ARYNews.tv | Urdu – Har Lamha Bakhabar

Tag: Sri Lanka

  • پاکستان کا کلین سوئپ، شاہینوں نے سری لنکن بلے بازوں کی لنکا ڈھا دی

    پاکستان کا کلین سوئپ، شاہینوں نے سری لنکن بلے بازوں کی لنکا ڈھا دی

    شارجہ: سری لنکا اور پاکستان کے خلاف آخری ون ڈے میچ میں پاکستان نے سری لنکا کو شکست دے کر ایک روزہ میچوں کی سیریز میں کلین واش کردیا۔

    تفصیلات کے مطابق پاکستان نے سری لنکا کو نو وکٹوں سے شکست دے کر ون ڈے سیریز پانچ صفر سے اپنے نام کرلی اس میچ کی خاص بات عثمان شینواری کی تباہ کن بولنگ اسپیل ہے جس میں نوجوان بولر نے پانچ سری لنکن بلے بازوں کو پویلین کی راہ دکھائی۔

    سری لنکا نے ٹاس جیت کر پہلے کھیلتے ہوئے 103 رنز پر پوری ٹیم پویلین واپس لوٹ گئی اور کوئی سری لنکن بلے باز خاطر خواہ کارکردگی دکھا سکا جب کہ میچ کے ہیرو عثمان شنواری نے 34 رنز کے عوض 5 کھلاڑیوں کو آؤٹ کر کے کیریئر بیسٹ پرفارمنس دی۔

    سری لنکا کے 104 رنز کے تعاقب میں پاکستان نے مطلوبہ ہدف ایک کھلاڑی کے نقصان پر محض 21 ویں اوور میں حاصل کر کے سیریز کو واش آؤٹ کردیا۔

    آخری ون ڈے میں سری لنکا نے پاکستان کے خلاف ٹاس جیت کر بیٹنگ کا فیصلہ کیا ہے لیکن پاکستانی بولر عثمان شنواری نے پچ پر آتے ہی تباہی مچا دی۔

    عثمان شنواری کی تباہ کن بالنگ کی وجہ سے صرف 27 رنز پر سری لنکا کے 5 کھلاڑی آؤٹ ہوگئے۔

     

    یاد رہے کہ سری لنکا کے ساتھ مذکورہ سیریز میں پاکستان اب تک تمام ون ڈے میچز جیت چکا ہے اور اسے سری لنکا پر 0-4 کی برتری حاصل ہے۔

    چیمپئنر ٹرافی کے پہلے میچ میں بھارت سے ہارنے کے بعد پاکستانی ٹیم اب تک لگا تار 8 ون ڈے انٹرنیشنل جیت چکی ہے۔

    اس سے قبل پاکستان اور سری لنکا کے درمیان شارجہ میں کھیلے جانے والے چوتھے ون ڈے انٹرنیشنل میں پاکستان نے سری لنکا کو 7 وکٹوں سے شکست دی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • چوتھا ون ڈے: پاکستان نے سری لنکا کو سات وکٹوں سے شکست دیدی

    چوتھا ون ڈے: پاکستان نے سری لنکا کو سات وکٹوں سے شکست دیدی

    شارجہ: پاکستان اور سری لنکا کے درمیان شارجہ میں کھیلے جانے والے چوتھے ون ڈے انٹرنیشنل میں پاکستان نے سری لنکا کو 7 وکٹوں سے شکست دے دی۔

    پاکستان ٹیم نے 174 رنزکا ہدف39 اوورزمیں  3 وکٹوں پربا آسانی حاصل کیا، شعیب ملک اور بابراعظم نے نصف سنچریاں اسکور کیں، پاکستان کو پانچ میچوں کی سیریز میں 0-4 کی برتری حاصل ہوگئی۔

    قومی ٹیم کے اوپنر فخر زمان17رنز بنا سکے جبکہ شعیب ملک اور بابر اعظم نے شاندار بلے بازی کا مظاہرہ کرتے ہوئے 69- 69 رنز اسکور کیے۔

