کراچی: اسٹاک مارکیٹ میں جمعرات کوکاروبارکا آغاز ہی مندی سےہوا جس میں بتدری اضافہ ہوتاچلاگیا۔۔بڑےمالیاتی اداروں کی جانب سے شئیرزکی فروخت بڑھانےکےباعث دوران ٹریڈنگ مارکیٹ سات سو پینتیس پوائنٹس کی بڑی گراوٹ کاشکار ہوئی تاہم یہاں سے مارکیٹ میں ریکوری آتےدیکھی گئی۔
تجزیہ کاروں کےمطابق مسلسل اُوپرجانےکےبعد شئیر مارکیٹ میں ٹیکنیکل کریکشن آنی تھی جبکہ سیاسی صورتحال پھربگڑنے کےخدشات بھی مندی کی اہم وجہ رہے۔
کراچی اسٹاک مارکیٹ میں نیاریکارڈ قائم، ملکی تاریخ میں پہلی بار بتیس ہزار پوائنٹس کا تاریخی سنگ میل عبورکرگئی۔
ہر روز نیا ریکارڈ اپنے نام کرنے والی کراچی اسٹاک مارکیٹ نےمنگل کو ایک اور تاریخی ریکارڈ اپنےنام کیا، یہ ریکارڈ تھا ملکی تاریخ میں پہلی باربتیس ہزارپوائنٹس کا تاریخی سنگ میل عبورکرنا، شرح سود میں کمی سےآنے والی تیزی منگل کو بھی کراچی اسٹاک مارکیٹ کو اپنی لپیٹ میں لئےرہی جس میں مزید اضافہ اُس وقت ہوا جب مارکیٹ میں دو بڑے بینکوں کی جلد نجکاری کی خبریں گردش کرنےلگیں اور یوں مارکیٹ کےہنڈریڈ انڈیکس میں تین سوتین پوائنٹس کا نمایاں اضافہ ہوا جس سےمارکیٹ 320006 پوائنٹس کی تاریخی سطح پر بند ہوئی۔
کراچی: اسٹاک مارکیٹ میں نمایاں تیزی، مارکیٹ نے تاریخ کی بلندترین سطح پر پہنچنےکا نیا ریکارڈ قائم کردیا۔
کراچی اسٹاک مارکیٹ نےنئے ہفتےکا آغاز نئے ریکارڈ سےکیا، اسٹیٹ بینک کی جانب سے شرح سود میں کمی کے اعلان کے بعد پیر کو بازار حصص کراچی میں سرمایہ کار پوری طرح سرگرم نظر آئے۔
ملکی تاریخ میں پہلی بارمارکیٹ 31700 پوائنٹس کا سنگ میل عبورکرکےبند ہوئی، بینکنگ،،سیمنٹ،،ٹیکسٹائل اور انرجی سیکٹر کی کمپنیوں کےشئیرز میں سرمایہ کار وں کی دلچسپی نمایاں رہی۔۔کاروبارکےاختتام پرہنڈریٰڈ انڈیکس تین سو اُنسٹھ پوائنٹس بڑھکر اکتیس ہزار سات سو تین پوائنٹس پر بندہوا۔
کراچی: اسٹاک مارکیٹ کابلندیوں کاسفرجاری ہےتاہم تیزی کارجحان محدود رہا، جبکہ ڈالر اور سونامزیدسستےہوگئے، فی تولہ قیمت پانچ سو روپےگر گئی۔
کراچی اسٹاک مارکیٹ نےمنگل کو تاریخ کی بلندترین سطح اکتیس ہزار تین سوتین پوائنٹس پر بند ہونےکانیا ریکارڈ بنالیا، تاہم سرمایہ کار محتاط اور پرافٹ ٹیکنگ کرتےنظرآئےجبکہ کاروبارتمام دن اُتار چڑھائو کا شکار رہا، بروکرزکےمطابق پیرکےبرعکس منگل کو تیزی کا رجحان محدود رہا اور ہنڈریڈانڈیکس میں حتمی اضافہ صرف بائیس پوائنٹس ہوسکا، ادھر کرنسی مارکیٹس میں ڈالرکی بےقدری جاری ہے۔
