ARYNews.tv | Urdu – Har Lamha Bakhabar

Tag: storm

  • افغان فوج کی سرحدی چوکی پر طالبان کے حملے میں 20 فوجی ہلاک،آٹھ اغواء

    افغان فوج کی سرحدی چوکی پر طالبان کے حملے میں 20 فوجی ہلاک،آٹھ اغواء

    کابل : افغانستان کے مختلف علاقوں میں تحریک طالبان کے دہشت گرد حملوں میں 20 سیکیورٹی اہلکار ہلاک جبکہ متعدد زخمی ہوگئے۔

    تفصیلات کے مطابق افغانستان میں موسم گرما کا آغاز ہوتے ہی طالبان کے حملوں میں اضافہ ہوگیا ہے، رات گئے صوبہ قندھار میں افغان فوج کی سرحدی چوکی پر طالبان نے حملہ کرکے 20 فوجیوں کو ہلاک اور 8 کو لاپتہ کردیا۔

    دوسری جانب طالبان نے حملے کی ذمہ داری قبول کرتے ہوئے چوکی پر قبضے کا دعویٰ کیا تاہم افغان حکومت نے کہا ہے کہ فوجی چوکی بدستور ان کے کنٹرول میں ہے۔

    غیر ملکی خبر رساں ادارے کا کہنا ہے کہ صوبہ بادغیس میں طالبان نے ضلع بالا مرغاب پر بڑا حملہ کیا ہے اور وہاں گھمسان کی جنگ جاری ہے۔

    صوبہ بادغیس میں اب تک 30 سے زائد افغان سیکیورٹی اہلکار ہلاک جبکہ 100 سے زائد طالبان بھی مارے گئے۔

    غیر ملکی خبررساں ادارے کے مطابق افغان حکام نے کہا کہ انہیں خدشہ ہے کہ لاپتہ فوجیوں کو طالبان اغوا کرکے لے گئے۔

    قندھار پولیس کے سیکرٹری قاسم آزاد نے حملے کی تصدیق کرتے ہوئے دعویٰ کیا کہ جوابی کارروائی میں 17 طالبان جنگجو بھی ہلاک ہوئے۔

    واضح رہے کہ گزشتہ روز بھی امریکی فوجی اڈے بگرام کے قریب طالبان کے حملے میں 4 امریکی فوجی ہلاک ہوگئے تھے۔ امریکی صدر ڈونلڈ ٹرمپ 18 سال سے جاری اس جنگ کے خاتمے کے لیے طالبان سے مذاکرات بھی کررہے ہیں۔

  • امریکا میں سخت سردی، طوفان نے کئی ریاستوں کو لپیٹ میں لے لیا

    امریکا میں سخت سردی، طوفان نے کئی ریاستوں کو لپیٹ میں لے لیا

    واشنگٹن: امریکا میں یخ بستہ ہواؤں نے خون جمانا شروع کردیا، سردی کے طوفان نے کئی امریکی ریاستوں کو لپیٹ میں لے رکھا ہے۔

    تفصیلات کے مطابق کئی امریکی ریاستوں میں شدید سردی کے طوفان کے آمد کے بعد ہنگامی حالات کا نفاذ کردیا گیا ہے، دیگر ریاستوں میں لاکھوں امریکی اس طرح کی سرد ہواؤں کا پہلی مرتبہ سامنےکریں گے۔

    مڈ ویسٹ میں اتنی سردی ہوگی جتنی انٹراکٹیکا میں ہوتی ہے، محکمہ موسمیات کے مطابق آئندہ اڑتالیس گھنٹوں میں شدید سرد ہواؤں کے ساتھ مائنسوٹا میں درجہ حرارت منفی 65 ڈگری تک گر سکتا ہے۔

    شکاگو اور مائین اپولس میں میں منفی 50، ایس ٹی لوئس میں منفی 24 اور بفیلو میں منفی 17 ڈگریز تک درجہ حرارت گرسکتا ہے۔

    ساؤنڈ بائٹس برف باری کے آغاز کے ساتھ ہی شاہراہوں پر حادثات کی اطلاعات موصول ہو رہی ہیں، امریکا میں سردی اتنی شدید بڑھے گی کہ تمام جھیلیں اور دریا منجمد ہوجائیں گے۔

