کراچی: کے پی او پر حملہ کرنے والے دہشت گردوں کو پولیس کمانڈوز کے اسنائپر نے ڈرون ٹیکنالوجی کی مدد سے نشانہ بنایا۔
تفصیلات کے مطابق گزشتہ روز کراچی پولیس چیف آفس پر حملہ کرنے والے دہشت گردوں کو اسپیشل سیکیورٹی یونٹ (ایس ایس یو) کے کمانڈوز نے ہلاک کیا، یونٹ کے اسنائپر نے دہشت گردوں کو ڈرون ٹیکنالوجی کی مدد سے تلاش کر کے نشانہ بنایا گیا۔
ایس ایس یو کے ڈرون کی فوٹیجز اے آر وائی نیوز نے حاصل کیں، فوٹیج میں دہشت گردوں کو فائرنگ کرتے دیکھا جا سکتا ہے، اسنائپر نے ڈرون فوٹیج کی مدد سے دہشت گردوں کی پوزیشن کا تعین کر کے اُنھیں ہلاک کیا۔
فوٹیج میں اسنائپر کو دہشت گرد کو نشانہ بناتے دیکھا جا سکتا ہے۔