ARYNews.tv | Urdu – Har Lamha Bakhabar

Tag: SSU

  • ایس ایس یو میں اسامیوں پر بھرتی کا آغاز ہو گیا

    ایس ایس یو میں اسامیوں پر بھرتی کا آغاز ہو گیا

    کراچی: ایس ایس یو میں یونیفارم اور سویلین کی مختلف اسامیوں کے لیے بھرتی کا آغاز ہو گیا۔

    تفصیلات کے مطابق سندھ پولیس کے اسپیشل سیکیورٹی یونٹ میں اسامیوں پر بھرتی شروع ہو گئی ہے، جس کے لیے سندھ بھر سے اہل امیدواروں سے درخواستیں طلب کی جا رہی ہیں۔

    جونیئر کلرک (بی پی ایس۔11)، کمانڈوز (بی پی ایس۔07)، ڈرائیور کانسٹیبل (بی پی ایس۔07)، الیکٹریشن (بی پی ایس۔06)، میسن (بی پی ایس۔04)، پلمبر (بی پی ایس۔04) ، ٹیلر ماسٹر (بی پی ایس۔04)، پینٹر (بی پی ایس۔03)، کارپینٹر (بی پی ایس۔03)، ڈینٹر (بی پی ایس۔03)، آٹو مکینک (بی پی ایس۔03)، نائب قاصد (بی پی ایس۔01)، باربر (بی پی ایس۔01)، کک (بی پی ایس۔01)، ویٹر (بی پی ایس۔01)، سینیٹری ورکر (بی پی ایس۔01) سمیت مختلف اسامیوں کے لیے بھرتی کا عمل شروع ہو گیا ہے۔

    بھرتی کا عمل SIBA ٹیسٹنگ سروس (STS) کے ذریعے کیا جائے گا، ڈی آئی جی سیکیورٹی اینڈ ایمرجنسی سروسز ڈویژن مقصود احمد نے یونٹ میں بھرتی کے لیے میرٹ اور شفافیت کو اوّلین ترجیح قرار دیا ہے۔

    آن لائن درخواستیں جمع کرانے کی آخری تاریخ 20 جون 2024 ہے، جب کہ گریڈ 1 تا 4 کی اسامیوں کی آخری تاریخ 25 جون 2024 ہے۔

    ترجمان کے مطابق اعلان کردہ اسامیوں کے مطابق پولیس کانسٹیبل (مرد/خواتین) کی کل 1100، ڈرائیور پولیس کانسٹیبل (مرد) کی 450، جونیئر کلرک (مرد/خواتین) کی 34، الیکٹریشن (مرد) کی 11، میسن (مرد) کی 02، پلمبر (مرد) کی 01، ٹیلر ماسٹر (مرد) کی 03، پینٹر (مرد) کی 03، کارپینٹر (مرد) کی 02، ڈینٹر (مرد) کی 01، آٹومکینک (مرد) کی 03، نائب قاصد (مرد) کی 06، باربر کی 03، کک کی 17، ویٹر کی 11، سینٹری ورکر کی 11 اسامیوں پر اقلیتی کوٹہ سمیت صوبہ سندھ کے ڈومیسائل رکھنے والے امیدواروں کی درخواستیں مطلوب ہیں۔

  • ایس ایس یو کی موجودہ پیشہ ورانہ مہارت مثالی ہے: گورنر سندھ

    ایس ایس یو کی موجودہ پیشہ ورانہ مہارت مثالی ہے: گورنر سندھ

    کراچی: گورنر سندھ کامران ٹیسوری نے کہا ہے کہ ایس ایس یو کی موجودہ پیشہ وارانہ مہارت مثالی ہے، انھوں نے آج اسپیشل سیکیورٹی یونٹ ہیڈ کوارٹرز کا دورہ کیا۔

