Tag: Sri Lanka

کولمبو: سری لنکا میں معاشی اور سیاسی بحران شدید ہونے پر ایمرجنسی لگنے کے بعد سوشل میڈیا پلیٹ فارمز پر بھی عارضی پابندی لگا دی گئی ہے۔

تفصیلات کے مطابق سری لنکا نے اتوار کو عارضی طور پر سوشل میڈیا پلیٹ فارمز تک رسائی کو محدود کر دیا ہے، ان پلیٹ فارمز میں فیس بک، یوٹیوب، ٹویٹر، انسٹاگرام اور واٹس ایپ شامل ہیں۔

سری لنکا کے ٹی وی چینل نے رپورٹ کیا کہ پلیٹ فارمز کو ‘وزارت دفاع کی درخواست پر’ عارضی طور پر بلاک کیا گیا ہے۔

دوسری طرف سری لنکا کے صدر گوتابایا راجاپکسا کے حکمران اتحاد نے پارلیمنٹ میں اپنی اکثریت کھو دی ہے، اور نئے مقرر کردہ وزیر خزانہ علی صابری نے بھی تقرری کے بعد 24 گھنٹے کے اندر اندر استعفیٰ دے دیا۔

سری لنکا کے 40 سے زائد ارکان پارلیمنٹ نے صدر گوتابایا راجا پکسا کی مخلوط حکومت چھوڑ دی ہے۔

سری لنکن حکومت نے ملک میں ایمرجنسی نافذ کردی

علی صابری نے پیر کے روز وزیر خزانہ کے طور پر حلف اٹھایا جب پوری کابینہ نے خوراک اور ایندھن کی قلت اور بجلی کی طویل لوڈ شیڈنگز پر بڑھتی ہوئی عوامی بے چینی کے درمیان استعفیٰ دے دیا تھا، تاہم آج انھوں نے بھی استعفیٰ بھجوا دیا۔

سری لنکا میں بڑے پیمانے پر احتجاج اور صدر کے استعفیٰ کے مطالبات کے درمیان ایمرجنسی کے نفاذ کے بعد پہلی بار منگل کو ایوان کا دوبارہ اجلاس منعقد ہونے والا ہے۔

واضح رہے کہ سری لنکا میں شدید معاشی بحران کے باعث ملک بھر میں احتجاجی مظاہرے جاری ہیں، احتجاج کے دوران سوشل میڈیا پر کئی دنوں سے حکومت مخالف ہیش ٹیگز بھی ٹرینڈ کر رہے تھے۔ چند دن قبل مظاہرین نے صدارتی محل پر دھاوا بول دی اتھا جس کے بعد صدر راجا پکسا نے ملک بھرمیں ایمرجنسی نافذ کر دی تھی۔

کولمبو: سری لنکن کابینہ کے 26 ارکان مستعفی ہو گئے ہیں، ملک میں معاشی بحران سیاسی بحران میں بھی داخل ہو گیا، صدر نے ملک میں ایمرجنسی بھی نافذ کر دی ہے۔

تفصیلات کے مطابق سری لنکا میں معاشی بحران شدت اختیار کر گیا ہے، کابینہ کے 26 ارکان نے استعفیٰ دے دیا، صدر راجا پکسے کے مستعفی ہونے کا مطالبہ بھی زور پکڑ گیا ہے۔

ملک میں دہائیوں سے جاری بد ترین معاشی بحران کے خلاف احتجاج کے بعد کابینہ وزرا نے اجتماعی طور پر مستعفی ہونے کا فیصلہ کیا تھا۔

تاہم راجا پکسے خاندان کے استعفے کا مطالبہ کرنے والے بہت سے ناراض مظاہرین کا کہنا ہے کہ یہ اقدام بے معنی ہے۔