منگل کو انٹربینک مارکیٹ میں ڈالرکی قیمت پندرہ پیسےگرکر ایک سو ایک روپےباسٹھ پیسےپربندہوئی، ُوپن کرنسی مارکیٹ میں ڈالر ایک سو ایک روپےپچاس پیسےمیں فروخت ہوا، عوام کیلئے اچھی خبر یہ بھی ہےکہ سونا مزید سستاہوگیاہے۔سونےکی فی تولہ قیمت پانچ سو روپےگر کرچھیالیس ہزار پانچ سو روپے پر آگئی، اسی طرح دس گرام سونےکےبھائو چارسو اٹھائیس روپےکم ہوکر اُنتالیس ہزار آٹھ سو ستاون روپےہوگئے۔
کراچی: ٹریڈنگ کے دروان کراچی اسٹاک مارکیٹ تاریخ کی بلند ترین سطح پر پر پہنچ گئی۔ ٹریڈنگ کے دوران انڈیکس نے تیس ہزار چھ سو پوائنٹس کی سطح کراس کرلی ۔
او جی ڈی سی ایل کی نجکاری اور آئی ایم ایف سے مذاکرات میں مثبت پیش رفت کے باعث کراچی اسٹاک مارکیٹ میں سرمایہ کاروں کی جانب سے دلچسپی دیکھی گئی۔
ٹریڈنگ کے دوران ایک موقع پر انڈیکس ڈھائی سو سے زائد پوائنٹس اضافے کے بعد تیس ہزار چھ سو پوائنٹس کی سطح کراس کرگیا۔
اسٹاک امارکیٹ تجزیہ کاروں کے مطابق ملک میں جاری سیاسی اتار چڑھاؤ میں کمی سے غیر ملکی سرمایہ کار بھی اسٹاک مارکیٹ میں کافی سرگرم نظر آرہے ہیں۔
کراچی: تحریک انصاف کے ایم این ایز کےاستعفوں کی گونج نےسرمایہ کاروں کا اعتماد متاثر کردیا،سیاسی بےچینی بڑھنےپرکراچی اسٹاک مارکیٹ مندی کا شکار ہوگئی۔
بدھ کو مثبت آغاز اور ٹریڈنگ کےدوران ایک سو پچیس پوائنٹس تک اُوپر جانےوالی کراچی اسٹاک مارکیٹ بند ہونے سےقبل مندی کی لپیٹ میں آگئی،مارکیٹ ذرائع کےمطابق پی ٹی آئی کے ایم این ایزکےاستعفےدینے کیلئےاسپیکر قومی اسمبلی کےپاس پہنچ جانےکےبعد بازار حصص میں فروخت کا دبائو دیکھاگیا۔
تجزیہ کاروں کےمطابق آئندہ دنوں سیاسی بے چینی بڑھنےکےخدشات پر سرمایہ کار وں نےشئیرز بیچ کرسائیڈ لائن ہونے کو ترجیح دی،کاروبارکےاختتام پر مارکیٹ کا ہنڈریڈ انڈیکس ایک سو بارہ پوائنٹس گرکر تیس ہزار ایک سو تیرہ پوائنٹس پر بند ہوا۔
کراچی: اسلام آبادمیں دھرناختم ہونے اورسیاسی صورتحال میں بہتری کے باعث کراچی اسٹاک مارکیٹ میں تیزی کا رجحان واپس لوٹ آیا۔
تفصیلات کے مطابق اسلام آبادمیں جاری دھرنوں میں سےایک دھرناختم ہونے پرسیاسی صورتحال میں بہتری کی توقع پر بدھ کو سرمایہ کارایک بار پھر شئیر مارکیٹ میں سرگرم ہوتےنظرآئے۔کئی روز سے دبائو کا شکار کراچی اسٹاک مارکیٹ میں تمام دن نمایاں تیزی کا رجحان دیکھاگیا۔
بینکنگ،سیمنٹ اور آئل اینڈ گیس سیکٹر کی کمپنیوں کےشئیرز میں خریداری نمایاں رہی۔آٹھ ارب روپےمالیت کےسترہ کروڑ شئیرزکےسودوں کےساتھ کاروبارکےاختتام پر ۔مارکیٹ کابینچ مارک ہنڈریڈانڈیکس دوسوچھیالیس پوائنٹس بڑھ کر اُنتیس ہزار نوسوچالیس پوائنٹس پربندہوا،
کراچی: سیاسی تصادم کاخطرہ ٹل جانےاور بحران کاحل نکلنےکےآثارکراچی اسٹاک مارکیٹ میں دوسری بڑی ریکارڈ تیزی کا باعث بن گئے۔کرنسی مارکیٹس میں بھی روپیہ مضبوط اور ڈالرکمزور ہوگیا۔جمعےکو شئیر مارکیٹ میں کاروبارکا آغاز ہی انڈیکس میں ایک ہزار پوائنٹس کےاضافےسےہوا جو ایک نیاریکارڈ ہے۔
