Tag: state bank of bank

کراچی: ملک میں زر مبادلہ کے ذخائر پندرہ ارب ڈالر سے بڑھ گئے اسٹیٹ بینک نے شرح سود میں کمی پر غور کا وعدہ کرلیا ۔

اسلام آباد میں وزیراعظم سے وزیرخزانہ اسحاق ڈار کی نے ملاقات کی، وزیر خزانہ نے بتایا کہ دس ارب ڈالر اسٹیٹ بینک اور پانچ ارب ڈالر سے زائد زرب مبادلہ کمرشل بینکوں کے پاس ہے، وزیر خزانہ نے زرمبادلہ ذاخائر میں اضافے کیلئے لئے کئے گئے اقدامات کے بارے میں بھی آگاہ کیا۔

دوسری جانب کراچی میں تاجروں سے بات کرتے ہوئے گورنر اسٹیٹ بینک کا کہنا تھا مہنگائی کی شرح میں کمی ہوئی ہے اور شرح سود میں کمی کیلئے مہنگائی کے ساتھ دیگر عوامل کا جائرہ بھی لینا ہوگا۔

کراچی :گورنراسٹیٹ بینک اشرف محمود وتھرا نے کہا ہے کہ موبائل منی عوام کی مالی خدمات تک رسائی کا موٴثرذریعہ ہے۔

گورنراسٹیٹ بینک اشرف محمود وتھرا کا کہنا ہے مختلف نظام کی یکجائی سے موبائل والٹس کے استعمال میں اضافہ ہوگا۔ پاکستان میں موبائل فون صارفین کی تعداد چودہ کروڑ ہے جبکہ بینکاری اکاؤنٹس کی تعداد صرف تین کروڑ سترلاکھ ہے۔

انہوں نے کہا کہ مالی خدمات سے محروم“ افراد کو خریداری، یوٹیلٹی بلز کی ادائیگی، قرض لینے اور بچت یا سرمایہ کاری کرنے میں مشکلات کا سامنا ہے، برانچ لیس بینکاری، بینکاری سہولیات کے فروغ کا اہم ذریعہ ثابت ہو رہی ہے۔