ARYNews.tv | Urdu – Har Lamha Bakhabar

Tag: sudden death

  • دلہن کو عروسی جوڑے کے بجائے کفن پہنا دیا گیا

    دلہن کو عروسی جوڑے کے بجائے کفن پہنا دیا گیا

    قاہرہ : مصر میں شادی سے ایک دن پہلے مہندی کی رات دلہن کی اچانک موت نے خوشیوں کو ماتم میں بدل دیا، والدین صدمے سے ہوش کھو بیٹھے۔

    غیر ملکی خبر رساں ادارے کی رپورٹ کے مطابق مصر میں 20 سالہ ’’ ھدیر‘‘نامی لڑکی کی شادی اگلے روز ہونا تھی تاہم شادی سے ایک دن قبل ہی اس کی اچانک موت واقع ہوگئی۔

    دلہن کے والدین نے جس دن اپنی بیٹی کو عروسی جوڑے میں پیا گھر رخصت کرنا تھا اس روز وہ کفن پہنا کر سپرد خاک کردی گئی۔

    اس المناک واقعے نے مصر کی الدقھلیہ گورنری کے گاؤں کوم النور کو ہلا کر رکھ دیا کیوں کہ جس گھر میں ہر طرف خوشیوں کا ماحول تھا اچانک سوگ کی رات میں بدل گیا اور دیکھتے ہی دیکھتے گھر ماتم کدہ بن گیا۔

    رپورٹ کے مطابق 20 سالہ لڑکی ھدیر کی اچانک موت کی وجہ ڈاکٹروں نے خون کی کمی بتائی ہے جو موت کی بنیادی وجہ بنی۔

    ابتدائی رپورٹس کے مطابق مہندی کی رات کے بعد دلہن ’’ ھدیر‘‘ کو کچھ تھکاوٹ محسوس ہوئی اور اس کی طبیعت تیزی سے بگڑنے لگی اور اسے اسپتال منتقل کرنا پڑا جہاں اس کی موت واقع ہوگئی۔

  • بھائی کی شادی میں ناچنے والا لڑکا اچانک گر کر مر گیا، دل دہلا دینے والی ویڈیو

    بھائی کی شادی میں ناچنے والا لڑکا اچانک گر کر مر گیا، دل دہلا دینے والی ویڈیو

    بھارتی ریاست اتر پردیش کے ایک علاقے میں بھائی کی شادی میں ناچنے والا 15 سالہ لڑکا اچانک گر کر مر گیا، واقعے کی دل دہلا دینے والی ویڈیو سوشل میڈیا پر وائرل ہو گئی ہے۔

    اترپردیش کے علاقے ایٹا میں شادی کی تقریب اس وقت ماتم میں بدل گئی جب دولہے کا چھوٹا بھائی ناچتے ناچتے اچانک گرا اور مر گیا، ویڈیو میں دیکھا جا سکتا ہے کہ سدھیر نامی نو عمر لڑکا ڈی جے کی تھاپ پر رقصاں تھا اور بالکل اچانک وہ ڈھ کر زمین پر گر گیا۔

    ابھی تک یہ معلوم نہیں ہو سکا ہے کہ سدھیر کی اچانک موت کے پیچھے کیا وجہ کارفرما تھی، یہ ویڈیو عین اس چونکا دینے والے لمحے کی ہے جب سدھیر ڈانس فلور پر گرا اور ناچنے والے دیگر لڑکے حیرت سے تھم کر اسے دیکھنے لگے اور پھر اس کی طرف مدد کے لیے بڑھے۔

    اتر پردیش کے شہر میرٹھ میں بھی ایسا ہی ایک سانحہ اس وقت پیش آیا جب جمعرات کو اے این آئی کا ایک رپورٹر اسائنمنٹ کے دوران اچانک دل کا دورہ پڑنے سے جان کی بازی ہار گیا، روی گپتا نامی رپورٹر ایشین نیوز انٹرنیشنل سے طویل عرصے سے وابستہ تھا۔

  • کمسن بچی کی ناگہانی موت نے دیکھنے والوں کو رونے پر مجبور کردیا

    کمسن بچی کی ناگہانی موت نے دیکھنے والوں کو رونے پر مجبور کردیا

    کرشنا : بھارت میں صرف 11ماہ کی معصوم بچی ناگہانی موت کا شکار ہوگئی، اپنی بچی کو اس حالت میں دیکھ کر والدین کے اوسان خطا ہوگئے۔