سیاسی بحران کےحل کیلئےآرمی چیف کی ثالثی کی پیشرفت نےدو ہفتوں سےدبائو اور چار روز سےمتواتر مندی کاشکار مارکیٹ میں نئی جان ڈال دی۔ سرمایہ کاروں کا اعتمادواپس لوٹ آنےسےمارکیٹ میں تمام دن لائو مال کی آوازیں سنائی دیتی رہیں۔
کاروبارکےاختتام پرمارکیٹ کےبینچ مارک 100انڈیکس میں سات سو ترانوے پوائنٹس کانمایاں اضافہ ہواجو شئیر مارکیٹ میں کسی ایک دن میں ہونےوالا تاریخ کا دوسرا سب سےبڑا اضافہ ہے۔
اس سےقبل کراچی اسٹاک مارکیٹ میں 24 جنوری دوہزار آٹھ کو 960 پوائنٹس کی تاریخ کی سب سے بڑی تیزی رونما ہوئی تھی۔ سیاسی محاذ آرائی میں کمی کےمثبت اثرات جمعےکوکرنسی مارکیٹس پر بھی مرتب ہوئے۔انٹربینک میں امریکی ڈالرساٹھ پیسےسستاہوکر 101روپےستر پیسےپر بندہوا۔اسی طرح اُوپن مارکیٹ میں بھی ڈالرکی قیمت پچاس پیسےگرکر101روپے پچیس پیسےپر آگئی۔
سیاسی مذاکرات میں تعطل اور سیاسی رہنمائوں کے جارحانہ بیانات نے کراچی اسٹاک مارکیٹ کی جان نکال دی۔مارکیٹ ایک دن میں ساڑھے تین سو پوائنٹس گرگئی۔
بازار حصص کراچی میں نئےکاروباری ہفتےکا آغاز خاصا مایوس کن رہا، پیرکو شئیر مارکیٹ بگڑتی ہوئی سیاسی صورتحال کےدبائو کا مقابلہ نہ کرسکی اور مارکیٹ میں مندی کا ایک اور بڑی لہر رونما ہوئی، مارکیٹ کا کاروباری حجم صرف آٹھ کروڑ شئیرز کے سودوں تک محدود ہوگیا۔
تجزیہ کاروں کےمطابق گذشتہ دنوں حکومتی خواہش پر سرکاری مالیاتی اداروں نےخریداری کرکے مارکیٹ کو سنبھالا تھا تاہم پیرکو سرکاری مالیاتی ادارے بھی مارکیٹ سے سائیڈ لائن نظر آئے، تمام دن جاری رہنے والی مندی کے نتیجے میں کاروبار کے اختتام پر مارکیٹ کا بینچ مارک ہنڈریڈ انڈیکس 352 پوائنٹس گرکر 28519 پوائنٹس پر بند ہوا۔
اسٹیٹ بینک آف پاکستان نے بھی موجودہ صورت حال پر تشویش کا اظہار کردیا۔ ترجمان کا کہنا ہے سیاسی کشیدگی روپے کی قدر میں کمی کا باعث ہے لیکن یہ عارضی ہے ۔اسٹیٹ بینک آف پاکستان کے ترجمان اورڈائریکٹر مانیٹری پالیسی حمزہ ملک کا کہنا کہ روپے کی قدرمیں حالیہ کمی کی وجہ سیاسی گرما گرمی ہے ۔
انھوں نے مزید کہا اس بے یقینی کا اسٹاک مارکیٹ میں بھی ردعمل ظاہرہو چکاہے۔حمزہ علی ملک کاکہنا ہےاحتجاج کی وجہ سے سپلائی چین متاثر ہوگی۔ سپلائی چین پر اثرات اور روپے کی قدر میں کمی مہنگائی میں اضافہ کرے گی ۔
مرکزی بینک ترجمان کے مطابق روپے کی قدر میں یہ کمی عارضی ہےکیونکہ آنے والے دنوں میں ڈالر انفلوز متوازن رہیں گے۔ انھوں نے کہا آئی ایم ایف کے ساتھ مذاکرات میں کوئی تعطل نہیں۔آئی ایم ایف کی جانب سے اسٹیٹ بینک کے دائرہ کار میں بہتری کے لیے تین تجاویز پرعمل کیاجاچکا ہے۔