اسلام آباد : کورونا وائرس کےخدشات کے پیش نظر سعودی حکومت نےپاکستان کوحج معاہدےکرنےسےروک دیا اور کہا صورتحال بہتر ہوتے ہی آگاہ کریں گے۔
تفصیلات کے مطابق سعودی حکومت نےپاکستان کوحج معاہدےکرنےسےروک دیا ، اس حوالے سے سعودی وزیر حج کا مراسلہ وزارت مذہبی امورکو موصول ہوگیا ہے۔
سعودی حکومت کی جانب سے مراسلے میں کہا گیا ہے کہ کورونا وائرس کےخدشات کے پیش نظر حج معاہدہ نہ کریں، سعودی حکومت صورت حال پر نظر رکھے ہوئے ہے، صورتحال بہتر ہوتے ہی آگاہ کریں گے۔
وزارت مذہبی امور نے سعودی حکومت کی اطلاع کے بعد کام روک دیا ہے۔
مزید پڑھیں : حج سے متعلق سوشل میڈیا پر افواہیں، اہم وضاحت سامنے آگئی
یاد رہے چند روز قبل وفاقی وزیر مذہبی امور نور الحق قادری نے کہا تھا کہ سعودی وزارت حج نے ٹرانسپورٹ، ہوٹل اور بلڈنگ حتمی معاہدہ فی الحال موخر کرنے کا مشورہ دیا ہے، فی الحال حج2020 نہ ہونے کی بات قبل از وقت ہے، امید ہے حج تک صورت حال بہتر ہوجائے گی، مصدقہ اطلاعات کے لیے وزارت کے آفیشل سوشل میڈیا کو فالو کریں، جھوٹی خبروں پر کان نہ دھریں۔
سعودی وزارت حج نے ٹرانسپورٹ، ہوٹل/بلڈنگ حتمی معاہدہ فی الحال موخر کرنے کا مشورہ دیا ھے۔ فی الحال #hajj2020 نہ ہونے کی بات قبل از وقت ھے۔ اللہ تعالی سے امید ھے کہ حج کے ایام تک صورت حال بہتر ہو جائے گی۔ مصدقہ اطلاعات کیلئے وزارت کے آفیشل سوشل میڈیا کو فالو کریں: وزیر مذہبی امور
— Pir Dr. Noor ul Haq Qadri (Official) (@MORAisbOfficial) March 24, 2020
وفاقی وزیر کا کہنا تھا کہ سوشل میڈیا پر حج روکنے کی خبر میں کوئی صداقت نہیں۔ حج انتظامات معمول کے مطابق جاری ہیں۔ ہم سعودی وزارت حج و عمرہ سے مسلسل رابطے میں ہیں۔ سعودی عرب نے حج انتظامات روکنے سے متعلق کوئی حکم جاری نہیں کیا۔ سعودی حکام ایسے اعلان سے پہلے بڑے مسلم ممالک سے مشاورت کرے گی۔
سوشل میڈیا پر حج روکنے کی خبر میں کوئی صداقت نہیں۔ حج انتظامات معمول کے مطابق جاری ہیں۔ ہم سعودی وزارت حج و عمرہ سے مسلسل رابطے میں ہیں۔ سعودی عرب نے حج انتظامات روکنے سے متعلق کوئی حکم جاری نہیں کیا۔ سعودی حکام ایسے اعلان سے پہلے بڑے مسلم ممالک سے مشاورت کرے گی: وزیر مذہبی امور
— Pir Dr. Noor ul Haq Qadri (Official) (@MORAisbOfficial) March 24, 2020
خیال رہے کورونا وائرس سے دنیا بھرمیں ہلاک افراد کی تعداد 21 ہزار 344 ہوگئی ہے جبکہ 4 لاکھ تہترہزار543 متاثرہیں۔