    تفصیلات کے مطابق گورنر سندھ محمد کامران خان ٹیسوری نے اسپیشل سیکیورٹی یونٹ ہیڈ کوارٹرز کا دورہ کیا، اس موقع پر ڈی آئی جی سیکیورٹی اینڈ ایمرجنسی سروسز ڈویژن کراچی ڈاکٹر مقصود احمد نے ان کا ستقبال کیا، جب کہ ایس ایس یو کے خصوصی دستے نے ان کی آمد کے موقع پر سلامی پیش کی۔

    ترجمان ڈی آئی جی سیکیورٹی اینڈ ایمرجنسی سروسز ڈویژن کراچی کے مطابق گورنر سندھ نے ڈی آئی جی کے ہمراہ ہ اسلحہ خانہ، فائرنگ رینج اورایس ایس یو کے مختلف شعبوں کا دورہ کرتے ہوئے ایس ایس یو کی موجودہ پیشہ وارانہ مہارت اور انتظامات کو مثالی قرار دیا۔

    ڈی آئی جی ڈاکٹر مقصود احمد نے گورنر سندھ کو ایس ایس یو کے قیام سے لے کر جدت سے آراستہ یونٹ کی تشکیل تک کے سفر کے بارے میں آگا ہ کیا۔ انھو ں نے مزید بتایا کہ ملک میں پہلی مرتبہ ایس ایس یو سندھ پولیس میں S.W.A.T ٹیم قائم کی گئی ہے، جس میں کمانڈوز بشمول لیڈی کمانڈوز تربیت یافتہ اور جدید ہتھیاروں سے لیس ہیں، جو کسی بھی ناخوش گوار حالات سے نمٹنے کے لیے ہمہ وقت تیار رہتے ہیں۔

    انھوں نے بتایا کہ کمانڈوز کی پیشہ وارانہ مہارت میں مزید اضافے کے لیے پاکستان آرمی مختلف ٹریننگ انسٹیٹیوٹ میں تربیت فراہم کر رہی ہے۔ ڈی آئی جی سیکیورٹی اینڈ ایمرجنسی سروسز ڈویژن کراچی نے سندھ پولیس کے ذیلی ادارے مددگار 15 میں کی جانے والی اصلاحات اور اپ گریڈیشن کے بارے میں آگاہ کیا کہ مددگار 15 جس کا کسی بھی ایمرجنسی صورت حال میں ریسپانس ٹائم 30-40 تھا، اب محدود ہو کر 07-10 ہو گیا ہے۔

    کامران خان ٹیسوری نے ایس ایس یو کے انتظامی، سیکیورٹی اور انسداد دہشت گردی امور میں اعلیٰ پیشہ ورانہ معیار کو سراہا اور سندھ پولیس کے شہدا کو خراج تحسین پیش کرتے ہوئے کہا کہ شہر اور صوبے کا امن برقرار رکھنے میں سندھ پولیس اہم کردار ادا کر رہی ہے۔

    دورے کے موقع پر گورنر سندھ نے S.W.A.T ٹیم کی جانب سے دہشت گردوں سے نمٹنے کے لیے مشقوں کا مشاہدہ کیا۔ ڈی آئی جی سیکیورٹی ڈاکٹر مقصود احمد نے مہمان کو اعزازی شیلڈ بھی پیش کی۔

  • کراچی میں اسپیشل یونٹ کے افسران یو این سیکریٹری جنرل کے کمرے میں زبردستی گھس گئے

    کراچی میں اسپیشل یونٹ کے افسران یو این سیکریٹری جنرل کے کمرے میں زبردستی گھس گئے

    کراچی: شہر قائد میں اسپیشل سیکیورٹی یونٹ (ایس ایس یو) کے افسران اقوام متحدہ کے سیکریٹری جنرل انتونیو گوتریس کے کمرے میں زبردستی گھس گئے۔

    تفصیلات کے مطابق اقوام متحدہ کے سیکریٹری جنرل کی کراچی آمد کے موقع پر ایک نہایت ناخوش گوار واقعہ پیش آیا، جس پر وزارت خارجہ نے شدید برہمی کا اظہار کیا ہے۔