    تفصیلات کے مطابق بھارتی ریاست آندھراپردیش کے ضلع کرشنا میں ایک افسوسناک واقعہ پیش آیا ہے، ضلع کرشنا کے نندی گاما زون کنچلا گاؤں میں ہفتہ کی صبح  ہونے والے اندوہناک واقعے میں11 ماہ کی معصوم بچی جان
    کی بازی ہارگئی۔

    معصوم سی کیرتی پریا نامی بچی معمول کے مطابق گھر میں کھیل رہی تھی کہ اسی دوران اس کمسن بچی پر اونچی میز پر رکھا ٹی وی اچانک گر پڑا۔

    اونچائی سے ٹی وی گرنے کے نتیجہ میں کیرتی پریا کے سر میں شدید چوٹیں آئیں جس کی وجہ سے اس بچی نے موقع پر ہی تڑپ تڑپ کر جان دے دی۔

  • نیند پوری کیے بغیر ورزش کرنے والی خاتون کے ساتھ خوفناک حادثہ

    نیند پوری کیے بغیر ورزش کرنے والی خاتون کے ساتھ خوفناک حادثہ

    ہر انسان کیلئے ورزش کرنا لازمی سا کام ہے لیکن بسا اوقات بغیر کسی رہنمائی کے ورزش کرنا بھی انسانی صحت کو بری طرح متاثر کرسکتا ہے حتیٰ کہ اس میں جان بھی جاسکتی ہے۔

    ایک ایسا ہی واقعہ انگلینڈ کی رہائشی خاتون کے ساتھ پیش آیا، نارتھ ویلس کی رہنے والی چھیالیس سالہ خاتون جونا لیچ کو ورزش کرنا بڑے نقصان کا باعث بن گیا جس کا انکشاف اس کی موت کے بعد ڈاکٹروں نے کیا۔

    غیر ملکی خبر رساں ادارے کی رپورٹ کے مطابق ٹی وی دیکھتے ہوئے یہ خاتون ورزش بھی کررہی تھی اسی دوران کچھ ہی دیر میں وہ اچانک نیچے گری اور اسپتال پہنچتے ہی دم توڑ دیا۔ اس خاتون کی موت کے بعد ایک چونکا دینے والی سچائی سامنے آئی۔

    اطلاعات کے مطابق خاتون اپنے شوہر جسٹن بیلینسن اور تین بچوں کے ساتھ نارتھ ویلس میں رہتی تھی،کیئر ورکر کی حیثیت سے کام کرنے والی جونا لیچ اکثر نائٹ شفٹ ڈیوٹی بھی کیا کرتی تھی جس دن یہ واقعہ پیش آیا اس دن وہ نائٹ شفٹ کرکے گھر پہنچی تھی جس کے بعد وہ تھوڑی دیر کیلئے سو گئی۔

    بعد ازاں نیند نہ آنے کی وجہ سے وہ اپنے بستر سے اٹھی اور ورزش کرنے لگی، وہ اپنی ایکسرسائز مشین پر بیٹھی ٹی وی دیکھتے ہوئے ورزش کر رہی تھی کہ اچانک نیچے گری اور بے ہوش ہوگئی۔ خاتون کے شوہر نے فوری پر اسے اسپتال پہنچایا تاہم وہ اسپتال پہنچے قبل ہی چل بسی۔

    اس حوالے سے ڈاکٹروں نے بتایا کہ مذکورہ خاتون کی موت برین ہیمبریج یعنی دماغ کی نس پھٹنے کی وجہ سے ہوئی ہے، ڈاکٹروں کے مطابق رات کی ڈیوٹی سے آنے کے بعد انہوں نے نیند پوری نہیں کی اورورزش شروع کر دی تھی، یہی اس کی موت کی وجہ بن گئی۔

  • کیا اچانک نیند سے اٹھنے پر موت واقع ہوسکتی ہے؟

    کیا اچانک نیند سے اٹھنے پر موت واقع ہوسکتی ہے؟

    آپ نے اکثر ایسے واقعات سنے ہوں گے جس میں کوئی صحت مند بھلا چنگا شخص اچانک موت سے ہمکنار ہوجاتا ہے، کسی ناگہانی حادثے کے علاوہ یہ موت گھر میں عموماً رات کے وقت ہوتی ہے۔

    ایسے افراد بظاہر بالکل صحت مند ہوتے ہیں اور انہیں کوئی جان لیوا بیماری نہیں ہوتی لہٰذا ان کی اچانک موت نہایت حیران کن ہوتی ہے۔