    امریکا اور برطانیہ میں برفباری سے نظام زندگی منجمد ہوگیا

    لوگوں کو کثیر تعداد میں راشن اور دیگر ضروریات کا سامان جمع کرنے کی ہدایات کردی گئی، ہزاروں پروازیں منسوخ، تعلیمی ادارے اور دفاتر بند کر دیے ہیں۔

    میڈیا رپورٹس کے مطابق ان ریاستوں میں رہنے والے پچیس سال کی عمر کے افراد پہلی مرتبہ ایسی سردی دیکھیں گے۔

    خیال رہے کہ گذشتہ ہفتے بھی امریکا اور پورپی ممالک میں شدید برفباری کے باعث نظام زندگی درہم برہم ہوگیا تھا جبکہ پروازیں بھی منسوخ کردی گئی تھیں۔

    یاد رہے کہ گذشتہ سال نومبر میں امریکا کے جنوب مشرقی علاقوں میں موسم کی پہلی برفباری سے موسم سرد ہوگیا تھا، جبکہ برفباری سے ہونے والے حادثات میں 7 افراد ہلاک ہوگئے تھے۔

  • سمندری طوفان ’مائیکل‘ آج امریکی ریاست فلوریڈا سے ٹکرائے گا

    سمندری طوفان ’مائیکل‘ آج امریکی ریاست فلوریڈا سے ٹکرائے گا

    واشنگٹن : امریکی ریاست فلوریڈا سے خطرناک طوفان آج ٹکرائے گا، امریکی حکام نے ہوریکین مائیکل کے خطرے کے پیش نظر ریاست میں ایمرجنسی نافذ کرتے ہوئے شہریوں کو محفوظ ماقات پر منتقل ہونے کا حکم دے دیا۔

    تفصیلات کے مطابق امریکی ریاست کیرولینا کے بعد ریاست فلوریڈا کو بھی خوفناک سمندری طوفان نے گہرے میں لے لیا، محکمہ موسمیات کا کہنا ہے کہ آگ فلوریڈا سے ٹکرانے والا سمندر طوفان ہوریکین مائیکل مزید شدت اختیار کرگیا ہے۔

    امریکی خبر رساں ادارے کا کہنا ہے کہ خطرناک سمندری طوفان ہوریکین مائیکل کے باعث ریاست میں 130 کلومیٹر فی گھنٹہ کی رفتار سے ہوائیں چلنا شروع ہوگئی اور طوفان کسی وقت شہر سے ٹکرا جائے گا۔

    امریکی حکام کی جانب سے شہریوں کو وارننگ جاری محفوظ مقامات پر منتقل ہونےکی ہدایات جاری کردی گئی جس کے بعد 3 لاکھ 70 ہزار سے زائد افراد محفوظ مقام کی جانب منتقل ہورہے ہیں۔

    امریکی خبر رساں اداروں کا کہنا ہے کہ سیلاب اور طوفانی بارشوں کے نتیجے میں وسطی امریکا میں 13 افراد ہلاک ہوچکے ہیں۔

    امریکی حکام نے خطرناک سمندری طوفان کے پیش نظر فلوریڈا میں جارجیا اور الاباما کی طرح ایمرجنسی نافذ کردی ہے۔ محکمہ موسمیات کا کہنا ہے کہ مستقبل قریب میں فلوریڈا سے ٹکرانے والا طوفان مائیکل کیٹیگری 4 میں تبدیل ہوگیا ہے جو انتہائی خطرناک ہے۔

    امریکی میڈیا کا کہنا کہ مائیکل کے باعث ریاست میں شدید تباہی اور انسانی جانوں کو خطرات لاحق ہوگئے ہیں۔

    خیال رہے کہ گذشتہ ماہ امریکی ریاست شمالی کیرولینا کے سمندر سے اٹھنے والے خطرناک طوفان ’فلورنس‘ امریکا کے مشرقی ساحل پر اپنی تباہ کاریوں کا آغاز کرتے ہوئے شیرخواربچے سمیت 14 افراد کو ہلاک کیا تھا۔ طوفان اور بارش کے باعث ہزاروں گھر اور گلیوں میں پانی بھر گیا تھا جبکہ متاثرہ علاقے کے شہری بجلی سے بھی محروم ہوگئے تھے۔

