کولمبو: سری لنکا نے انگلینڈ کو چوتھے ون ڈے میں شکست دے کر سات میچز کی سیریز میں تین ایک کی برتری حاصل کرلی۔
کولمبو میں کھیلے جانے والے میچ کا ٹاس انگلینڈ نے جیت کر پہلے بیٹنگ کا فیصلہ کیا اور پوری ٹیم مقررہ اوورز میں دو سو پینسٹھ رنزبناکر آؤٹ ہوگئی، جیمز ٹیلر نروس نائینٹیز کا شکار ہوئے۔ وہ نوے رنزبناکر مینڈس کا شکار بنے۔
ایوائن مورگن نے باسٹھ رنز کی اننگز کھیلی۔ دلشان، ہیراتھ اور مینڈس نے تین تین وکٹیں حاصل کیں، جواب میں سری لنکا نے مطلوبہ ہدف آخری اوور میں چار وکٹوں کے نقصان پر حاصل کرلیا، سنگاکارا نے چھیاسی رنز کی اننگز کھیلی۔
میتھیوز نے ناٹ آؤٹ اکیاون رنز بنائے، سیریز کا پانچواں ون ڈے دس دسمبر کو پالیکلے میں کھیلا جائے گا۔
