ARYNews.tv | Urdu – Har Lamha Bakhabar

Tag: stunt

  • مشن امپاسیبل کے لیے ٹام کروز کے ایک اور جان لیوا اسٹنٹ کی تصاویر وائرل

    مشن امپاسیبل کے لیے ٹام کروز کے ایک اور جان لیوا اسٹنٹ کی تصاویر وائرل

    ہالی ووڈ کے اسٹار ٹام کروز شوٹنگ کے دوران خطرناک اسٹنٹ خود کرنے کے لیے مشہور ہیں اور اس کے لیے اسٹنٹ مین کا سہارا نہیں لیتے۔

    اسٹنٹ کے شہنشاہ ٹام کروز اپنے کرتب سے کبھی بھی مداحوں کو افسردہ نہیں کرتے اور ایسا ہی کچھ انھوں نے مشن امپاسیبل ایٹ کی شوٹنگ کے دوران کیا ہے جس کو دیکھ کر سب ہی دنگ رہ گئے۔

    سوشل میڈیا پر کچھ تصاویر وائرل ہو رہی ہیں جس میں اداکار کو الٹے طیارے پر لٹکے ہوئے دیکھا جاسکتا ہے، مشن امپاسبل ایٹ کی شوٹنگ جاری ہے اور یہ فلم 23 مئی 2024 کو ریلیز ہوگی جو 2023 میں ریلیز ہونے والی فلم ڈیڈ ریکننگ کا سیکوئل ہے۔

    رپورٹ کے مطابق اس اسٹنٹ کے لیے ٹام کروز نے 50 اسکائی ڈائیونگ سیشنز میں شرکت کی اور 13 ہزار بار موٹرسائیکل سے جمپ لگائی۔

    اس سے قبل ٹام کروز نے مشن امپاسبل 7 کے ایک سٹنٹ کو اپنی زندگی کا خطرناک ترین اسٹنٹ قرار دیا تھا، اس اسٹنٹ کے دوران ٹام کروز نے موٹرسائیکل کے ذریعے ایک پہاڑی سے نیچے چھلانگ لگائی تھی۔

  • منہ سے آگ نکالنے کا کرتب مہنگا پڑ گیا

    منہ سے آگ نکالنے کا کرتب مہنگا پڑ گیا

    بعض لوگ اصل زندگی اور سوشل میڈیا پر توجہ کا مرکز بننے کے لیے کسی بھی خطرے سے کھیلنے کو تیار ہوتے ہیں اور اس چکر میں نقصان بھی اٹھا لیتے ہیں۔

    سوشل میڈیا پر بھی ایسے ہی ایک شخص کی ویڈیو وائرل ہورہی ہے جو اپنے ارد گرد موجود لوگوں کی توجہ حاصل کرنے کے لیے آگ سے کھیل رہا ہے لیکن اس کا سامنا خطرناک صورتحال سے ہوتا ہے۔

    ویڈیو میں دیکھا جاسکتا ہے وہ ایک جلتی ہوئی سلاخ کو اپنے منہ کے قریب لے جا کر منہ سے آگ نکالنے کا مظاہرہ کرتا ہے۔

    لیکن اس کی داڑھی آگ پکڑ لیتی ہے اور شعلہ بھڑکتا ہے۔ آگ اس شخص کے چہرے کو جلانے لگتی ہے جسے وہ بے قراری سے بجھانے کی کوشش کرتا ہے لیکن ناکام رہتا ہے۔

    وہاں موجود افراد پہلے تو اس صورتحال کو سمجھنے میں ناکام رہتے ہیں، اس کے بعد جب انہیں صورتحال کی سنگینی کا اندازہ ہوتا ہے تو ایک شخص تیزی سے آگے بڑھ کر اس کی مدد کرتا ہے، جس کے بعد آگ بجھانے کی کوشش کامیاب رہتی ہے۔