    اس سے قبل سری لنکن ٹیم پاکستانی بالرز کا سامنا نہ کرسکی اور پورے اوورز کھیلے بغیرہی 173 رنز پر ڈھیر ہوگئی، حسن علی نے تین، شاداب خان اور عماد وسیم نے 2،دو وکٹیں حاصل کیں۔

    سری لنکا ٹیم کے کپتان نے ٹاس جیت کر بیٹنگ کا فیصلہ کیا تھا، تھریمانے 62اسکور کے ساتھ نمایاں رہے، ون ڈے میں ڈیبیو کرنے والے پاکستانی کھلاڑی عثمان خان شنواری نے اپنے پہلے اووور میں ہی سری لنکا کی بڑی وکٹ اپنے نام کی۔

    انہوں نے سری لنکن کپتان اپل تھرنگا کو کوئی رن بنائے بغیر ہی پویلین بھیج دیا، تھریمانے کے علاوہ کوئی سری لنکن کھلاڑی پاکستانی بالرز کے آگے جم کر نہ کھیل سکا، سری لنکا کی پوری ٹیم 43.3اوورز میں 173رنز بنا کر آؤٹ ہو گئی۔

    یاد رہے کہ سری لنکا کے ساتھ پاکستان کو مذکورہ 5 میچوں کی سیریز میں 0-4 کی فیصلہ کن برتری حاصل ہوگئی  ہے۔

    چوتھے ون ڈے کے لیے ٹیم میں 2 تبدیلیاں کی گئی تھیں، رومان رئیس اور فہیم اشرف کی جگہ عثمان شنواری اور عماد وسیم کو ٹیم میں شامل کیا گیاتھا۔

    ٹاس کے بعد گفتگو کرتے ہوئے قومی کرکٹ ٹیم کے کپتان سرفراز احمد کا کہنا تھا کہ اس بات کی خوشی ہے کہ ٹیسٹ سیریز ہارنے کے بعد کھلاڑیوں نے ون ڈے سیریز میں زبردست کم بیک کیا ہے اور تینوں میچوں میں عمدہ کارکردگی کا مظاہرہ کیا۔

    خیال رہے کہ پاکستان کرکٹ ٹیم مسلسل 7 ون ڈے میچز میں کامیابی حاصل کر چکی ہے جبکہ سری لنکا کو مسلسل 10 ون ڈے میچوں میں شکست کا سامنا کرنا پڑا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • دبئی ٹیسٹ : پاکستان کو جیت کے لیے 119 رنز درکار

    دبئی ٹیسٹ : پاکستان کو جیت کے لیے 119 رنز درکار

    دبئی : پاکستان نے سری لنکا کے خلاف دوسرے ٹیسٹ میچ میں 317 رنز کےہدف کے تعاقب میں پانچ وکٹوں پر 198 رنز بنائے جبکہ ٹیم کو جیت کے لیے مزید 119 رنزدرکار ہے۔

    تفصیلات کے مطابق سری لنکا کے خلاف دبئی میں کھلیے جانے والے دوسرے ٹیسٹ میں پاکستان کو کھیل کے آخری روز سری لنکا کے خلاف جیت کے لیے 119 رنز درکار ہیں جبکہ اس کی 5 وکٹیں باقی ہیں۔

    پاکستان کی جانب سے چوتھے دن جب کھیل ختم ہوا تو اسد شفیق 86 اور کپتان سرفراز احمد 57 رنز کے ساتھ کریز پر موجود تھے۔

    دبئی ٹیسٹ: سرفراز اور اسد کی نصف سنچریاں،پاکستان کے5وکٹوں پر198رنز

    اس سے قبل جب پاکستان نے دبئی ٹیسٹ میچ میں اپنی دوسری اننگز کا آغاز کیا توسمیع اسلم 1 رن بنانے کے بعد پویلین لوٹ گئے جبکہ 36 کے مجموعی اسکور پر اظہر علی 17 رنز بناکر پردیپ کا شکار بنے۔

