پہلگام واقعے کے بعد غزہ کے قاتل اور گجرات کے قصائی کا گٹھ جوڑ بھی سامنے آگیا، اسرائیلی اہلکار مقبوضہ کشمیر کے علاقے سری نگر پہنچ چکے ہیں۔
اس حوالے سے مصدقہ اطلاعات کے مطابق سنگین انکشاف یہ ہوا ہے کہ 15 سے 20 اسرائیلی اہلکار سری نگر پہنچ چکے ہیں جو تکنیکی ساز و سامان سے لیس ہیں، اسرائیلی اہلکاروں کی سری نگر آمد انتہائی تشویش ناک ہے۔
ذرائع کے مطابق بھارت اور اسرائیل کے درمیان ایک "ناپاک اتحاد” کا انکشاف ہوا ہے، جو کہ حالیہ دنوں میں فلسطین میں نہتے مسلمانوں پر ہونے والے اسرائیلی مظالم کے تناظر میں سامنے آیا ہے۔
اسرائیلی اہلکاروں کی موجودگی کو نہایت خطرناک قرار دیا جا رہا ہے اور کہا جا رہا ہے کہ یہ پاکستان کے خلاف کسی "خفیہ مہم جوئی” کی سہولت کاری کا حصہ ہے۔
ذرائع کے مطابق اسرائیل اور بھارت کا گٹھ جوڑ عالمی سلامتی کیلیے بڑا خطرہ ہے، پہلگام حملے کے پس پردہ ایجنڈا واضح طور پر بھارتی جنگی جنون کو مزید بڑھانا تھا تاکہ پاکستان کے خلاف مزید جارحانہ بیانیہ اختیار کیا جا سکے۔
اسی دوران مقبوضہ جموں و کشمیر میں بھارت کی پالیسیاں بھی اسرائیلی طرز پر دکھائی دے رہی ہیں جہاں مودی سرکار پہلے ہی بے گناہ کشمیریوں کا قتل عام کررہی ہے۔
دوسری جانب فلسطین میں بھی اسرائیلی فوج کی بربریت جاری ہے، جہاں اسرائیل نہتے فلسطینی مسلمانوں پر بمباری کر رہا ہے، جس کی عالمی سطح پر شدید مذمت کی جارہی ہے۔
