ARYNews.tv | Urdu – Har Lamha Bakhabar

Tag: Sri Lanka

  • سری لنکا نے بنگلادیش کو ون ڈے سیریز میں شکست دیدی

    سری لنکا نے بنگلادیش کو ون ڈے سیریز میں شکست دیدی

    سری لنکا نے بنگلادیش کو تیسرے ون ڈے انٹرنیشنل میں 99 رنز سے شکست دیکر تین میچوں کی ون ڈے سیریز میں 1-2 سے کامیابی حاصل کرلی۔

    سری لنکا نے بنگلادیش کو پالی کیلے میں کھیلے گئے تیسرے ون ڈے انٹرنیشنل میچ میں 99 رنز کے بھاری مارجن سے ہرادیا۔

    پہلے بیٹنگ کرتے ہوئے سری لنکا نے 7 وکٹوں کے نقصان پر 285 رنز بنائے۔ کشال مینڈس نے 124 رنز کی شاندار اننگز کھیلی جبکہ کپتان چارتھ اسالنکا نے 58 رنز بنائے۔

    بنگلا دیش کی طرف سے تسکین احمد اور مہدی حسن میراز نے دو، تنظیم حسن، تنویر اسلام اور شمیم حسین نے ایک، ایک کھلاڑی کو پویلین کی راہ دکھائی۔

    بنگلادیشی ٹیم ہدف کے تعاقب میں 39.4 اوورز میں 186 رنز بناکر چلتی بنی، توحید ہردوئے 51 رنز کے ساتھ نمایاں رہے۔

    سری لنکا کے اسیتھا فرنینڈو اور دشمنتھا چمیرا نے تین، تین کھلاڑیوں کو آؤٹ کیا، دونیتھ ویلالاگے اور ونندو ہاسارنگا نے دو، دو وکٹیں گرائیں۔

    خاتون سے زیادتی کے کیس میں بھارتی کرکٹر کیخلاف مقدمہ درج

    لنکا ٹائیگرز نے ون ڈے سیریز کے پہلے میچ میں 77 رنز جبکہ دوسرے میچ میں بنگلادیش نے 16 رنز سے کامیابی حاصل کی تھی۔

    اس سے قبل سری لنکا نے بنگلادیش کو دو ٹیسٹ میچوں کی سیریز میں 0-1 سے ہرایا تھا، دونوں ٹیموں کے درمیان تین ٹی 20 میچز پر مشتمل سیریز کا پہلا میچ جمعرات 10 جولائی کو پالی کیلے میں کھیلا جائے گا۔

  • سری لنکا سے ٹیسٹ سیریز میں شکست کے بعد بنگلا دیشی کپتان کا بڑا اعلان

    سری لنکا سے ٹیسٹ سیریز میں شکست کے بعد بنگلا دیشی کپتان کا بڑا اعلان

    ڈھاکا: بنگلہ دیش کرکٹ ٹیم کے ٹیسٹ کپتان نجم الحسن شنٹو نے سری لنکا کے خلاف ٹیسٹ سیریز میں شکست کے بعد ٹیسٹ ٹیم کی کپتانی چھوڑنے کا اعلان کردیا۔

    کرک انفو کی رپورٹ کے مطابق نجم الحسن شنٹو سری لنکا کے خلاف دوسرے ٹیسٹ میں شکست کے بعد کپتانی سے دستبردار ہوئے، سری لنکا نے دوسرے ٹیسٹ میں بنگلا دیش کو ایک اننگز اور78 رنز سے شکست دی۔

    سری لنکا ٹیم سے شکست کے بعد نجم الحسن شنٹو نے پریس کانفرنس میں یہ اعلان کیا اور کہا کہ میں ٹیسٹ فارمیٹ میں مزید کپتانی جاری نہیں رکھنا چاہتا، یہ کوئی ذاتی فیصلہ نہیں بلکہ ٹیم کے مفاد میں ہے۔

