Tag: squirrel

امریکی ریاست ٹینیسی کے ایک قصبے میں ایک گلہری نے سیکڑوں گھروں کی بجلی کاٹ دی۔

یہ واقعہ امریکی ریاست کے ایک قصبے ڈکسن میں حکام نے بتایا کہ پاور ہاؤس میں ایک گلہری کی وجہ سے قصبے کے ایک تہائی صارفین بجلی سے محروم ہوگئے ہیں۔

ڈکسن الیکٹرک حکام نے ایک ٹوئٹ میں بتایا کہ ایک پیاری سی گلہری نے اسٹیشن میں داخل ہونے کے بعد افراتفری مچادی جس کے بعد تھوڑی دیر کے لیے صارفین بجلی سے محروم ہوگئے۔

الیکٹرک حکام نے ٹوئٹ کے ذریعے وضاحت دی کہ بجلی صرف تھوڑی دیر کیلئے بند کی گئی تھی، ایک وقت میں ہم ایک تہائی صارفین کی بجلی نہیں بند کرسکتے، اگر کبھی ہم ایسا کرتے ہیں تو اس سے متعلق آپ کو پہلے آگاہ کیا جائے گا۔

الیکٹرک حکام نے مزید کہا کہ بن بلائے مہمان کے آنے کی وجہ سے بجلی بند کی گئی تھی۔

ٹورنٹو: کینیڈا میں ایک خاتون خانہ کی غفلت کی وجہ سے معصوم جانور گلہری کی جان اس وقت خطرے میں پڑ گئی جب اس نے ایک تیز دھار چاقو کو اٹھا کر کھیلنا شروع کر دیا۔

غیر ملکی میڈیا کے مطابق یہ واقعہ چند دن قبل کینیڈا کے شہر ٹورنٹو کے ایک علاقے میں پیش آیا، جب گھر کے پچھلے احاطے کی دیوار پر پڑے چاقو کی چمک دیکھ کر گلہری اس کی طرف بڑھی۔

روزڈیل علاقے کی رہائشی خاتون خانہ اینڈریا ڈائمنڈ نے اس منظر کی ویڈیو بھی بنا ٹویٹر پر ڈالی، جس میں گلہری کو چاقو سے کھیلتے دیکھا جا سکتا ہے، گلہری شاید چاقو کو سمجھنے کی کوشش کر رہی تھی۔

خاتون نے بتایا کہ جب کہ وہ پچھلے احاطے میں آئی تو ایک گلہری کو چاقو ہاتھوں میں پکڑے دیکھ کر دنگ رہ گئی، گلہریاں یہاں اکثر دکھائی دے جاتی ہیں لیکن بدھ کی صبح کا منظر بالکل مختلف تھا، گلہری نے وہ چاقو اٹھایا ہوا تھا جو اس نے وہاں چھوڑ دیا تھا۔

So apparently knife wielding squirrels are a thing now…. #Squirrels #Toronto #blogto pic.twitter.com/bEDpTqYcS6

— Andrea Diamond (@asdiamond) January 6, 2021

امریکی خاتون نے گلہری کی ویڈیو پوسٹ کرتے ہوئے لکھا تو اب گلہری بھی چھری چلائے گی، انھوں نے بتایا کہ گلہری کچھ دیر تک چاقو کو چبانے کی کوشش کرتی رہی، اور پھر چھوڑ کر چلی گئی لیکن کچھ دیر بعد پھر آئی اور پھر اسے چبانے کی کوشش کرنے لگی۔

اینڈریا ڈائمنڈ کا دعویٰ تھا کہ گلہری نے خود کو چاقو سے سے زخمی نہیں کیا تھا، تاہم خاتون کی غفلت سے گلہری زخمی بھی ہو سکتی تھی۔

اڑیسہ: پیاس سے بے حال ایک گلہری راہ گیر سے پانی مانگنے پر مجبور ہو گئی، اس دل پگھلا دینے والے منظر کی ویڈیو سوشل میڈیا پر بڑی تیزی سے وائرل ہو گئی۔

