کراچی: اسٹاک مارکیٹ میں بلندیوں کاسفر سال نوکے آغاز پر بھی جاری رہا، سال دوہزارپندرہ کےپہلےروزساڑھےتین سو پوائنٹس کی تیزی ریکارڈکی گئی۔
کراچی اسٹاک مارکیٹ میں سال دوہزار پندرہ کےپہلے روز تمام دن نمایاں تیزی کارجحان دیکھاگیا۔ مقامی سرمایہ کاروں کےساتھ غیرملکی سرمایہ کاربھی پاکستان کی شئیرمارکیٹ میں سرگرم نظر آئے۔سیمنٹ،کیمیکل، فرٹیلائیزر،ٹیکسٹائل اور انرجی سیکٹرکی کمپنیوں کےشئیرز میں سرمایہ کاروں کی دلچسپی نمایاں رہی۔
تجزیہ کاروں کےمطابق سرمایہ کاروں کو اُمید ہےکہ رواں ماہ مرکزی بینک شرح سود میں مزیدکمی کرےگا،کم ہوتی تیل کی قیمت اور مہنگائی سمیت بہترہوتی پاکستانی معیشت بازار حصص میں تیزی کی وجوہات ہیں،یکم جنوری کومارکیٹ کا بینچ مارک 100 انڈیکس 350 پوائنٹس بڑھکر 32480پوائنٹس پربندہوا۔