    انہوں نے مزید کہا کہ تین الگ الگ فارمیٹس میں تین کپتان رکھنا ٹیم کے لیے سودمند نہیں ہوگا، میں کچھ عرصے سے ڈریسنگ روم کا حصہ ہوں اور سمجھتا ہوں کہ تین فارمیٹس میں تین کپتان رکھنا سمجھداری نہیں، یہ فیصلہ میں نے کچھ دن پہلے بورڈ کو بتا دیا تھا۔

    نجم الحسن شنٹو نے مزید کہا کہ کپتانی سے دستبردار ہونے کے اس فیصلے کے پیچھے کوئی جذباتی ردعمل یا ذاتی مایوسی نہیں، میں چاہتا ہوں کہ لوگ اسے جذباتی فیصلہ نہ سمجھیں، میرا یہ فیصلہ مکمل طور پر ٹیم کے فائدے کے لیے کیا گیا ہے۔

    یاد رہے کہ رواں ماہ کے آغاز میں نجم الحسن شنٹو کو ون ڈے ٹیم کی قیادت سے بھی ہٹا کر ان کی جگہ مہدی حسن کو کپتان مقرر کیا گیا تھا۔

    https://urdu.arynews.tv/bangladesh-young-batsman-najamul-hussain-captain-all-three-formats/

  • سری لنکا میں فوجی ہیلی کاپٹر گر کر تباہ، 6 افسران ہلاک

    سری لنکا میں فوجی ہیلی کاپٹر گر کر تباہ، 6 افسران ہلاک

    سری لنکا میں فوجی ہیلی کاپٹر حادثے کا شکار ہوگیا، بدقسمت ہیلی کاپٹر میں فورسز کے 12 سے زائد اہلکار اور افسران موجود تھے۔

    بین الاقوامی خبر رساں ادارے کی رپورٹ کے مطابق فضائیہ کے اہلکار نے بتایا کہ فوجی ہیلی کاپٹر وسطی سری لنکا میں گر کر تباہ ہوا، جس میں مسلح افواج کے ایک درجن اہلکار و افسران موجود ہے۔

    سری لنکا کی فضائیہ کے ترجمان کے مطابق حادثے میں 6 افراد ہلاک ہوچکے ہیں، جبکہ باقی 6 افراد کو ریسکیو کرکے اسپتال منتقل کردیا گیا ہے۔ جبکہ اس حوالے سے تحقیقات شروع کردی گئی ہیں۔

    واضح رہے کہ گزشتہ روز بھارتی ریاست اتھرکھنڈ میں ہیلی کاپٹر گر کر تباہ ہوگیا تھا، حادثے میں 6 افراد ہلاک ہوگئے تھے۔

    تفصیلات کے مطابق بھارتی ریاست اتراکھنڈ میں ہیلی کاپٹر گر کر تباہ ہوگیا تھا، بھارتی میڈیا کا کہنا ہے حادثے میں 6 افراد ہلاک ہوگئے، ہیلی کاپڑ گرنے کا واقعہ اترا کاشی میں رونما ہوا۔

    ریسکیو ادارے فوری جائے وقوعہ پر پہنچ گئے اور امدادی کارروائیاں شروع کردیں تاہم حادثے کی وجہ نہیں بتائی گئی۔

    ریاست اترا کھنڈ کے وزیر اعلیٰ پشکر سنگھ دھامی نے سوشل میڈیا پر واقعے کی اطلاع دیتے ہوئے انسانی جانوں کے ضیاع پر افسوس کا اظہار کیا۔

    وزیر اعلیٰ نے مقامی انتظامیہ کو حادثے میں ہلاک افراد کے اہلخانہ سے ہر ممکن تعاون کرنے کے احکامات جاری کرتے ہوئے حادثے کی وجوہات جاننے کے لیے تحقیقات کا حکم دے دیا ہے۔

    دورہ مشرق وسطیٰ میں خلیج فارس کا نام تبدیل کردوں گا، ٹرمپ

    دفاعی ماہرین کا کہنا ہے تکنیکی مسائل کی وجہ سے بھارتی فضائیہ میں حادثات معمول بن چکے ہیں اور بھارتی فضائیہ میں مسلسل حادثے کے باعث ان کے جہازوں کو اڑتے تابوت کا نام دیا جاتاہے۔