  • جاپان میں ایک اور سمندری طوفان کا خطرہ، سیکڑوں پروازیں منسوخ

    جاپان میں ایک اور سمندری طوفان کا خطرہ، سیکڑوں پروازیں منسوخ

    ٹوکیو: جاپان میں ٹرامی کے بعد اب کونگ رے نامی سمندری طوفان کا خطرہ ہے، جس کے باعث سیکڑوں پروازیں منسوخ کر دی گئیں۔

    تفصیلات کے مطابق گذشتہ دنوں ٹرامی نامی سمندری طوفان نے جاپان میں نظام زندگی درہم برہم کردی تھی، جبکہ اب ایک اور سمندری طوفان کے خطرات ہیں۔

    غیر ملکی خبر رساں ادارے کے مطابق کونگ رے نامی طوفان کے ہمراہ تیز رفتار جھکڑ اور زور دار لہریں ساحلی علاقوں سے ٹکرائیں گی، شہروں کو محتاط رہنے کی بھی ہدایت کی گئی ہے۔

    جاپانی محکمہ موسمیات کا کہنا ہے کہ اس سمندری طوفان کے دوران 200 ملی لٹرز تک بارش ہونے کے امکانات ہیں، جبکہ 150 کلو میٹر تک ساحلی پٹی طوفان کے زد میں آئے گی۔

    جاپان: سمندری طوفان نے تباہی مچادی، نظام زندگی درہم برہم

    گذشتہ دنوں جاپان میں ٹرامی نامی طاقتور سمندی طوفان کی وجہ سے کم از کم ايک ہزار پروازيں منسوخ ہوئی تھیں، طوفان کے باعث ٹرین سروس بھی بری طرح متاثر ہوئی تھی، جبکہ مختلف علاقوں میں لوگوں کے زخمی ہونے کی بھی اطلاعات آئی تھیں۔

    خیال رہے کہ گذشتہ ہفتے ہی جاپان میں ’ٹائیفون جیبی‘ نامی سمندری طوفان اور تیز ہواؤں کے باعث مختلف حادثات میں 10 افراد ہلاک جبکہ 300 سے زائد زخمی ہوگئے تھے۔

    یاد رہے کہ رواں برس جولائی میں جاپان میں طوفانی بارشوں اور سیلاب کے باعث مختلف حادثات میں مرنے والے افراد کی تعداد 200 سے زائد ہوچکی ہے، جبکہ اس قدرتی آفت کے باعث لاکھوں لوگ بےگھر بھی ہوئے۔

  • امریکا: سمندری طوفان فلورنس کیرولینا میں پھیلنا شروع ہوگیا

    امریکا: سمندری طوفان فلورنس کیرولینا میں پھیلنا شروع ہوگیا

    واشنگٹن : خطرناک سمندری طوفان فلورنس 150 کلومیٹر فی گھنٹہ کی رفتار سے کیرولینا میں پھیلانا شروع ہوگیا، طوفان اور بارش کے باعث شڑکیں اور گھر زیر آب آچکے ہیں۔

    تفصیلات کے مطابق امریکا کے مشرقی ساحل کی سے خطرناک سمندری طوفان فلورنس ٹکرا چکا ہے، طوفان اور بارش کے باعث ہزاروں گھر اور گلیاں پانی سے بھر چکی ہے جبکہ بجلی بھی منقطع ہے۔

    خطرناک سمندری طوفان فلورنس کے پیش نظر حکام نے علاقے سے لاکھوں لوگوں کو دوسری جگہ منتقل کردیا تھا۔

    امریکی میڈیا کا کہنا ہے کہ سمندری طوفان مشرقی ساحل سے ٹکرا چکا ہے اور 150 کلومیٹر فی گھنٹہ کی رفتار سے زمین کی جانب بڑھ رہا ہے۔