    مذکورہ شخص خوش قسمتی سے جھلسنے سے بچ جاتا ہے اور اس کا چہرہ بھی محفوظ رہتا ہے۔

  • مشن امپاسبل 7: ٹرین کا انجن پہاڑی سے گر پڑا، ویڈیو وائرل

    مشن امپاسبل 7: ٹرین کا انجن پہاڑی سے گر پڑا، ویڈیو وائرل

    ہالی ووڈ اداکار ٹام کروز کی نئی فلم مشن امپاسبل 7 کی شوٹنگ کا ایک سین سوشل میڈیا پر بے حد وائرل ہورہا ہے جس میں ٹرین کا انجن پہاڑی سے گرایا گیا ہے۔

    ہالی ووڈ کے معروف اداکار ٹام کروز ایک بار پھر مشن امپاسبل کے نئے حصے میں واپس لوٹ رہے ہیں جس کی شوٹنگ جاری ہے، مشن امپاسبل کے نئے حصے کے لیے ٹرین کے انجن کے پہاڑی سے گرنے کا منظر سوشل میڈیا پر بے حد وائرل ہورہا ہے۔

    اس سین کو برطانیہ کے علاقے ڈربی شائر میں 20 اگست کو فلمایا گیا تھا اور مقامی فوٹوگرافر نے اسے اپنے کیمرے کی آنکھ میں محفوظ کر کے ٹویٹر پر شیئر کیا۔

     

    View this post on Instagram

     

    A post shared by VillagerJim (@villagerjim)

    رپورٹس کے مطابق ٹام کروز بھی اس موقع پر موجود تھے اور ہیلی کاپٹر سے انجن کے گرنے کا مشاہدہ کررہے تھے۔

    فوٹو گرافر جم نے اپنی پوسٹ میں لکھا کہ 5 ماہ سے ہم نئی مشن امپاسبل فلم کے اس سین کا انتظار کررہے تھے جس میں ٹرین کو پہاڑی سے نیچے گرایا گیا، ٹام بھی وہاں موجود تھے۔

    فوٹو گرافر نے میڈیا کو بتایا کہ انہوں نے ٹام کروز کو خود ہیلی کاپٹر اڑاتے ہوئے دیکھا۔

    اس ٹرین انجن کو کچھ دن پہلے اس گاؤں میں پہنچایا گیا تھا اور اس سین کے لیے فلم کی ٹیم نے خصوصی طور پر ٹریک تیار کروایا تھا۔

    ٹام کروز اکثر اپنی فلموں میں خطرناک اسٹنٹ کر چکے ہیں اور کئی مواقع پر ان کی زندگی بھی خطرے میں پڑگئی تھی۔

    یہ فلم ٹام کروز کی ایکشن سیریز مشن امپاسبل کی ساتویں فلم ہے، سیریز کی ساتویں فلم میں ٹام کروز کے ساتھ اداکارہ ونیسا کربی، ربیکا فرگوسن، ہائلے ایٹویل، سائمن پیگ اور ہینری زیمی سمیت دیگر اداکار موجود ہیں۔

    فلم کی ریلیز کرونا وائرس کی وبا کے نتیجے میں تاخیر کا شکار ہوچکی ہے اور شوٹنگ کو بھی متعدد مرتبہ کیسز یا دیگر مشکلات کے باعث روکا گیا۔

  • ٹام کروز کے ایک اور خطرناک اسٹنٹ نے لوگوں کو حیران کردیا

    ٹام کروز کے ایک اور خطرناک اسٹنٹ نے لوگوں کو حیران کردیا

    معروف ہالی ووڈ اسٹار ٹام کروز اپنے خطرناک اسٹنٹس کے لیے مشہور ہیں، حال ہی میں ان کا ایک اور اسٹنٹ دیکھ کر لوگ حیران رہ گئے۔

    سماجی رابطوں کی مختلف ویب سائٹس پر پوسٹ کی جانے والی ویڈیوز میں دیکھا جاسکتا ہے کہ ٹام کروز چلتی ہوئی ٹرین کی چھت پر سوار ہیں، ان کے ساتھ فلم کا عملہ بھی موجود ہے۔