    بھارتی فضائیہ میں رونما ہونے والے حادثات نے ادارے کی پیشہ ورانہ اورتربیتی کمزریوں کو بے نقاب کردیا ہے۔

  • مسافر ٹرین کی ٹکر سے 6 ہاتھی ہلاک

    مسافر ٹرین کی ٹکر سے 6 ہاتھی ہلاک

    سری لنکا میں تیز رفتار مسافر ٹرین پٹری پر آنے والے ہاتھیوں سے ٹکرا گئی، جس کے نتیجے میں 6 ہاتھی ہلاک ہوگئے۔

    غیر ملکی ذرائع ابلاغ کے مطابق حکام کا کہنا ہے کہ حادثے میں ٹرین کا کوئی مسافر زخمی تو نہیں ہوا تاہم 6 ہاتھیوں کی موت ہوگئی جبکہ 2 شدید زخمی ہوگئے۔

    رپورٹس کے مطابق مسافر ٹرین جنگلی حیات کیلیے مختص علاقے سے گزر رہی تھی۔

    واضح رہے کہ سری لنکن ہاتھیوں کو قومی خزانہ سمجھا جاتا ہے اور ہاتھیوں کو مارنا یا نقصان پہنچانا مجرمانہ اقدام ہوتا ہے۔ سری لنکا میں اس وقت 7 ہزار جنگلی ہاتھی موجود ہیں۔

    اس سے قبل ایک واقعے میں بھارتی ریاست کیرالہ کے مندر میں لائے گئے ہاتھی بدک کر بھاگ اٹھے تھے۔ بھگڈر مچنے سے دو خواتین سمیت تین افراد ہلاک بیس زخمی ہوگئے۔

    بھارتی ریاست آندھرا پردیش میں تروپتی سوامی مندر میں ہندوؤں کے 10 روزہ تہوار کے دوران شام عقیدت مندوں کے مندر میں داخل ہونے پر بھگدڑ مچنے سے کم از کم 3 افراد ہلاک اور 20 زخمی ہوگئے۔

    ملک بھر سے ہزاروں عقیدت مند تہوار میں شرکت کرنے کے لیے جمع ہوئے تھے۔ ہلاکتوں کی تعداد میں اضافے کا خدشہ ہے۔

    ہاتھی کے ساتھ سیلفی کا جنون نوجوان کی جان لے گیا

    بھارتی میڈیا رپورٹ کے مطابق مذکورہ ہاتھی تہوار کے موقع پر مندر میں لائے گئے تھے، پٹاخے پھوٹنے اور آتش بازی پر ہاتھی بدک کر بے قابو ہوگئے۔

  • سری لنکا نے اماراسوریا کو دوبارہ وزیر اعظم مقرر کر دیا

    سری لنکا نے اماراسوریا کو دوبارہ وزیر اعظم مقرر کر دیا

    کولمبو: سری لنکا کے صدر انورا کمارا ڈسانائیکے نے پیر کو ہرینی اماراسوریا کو دوبارہ وزیر اعظم مقرر کر دیا۔

    روئٹرز کے مطابق ڈسانائیکے نے تجربہ کار قانون ساز وجیتا ہیراتھ کو بھی دوبارہ وزیر خارجہ مقرر کیا، جب کہ وہ اہم مالیاتی قلمدان اپنے پاس ہی رکھیں گے۔

    ڈسانائیکے کے بائیں بازو کے اتحاد نے عام انتخابات میں 225 رکنی پارلیمنٹ میں 159 نشستیں حاصل کی تھیں، ڈسانائیکے نے پیر کو اپنے عہدے کا حلف لیا تھا۔

    سری لنکا کے صدر ڈسانائیکے

    سری لنکا میں اقتدار کے سنگھاسن پر کئی دہائیوں سے خاندانی جماعتوں کا تسلط رہا ہے، ایسے میں ڈسانائیکے سیاسی طور پر ایک ’بیرونی شخص‘ تھے، جنھوں نے ستمبر میں صدارتی انتخابات میں آسانی سے کامیابی حاصل کی تھی۔