    غیر ملکی خبر رساں ادارے کا کہنا ہے کہ سمندری طوفان جنوبی اور شمالی کیرولینا کی جانب سے بڑھنے والے طوفان کی شدت میں کمی آگئی ہے لیکن اس کے باوجود فلورنس لاکھوں لوگوں کو موت کے گھاٹ اتارنے کی قوت رکھتا ہے۔

    امریکی انشورنس کمپنیاں فلورنس سے ہونے والی تباہی کے باعث 27 ارب ڈالر کے نقصانات کا خدشہ ظاہر کررہی ہیں، شمالی کیرولینا کی ساحلی پٹی پر 8 ارب ڈالر سے زائد کے مکانات موجود ہیں جو طوفان کے نتیجے میں تباہ ہوسکتے ہیں۔

    امریکی میڈیا کاکہنا ہے کہ خطرناک سمندر طوفان کے باعث رئیل اسٹیٹ کے شیئرز اور بانڈز کی قدر بہت زیادہ تنزلی کا شکار ہوئی ہے تو دوسری جانب جنیریٹرز اور خام تیل کی قیمتوں میں بے تحاشا اضافہ ہوا ہے۔

    مقامی خبر رساں ادارے کا کہنا ہے کہ طوفان کے نتیجے لاکھوں افراد کو محفوظ مکانات پر منتقل کردیا گیا ہے۔

    یاد رہے کہ دو روز قبل امریکی صدر ڈونلڈ ٹرمپ نے سماجی رابطے کی ویب سائٹ ٹوئٹر پر جاری اپنے پیغام میں کہا ہے کہ مذکورہ سمندری طوفان گذشتہ کئی برسوں کے مقابلے میں سب سے زیادہ خطرناک ہے۔

    ان کا مزید کہنا تھا کہ شہری محتاط رہیں اور کسی بھی قسم کے خطرات کے پیش نظر اپنی حفاظت کو یقینی بنائیں۔

    یاد رہے کہ گذشتہ سال ستمبر میں امریکی ریاست ٹیکساس میں سمندری طوفان ہاروے نے بڑی تباہی مچائی تھی، جس کے نتیجے میں 47 افراد زندگی کی بازی ہار گئے تھے، جبکہ امداری کارروائیوں کے لیے امریکی صدر نے بھاری رقوم خرچ کیے تھے۔یاد رہے کہ گذشتہ سال ستمبر میں امریکی ریاست ٹیکساس میں سمندری طوفان ہاروے نے بڑی تباہی مچائی تھی، جس کے نتیجے میں 47 افراد زندگی کی بازی ہار گئے تھے، جبکہ امداری کارروائیوں کے لیے امریکی صدر نے بھاری رقوم خرچ کیے تھے۔

  • میکسیکو میں دو بڑے سمندری طوفانوں کا خطرہ، حکام کی عوام کو ہدایات جاری

    میکسیکو میں دو بڑے سمندری طوفانوں کا خطرہ، حکام کی عوام کو ہدایات جاری

    میکسیکو سٹی: امریکی ریاست میکسیکو میں دو بڑے سمندری طوفانوں کا خطرہ ہے جس کے باعث حکام نے عوام کو حفاظتی اقدامات کی ہدایت کی ہے۔

    تفصیلات کے مطابق شمالی امریکی ریاست میکسیکو میں بحیرہ اوقیانوس کے دو بڑے سمندری طوفانوں کا خطرہ ہے جس کے پیش نظر حکام نے عوام کو ہوشیار رہنے اور حفاظتی اقدامات کرنے کی ہدایت کی ہے۔

    امریکی میڈیا کے مطابق سمندری طوفانوں پر نگاہ رکھنے والے امریکی ادارے نے بتایا ہے کہ جان نامی طوفان اگلے دنوں میں ایک بڑا طوفان بن سکتا ہے، جس سے تباہی پھیل سکتی ہے۔

    ادارے کا کہنا تھا کہ دوسرا الینیا نامی طوفان جوں جوں میکسیکو کی ساحلی علاقے کے قریب ہو رہا ہے، اس کی قوت کم ہوتی جا رہی ہے، تاہم اس کے باوجود مغربی میکسیکو کو ان دونوں طوفانوں سے شدید بارشوں اور پھر سیلابوں کا سامنا ہوگا۔