    ٹام کروز داراصل اپنی آنے والی فلم مشن امپاسبل 7 کی شوٹنگ میں مصروف ہیں جو کرونا وائرس کی وجہ سے پہلے ہی تاخیر کا شکار ہوچکی ہے۔ فلم کی شوٹنگ کے لیے ٹام کروز فی الحال ناروے میں موجود ہیں جہاں عوام نے انہیں ٹرین کی چھت پر سوار دیکھا۔

    اگلے مرحلے میں فلم کی شوٹنگ روم میں ہوگی۔

     

    View this post on Instagram

     

    Norway’s scale and beauty have left an indelible and defining imprint on our film and reminded us that anything is possible. On behalf of everyone working on Mission: Impossible, our sincerest thanks to The Norwegian Film Incentive, The Norwegian Railway Museum, the infinitely patient Stranda and Rauma Municipalities, our endlessly enduring Norwegian crew, along with everyone who supported our filming here. And, of course… The Mountain. Most of all, we give thanks to the warm and welcoming people of Norway. Your kindness and consideration are nothing less than an inspiration. We’ll miss you dearly and look forward to seeing you again. Tusen hjertelig takk. Buckle up, Roma. Here we come… #MI7MI8

    A post shared by Christopher McQuarrie (@christophermcquarrie) on

    مشن امپاسبل 7 کو 23 جولائی 2021 کو ریلیز کیا جانا تھا تاہم کرونا وائرس کے باعث شوٹنگ میں تاخیر ہونے کے بعد اب ممکنہ طور پر اسے 19 نومبر 2021 کو ریلیز کیا جائے گا۔

    اس کی وجہ سے مشن امپاسبل 8 بھی تاخیر کا شکار ہوگئی ہے جسے 5 اگست 2022 کی جگہ اب 4 نومبر 2022 میں ریلیز کیا جائے گا، سیریز کے ان دونوں ساتویں اور آٹھویں حصے کو ایک کے بعد ایک شوٹ کیا جانا تھا۔

    مشن امپاسبل 7 کی ٹیم کو گزشتہ دنوں ایک خاصا بڑا مالی نقصان بھی پہنچا تھا جب شوٹنگ کے دوران ایک اسٹنٹ ناکام ہوگیا تھا، آکسفورڈ شائر پر کیے جانے والے اس اسٹنٹ کے دوران اسٹنٹ مین کی مہنگی موٹر سائیکل میں آگ لگ گئی تھی۔

    مذکورہ حادثے میں فلم کے مذکورہ سین کے لیے لگائے گئے سیٹ کو بھی نقصان پہنچا جس کے باعث فلمسازوں کو 26 لاکھ ڈالر کا نقصان اٹھانا پڑا تھا۔

    فلم کی شوٹنگ دن رات جاری ہے اور ٹام کروز فلم کی جلد تکمیل کے لیے پرامید ہیں۔

  • بغیر ڈرائیور چلتا ہوا ٹرک، دیکھنے والے حیرت زدہ، ویڈیو وائرل

    بغیر ڈرائیور چلتا ہوا ٹرک، دیکھنے والے حیرت زدہ، ویڈیو وائرل

    نیو ساؤتھ ویلز : سوشل میڈیا پر بغیر ڈرائیور ٹرک چلتا ہوا دیکھ کر لوگ حیران رہ گئے، پولیس نے اس ویڈیو پر شدید برہمی کا اظہار کرتے ہوئے ویڈیو میں موجود شخص کو پاگل قرار دیا ہے۔

    تفصیلات کے مطابق بغیر ڈرائیور کے چلتا ہوا ٹرک لوگوں کی توجہ کا مرکز بن گیا، ویڈیو میں دیکھا جاسکتا ہے کہ ٹرک ڈرائیور ساتھ والی مسافر کی نشست پر بیٹھا ہوا ہے اور اسٹیئرنگ پر کوئی بھی موجود نہیں۔