    عام انتخابات میں زبردست مینڈیٹ ملنے کے بعد صدر ڈسانائیکے نے پالیسیوں کو جاری رکھنے کا فیصلہ کیا، تاکہ ملک میں غربت اور بدعنوانی کے خاتمے کے لیے اپنے منصوبوں کو آگے بڑھا سکیں۔

    یاد رہے کہ 22 ملین آبادی پر مشتمل ملک سری لنکا کو 2022 کے معاشی بحران نے کچل کر رکھ دیا تھا، جس کی وجہ سے غیر ملکی کرنسی کی شدید قلت پیدا ہوئی تھی، اور ملک ڈیفالٹ کر گیا تھا، تجزیہ کاروں کا کہنا ہے کہ یہ مضبوط مینڈیٹ سری لنکا میں سیاسی استحکام کو تقویت دے گا۔

  • سری لنکا میں قید 56 پاکستانیوں کی وطن واپسی

    سری لنکا میں قید 56 پاکستانیوں کی وطن واپسی

    سری لنکا میں کئی سال سے قید 56 پاکستانی قیدیوں کو وطن واپس لانے کیلئے چارٹرڈ طیارہ سری لنکا روانہ ہوگیا۔

    تفصیلات کے مطابق سری لنکا میں قید 56 پاکستانی قیدی آج وطن واپس آئیں گے، وزیر داخلہ محسن نقوی کی ہدایت پر وزارت داخلہ قیدیوں کو واپس لانے کیلئے گزشتہ تین ماہ سے سری لنکن حکام کے ساتھ رابطے میں تھی۔

     وفاقی وزیر نجکاری عبدالعلیم خان سری لنکا سے پاکستانی قیدیوں کی وطن واپسی کے تمام اخراجات برداشت کریں گے، وفاقی وزیرداخلہ نے قیدیوں کی وطن واپسی کے لیے تعاون پر سری لنکن حکومت اور ہائی کمشنر کا شکریہ ادا کیا۔

    وفاقی وزیرداخلہ محسن نقوی نے قیدیوں کی واپسی کے اخراجات برداشت کرنے پر وفاقی وزیر عبدالعلیم خان کا بھی شکریہ ادا کیا۔

    واضح رہے کہ وزیر داخلہ محسن نقوی کی ہدایت پر وزارت داخلہ قیدیوں کو واپس لانے کیلئے گزشتہ تین ماہ سے سری لنکن حکام کے ساتھ رابطے میں تھی۔
  • ہاتھیوں کی بدمعاشیاں : غنڈہ ٹیکس کی وصولی شروع کردی

    ہاتھیوں کی بدمعاشیاں : غنڈہ ٹیکس کی وصولی شروع کردی

    کولمبو : سری لنکا میں ہاتھیوں کو ثقافتی و مذہبی روایات کے باعث خصوصی اہمیت دی جاتی ہے جس کی وجہ سے وہ سڑکوں پر آزادانہ گھومتے پھرتے ہیں جو اکثر کسی نہ کسی حادثے کا سبب بنتے ہیں۔

    اطلاعات کے مطابق شہر کی عام شاہراہوں پر جمع ہونا ہاتھیوں کا معمول بن گیا ہے اور وہ اکثر قریبی دیہات کے لوگوں کی تیار فصلیں بھی تباہ کر دیتے ہیں۔

    ان کی بدمعاشیاں اس حد تک بڑھ چکی ہیں کہ لوگوں کا سڑکوں پر گاڑی چلانا بھی انتہائی دشوار ہوچکا ہے اور انہیں کچھ دیئے بغیر وہاں سے گزرنا ناممکن ہے۔

    ہاتھیوں کی دیدہ دلیری اور اور بدمعاشی کا اندازہ اس بات سے لگایا جاسکتا ہے کہ یہ سڑک کے کنارے جھاڑیوں کی آڑ میں چھپ کر کھڑے ہوتے ہیں اور اچانک کسی بھی گاڑی کے سامنے آجاتے ہیں۔