    چیف سیکریٹری سندھ کو وزارت خارجہ کی جانب سے لکھے گئے خط کے مطابق ایس ایس یو پولیس نے خود نمائی کے لیے سیکیورٹی داؤ پر لگا دی تھی، اور افسران نے سیکریٹری جنرل انتونیو گوتریس کی موجودگی کو یونٹ کی تشہیر کا ذریعہ بنانے کی کوشش کی۔

    وزارت خارجہ کے مطابق ایس ایس یو کے افسران زبردستی سیکریٹری جنرل کے لاؤنج میں گھس گئے تھے جہاں ان کی بالکل ضرورت نہیں تھی، افسران نے کمرے میں زبردستی اپنے فوٹوگرافر کو انٹری دلوائی۔

    وزارت خارجہ کا کہنا ہے کہ ایس ایس یو افسران نے رمادا ہوٹل میں غیر ملکی نشریاتی ادارے کو سیکریٹری جنرل کے انٹرویو کے دوران مداخلت کی کوشش کی ہے، مہمان کے سیکیورٹی اسٹاف نے ایس ایس یو اہل کاروں کو متعدد بار ایسی حرکتوں سے باز رہنے سے روکا تھا، لیکن ایس ایس یو کے 6 افراد انتہائی ڈھٹائی اور کم ظرفی کا مظاہرہ کرتے ہوئے معزز مہمان کے سوئٹ میں غیر قانونی طور پر گھس گئے۔

    وزارت خارجہ کے مطابق اقوام متحدہ کے سیکریٹری جنرل کے سیکیورٹی اسٹاف کی مزاحمت کے باوجود ایس ایس یو اہل کار کمرے میں داخل ہوئے، افسران نے سیکریٹری جنرل کو بلا اجازت تحائف پیش کیے اور متعدد تصاویر بنوائیں۔

    اسپیشل برانچ کے عملے نے بھی مہمان کی آمد پر انتہائی غیر ذمہ داری کا ثبوت دیا، اسپیشل برانچ کے افسران نے اپنے کمروں میں چیک ان ہونے کے بعد مہمان کے کمرے سے قریب رہنے کی زحمت بھی گوارہ نہیں کی تھی۔

    وزارت خارجہ نے مراسلے میں کہا کہ سرکاری مہمان کی آمد پر سیکیورٹی اہل کاروں کا ایسا رویہ پروٹوکول کی سنگین خلاف ورزی ہے، احتیاط کرنے کی ہدایت دی جائے۔

  • سندھ پولیس میں میرٹ پر تبادلوں کا آئی جی کا دعویٰ کھوکھلا نکلا

    سندھ پولیس میں میرٹ پر تبادلوں کا آئی جی کا دعویٰ کھوکھلا نکلا

    کراچی: سندھ پولیس میں میرٹ پر تبادلوں کا آئی جی امجد جاوید سلیمی کا دعویٰ کھلوکھلا نکلا، الیکشن کے لیے سندھ میں نئےآئی جی کی تعیناتی بھی اسٹیٹس کو توڑ نہ سکی۔

    تفصیلات کے مطابق سندھ کے مختلف اضلاع میں سالوں سے تعینات افسران کا تبادلہ نہیں کیا گیا، ایک ضلع میں تعینات ایس ایس پی کو ہٹا کر پڑوسی ضلع میں لگا دیا گیا جبکہ ضلع غربی میں 19 گریڈ کی سیٹ پر گریڈ 18 کے ایس پی ڈاکٹر رضوان تعینات ہیں۔

    امجد شیخ کو اس بار بھی الیکشن میں نوشہروفیروز میں ڈی پی اوتعینات کیا گیا ہے، امجد شیخ پچھلے 8 سال سے مختلف اضلاع میں ڈی پی او تعینات رہے۔

