کراچی : ڈکیتی مزاحمت پر آن لائن بائیک رائیڈر کے قتل سے متعلق اہم انکشافات سامنے آئے ، قتل میں ملوث ڈکیت گینگ کا اہم کردار ٹک ٹاکر یاور یونس نکلا۔
تفصیلات کے مطابق کراچی کے علاقے سچل میں ڈکیتی مزاحمت پرآن لائن بائیک رائیڈر کےقتل کے معاملے پر ڈکیت گینگ کا اہم کردار ٹک ٹاکر یاور یونس نکلا۔
عمران کو 5ہزارکےموبائل کے لیے کس نے اورکیوں قتل کیا؟ اس حوالے سے اہم انکشافات سامنے آئے، ایس ایس پی ایسٹ قمرجسکانی نے بتایا کہ بائیک رائڈر عمران کےقتل میں ملوث گروہ 6رکنی ہے ، قتل میں ملوث کامران،عمرفاروق اوریوسف کوگرفتارکیاگیا، مقتول عمران پر گولی چلانے والا ملزم کامران تھا۔
قمرجسکانی کا کہنا تھا کہ ملزمان کےمطابق ان کویادہی نہیں وہ کتنی وارداتیں کرچکےہیں، ملزمان ٹک ٹاکریاورکی مددسےوارداتیں انجام دیتے تھے ، گینگ کو واردات کے لیےاسلحہ اور موٹرسائیکل یاور دیتا تھا۔
ایس ایس پی ایسٹ نے کہا کہ یاورکوبدلےمیں ڈکیتی میں سے2حصےملتےتھے، سچل ڈکیتی میں 3موٹرسائیکلوں پر5 ملزمان تھے، کامران پیچھے بیٹھا تھا اور عمرفاروق موٹرسائیکل چلارہاتھا جبکہ بیک اپ پرعابداشرف اورعمران تھے۔
ان کا کہنا تھا کہ یاور کا کردار صرف سہولتکاری کا تھا، ملزم کامران نےموبائل دیرسےدینےپرعمران کوگولی ماری، کامران کےمطابق وہ پستول کابٹ ماررہاتھاکہ گولی چل گئی
قمرجسکانی کا کہنا تھا کہ ملزمان سکندرگوٹھ اوراطراف کےرہائشی ہیں، ملزمان سے مقتول عمران کا فون، چھینی ہوئی موٹرسائیکل برآمد کرلی ہے جبکہ سہولت کار یاوریونس سمیت 3ملزمان کی تلاش جاری ہے۔
