڑھا دیا۔

    قطر میں جاری دنیا کے سب سے مقبول کھیل فٹبال ورلڈ کپ سنسنی خیز ناک آؤٹ مرحلے میں داخل ہوگیا ہے۔ گزشتہ روز میسی کی ارجنٹائن نے دوسرے پری کوارٹر فائنل میچ میں آسٹریلیا کو شکست دے کر گھر کا راستہ دکھا دیا۔

    پری کوارٹر فائنل میں میسی کا جادو چلا اور کپتان نے پہلے ہی ہاف میں شاندار گول کردیا۔ کھیل کے 57 ویں منٹ میں الواریز نے دوسرا گول کرکے ٹیم کی پوزیشن مستحکم کی۔

    آسٹریلیا کے فرنینڈز نے گول کر کے برتری کو کم کیا لیکن کھیل کے اختتام تک مزید کوئی گول نہ ہوسکا یوں ارجنٹینا نے ایک کے مقابلے میں دو گول سے شکست دے کر کینگروز کو واپسی کا ٹکٹ تھمایا۔

    اس سے قبل کھیلے گئے پہلے پری کوارٹر فائنل میں نیدر لینڈز امریکا پر کاری وار کیا اور تین ایک سے فتح اپنے نام کرکے کوارٹر فائنل میں پہنچنے والی پہلی ٹیم بن گئی۔

  • میچ کی ٹکٹیں حاصل کیے بغیر شائقین قطر کیسے آ سکتے ہیں؟

    میچ کی ٹکٹیں حاصل کیے بغیر شائقین قطر کیسے آ سکتے ہیں؟

    دوحہ: فیفا ورلڈ کپ کے میچز دیکھنے کے لیے اگر شائقین کے پاس ٹکٹ نہیں ہے، تو کیا وہ قطر آ سکتے ہیں؟ اس سوال کا جواب قطری انتظامیہ نے اثبات میں دیا ہے۔

    تفصیلات کے مطابق قطر کی جانب سے فٹ بال کے شائقین کو بڑی سہولت دے دی گئی، فیفا ورلڈ کپ کی قطری انتظامیہ نے کہا ہے کہ میچ کی ٹکٹیں حاصل کیے بغیر بھی شائقین قطر آ سکتے ہیں۔

    سبق ویب سائٹ کے مطابق انتظامیہ نے کہا ہے کہ اگر شائقین کے پاس هیا کارڈ ہے تو وہ بغیر میچ ٹکٹ بھی قطر آ سکے ہیں، هیا کارڈ کی مدد سے قطر میں داخلے کے لیے انھیں ہوٹل بکنگ کے علاوہ 500 قطری ریال جمع کرانے ہوں گے۔

    واضح رہے کہ هیا کارڈ فیفا ورلڈ کے دوران قطر میں داخلے کے لیے ویزہ کی طرح ہے جس کے بغیر اسٹیڈیم میں داخلہ بھی ممکن نہیں۔ جن شائقین کے پاس هیا کارڈ کے علاوہ میچ کی ٹکٹیں ہیں، ان سے 500 ریال فیس وصول نہیں کی جائے گی۔

    انتظامیہ کے مطابق فیس سے 12 سال سے کم عمر بچوں کو استثنیٰ ہے جب کہ میچ کی ٹکٹ خریدنے پر فیس واپس نہیں ہوگی، بری راستے سے آنے والے شائقین کے لیے بھی هیا کارڈ ضروری ہے جس کے بغیر انھیں داخلے کی اجازت نہیں ہوگی۔

  • ٹیسٹ کرکٹ کی آٹھویں سنچری، بابر اعظم ٹاپ ٹرینڈ بن گئے

    ٹیسٹ کرکٹ کی آٹھویں سنچری، بابر اعظم ٹاپ ٹرینڈ بن گئے

    راولپنڈی ٹیسٹ کے تیسرے روز قومی ٹیم کے کپتان بابر اعظم نے انگلینڈ کے خلاف شاندار سنچری اسکور کردی۔

    تیسرے روز کھیل کے اختتام پر پاکستان نے 7 وکٹوں کے نقصان پر 499 رنز بنالیے ہیں جبکہ انگلینڈ کی برتری ختم کرنے کے لیے مزید 158 رنز درکار ہیں، پاکستان کی جانب سے بابر اعظم، عبداللہ شفیق اور امام الحق کی شاندار سنچریاں اسکور کیں۔

    بابر اعظم نے 168 گیندوں پر 136 رنز کی شاندار اننگز کھیلی ان کی اننگز میں 19 چوکے اور ایک چھکا شامل تھا۔

    انہوں نے کیریئر کی آٹھویں سنچری اسکور کی ہے، اس سے قبل وہ سری لنکا کے خلاف تین سنچریاں جبکہ آسٹریلیا کے خلاف دو، نیوزی لینڈ اور بنگلہ دیش کے خلاف ایک، ایک سنچری بناچکے ہیں۔

    مایہ ناز بیٹر رواں سال 10 اننگز میں تین سنچریاں اور چار نصف سنچریاں اسکور کرچکے ہیں۔ واضح رہے کہ قومی ٹیم کے کپتان رواں سال ٹیسٹ کی 44 اننگز میں 2075 رنز بنائے ہیں۔

    بابر اعظم شاندار سنچری کے ساتھ ٹوئٹر پر بھی ٹاپ ٹرینڈ بن گئے اور ان کے مداحوں کی جانب سے ان کی اننگز کی تعریف کی جارہی ہے۔

    ایک کمسن بچی نے پلے کارڈ اٹھا رکھا ہے جس میں وہ بتا رہی ہیں کہ ’بابر اعظم کی بیٹنگ دیکھنے کے لیے انہوں نے اسکول سے چھٹی کی ہے۔‘

    سوشل میڈیا صارفین کی جانب سے ان کے خوبصورت کور ڈرائیو کی ویڈیو شیئر کی جارہی ہیں اور ایک بار پھر بابر اور کوہلی کا موازنہ کیا جارہا ہے۔

  • نیدرلینڈز امریکا کو شکست دے کر کوارٹر فائنل میں

    نیدرلینڈز امریکا کو شکست دے کر کوارٹر فائنل میں

    دوحہ : قطر میں جاری فیفا ورلڈ کپ 2022 کے پری کوارٹر فائنل مرحلے میں سخت مقابلے کے بعد نیدر لینڈ نے امریکا کو ایک کے مقابلے میں تین گول سے شکست دے دی۔

    تفصیلات کے مطابق فیفا ورلڈ کپ 2022 کے اہم میچ میں نیدرلینڈز نے امریکا کو ہرا کر کوارٹر فائنل میں جگہ بنالی، پری کوارٹرفائنل میں امریکاکو1-3سے شکست کا سامنا کرنا پڑا۔

    ڈچ ٹیم کیلئے پہلاگول میمفس ڈیپے نے کیا، ٹیم نے پہلے ہاف میں 2گول اسکور کیے، نیدرلینڈز نے دوسرے ہاف میں بھی ایک گول کیا۔

    ڈچ ٹیم کے کھلاڑیوں ڈیپے، بلنڈ، ڈم فرائس نے فٹبال جال میں پہنچائی، امریکا کیلئے واحد گول حاجی عامر رائٹ نے دوسرے ہاف میں کیا۔