    ٹیکساس میں ہاروے کی تباہ کاریوں کے بعد امدادی کارروائیاں، 47 ہلاک

    قبل ازیں گذشتہ سال ستمبر میں امریکی ریاست ٹیکساس میں سمندری طوفان ہاروے نے بڑی تباہی مچائی تھی، جس کے نتیجے میں 47 افراد زندگی کی بازی ہار گئے تھے، جبکہ امداری کارروائیوں کے لیے امریکی صدر نے بھاری رقوم خرچ کیے تھے۔

    خیال رہے کہ مذکورہ سمندری طوفان کے باعث ٹیکساس کا شہر ہیوسٹن ہاروے سب سے زیادہ متاثر ہوا تھا، لاکھوں کی تعداد میں افراد اسپتال منتقل ہوئے جبکہ اسی تعداد میں ہی گھروں کو بھی نقصان پہنچا تھا۔

    واضح رہے کہ اس سے قبل بھی متعدد بار امریکی ریاستوں کو سمندری طوفان کا خطرہ رہا ہے، جبکہ ان دنوں امریکی ریاست میکسیکو میں سمندری طوفانوں کا خطرہ ہے۔

  • بھارت: طوفانی بارشوں اور آسمانی بجلی گرنے سے 30 افراد ہلاک، درجنوں زخمی

    بھارت: طوفانی بارشوں اور آسمانی بجلی گرنے سے 30 افراد ہلاک، درجنوں زخمی

    نئی دہلی: بھارت میں طوفانی بارشوں نے تباہی مچادی آسمانی بجلی گرنے سمیت مختلف واقعات میں 30 افراد ہلاک اور درجنوں زخمی ہوگئے۔

    تفصیلات کے مطابق بھارتی ریاستوں اتر پردیش، جھاڑ کھنڈ، مغربی بنگال اور مشرقی پنجاب میں شدید طوفانی بارشوں اور آسمانی بجلی گرنے کے مختلف واقعات میں تقریباً تیس افراد اپنی زندگی کی بازی ہار گئے جبکہ متعدد زخمیوں کو طبی امداد فراہم کی جارہی ہے۔

    حکام کی جانب سے جاری کردہ بیان میں کہا گیا ہے کہ بھارتی ریاست اترپردیش میں طوفان سے منہدم ہونے والے مکانات، درختوں کے اکھڑنے اور بجلی کے کھمبوں کے گرنے سے 18 افراد مارے گئے جبکہ یہاں زخمی ہونے والوں میں خواتین اور بچے بھی شامل ہیں۔

    بھارت میں گردوغبار کے طوفان ، بارش اور آسمانی بجلی نے تباہی مچادی، 125 افراد ہلاک

    حکام کا کہنا تھا کہ آسمانی بجلی گرنے سے 6 افراد مغربی بنگال میں ہلاک ہوئے جبکہ مشرقی پنجاب اور جھاڑ کھنڈ میں طوفانی بارشوں نے چھ لوگوں کی زندگیاں نگل لیں التبہ حکومتی سطح پر متاثرین کو ریلیف فراہم کی جارہی ہے۔

    خیال رہے کہ گذشتہ ماہ بھارتی ریاستوں راجستھان اور اتر پردیش میں گرد و غبارکے طوفان، موسلادھار بارش اور آسمانی بجلی نے تباہی مچادی تھی جس کے باعث 125 لوگ موت کے منہ میں چلے گئے تھے جبکہ تین سو سے زائد شدید زخمی بھی ہوئے تھے۔

    بھارت میں ریت کا طوفان، 100 افراد ہلاک، 150زخمی

    واضح رہے کہ گذشتہ ماہ بھارت کی جنوبی ریاست آندھرا پردیش میں صرف 13 گھنٹوں کے دوران 36 ہزار سے زائد آسمانی بجلی گرنے کے واقعات ریکارڈ کیے گئے تھے علاوہ ازیں بھارت میں رواں برس مئی سے آنے والے طوفانوں کے غیرمعمولی سلسلے میں اب تک دو سو سے زائد انسان مارے جا چکے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریںْ۔

