بھارتی اداکار ہرش ورھن رانے اور پاکستانی اداکارہ ماورا حسین کی فلم ’صنم تیری قسم‘ کی دوبارہ ریلیز نے باکس آفس پر بڑے ریکارڈ توڑ دیئے۔
پاکستان کی اداکارہ ماورا حسین نے 2016 میں بھارتی اداکار ہرش وردھن رانے کے مد مقابل فلم ’صنم تیری قسم‘ سے بالی ووڈ میں قدم رکھا تھا، 2016 میں ریلیز ہونے والی فلم 9 سال بعد رواں ماہ دوبارہ ریلیز کیا گیا جس کے بعد سے اس فلم نے اپنے پرانے تمام ریکارڈز توڑ ڈالے ہیں۔
اب حال ہی میں ہرش وردھن رانے نے ایک انٹرویو میں شرکت کی جہاں انہوں نے فلم صنم تیری قسم بھارت میں دوبارہ ریلیز ہونے کے بعد اپنی فلم کی نئی کامیابی کے بارے میں بات کی۔
اداکار نے دوران انٹرویو ماورا حسین کی تعریف کرتے ہوئے کہا کہ ماورا حسین ایک زبردست اسٹار ہیں، وہ جانتی ہیں کہ وہ کیا کام کر رہی ہیں اور جب وہ کوئی کام کرنے کا سوچ لیتی ہیں تو وہ اس کے لیے 100 فیصد کوشش کرتی ہیں۔
اُنہوں نے کہا کہ ماورا حیسن کی اداکاری فلم کے ہر سین میں بہت زبردست تھی اور ان کا اچھا کام نظر آ رہا تھا، لیکن 2016 میں فلم کی ناکامی کے بعد میں نے اب دفلم سے جڑے تمام لوگوں سے رابطی ختم کردیا تھا۔
اداکار ہرش نے ماورا حسین کو شادی کی مبارکباد دیتے ہوئے انکشاف کیا کہ 2016 میں جب فلم’صنم تیری قسم‘ باکس آفس پر فلاپ ہوگئی تھی تو میں نے ماورا حسین کے ساتھ ساتھ فلم کے پورے عملے سے رابطہ منقطع کر دیا تھا۔
انہوں نے کہا کہ فلم اب دوبارہ ریلیز ہوئی ہے جس کے بعد اس فلم کی باکس آفس پر شاندار کامیابی کے جھنڈے گاڑ رہی ہے اور یہ کامیابی ماورا حسین کے لیے شادی کا تحفہ ہے۔
اداکار کا مزید کہنا تھا کہ میں امید کرتا ہوں کہ اب دوبارہ ریلیز پر فلم کی اس شاندار کامیابی سے ان کی خوبصورتی میں اضافہ ہوگا کیونکہ وہ شادی کی تصاویر میں بہت خوبصورت لگ رہی تھیں۔
View this post on Instagram
