Tag: storm

نیویارک: امریکا کی مختلف ریاستوں میں برفانی طوفان نے تباہی مچادی، جس کے نتیجے میں تین افراد ہلاک ہوگئے جبکہ نظام زندگی بھی درہم برہم ہے۔

تفصیلات کے مطابق امریکی ریاست کولوراڈو سمیت 14ریاستوں کو برفانی طوفان کاسامنا ہے، مختلف حادثات میں 3افراد ہلاک ہوگئے۔

غیر ملکی خبر رساں ادارے کے مطابق برفانی طوفان کے باعث ٹریفک کی روانی بھی شدید متاثر ہے، شہر کے کئی علاقے زیرآب آچکے ہیں۔

محکمہ موسمیات نے تیز ہواؤں اور مزید بارشوں کی پیش گوئی کی ہے، کولوراڈو، الینوائے اور دیگر مقامات پر 2 فٹ سے زائد برف باری ہوئی۔

بارشیں اور تیز ہوائیں چلنے سے نظام زندگی بھی معطل ہوگیا، مختلف حادثات میں 3افراد ہلاک ہوگئے جبکہ 5 کروڑ سے زائد افراد متاثر ہیں۔

امریکا میں برفانی طوفان نے تباہی مچادی، سات افراد ہلاک

دوسری جانب جرمنی کے شہر میونخ میں بارش کے ساتھ گالف بال سائز کے اولے گرے اور گاڑیوں کو نقصان پہنچا۔ ٹریفک کی روانی بھی شدید متاثر ہوئی، شہر کے کئی علاقے زیرآب آگئے، محکمہ موسمیات نے تیز ہواؤں اور مزید بارشوں کی پیش گوئی کی ہے۔

خیال رہے کہ رواں سال جنوری میں امریکا کی مختلف ریاستوں میں برفباری نے معمولات زندگی درہم برہم کردیا تھا، امریکا کی وسط مغربی ریاستوں میں برفانی طوفان کے باعث مختلف حادثات میں سات افراد ہلاک ہوئے تھے۔

واشنگٹن: امریکی ریاست میسوری میں طوفانی بگولوں نے تباہی مچادی، جس کے باعث تین افراد ہلاک ہوگئے۔

تفصیلات کے مطابق امریکی ریاست میسوری میں طوفانی بگولوں سے تین افراد ہلاک ہوگئے، طوفانی بگولا چھتیں اڑ لے گیا، درخت اکھاڑ ڈالے اور گاڑیاں کھلونوں کی طرح الٹ پلٹ ہوگئیں۔

غیر ملکی خبر رساں ادارے کا کہنا ہے کہ طوفانی بگولوں کے باعث حادثات میں کم سے کم تین افراد ہلاک جبکہ متعدد افراد زخمی ہو گئے۔

طوفانی بگولا چھتیں اڑ لے گیا، درخت اکھاڑ ڈالے، گاڑیاں کھلونوں کی طرح الٹ پلٹ ہوگئیں، امریکی میڈیا کے مطابق میسوری میں طوفانی بگولوں سے کئی مکانات تباہ ہوگئے۔

اس سے قبل گذشتہ دنوں ہی امریکا ریاست اوکلاہوما میں طوفانی بگولوں نے شہریوں کی مشکلات میں اضافہ کیا تھا، مختلف علاقوں میں درجنوں درخت اکھڑ گئے تھے۔

امریکا میں طوفانی بگولوں نے تباہی مچادی، درجنوں افراد زخمی

یاد رہے کہ گذشتہ ماہ امریکا کی وسطی ریاستوں میں طوفان کے باعث ندی نالوں اور دریاؤں میں طغیانی آ گئی تھی، سیلاب کے باعث دو افراد ہلاک ہوئے تھے۔

خیال رہے کہ گذشتہ سال مئی میں امریکا میں طوفانی بارشوں اور سیلاب نے تباہی مچادی تھی، جبکہ دوسری جانب برطانیہ میں بھی شدید بارشوں کے باعث سڑکیں تالاب بنی اور ایک شخص ہلاک ہوگیا تھا۔

اوکلاہوما: امریکا میں طوفانی بگولوں نے تباہی مچادی جس کے نتیجے میں درجنوں افراد زخمی ہوگئے۔

تفصیلات کے مطابق امریکا ریاست اوکلاہوما میں طوفانی بگولوں نے شہریوں کی مشکلات میں اضافہ کردیا، مختلف علاقوں میں درجنوں درخت اکھڑ گئے۔

غیر ملکی خبر رساں ادارے کا کہنا ہے کہ ریاست اوکلاہوما میں تیز ہواﺅں کے ساتھ طوفانی بگولوں نے تباہی مچائی، مختلف حادثات میں درجنوں زخمی ہوئے جبکہ انتظامیہ نے شہر میں ایمرجنسی نافذ کردی ہے۔

میڈیا رپورٹس کے مطابق امریکی ریاست اوکلاہوما سمیت نبراسکا، کینساس و دیگر مختلف ریاستوں میں بھی طوفانی بگولے دیکھے گئے جس کی وجہ سے کئی گاڑی الٹ گئیں، درجنوں درخت اکھڑ گئے، عمارتوں کو نقصان پہنچا۔

مختلف حادثات میں درجنوں زخمی ہوئے جبکہ انتظامیہ نے شہر میں ایمرجنسی نافذ کردی ہے، حکام نے انتطامیہ کو ہر ممکن اقدامات کرنے کی یقین دہانی کرائی ہے۔

امریکا: طوفان کے باعث ندی نالوں میں طغیانی، کئی علاقے سیلاب کی زد میں آگئے، دو افراد ہلاک

یاد رہے کہ گذشتہ ماہ امریکا کی وسطی ریاستوں میں طوفان کے باعث ندی نالوں اور دریاؤں میں طغیانی آ گئی تھی، سیلاب کے باعث دو افراد ہلاک ہوئے تھے۔

خیال رہے کہ گذشتہ سال مئی میں امریکا میں طوفانی بارشوں اور سیلاب نے تباہی مچادی تھی، جبکہ دوسری جانب برطانیہ میں بھی شدید بارشوں کے باعث سڑکیں تالاب بنی اور ایک شخص ہلاک ہوگیا تھا۔