    جب تک اسے کوئی کھانے کی چیز نہ دی جائے تو وہ اسے جانے نہیں دیتا اور اگر غصہ آجائے تو گاڑی کو پوری طاقت سے ہلا دیتا ہے اور لوگ جان بچا کر وہاں سے بھاگنے میں ہی عافیت سمجھتے ہیں۔

    ​مقامی حکومتوں نے ان مسائل سے نمٹنے کے لیے جنگلات کے قریب ہاتھیوں کے لیے کھائی کھودنا شروع کی تاکہ انسانی بستیوں کو ہاتھیوں کے حملوں سے محفوظ رکھا جا سکے اسی طرح کے اور بھی اقدامات کیے گئے ہیں لیکن اس صورتحال پر قابو نہیں پایا جاسکا۔

  • سری لنکا میں آن لائن مواد کنٹرول کرنے کا قانون منظور

    سری لنکا میں آن لائن مواد کنٹرول کرنے کا قانون منظور

    سری لنکا نے آن لائن مواد کنٹرول کرنے کا قانون منظور کرلیا۔

    غیر ملکی میڈیا رپورٹ کے مطابق سری لنکا کی پارلیمنٹ نے اکثریتی ووٹوں سے آن لائن مواد کنٹرول کا بل منظور کر لیا، بل کے تحت حکومت آن لائن پوسٹ ہٹا سکتی ہے۔

    رپورٹ کے مطابق آئن لائن غیر قانونی مواد پوسٹ کرنے والے کو جیل کی سزا تجویز کی گئی ہے، آن لائن مواد کی جانچ کے لیے پانچ رکنی کمیشن بنایا گیا ہے۔

    سری لنکن حکومت کا کہنا ہے کہ قانون سائبرکرائم، بچوں سے زیادتیوں اور آن لائن فراڈ روکنے کے لیے بنایا گیا ہے۔اپوزیشن اور سماجی تنظیموں نے بل کی مخالفت کرتے ہوئے اسے آزادی اظہار رائے پر پابندی قرار دیا ہے۔

  • ایشیا کپ، سری لنکا نے بنگلہ دیش کو شکست دے دی

    ایشیا کپ، سری لنکا نے بنگلہ دیش کو شکست دے دی

    ایشیا کپ کے دوسرے میچ میں سری لنکا نے بنگلہ دیش کو باآسانی 5 وکٹوں سے شکست دے دی۔

    پالی کیلے میں کھیلے گئے ایشیا کپ کے دوسرے میچ میں سری لنکا نے بنگلہ دیش کی جانب سے دیا گیا 165 رنز کا ہدف باآسانی 39 اوورز میں 5 وکٹوں کے نقصان پر حاصل کرلیا۔

    سدھیرا سمرا وکرما نے شاندار 54 رنز کی اننگز کھیلی، چرت اسالانکا بھی 62 رنز کے ساتھ نمایاں رہے۔

    پتھن نسانکا 14 رنز بنا کر آؤٹ ہوئے، کرونا رتنے کو ایک رن پر تسکین احمد نے بولڈ کیا، کوشل مینڈس 5 رنز بنا کر شکیب الحسن کا نشانہ بنے۔

    بنگلہ دیش کی جانب سے شکیب الحسن نے دو وکٹیں حاصل کیں، تسکین احمد، شرف الاسلام اور ایک، ایک وکٹ حاصل کی۔

    قبل ازیں بنگلہ دیش کی ٹیم 42.4 اوورز میں 164 رنز پر آؤٹ ہوئی اور سری لنکا کو جیت کے لیے 165 رنز کا ہدف دیا تھا۔

    بنگلہ دیش کی جانب سے نجم الحسن شنٹو نے 89 رنز کی اننگز کھیلی، توحید ہریدوے 20 اور محمد نعیم 16 رنز بنا کر پویلین لوٹ گئے۔

    مشفیق الرحیم 13 رنز بنا کر آؤٹ ہوئے جبکہ کپتان شکیب الحسن 5 رنز پر وکٹ گنوا بیٹھے۔