    یہ ویڈیو ایک سنسان شاہراہ پر فلمائی گئی ہے جہاں اس ٹرک کے علاوہ کوئی اور گاڑی موجود نہیں جب وہ کیمرے کو ڈرائیور کی نشست کی جانب کرتا ہے تو یہ واضح ہوجاتا ہے کہ ڈرائیور کی نشست خالی ہے اور کوئی بھی گاڑی کو کنٹرول نہیں کررہا۔

    غیر ملکی خبر رساں ادارے کے مطابق اس ویڈیو پر مختلف قسم کے کمنٹس آئے اور کچھ لوگوں نے اس پر حیرت کا اظہار کیا تو کسی سے اس کو بے وقوفی کہہ کر اس کی مذمت کی لیکن دوسری جانب کچھ لوگ اسے فیک بھی کہہ رہے ہیں۔ ان کا کہنا ہے کہ ٹرک ڈرائیور ساتھ والی سیٹ پر بیٹھ کر اسے کنٹرول کررہا ہے۔

    اس کے علاوہ اس ویڈیو کا پولیس حکام نے بھی سختی سے نوٹس لیتے ہوئے ویڈیو بنانے والے  کا چالان کرتے ہوئے اس کیخلاف سخت کارروائی کا عندیہ دیا ہے پولیس کا کہنا ہے کہ یہ انتہائی خطرناک اور احمقانہ حرکت ہے۔

    دوسری جانب  کمپنی کے ملازم  ٹرک ڈرائیور سے اس کی انتظامیہ نے بھی پوچھ گچھ کی اور  سخت سرزنش کا نشانہ بنایا گیا

  • مشن امپاسبل 7: اسٹنٹ غلط ہوجانے سے بھاری نقصان

    مشن امپاسبل 7: اسٹنٹ غلط ہوجانے سے بھاری نقصان

    ہالی ووڈ فلم ایکشن فلم مشن امپاسبل 7 کی شوٹنگ ایک بار پھر تاخیر کا شکار ہوگئی جس سے فلم کے پروڈیوسر اور مرکزی کردار ٹام کروز سخت پریشانی کا شکار ہیں، فلم کا ایک اسٹنٹ غلط ہوجانے سے کروز کو بھاری مالی نقصان اٹھانا پڑا ہے۔

    مشن امپاسبل 7 کی شوٹنگ کرونا وائرس کی وجہ سے روک دی گئی تھی جس سے ٹیم کو خاصا مالی نقصان پہنچا تھا، اب برطانیہ میں کرونا وائرس کی پابندیوں میں نرمی کے بعد اس فلم کی شوٹنگ دوبارہ شروع کی گئی تاہم چند دن بعد ہی اس کی شوٹنگ ایک بار پھر روکنی پڑی۔

    بین الاقوامی میڈیا کے مطابق شوٹنگ کے دوران ایک اسٹنٹ ناکام ہوگیا، آکسفورڈ شائر پر کیے جانے والے اس اسٹنٹ کے دوران اسٹنٹ مین کی مہنگی موٹر سائیکل میں آگ لگ گئی۔

    مذکورہ حادثے سے فلمسازوں کو 26 لاکھ ڈالر کا نقصان پہنچا ہے۔

    رپورٹ کے مطابق حادثے میں خوش قسمتی سے کوئی زخمی نہیں ہوا تاہم مذکورہ اسٹنٹ کے لیے 6 ہفتوں تک کی گئی تیاری اور اس کے سیٹ پر خرچ کیے گئے 26 لاکھ ڈالر خاک ہوگئے۔

    ایک فلم ذرائع کے مطابق یہ ایک بڑا نقصان ہے جس کی وجہ سے خطیر رقم، محنت اور وقت ضائع ہوا ہے۔ ذرائع کا کہنا ہے کہ بدقسمتی سے یہ اسٹنٹ مس کیلکولیٹ ہوا جس کی وجہ سے بھاری نقصان اٹھانا پڑا۔