    پاکستان کی تسیری وکٹ 49 رنز پر حارث سہیل کی گری، جبکہ 52 رنز کے اسکور پر شان مسعود 21 رنز بنا کر آؤٹ ہوئے اور بابراعظم صفر پر ہی پویلین لوٹ گئے۔

    واضح رہے کہ پاکستان نے دوسرے ٹیسٹ میچ میں چوتھے روز کے آغاز پر سری لنکا کی ٹیم کو 96 رنز پر آؤٹ کیا تھا جس کے بعد پاکستان کو جیت لیے 317 رنز کا ہدف ملا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سری لنکن کرکٹر دھانشکا گنا تھیلاکا پر6 میچرکی پابندی

    سری لنکن کرکٹر دھانشکا گنا تھیلاکا پر6 میچرکی پابندی

    کولمبو: سری لنکن کرکٹ بورڈ نے آل راؤنڈر دھانشکا گنا تھیلاکا پر کوڈ آف کنڈکٹ کی خلاف ورزی کرنے پر 6 میچز کی پابندی لگا دی۔

    تفصیلات کے مطابق سری لنکن کرکٹ بورڈ نے حال ہی میں بھارت کے خلاف کھیلی گئی سیریز کے دوران کوڈ آف کنڈکٹ کی خلاف ورزی کرنے پرآل راؤنڈر دھانشکا گنا تھیلاکا کو 6 ون ڈے میچز کے لیے معطل کردیا۔

    سری لنکن کرکٹ ٹیم کے منیجر نے کرکٹ بورڈ کو آگاہ کیا تھا کہ سری لنکا اور بھارت کے مابین ہوم سیریز کے دوران دھانشکا گنا تھیلاکا ٹریننگ کیمپ سے غیر حاضر رہے اور ٹریننگ کے حوالے سے غیر سنجیدہ رویہ اختیار کیا۔

    پاکستان اورسری لنکا کےدرمیان دوسرا ٹیسٹ میچ آج کھیلا جائےگا

    سری لنکن کرکٹ ٹیم کے آل راؤنڈر دھانشکا گنا تھیلاکا بورڈ کی جانب سے پابندی کے باعث پاکستان کے خلاف ون ڈے سیریز میں دستیاب نہیں ہوں گے۔ ان پر سالانہ کنٹریکٹ میچ فیس کا 20 فیصد جرمانہ بھی عائد کیا گیا ہے۔

    واضح رہے کہ آل راؤنڈر دھانشکا گنا تھیلاکا نے سری لنکا کی جانب سے 28 ون ڈے میچوں میں ایک سنچری اور 7 نصف سنچریوں کی مدد سے 886 رنز بنا رکھے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاکستان اورسری لنکا کےدرمیان دوسرا ٹیسٹ میچ آج کھیلا جائےگا

    پاکستان اورسری لنکا کےدرمیان دوسرا ٹیسٹ میچ آج کھیلا جائےگا

    دبئی: پاکستان اورسری لنکا کے درمیان دو ٹیسٹ میچز پر مشتمل سیریز کا دوسرا اورآخری ٹیسٹ میچ آج دبئی میں کھیلا جائے گا۔

    تفصیلات کے مطابق پاکستان اور سری لنکا کے درمیان دوسرا ڈے نائٹ ٹیسٹ میچ آج متحدہ عرب امارات کے دبئی انٹرنیشنل اسٹیڈیم میں کھیلا جائے گا، میچ پاکستانی وقت کے مطابق شام ساڑھے چار بجے شروع ہوگا۔