تفصیلات کے مطابق بھارتی ریاست اڑیسہ میں تعینات ایک فاریسٹ افسر نے 16 جولائی کو ٹویٹر پر ایک ویڈیو شیئر کی ہے، جس میں ایک پیاسی گلہری ایک راہ گیر سے بار بار پانی مانگتی دکھائی دے رہی ہے۔

ویڈیو کے مطابق گرمی اور پیاس سے بے حال ایک گلہری نے پاس کھڑے ایک شخص کے ہاتھ میں پانی کی بوتل دیکھی تو دورتی ہوئی اس کے پاس آئی اور پچھلی ٹانگوں پر کھڑی ہو کر اس سے باقاعدہ طور پر پانی مانگنے لگی۔

ویڈیو میں صاف طور پر دیکھا جا سکتا ہے کہ گلہری کھڑی ہو کر بار بار پانی کے لیے اشارے کر رہی ہے، قریب کھڑی عورت مرد سے کہہ رہی ہے کہ یہ پیاسی ہے، تم اسے پانی کیوں نہیں دے رہے ہو۔

Squirrel asking for water…. pic.twitter.com/JNldkB0aWU

— Susanta Nanda IFS (@susantananda3) July 16, 2020

اس کے بعد اس شخص نے نیچے جھک کر پانی کی بوتل گلہری کے منہ سے لگا دی، اور گلہری پانی پینے لگی۔

یہ ویڈیو دیکھ کر لاکھوں دل پگھل گئے، ویڈیو بڑی تیزی سے وائرل ہوئی، اب تک اسے لاکھوں لوگ دیکھ چکے ہیں، ٹویٹر پر اسے 38 ہزار لائک ملے۔

ایک یوزر نے اس ویڈیو پر تبصرہ کیا کہ بے چاری پیاسی گلہری کو بوتل کا پانی مانگتے دیکھ کر دکھ ہوا، اسے تو اپنے فطری مسکن میں پانی ڈھونڈنا چاہیے تھا لیکن ہم نے ان کا مسکن تباہ کیا ہوا ہے جس کی وجہ سے ان کو یہ دن دیکھنا پڑ رہا ہے۔

کراچی: کسی بھی زخمی جانور یا اُس کے بچے کو گھر لاکر اُس کی پرورش کرنا اور پھر صحت مند ہونے کے بعد اُسے جنگل میں چھوڑنے کا عمل بہت دل افروز ہوتا ہے۔

امریکا کے ایک شہری جو جنگلی جانوروں کے حقوق کے لیے بھی کوشاں ہیں انہیں سڑک کنارے گلہری کا زخمی بچہ ملا جسے وہ اٹھا کر گھر لے آئے اور مرہم پٹی کر کے اُس کی دیکھ بحال کی۔

شہری نے 6 ماہ تک گلہری کی دیکھ بحال کی اور جب اُنہیں اس بات کا علم ہوا کہ وہ اب اپنی زندگی گزار سکتا تو وہ اسے چھوڑنے کے لیے جنگل گئے اور اُسے درخت پر چھوڑ دیا۔

یہ بھی دیکھیں: جنگلی بلی کی طوطے پر حملے کی نایاب ویڈیو

جانور چاہیے جو بھی ہو جب اُس کی مالک سے انسیت ہوجائے تو جدا ہوتے وقت دونوں افسردہ ہوتے ہیں، ویسے تو گلہری پالتو جانور نہیں مگر زخمی بچے کو مالک سے اتنی انسیت ہوگئی کہ وہ آزاد ہونے کے بعد بھی جانے کے لیے تیار نہیں تھا۔

جدائی کے جذباتی منظر کی ویڈیو بنائی گئی ، مالک نے جیسے ہی گلہری کو درخت پر چھوڑا اُسے پیار کیا اور خدا حافظ کہتے ہوئے نصیحت کی کہ تم اپنی زندگی گزارنے کے قابل ہوچکی ہو۔

افسوسناک منظر اُس وقت دیکھا گیا کہ جیسے ہی مالک نے گلہری کو چھوڑا اور اُسے پیار کیا یک دم بلی نے حملہ کیا اور اُسے منہ میں دبا کر بھاگ گئی۔

ویڈیو دیکھیں

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