    اسٹنٹ کی ناکامی کے بعد فلم کی شوٹنگ عارضی طور پر روک دی گئی ہے۔ شوٹنگ رکنے، فلم کی ریلیز میں مزید تاخیر ہونے اور بھاری مالی نقصان کے باعث ٹام کروز سخت پریشانی کا شکار ہیں جو اس فلم کے پروڈیوسر بھی ہیں۔

    مشن امپاسبل 7 کو 23 جولائی 2021 کو ریلیز کیا جانا تھا تاہم کرونا وائرس کے باعث شوٹنگ میں تاخیر ہونے کے بعد اب ممکنہ طور پر اسے 19 نومبر 2021 کو ریلیز کیا جائے گا۔

    اس کی وجہ سے مشن امپاسبل 8 بھی تاخیر کا شکار ہوگئی ہے جسے 5 اگست 2022 کی جگہ اب 4 نومبر 2022 میں ریلیز کیا جائے گا، سیریز کے ان دونوں ساتویں اور آٹھویں حصے کو ایک کے بعد ایک شوٹ کیا جانا تھا۔

  • خوف مجھ پر فتح حاصل نہیں کرسکتا، لیجانا

    خوف مجھ پر فتح حاصل نہیں کرسکتا، لیجانا

    سینکٹروں فٹ کی بلندی پر رسی کے اُوپر کرتب دکھانا ہر کسی کے لیے ممکن نہیں لیکن امریکی بہن بھائی نے نیویارک کے ٹائمز اسکوائر خطرناک اسٹنٹ دکھا کر دنیا کو حیران کردیا۔

    تفصیلات کے مطابق امریکا میں سینکڑوں فٹ کی بلندی پر رسی پر بغیر کسی سہارے چلنے کے ماہر بہن بھائی نے رسی پر سوار ہوکرایک دوسرے کے مخالف سمت چلنے کا ناقابل یقین اسٹنٹ پیش کیا۔

    یوٹیوب پر جاری ہونے والی ویڈیو میں دیکھا جاسکتا ہے کہ 40 سالہ نِک اور 42 سالہ لیجانا نے 1300 فٹ کی بلندی پر تنی ہوئی رسی پر خطرنات اسٹنٹ کرکے سب کو حیران کردیا، دونوں ایک دوسرے کے آمنے سامنے چلتے ہوئے 36 منٹ کی واک بعد درمیان میں پہنچے تو لیجانا نے رسی پر کمال مہارت سے بیٹھ گئی اور نِک نے لیجانا سے اُوپر سے دوسری طرف چلا گیا۔

    لیجانا کا کہنا تھا کہ ’خطرناک کرتب صرف خدا کے فضل سے مکمل کرپائیں ہیں‘۔ ان کا کہنا تھا کہ میں رسی پر موسیقی سنتے ہوئے چل رہی ہے اور اپنے بھائی سے وائر لیس کنکشن کے ذریعے بات کررہی تھی۔

    غیر ملکی خبر رساں ادارے کا کہنا تھا کہ سنہ 2017 کے بعد لیجانا سینکڑوں فٹ کی بلندی پر پہلا کرتب دکھا رہی ہیں، سنہ 2017 میں کرتب دکھاتے ہوئے لیجانا اور ان کے چار ساتھی 30 فٹ کی بلندی سے گر کر شدید زخمی ہوگئے تھے۔

    غیر ملکی خبر رساں ادارے کے مطابق لیجانا کا کہنا تھا کہ ’خوف مجھ پر فتح حاصل نہیں کرسکتا‘۔

    غیر ملکی میڈیا کا کہنا تھا کہ نِک پہلے کرتب باز تھے جنہوں نے 2012 میں نیاگرہ فال اور 2014 میں شگاگو میں واقع دوفلک بوس عمارتوں کے درمیان آنکھوں پر پٹی بابندھ پر تنی ہوئی رسی پر چلنے کا مظاہرہ کیا تھا۔