سری لنکن حکومت نے ملک میں ایمرجنسی نافذ کردی

دو روز قبل سری لنکا میں صدر کی رہائش گاہ کے باہر ہونے والے پرتشدد مظاہروں کے بعد ملک بھر میں ایمرجنسی نافذ کرنے کا اعلان کیا جا چکا ہے، ملک میں کھانے پینے کی اشیا، عام اشیائے ضرورت، ادویات اور ایندھن کی قلت کے باعث عوامی غصہ ایک نئی بلندی پر پہنچ چکا ہے، بجلی بھی آدھے دن تک غائب رہتی ہے۔

واضح رہے کہ سری لنکا 1948 میں برطانیہ سے آزادی کے بعد سے بدترین معاشی بحران سے دوچار ہے۔

کولمبو میں اپوزیشن کے ارکان نے بھی احتجاجی مظاہرے میں شرکت کی، جس پر سری لنکا میں ایمرجنسی نافذ کی گئی، آرمی کو کسی بھی شخص کو گرفتارکرنے اور قید کرنے کے اختیارات دے دیے گئے ہیں۔

کولمبو: سری لنکا کا انرجی بحران سنگین ہو گیا ہے، ملک میں 10 گھنٹے کا بلیک آؤٹ کیا جا رہا ہے، جب کہ اسپتالوں نے سرجریاں روک دی ہیں۔

تفصیلات کے مطابق سری لنکا میں ایندھن اور جان بچانے والی ادویات کی شدید قلت کے باعث مزید اسپتالوں نے معمول کی سرجریاں معطل کرنے کا اعلان کیا ہے۔ اس صورت حال کے پیش نظر سری لنکا نے بدھ کے روز ملک بھر میں ریکارڈ 10 گھنٹے روزانہ بجلی لوڈ شیڈنگ کا آغاز کر دیا ہے۔

غیر ملکی میڈیا کے مطابق 22 ملین آبادی پر مشتمل یہ جنوبی ایشیائی ملک 1948 میں آزادی کے بعد سے بدترین معاشی بحران کا شکار ہے، جس کی وجہ درآمدات کی ادائیگی کے لیے غیر ملکی کرنسی کی شدید کمی ہے۔

حکام کے مطابق سری لنکا کی 40 فی صد سے زیادہ بجلی ہائیڈرو پاور سے پیدا ہوتی ہے، لیکن زیادہ تر ذخائر خطرناک حد تک کم ہو گئے ہیں کیوں کہ بارشیں نہیں ہوئیں۔

ریاستی بجلی کے ادارے کا کہنا تھا کہ تھرمل جنریٹرز کو بجلی فراہم کرنے کے لیے تیل کی عدم موجودی کی وجہ سے وہ 10 گھنٹے کی بجلی کی کٹوتی نافذ کر رہی ہے، اس مہینے کے آغاز میں یہ بندش 7 گھنٹے تک تھی۔

رپورٹس کے مطابق سری لنکا میں زیادہ تر بجلی کی پیداوار کوئلے اور تیل سے ہوتی ہے، دونوں درآمدی مصنوعات ہیں لیکن سپلائی کم ہے، کیوں کہ ملک کے پاس اتنا زرمبادلہ نہیں ہے کہ سپلائی کی ادائیگی کر سکے۔

اس صورت حال سے متاثر ہو کر مزید اسپتالوں نے معمول کی سرجریاں معطل کرنے کا اعلان کیا ہے، کیوں کہ تشخیصی ٹیسٹ کے لیے ضروری طبی سامان، اینستھیٹکس اور کیمیکلز خطرناک حد تک کم تھے۔ ملک کی سب سے بڑی طبی سہولت، سری لنکا کے نیشنل اسپتال نے بھی کہا کہ اس نے معمول کے تشخیصی ٹیسٹوں کو بھی روک دیا ہے، تاہم اس اسپتال کو قومی گرڈ سے بجلی کی فراہم کی جا رہی ہے۔

سری لنکا کے مرکزی فیول ریٹیلر نے کہا ہے کہ ملک میں کم از کم 2 دن تک ڈیزل بھی نہیں ہوگا، جو کہ عام طور پر پبلک ٹرانسپورٹ کے لیے استعمال کیا جاتا ہے۔