    سری لنکن ٹیم کا پہلا ڈے نائٹ میچ ہے جو وہ گلابی گیند سے کھیلے گی جبکہ پاکستان کرکٹ ٹیم کا یہ تیسرا ڈے نائٹ میچ ہے، پاکستان نے اس سے قبل ویسٹ انڈیز اور آسٹریلیا کے خلاف گلابی گیند سے ٹیسٹ میچ کھیلے تھے۔

    خیال رہے کہ گزشتہ روز پاکستان ٹیم کے کپتان سرفراز احمد نے پریس کانفرنس میں کہا تھا کہ دوسرے ٹیسٹ میچ میں حسن علی کی جگہ وہاب ریاض ٹیم کا حصہ ہوں گے۔

    ابوظہبی ٹیسٹ ہارنے پرمکی آرتھرسخت مایوس

    کپتان سرفراز احمد کا کہنا تھا کہ بیٹنگ لائن میں تبدیلی نہیں لائی جارہی، انہوں نے امید ظاہر کی کہ ٹیم دوسرے ٹیسٹ میچ میں اچھا کھیل کر میچ جیتیں گے۔

    یاد رہے کہ سری لنکا کے خلاف ابوظہبی ٹیسٹ میں پاکستان کو 21 رنز سے شکست کا سامنا کرنا پڑا تھا۔

    ابوظہبی ٹیسٹ: سری لنکا نے پاکستان کو شکست دے دی

    واضح رہے کہ پاکستان کرکٹ ٹیم متحدہ عرب امارات میں ابھی تک کوئی ٹیسٹ سیریز نہیں ہاری، پاکستان نے یہاں 9 ٹیسٹ سیریز کھیلی ہیں جن میں سے 5 میں کامیابی اور 4 برابری پر ختم ہوئی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ابوظہبی ٹیسٹ : پاکستان کے 422 اور سری لنکا کے4 وکٹ پر69 رنز

    ابوظہبی ٹیسٹ : پاکستان کے 422 اور سری لنکا کے4 وکٹ پر69 رنز

    ابوظہبی : پاکستان اور سری لنکا کے درمیان ابو ظہبی ٹیسٹ سنسنی خیز مرحلے میں داخل ہوگیا، دوسری اننگز میں سری لنکا نے چار وکٹوں پر 69 رنز بنالئے، قومی ٹیم پہلی اننگز میں 419 کے جواب میں 422 رنز بنا کر آؤٹ ہوگئی۔

    تفصیلات کے مطابق ابوظہبی ٹیسٹ کے چوتھے روز پاکستان کی ٹیم سری لنکا کیخلاف422رنز بنا کر پویلین لوٹ گئی، انجری کے باوجود اوپنر اظہر علی سب سے زیادہ 85رنز بناکر نمایاں رہے۔

    قومی ٹیم کے340 کے اسکور پر اس کی 8وکٹیں گر چکی تھیں تاہم حارث سہیل کی 76رنز اور حسن علی کے29 رنز کی اننگز کی بدولت پاکستان سری لنکا پر تین رنز کی برتری حاصل کرنے میں کامیاب ہوا۔

    ابوظہبی کے شیخ زاید اسٹیڈیم میں کھیلے جانے والے ٹیسٹ میچ میں کپتان سرفراز احمد نے رنز بنانے میں تیزی دکھائی لیکن وہ بھی 316 کے مجموعی اسکور پر لکمل کی گیند پر بولڈ ہوگئے۔

    سرفراز احمد نے ایک چھکے اور ایک چوکے کی مدد سے 21 گیندوں پر 18رنز بنائے۔ پاکستان کے اوپنر عمدہ شراکت کے بعد اوپر تلے آؤٹ ہوتے گئے۔

    شان مسعود 59 رنز بنا کر ہیراتھ کی گیند پر بولڈ ہوئے جبکہ سمیع اسلم 51 کے انفرادی اسکور پر پریرا کی گیند پر ایل بی ڈبلیو ہو گئے۔ امپائر نے انہیں آؤٹ نہیں دیا تھا مگر سری لنکا نے ریویو لیا جس سے پتہ چلا کہ نیچے رہنے والی یہ گیند وکٹوں سے ٹکرا رہی تھی۔