  • افغانستان: طالبان کا حملہ، گورنر سمیت درجنوں جاں بحق، علاقے پر قبضہ

    افغانستان: طالبان کا حملہ، گورنر سمیت درجنوں جاں بحق، علاقے پر قبضہ

    کابل: افغانستان کے صوبے غزنی میں طالبان کا حملہ ہوا جس کے نتیجے میں گورنر سمیت درجنوں افراد جاں بحق ہوگئے اور طالبان نے علاقے پر قبضہ بھی کر لیا۔

    تفصیلات کے مطابق طالبان کی جانب سے علی الصبح افغان صوبہ غزنی پر حملہ کیا گیا بعد ازاں صوبائی دار الحکومت کے قریب ہی واقع ضلع خواجہ عامری پر قبضہ بھی کر لیا گیا، اس حملے میں درجنوں افراد جاں بحق ہوئے جن میں ضلعی گورنر ’علی دوست شمس‘ بھی شامل ہیں۔

    افغان پولیس حکام کا کہنا ہے کہ طالبان نے آج صبح سویرے یہ حملہ کیا جس سے متعدد ہلاکتیں سامنے آئیں، علاوہ ازیں شدت پسندوں نے مقامی ضلع پر قبضہ بھی کر لیا، صوبہ غزنی کا ضلع خواجہ عامری اب تک کا محفوظ ترین ضلع تصور کیا جاتا تھا۔

    افغان صوبے فراہ میں طالبان کا حملہ‘ 24 فوجی ہلاک

    غزنی کے نائب پولیس سربراہ رمضان علی محسنی کا کہنا تھا کہ ہلاک ہونے والوں میں ضلعی گورنر کے محافظوں کے علاوہ، سات پولیس اہلکار اور حکومتی انٹیلیجنس کے پانچ اہلکار بھی شامل ہیں۔

    علی محسنی کا مزید کہنا تھا ماضی میں بھی طالبان نے متعدد علاقوں پر حملہ کیا اور قبضے کی کوشش کی تاہم افغان فورسز نے بھرپور مزاحمت اور مقابلوں کے بعد علاقے کو کلیئر کرایا، جبکہ غزنی اٹیک کے بعد طالبان نے ضلعی پولیس ہیڈ کوارٹرز کو نذر آتش کر دیا ہے۔

    افغانستان میں جیل پر طالبان کا حملہ، دس پولیس اہلکار جاں بحق

    خیال رہے کہ غزنی ڈیڑھ لاکھ کی آبادی پر مشتمل صوبہ ہے اور یہ افغان دارالحکومت کابل سے 150 کلومیٹر جنوب مغرب میں واقع ہے، طالبان کی جانب سے اس قسم کے اہم علاقوں پر قبضہ عسکریت پسندوں کی طاقت اور کارروائیوں میں مزید اضافے کا سبب بھی بن سکتا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • طوفان نیٹ‘ امریکا کی جنوبی ریاستوں سے ٹکرا گیا

    طوفان نیٹ‘ امریکا کی جنوبی ریاستوں سے ٹکرا گیا

    واشنگٹن : وسطی امریکا اور گلف کوسٹ میں تباہی مچانے کے بعد نیٹ نامی طوفان امریکا کی جنوبی ریاستوں سے ٹکرا گیا‘ کیٹگری ون کے حامل طوفان سے لوزیانا میں سمندر بپھر گیا۔

    تفصیلات کے مطابق نیٹ نامی اس طوفان کے سبب امریکی ریاست ریاست الباما،لوزیانا اور مسی سیپی میں تیز بارشوں کے بعد نظام زندگی مفلوج ہوکر رہ گیا ہے‘ طوفان کے باعث ہزاروں افراد نقل مکانی پر مجبور ہوگئے ہیں۔

    امریکی محکمہ موسمیات کےمطابق نیٹ طوفان کے سبب 85 کلومیٹر فی گھنٹہ کی رفتار سے ہوائیں چل رہی ہیں اور 10 انچ بارش ہوسکتی ہے‘ اس طوفان کو پہلےدرجے یا کیٹیگری ون کا طوفان قرار دیا گیا ہے۔

