Tag: stock exchange

کراچی: گزشتہ کاروباری ہفتے میں پاکستان اسٹاک ایکسچینج میں تیزی دیکھی گئی، 100 انڈیکس میں 3.3 فیصد اضافہ ہوا۔

تفصیلات کے مطابق پاکستان اسٹاک مارکیٹ میں گزشتہ ہفتے عاشورہ کی چھٹیوں کی وجہ سے صرف 3 دن کام ہوا۔ ان 3 دنوں میں 100 انڈیکس میں 3.3 فیصد کا اضافہ ہوا۔

ہفتے کے آخری روز 100 انڈیکس 1 ہزار 14 پوائنٹس بڑھ کر 31 ہزار 4 سو 81 پوائنٹس پر بند ہوا۔

اس دوران مارکیٹ کیپٹلائزیشن میں بھی 124 ارب روپے کا اضافہ ہوا جس کے بعد مارکیٹ کیپٹلائزیشن 6312 ارب روپے ہوگئی۔ امریکی ڈالر میں مارکیٹ کا حجم 40 ارب ڈالر ہوگیا۔

معاشی ماہرین کے مطابق بنیادی شرح سود میں کمی اور ایف اے ٹی ایف میں مثبت خبروں کی وجہ سے مارکیٹ میں تیزی رہی۔

اس سے گزشتہ ہفتے بھی پاکستان اسٹاک ایکسچینج میں تیزی دیکھی گئی تھی اور 100 انڈیکس میں 2.7 فیصد اضافہ ہوا تھا۔

2 سے 6 ستمبر کے دوران 100 انڈیکس 795 پوائنٹس اضافے سے 30 ہزار 467 پوائنٹس کی سطح پر بند ہوا۔

اس ہفتے شیئرز کی قیمت میں بھی اضافہ ہوا جس کے باعث مارکیٹ کپیٹلائزئشن 105 ارب روپے اضافے سے 6187 ارب روپے ہوگئی تھی۔

کراچی: گزشتہ کاروباری ہفتے میں پاکستان اسٹاک ایکسچینج میں مندی دیکھی گئی، 100 انڈیکس میں 1 ہزار 6 سو 78 پوائنٹس کی کمی واقع ہوئی۔

تفصیلات کے مطابق پاکستان اسٹاک مارکیٹ میں 2 ہفتوں کی مندی اور ایک ہفتہ تیزی کے بعد گزشتہ ہفتے پھر مندی دیکھی گئی۔ ایک ہفتے میں 100 انڈیکس میں 1678 پوائنٹس کی کمی ہوئی۔

گزشتہ ہفتے انڈیکس کی 31 اور 30 ہزار کی نفسیاتی حدیں برقرار نہ رہ سکیں، اہک ہفتے میں انڈیکس 31 ہزار 350 پوائنٹس سے گر کر 29 ہزار 672 پوائنٹس کی سطح پر بند ہوا۔

گزشتہ ہفتے 61 کروڑ 76 لاکھ سے زائد حصص کے سودے ہوئے، کاروبار کیے گئے شیئرز کی مالیت 23 ارب 25 کروڑ روپے سے زائد رہی۔ ایک ہفتے میں مارکیٹ کیپٹلائزیشن میں بھی 256 ارب روپے کمی ہوئی، مارکیٹ کیپٹلائزیشن 6339 ارب سے گر کر 6082 ارب پر آگئی۔

اس سے گزشتہ ہفتے پاکستان اسٹاک مارکیٹ میں تیزی دیکھی گئی تھی، اس ہفتے کے دوران 100 انڈیکس میں 9 فیصد کا اضافہ ریکارڈ کیا گیا تھا۔

19 سے 23 اگست کے دوران 100 انڈیکس 2 ہزار 585 پوائنٹس اضافے سے 31 ہزار 350 کی سطح پر بند ہوا تھا، جبکہ مارکیٹ کیپٹلائزیشن میں بھی 424 ارب روپے کا اضافہ ہوا اور کیپٹلائزیشن 5916 ارب سے بڑھ کر 6340 ارب روپے ہوگئی۔