    اس سے قبل ابو ظہبی کے شیخ زید اسٹیڈیم میں کھیلے جانے والے پہلے ٹیسٹ میچ کےچوتھے دن 266 رنز سے اپنی ناکمل اننگز کا آغاز کیا تواظہرعلی اور حارث سہیل کریز پر موجود تھے۔

    پاکستان کی جانب سے دونوں بلے بازوں نے محتاط انداز میں بیٹنگ کرتے ہوئے ٹیم کا اسکور 294 تک پہنچایا تو اظہرعلی 85 رنز بنا کر پویلین لوٹ گئے۔

    اظہر علی کے بعد کپتان سرفراز احمد کریز پرآئے اور 316 کے مجموعی اسکور پر لکمل کی گیند پر 18 رنز بناکر آؤٹ ہوگئے انہوں نے ایک چھکے اورایک چوکھے کی مدد سے 18 رنز اسکور کیے۔

    کپتان سرفراز احمد کے بعد محمد عامر بھی صرف 4 رنز بنا کر آؤٹ ہوئے جبکہ یاسر شاہ 8 رنز بنا سکے اس وقت حارث سہیل اورمحمد عباس کریز پر موجود ہیں۔

    سری لنکا کی جانب سے ہیراتھ نے 3 لکمل نے 2 جبکہ نوان پرادیپ اور پریرا نے ایک ایک وکٹ حاصل کی۔

    تیسرے روز کا کھیل، پاکستان کے چار وکٹوں پر 266 رنز

    واضح رہے کہ گزشتہ روز پاکستان اور سری لنکا کے درمیان کھیلے جانے والے پہلے ٹیسٹ میچ کے تیسرے روز کے اختتام پر پاکستان نے چار وکٹوں کے نقصان پر 266 رنز بنائے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سری لنکا کے خلاف ٹیسٹ سیریز کے لیےقومی ٹیم کا اعلان

    سری لنکا کے خلاف ٹیسٹ سیریز کے لیےقومی ٹیم کا اعلان

    لاہور: پاکستان کرکٹ ٹیم کے چیف سیلکٹر انضمام الحق نے سری لنکا کے خلاف ٹیسٹ سیریز کے لیے قومی ٹیم کا اعلان کردیا۔

    تفصیلات کےمطابق لاہور میں لاہور میں پریس کانفرنس کرتے ہوئے پاکستان کرکٹ ٹیم کے چیف سیلکٹر انضمام الحق نے سری لنکا کے خلاف 2 میچوں کی ٹیسٹ سیریز کے لیے 16 رکنی ٹیسٹ اسکواڈ کا اعلان کردیا۔

    سری لنکا کے خلاف پاکستان کے 16 رکنی ٹیسٹ اسکواڈ میں کپتان سرفراز احمد، اظہرعلی،شان مسعود،وہاب ریاض، یاسرشاہ، سمیع اسلم، محمد اصغر، محمد عامر، محمد عباس، عثمان صلاح الدین، امیرحمزہ، بلال آصف، بابراعظم، اسد شفیق، حارث سہیل اور حسن علی قومی ٹیم کا حصہ ہیں۔

    چیف سیلکٹر انضمام الحق کا کہنا تھا کہ یاسرشاہ 4 سال کے دوران کامیاب باؤلر رہے اور یو اے ای کی کنڈیشنز میں وہ ٹیم کے لیے سازگار ہیں جبکہ اظہرعلی فٹنس ٹیسٹ کلیئرکرنےکےبعد ٹیم میں شامل ہوئے ہیں۔