    مشرق سے مغرب تک تباہ کن سیلاب اورطوفان، یا الٰہی یہ ماجرا کیا ہے؟* 

    لوزیانا کے نشیب میں واقع علاقے پہلے ہی زیرِ آب آچکے ہیں اور وہاں کے عوام شدید مشکلات کا شکار ہیں‘ اورلینز کے پمپنگ سسٹم کے بارے میں بھی تحفظات کا اظہار کیا جارہا ہے جو ماہ اگست میں آنے والے طوفان میں ناکارہ ہوکر رہ گیا تھا۔

    دریائے مسی سیپی میں پانی کی سطح بلند ہونے کی وجہ سے اطراف کی چھ کائونٹیز میں ایمرجنسی نافذ کردی گئی ۔امریکی محکمہ موسمیات کے مطابق سمندری طوفان سے ریاست فلوریڈا کے متاثر ہونے کا بھی خطرہ ہے۔

    لوزیانا‘ مسی سیپی اور الابامہ کے گورنروں نے اسٹیٹ ایمرجنسی نافذ کردی ہے‘ یہ تینوں ریاستیں اس موسم میں سب سے زیادہ متاثر ہوئی ہیں‘ کہا جارہا ہے کہ نیٹ ‘ سنہ 2005 میں آنے والے کترینہ نامی طوفان کے بعد اب تک کا سب سے طاقتور طوفان ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • طوفان اِرما کے بعد بحیر ہ اوقیانوس میں ماریا نامی طوفان شدت پکڑنے لگا

    طوفان اِرما کے بعد بحیر ہ اوقیانوس میں ماریا نامی طوفان شدت پکڑنے لگا

    کیریبین : طوفان اِرما کے بعد بحیر ہ اوقیانوس میں ماریا نامی طوفان شدت پکڑنے لگا، ماریہ طوفان منگل کو بحیرہ کیریبین کے شمال مشرق تک پہنچے گا۔

    غیر ملکی میڈیا کے مطابق امریکی ریاست فلوریڈا میں تباہی مچانے والے طاقتور طوفان” اِرما "کے بعد بحیر ہ اوقیانوس میں ایک اور سمندری طوفان ماریا شدت پکڑنے لگا، طوفان ابھی بارباڈوس سے 100 کلومیٹرمشرق میں موجود ہے۔

    امریکی محکمہ موسمیات کے مطابق ماریا طوفان آج جزیرہ لیوارڈ کے اوپر سے گزرے گا جبکہ منگل کو بحیرہ کیریبین کے شمال مشرق تک پہنچے گا۔

    ماریا طوفان شدت کے لحاظ سے پہلے درجے پر ہے، جس کے باعث 120کلومیٹر فی گھنٹہ کی رفتار سے ہوائیں چل رہی ہیں جبکہ آئندہ 48 گھنٹے میں ماریا طوفان کی شدت کیٹگری فورتک پہنچنے کا امکان ہے۔

    مزید پڑھیں : سمندری طوفان ارما فلوریڈا سے ٹکرا گیا

    یاد رہے  گذشتہ ہفتے سمندری طوفان ارما نےکیریبیئن جزائر، کیوبا اور امریکی ریاست فلوریڈا کے ساحلی علاقوں میں تباہی مچادی تھی جبکہ ارما ہلاک افراد کی تعداد چالیس تک جا پہنچی تھی۔

    طوفانی ہواؤں، شدید بارشوں نے فلوریڈا کے ساحلی علاقوں کو تہس نہس کر دیا تھا، مکانوں کی چھتیں اڑ گئیں، درخت جڑوں سے اکھڑ گئے، ساٹھ لاکھ سے زائد صارفین بجلی  سے محروم ہوگئے تھے ، جس کے بعد  ریاست فلوریڈا کو آفت زدہ قرار دے دیا گیا تھا۔

    گزشتہ ایک صدی میں اِرما کو بحر اوقیانوس سے اٹھنے والے انتہائی شدید اور طاقتور طوفانوں میں شمار کیاجاتا ہے۔

    واضح رہے ارما سے قبل  امریکی ریاست ٹیکساس میں طوفان ہاروے نے تباہی مچادی تھی ، طوفان سے ہلاکتوں کی تعداد 47 تک جاپہنچی جبکہ 1 لاکھ مکانات کو نقصان پہنچا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