    سری لنکا کی جانب سے متھیشا پتھیرانا نے 4 وکٹیں حاصل کیں، مہیش تھیکشانا نے دو کھلاڑیوں کو آؤٹ کیا۔

    ٹاس کے موقع پر گفتگو کرتے ہوئے بنگلا دیش کے کپتان شکیب الحسن نے کہا کہ سری لنکن ٹیم مضبوط ہے، ہمیں اچھی کرکٹ کھیلنی پڑے گی، کوشش کریں گے اچھا اسکور سیٹ کریں۔

    دوسری جانب سری لنکن کپتان داسن شناکا نے کہا کہ اگر ہم بھی ٹاس جیتتے تو ٹاس جیتتےتو پہلے بیٹنگ ہی کرتے۔  

    یاد رہے کہ دفاعی چیمپئن سری لنکن ٹیم کھلاڑیوں کی انجریز سے پریشان ہے۔ دھشمانتا چمیرا، لاہیرو کمارا، ونندو ہسارنگا اور مدوشنکا انجریز کے باعث ٹیم سے باہر ہیں۔

    دونوں ٹیموں کے درمیان اب تک 51 ایک روزہ میچز کھیلے گئے ہیں جن میں سے سری لنکا نے 40 جب کہ بنگلہ دیش نے 9 میچز جیتے ہیں جب کہ دو میچ بے نتیجہ رہے۔

    سری لنکا اس وقت آئی سی سی ون ڈے ٹیم رینکنگ میں آٹھویں نمبر پر ہے، دریں اثنا بنگلہ دیش رینکنگ میں ساتویں نمبر پر ہے۔

  • ویلویتورائی قتل عام میں بھارتی فوج نے 30 سے زائد سری لنکن خواتین کو اجتماعی زیادتی کا نشانہ بنایا

    ویلویتورائی قتل عام میں بھارتی فوج نے 30 سے زائد سری لنکن خواتین کو اجتماعی زیادتی کا نشانہ بنایا

    ہندوستانی فوج کے ہاتھوں سری لنکا میں ویلویتورائی قتل عام کو 34 سال مکمل ہو گئے۔

    تفصیلات کے مطابق ہندوستانی فوج کے ہاتھوں سری لنکا میں ویلویتورائی قتل عام کو 34 سال مکمل ہو گئے، 1987 میں ہندوستان نے سری لنکا سے جبراً معاہدہ کر کے امن قائم کرنے کے نام پر 80 ہزار فوج جافنا میں تعینات کر دی تھی، ہندوستانی افواج کی طرف سے وسیع پیمانے پر قتل و غارت، لوٹ مار اور اجتماعی زیادتیوں کی بدولت تامل باغیوں سے بھی جنگ چھڑ گئی۔

    2 اگست 1989 کو تامل باغیوں کے حملے میں ویلویتورائی میں 6 بھارتی فوج ہلاک ہو گئے تھے، ہندوستانی افواج نے انتقامی کارروائی کرتے ہوئے 200 گھروں، 50 سے زائد دکانوں اور 200 کے قریب ماہی گیر کشتیوں کو نذر آتش کیا، 2 دن جاری رہنے والے قتل عام کے دوران عورتوں اور بچوں سمیت 100 سے زائد قتل جب کہ درجنوں کو تشدد کے ذریعے زخمی اور معذور کر دیا گیا تھا۔

    ویلویتورائی قتل عام میں ہندوستانی افواج نے 30 سے زائد سری لنکن خواتین کو بھی اجتماعی زیادتی کا نشانہ بنایا، بھارتی ظلم و ستم کی وجہ سے سری لنکن عوام نے انڈین پیس کیپنگ فورس کا نام انڈین پیپل کلنگ فورس رکھا۔

    جارج فرنینڈس نے ویلویتورائی قتلِ عام کو بھارت کا ’’مائی لائی‘‘ قرار دیا، 1991 میں راجیو گاندھی پر خود کش حملہ کرنے والی راجا رتنم بھی بھارتی فوجیوں کے ہاتھوں ویلویتورائی میں اجتماعی زیادتی کا نشانہ بنی تھی۔