    سری لنکا سے ٹیسٹ سیریز : کیمپ کیلئے18کھلاڑیوں کے ناموں کا اعلان

    انضمام الحق کا کہنا تھا کہ کہ سری لنکا کے خلاف نوجوان کھلاڑیوں کو موقع دیا ہے جبکہ مصباح الحق اور یونس خان کی کمی محسوس ہوگی۔ انہوں نے کہا کہ کوشش ہوگی کہ سری لنکا کے خلاف اچھی پرفارمنس دیں۔

    چیف سیلکٹر کا کہنا تھا کہ پاکستان کا فاسٹ باؤلنگ کا شعبہ بہت اچھا ہے اور کوشش ہے ٹیم میں 150 پلس اسپیڈ کا کوئی فاسٹ باؤلر آئے۔

    انضمام الحق نے کہا کہ کپتان سرفراز احمد سمیت سب کو پرفارمنس دینا ہوگی۔ انہوں نے کہا کہ سرفراز کی کارکردگی اچھی رہی ہے اورآئندہ بھی امید ہے اچھی رہے گی۔

    واضح رہے کہ سری لنکا اور پاکستان کے درمیان دونوں ٹیسٹ میچز دبئی اور ابوظہبی میں کھیلے جائیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • بیچ سمندر میں ڈوبنے والے ہاتھی کو سری لنکن نیوی نے بچا لیا

    بیچ سمندر میں ڈوبنے والے ہاتھی کو سری لنکن نیوی نے بچا لیا

    کولمبو: سری لنکا کی بحری فوج کے جانباز سپاہیوں نے بیج سمندر میں ڈوبتے ایک ہاتھی کو جان توڑ کوششوں کے بعد بچالیا۔ ہاتھی کو کھینچ کر ساحل تک لانے میں انہیں 12 گھنٹے لگے۔

    نیوی ذرائع کے مطابق ہاتھی اس وقت ڈوبا جب وہ جنگل کے بیچ سمندر سے متصل کوکیلائی نامی جھیل کو پار کر رہا تھا۔ پانی کے تیز بہاؤ سے وہ اپنا توازن کھو بیٹھا اور بہتا ہوا بیچ سمندر میں آنکلا جہاں دور دور تک خشکی نہیں تھی۔

    ان کے مطابق ہاتھی اور دیگر جانور عموماً اس جھیل کو باآسانی پار کرلیتے ہیں۔

    نیوی اہلکاروں کی جانب سے ہاتھی کو دیکھ لیے جانے کے بعد وہ اسے بمشکل کھینچ کر ساحل تک لائے جو 8 کلومیٹر کے فاصلے پر تھا اور اس میں 12 گھنٹے لگے۔

    اس دوران ہاتھی نے اپنی سونڈ پانی سے باہر رکھی جس کے ذریعے وہ سانس لیتا رہا۔

    ساحل پر پہنچنے کے بعد وائلڈ لائف اہلکاروں نے رسیوں کی مدد سے کھینچ کر ہاتھی کو پانی سے باہر نکالا اور اسے طبی امداد دی۔

    نیوی اہلکاروں نے ہاتھی کو بچنے کو معجزہ قرار دیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نیول چیف ایڈمرل محمد ذکااللہ کی سری لنکن صدر اور دیگر اعلیٰ حکام سے ملاقات

    نیول چیف ایڈمرل محمد ذکااللہ کی سری لنکن صدر اور دیگر اعلیٰ حکام سے ملاقات

    کولمبو : اسٹاف ایڈمرل محمد ذکاء اللہ نے سری لنکاکے صدر سے ملاقات کی اور باہمی دلچسپی کے امور پر تبادلہ خیال کیا گیا۔

    ترجمان پاک بحریہ کےمطابق دورہ سری لنکاکے دوران چیف آف دی نیول اسٹاف ایڈمرل محمد ذکاءاللہ نے متھرا پالا سری سینا ، وزیر مملکت برائے دفاع دیندرا روان وجے وردھنے اور سیکرٹری وزارت دفاع سے ملاقاتیں کیں۔

