Tag: Sudan

خرطوم: سوڈان کے معزول صدر عمرالبشیر پر غیر ملکی کرنسی قبضے میں رکھنے اور مالی بدعنوانی کا الزام عائد کردیا گیا۔

تفصیلات کے مطابق سوڈان کے پبلک پراسیکیوٹر نے معزول صدر عمر البشیر پر مالی بدعنوانی کا الزام عائد کیا ہے، سوڈان کی سرکاری خبر رساں ایجنسی نے تصدیق کردی۔

غیر ملکی خبررساں ادارے کے مطابق پراسیکیوٹر جنرل نے 11 اپریل کو فوج کے ہاتھوں معزول ہونے والے سابق صدرعمر البشیر پر مالی بدعنوانی اور اختیارات کے ناجائز استعمال جیسے الزامات عائد کیے ہیں۔

معزول صدر پر غیر ملکی کرنسی قبضے میں رکھنے، حرام کی دولت جمع کرنے اور مشکوک جائیدادیں بنانے کا الزام ہے۔ خیال رہے کہ سوڈان میں عوام کے طویل احتجاج کے بعد ملک کی مسلح افواج نے سابق صدر عمر البشیر کو ان کےعہدے سے ہٹا کر اقتدار اپنے ہاتھ میں لے لیا تھا۔

عمر البشیر کی معزولی کے بعد قائم کی جانے والی عبوری عسکری کونسل کے سربراہ جنرل عبدالفتاح البرھان نے دعویٰ کیا تھا کہ سابق صدر کی رہائش گاہ سے 10 کروڑ 13 لاکھ ڈالر کی نقد رقم برآمد ہوئی۔

انہوں نے مزید کہا کہ ملٹری انٹیلیجنس، پولیس اور دیگر سیکیورٹی تحقیقاتی اداروں نے عمر البشیر کے گھر کی تلاشی کے دوران 70 ملین یورو، تین لاکھ 50 ہزار ڈالر اور پانچ ارب سوڈانی پاﺅنڈ قبضے میں لیے۔

سوڈان میں مظاہرے، فوج کا عوام پر تشدد، اقوامِ متحدہ نے تحقیقات کا مطالبہ کردیا

پراسیکیوٹر جنرل کا کہنا ہے کہ سابق صدر کے خلاف مالی بدعنوانی کے الزامات پر مقدمہ چلانے کے لیے تمام ثبوت اکھٹے کیے گئے ہیں۔ سوڈانی پراسیکیوٹر جنرل نے گذشتہ ماہ معزول صدر پر کالے دھن کو سفید کرنے اور دہشت گردی کے لیے فنڈنگ جاری کرنے کے الزامات کی تحقیقات کا بھی حکم دیا تھا۔

خرطوم: سوڈان میں حکومت مخالف مظاہرے پرتشدد رنگ اختیار کر گئے، 13 افراد کے ہلاک ہونے کی تصدیق ہوگئی.

تفصیلات کے مطابق حکومت مخالف مظاہرین پر انتطامیہ نے طاقت کا استعمال کیا، جس کے نتیجے میں ہلاکتوں کی اطلاعات ہیں.

غیر ملکی خبر رساں ادارے کے مطابق حکومتی کارروائی میں‌ 13 افراد کی ہلاکت، جب کہ درجنوں کے زخمی ہونے کی اطلاعات ہیں.

خیال رہے کہ ٹریڈ یونین الائنس (ایس پی اے) اپریل سے سوڈان میں مظاہرے منعقد کر رہی ہے، جمہوریت پسندوں کا مطالبہ ہے کہ اقتدار سول انتظامیہ کے حوالے کیا جائے۔

سابق صدر عمر البشیر کے عہدے سے برطرف ہونے کا سبب بھی یہی مظاہرے بنے. البتہ عمر البشیر کے ہٹنے کے بعد ملٹری کونسل نے اقتدار سنبھال لیا .

مزید پڑھیں: سوڈان: ‌‌‌جمہوریت پسندوں کی دو روزہ ہڑتال شروع، نظام زندگی درہم برہم

عبوری ملٹری کونسل اور جمہوریت پسندوں کے درمیان مذاکرات کا اب تک کوئی نتیجہ نہیں نکلا، جس کے بعد مظاہروں میں شدت آگئی.

تجزیہ کاروں نے خدشہ ظاہر کیا ہے کہ اگر سوڈان کی صورت حال پر فوری کارروائی نہیں کی، تو حالات خانہ جنگی کی سمت جاسکتے ہیں.

خرطوم: جمہوریت پسند مظاہرین نے سوڈان کی فوجی حکومت کے خلاف دو روزہ عام ہڑتال کا آغاز کر دیا.

حکومت اور مظاہرین کے درمیان ہونے والے مذاکرات کے باوجود سوڈان میں حالات کشیدہ ہیں، ملک کے بڑے شہروں‌ میں‌ مظاہروں کا سلسلہ شروع ہوگیا ہے.

جرمن خبر رساں ادارے کے مطابق سیاسی عدم استحکام کے شکار سوڈان میں مظاہروں کا نیا سلسلہ شروع ہوا ہے، جسے دو روزہ عام ہڑتال کا نام دیا گیا ہے، البتہ خدشہ ظاہر کیا جارہا ہے کہ اس کے دورانیے میں‌اضافہ ہوسکتا ہے.

ہزاروں جمہوریت نواز مظاہرین دارالحکومت خرطوم کے ہوائی اڈے اور بس ٹرمینل پر دھرنا دے کر بیٹھ گئے ہیں، ہڑتال کی وجہ سے نظام مواصلات شدید متاثر ہوا ہے.

مسافروں کو پریشانی کا سامنا ہے، تین ہوائی کمپنیوں نے خرطوم سے مختلف شہروں کے لیے پروازیں منسوخ کر دی ہیں.

سوڈان: اقتدار تین برسوں میں سویلین کے حوالے کرنے پر اتفاق

جمہوریت پسند تنظیموں کے ایک سرکردہ رہنما نے اپنے بیان میں‌کہا کہ ہڑتال عالمی دنیا کے لیے پیغام ہے کہ سوڈانی شہری فوج کو اقتدار دینے کے حق میں نہیں.

خیال رہے کہ عبوری ملٹری کونسل اور جمہوریت پسندوں کے درمیان مذاکرات کا اب تک کوئی نتیجہ نہیں نکلا، یاد رہے کہ اپریل میں عمر البشیر کو اقتدار سے الگ کرنے کے بعد ملٹری کونسل نے اقتدار سنبھال لیا تھا.