  • سائیکل سوار کا ہیلی کاپٹر سے برج العرب پر چھلانگ لگانے کا ناقابل یقین اسٹنٹ

    سائیکل سوار کا ہیلی کاپٹر سے برج العرب پر چھلانگ لگانے کا ناقابل یقین اسٹنٹ

    سائیکل پر کرتب دکھانا ہر کسی کے بس کی بات نہیں لیکن برطانوی نوجوان نے دبئی میں سائیکل چلاتے ہوئے خطرناک اسٹنٹ دکھا کر سب کو حیران کردیا۔

    تفصیلات کے مطابق متحدہ عرب امارت میں برطانیہ کے ماہر سائیکل سوار نوجوان نے سائیکل پر سوار ہوکر ہیلی کاپٹر نے دبئی کے عالی شان ہوٹل برج العرب کے ہیلی پیڈ پر چھلانگ لگانے کا ناقابل یقین اسٹنٹ پیش کیا، سائیکل سوار کافی دیر سے چھلانگ لگانے کےلیے مناسب وقت کا انتظار کررہا تھا۔

    یوٹیوب پر جاری ہونے والی ویڈیو میں دیکھا جاسکتا ہے کہ پروفیشنل بی ایم ایکس سائیکلسٹ کریس کائل نے سائیکل پر سواری کرتے ہوئے دبئی کے تمام مشہور مقامات پر خطرنات اسٹنٹ کرکے سب کو حیران کردیا، کریس نے سائیکل پر ناقابل یقین کرتب دکھانے کا آغاز برج العرب سے کیا۔

    یوٹیوب پر شائع ہونے والی ویڈیو میں دیکھا جاسکتا ہے کہ کریس کائل دبئی کا دلکش ٹور سائیکل پر کرتے ہوئے دبئی کے معروف واٹر پارک وائلڈ وادیز کی انتہائی پُرخطر سلایڈز اور جمیرہ کے ساحل پر بنائے گئے انتظار گاہ کی چھت پر سائیکل چلانے کا اسٹنٹ پیش کیا۔

    اماراتی خبر رساں ادارے کا کہنا تھا کہ دلچسپ و خوفناک اسٹنٹ کرنے والے کریس کائل نے دنیا کی بلند ترین عمارت برج الخلیفہ کی بلندی پر بھی سائیکل چلاکر دیکھنے والوں کو حیرت زدہ کردیا۔

    برطانوی سائیکلسٹ نے دبئی کی گلیوں اور معروف شاہراوں پر سائیکل کے ذریعے کرتب دکھاتے ہوئے اپنے ناقابل یقین اسٹنٹ کا اختتام سمندر میں چلتی ہوئی کشتی پر کیا۔

  • لندن میں رسی پرسائیکل چلانےکا شاندارمظاہرہ

    لندن میں رسی پرسائیکل چلانےکا شاندارمظاہرہ

    برطانیہ میں اسٹنٹ رائیڈر نے لوپ پرسائیکل چلانے کا شاندار مظاہرہ کیا۔

     لندن میں دریائے ٹیمز پر پانچ میٹرلوپ پرسائیکل چلانےکا شاندارمطاہرہ کیا گیا۔

    دنیا بھر میں خطرناک اسٹنٹ کا مظاہرہ کرنے میں شہرت یافتہ اٹھائیس سالہ اسکوٹش اسٹنٹ ڈینی میکاسکل نے لوپ پرسائیکل چلانےکا چیلنج قبول کیا تھا۔

    ڈینی میکاسکل نے لوپ پر شاندار مظاہرہ کیا،اس منفرد اسٹنٹ کی ویڈیو کو انٹر نیٹ پر مختصروقت میں چھ کروڑ لوگوں نے دیکھا۔