    محکمہ پولیس سندھ میں بڑے پیمانے پر کرپشن کا کیس سامنے آگیا

    علاوہ ازیں لاڑکانہ، نوابشاہ کے بعد تنویر تنیو کو دادو میں ایس ایس پی لگا دیا گیا ہے، منظور نظر تنویر تنیو مسلسل 4 اضلاع میں ڈی پی او تعینات رہے۔

    دوسری جانب ذرائع کے مطابق سندھ کے طاقتور ایس ایس پی کا تبادلہ نئے آئی جی امجد جاوید سلیمی کو بھاری پڑ گیا ہے کیوں کہ مقصود میمن نے اب تک ایس ایس یو کا چارج نہیں چھوڑا، 10 سال بعد ایس ایس یو سے ایس ایس پی کی پوسٹ پر مقصود میمن کا تبادلہ کیا گیا تھا۔

    ذرائع کا یہ بھی کہنا تھا کہ ایس ایس پی مقصود میمن کو کہا گیا ہے چارج نہ چھوڑیں احکامات معطل کر دیے جائیں گے جبکہ دوسری جانب ایس ایس پی مقدس حیدر کو چارج لینے سے روک دیا گیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • قائد آباد: پولیس وین کے قریب بم دھماکہ، دو اہلکارشہید

    قائد آباد: پولیس وین کے قریب بم دھماکہ، دو اہلکارشہید

    کراچی:قائد آباد میں پولیس وین کے قریب دھماکہ ، دواہلکار شہید پندرہ زخمی، تفصیلات کے مطابق کراچی میں پولیس اہلکار ایک بار پھر دہشت گردی کا شکار ہوگئے۔

    قائد آباد میں اسپیشل سیکیورٹی یونٹ  (ایس ایس یو) کی وین کے قریب بم دھماکہ سے دو اہلکار شہید اورپندرہ زخمی ہوگئے، مذکورہ بم قریب کھڑی موٹر سائیکل میں نصب تھا، زخمیوں کوفوری طور پر جناح اسپتال پہنچایا گیا۔

    جن میں سےمتعدد زخمیوں کی حالت تشویشناک ہے، مذکورہ وین میں پچاس سے زائد اہلکار سوار تھے، جو بلاول ہاؤس میں ڈیوٹی دینے جارہے تھے۔

      لانڈھی میں مرغی خانہ بس اسٹاپ پر پولیس وین کے قریب ریموٹ کنٹرول ڈیوائس کے ذریعے دھماکا کیا گیا جس کےنتیجے میں اسپیشل سیکیورٹی یونٹ (ایس ایس یو) کے 15 اہلکار زخمی ہو گئے۔ دھماکا اتنا شدید تھا کہ اس کی آواز دور دور تک سنی گئی جب کہ اس کی شدت سے قریبی عمارتوں کے شیشے بھی ٹوٹ گئے۔

    امدادی ٹیموں کے اہلکاروں نے زخمیوں کو فوری طور جناح اسپتال منتقل کیا جہاں دوران علاج ایس ایس یو کے 2 اہلکار دم توڑ گئے جب کہ دیگر زخمیوں کو طبی امداد دی جا رہی ہے۔

    جناح اسپتال کے شعبہ ایمرجنسی کی انچارج ڈاکٹر سیمی جمالی کا کہنا ہے کہ کسی بھی ہنگامی صورت حال سے نمٹنے کے لئے ایمرجنسی نافذ کر دی گئی ہے ۔

    پولیس حکام کے مطابق دھماکا خیز مواد موٹر سائیکل میں نصب کیا گیا تھا جب کہ اس میں رزاق آباد پولیس ٹریننگ سنٹر کی بس کو اس وقت نشانہ بنایا گیا جب پولیس اہلکار ڈیوٹی پر بلاول ہاؤس کی طرف آرہے تھے۔

    قانون نافذ کرنے والے اداروں نے علاقے کا محاصرہ کر کے شواہد اکٹھے کرنا شروع کر دیئے ہیں ، دوسری جانب واقعے کے بعدعلاقے میں جاری پولیو مہم کو روک دیا گیا ہے۔