    پاک بحریہ کے ترجمان کے مطابق سری لنکن صدر متھرا پالا سری سینا سے پاک بحریہ کے سربراہ ایڈمرل ذکاء اللہ کی ملاقات کے دوران باہمی دلچسپی اور علاقائی صورتحال پر تبادلہ خیال کیا گیا ، اس موقع پر سری لنکن صدرنے خطے میں میری ٹائم سکیورٹی کے فروغ میں پاک بحریہ کی انتھک کاوشوں اور کردار کو سراہا۔

    نیول چیف ایڈمرل ذکاء اللہ نے یقین دلایا کہ پاکستان سری لنکن افواج سے تربیت، افرادی قوت اور تکنیکی مہارت کے شعبوں میں ہر ممکن تعاون کرتا رہے گا۔

    سری لنکن صدر نے حالیہ تباہ کن سیلاب کے دوران پاک بحریہ کی جانب سے امداد اور تعاون پر پاک بحریہ اور پاکستانی عوام کا شکریہ ادا کیا۔

    پاک بحریہ کے ترجمان کے مطابق دیگر اعلیٰ حکام سے ملاقاتوں میں میری ٹائم سکیورٹی کے فروغ سمیت باہمی دفاعی اور فوجی تعاون پر بھی بات چیت ہوئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • سری لنکا: شدید بارشوں کے بعد سیلاب ‘ہلاکتوں کی تعداد 146ہوگئی

    سری لنکا: شدید بارشوں کے بعد سیلاب ‘ہلاکتوں کی تعداد 146ہوگئی

    کولمبو: سری لنکا میں بارشوں کے بعد سیلاب اور لینڈ سلائیڈنگ کے نتیجے میں کم از کم146 افراد ہلاک جبکہ 112 افراد لاپتہ ہوگئےہیں۔

    تفصیلات کے مطابق جمعے سے شروع ہونے والی تیز بارشوں کی وجہ سے علاقے میں سیلابی ریلے آئے جس سے اب تک 146 لوگ ہلاک اور پچاس ہزار سے زائد کو نکل مکانی پر مجبور ہوئے۔

    سری لنکن حکام کا کہنا ہے کہ ملک کے مختلف حصوں میں ریکارڈ بارش ہوئی۔جس میں 146افراد جان کی بازی ہارگئے جبکہ 112افراد لاپتہ ہوگئے ہیں جن کی تلاش کے لیے فوجی کشتیاں اور ہیلی کاپٹر بھیجے گئے ہیں۔

    آفیشل ڈیزاسٹر منیجمنٹ سینٹر کی رپورٹ میں کہا گیا ہے کہ ملک کے جنوبی اور مغربی حصے میں بارش کے باعث 60 ہزار افراد بے گھر ہوچکے ہیں۔

    سری لنکا کے ڈیزاسٹر منیجمنٹ کےڈپٹی وزیر نے کولمبو میں صحافیوں سے بات کرتے ہوئے کہا کہ چند علاقے ایسے ہیں جہاں تک ہماری پہنچ نہیں ہے لیکن امدادی کام جاری ہے۔

    سری لنکا میں آسمان سے درختوں کی بارش

    ڈی ایم سی کے ڈائریکٹر آپریشنز ریرایڈمرل اے اے پی لیانیگے نےکہاکہ پانچ سو کے قریب گھر سیلاب اور لینڈ سلائیڈنگ کی وجہ سے مکمل تباہ ہوگئے ہیں۔

    یاد رہےکہ گذشتہ 14 سال کے بعد یہ سب سے بڑا سیلاب ہے۔ اس سے پہلے مئی 2003 میں شدید بارشوں کی وجہ سے 250 لوگ ہلاک اور دس ہزار گھر تباہ ہوگئےتھے۔

    واضح رہے کہ سری لنکا کا بارش سےمتاثرہ رتناپور کا یہ علاقہ قدرتی خزانے سے مالامال ہے اور کولمبو سے 100 کلومیٹر مشرق میں واقع ہے۔