    ماہرین کا کہنا ہے کہ ہماری روزمرہ کی زندگی میں ایک نہایت ہی عام سا عمل بے خبری میں ہمیں موت کا شکار بنا سکتا ہے۔ یہ عمل رات سوتے میں جاگ کر اچانک بستر سے کھڑا ہوجانا ہے۔

    ہم میں سے اکثر افراد رات میں گہری نیند سے جاگ جاتے ہیں کیونکہ ہمیں واش روم جانے یا پانی پینے کی ضرورت پڑتی ہے۔ ایسے میں اچانک تیزی سے بستر سے کھڑا ہوجانا نہایت خطرناک عمل ہوسکتا ہے۔

    رات میں کئی گھنٹے سوتے ہوئے گزارنے کے دوران ہمارے دل کی دھڑکن بہت سست ہوجاتی ہے اور ہمارے دماغ تک خون کا بہاؤ بھی بے حد کم ہوجاتا ہے۔ ایسے میں اچانک اٹھنے سے دل کی دھڑکن بے ترتیب ہوسکتی ہے جبکہ دماغ تک خون کی کم رسائی کی وجہ سے دل اچانک رک بھی سکتا ہے۔

    اس صورتحال سے بچنے کے لیے ضروری ہے کہ نیند سے جاگنے کے بعد فوری طور پر کھڑا ہونے سے گریز کیا جائے۔ اچانک نیند سے اٹھنے کے بعد یہ عمل کریں۔

    جب آپ کی آنکھ کھلے تو کم از کم ڈیڑھ منٹ تک بستر پر ہی لیٹے رہیں۔ اس کے بعد بستر پر اٹھ کر بیٹھ جائیں اور 30 سیکنڈ تک اسی پوزیشن میں بیٹھے رہیں۔ اس کے بعد ٹانگیں بستر سے نیچے لٹکائیں اور اسی حالت میں اگلا آدھا منٹ گزاریں۔

    ان ڈھائی منٹوں کے اندر آپ کے دماغ اور جسم کے دیگر تمام حصوں میں خون کی روانی بحال ہوجائے گی اور کھڑے ہونے پر گرنے یا کسی اور سنگین صورتحال کا خطرہ نہیں ہوگا۔

  • سری دیوی کی موت ٹب میں‌ ڈوبنے سے ہوئی، واقعہ حادثہ تھا: خلیجی اخبار کا دعویٰ

    سری دیوی کی موت ٹب میں‌ ڈوبنے سے ہوئی، واقعہ حادثہ تھا: خلیجی اخبار کا دعویٰ

     دبئی: نامور بھارتی اداکاری سری دیوی کی فرانزک پورٹ سامنے آگئی۔ موت باتھ ٹب میں ڈوبنے سے ہوئی۔

    تفصیلات کے مطابق سری دیوی کی پراسرار موت کا معمہ حل ہوگیا۔ خلیجی میڈیا کے مطابق ان کی موت حادثاتی تھی، یہ واقعہ ٹب میں ڈوبنے سے پیش آیا۔

    فرانزک رپورٹ میں سری دیوی کی موت حادثاتی قرار پانے کے بعد اس واقعے سے سے جڑے شبہات دم توڑ گئے ہیں۔ ڈیتھ سرٹیفکیٹ میں موت کی وجہ باتھ ٹب میں ڈوبنا ٹھہرائی گئی ہے۔ باتھ ٹب میں ہارٹ اٹیک کے بارے میں اندیشہ موجود ہے۔  نیز ان کے خون میں الکحول بھی پایا گیا ہے۔

    یاد رہے کہ ابتدا میں سری دیوی کی موت کو ہارٹ اٹیک کا نتیجہ قرار دیا جارہا تھا، بعد میں یہ کہا گیا کہ ان کی موت واش روم میں گرنےکی وجہ سے ہوئی۔ اب ڈیٹھ سرٹیفیکیٹ میں موت کو حادثاتی طور پر ٹب میں ڈوبنا قرار دیا گیا ہے۔ سری دیوی کی میت چارٹرڈپرواز کے ذریعے آج دبئی سے ممبئی پہنچائی جائے گی اور آخری رسوم ممبئی میں ادا کی جائیں گی۔

    قبل ازیں دبئی کے راشد اسپتال میں آنجہانی کا پوسٹ مارٹم مکمل ہوا، جس کے بعد پوسٹ مارٹم، فرانزک اور لیب رپورٹ کا انتظار کیا جارہا تھا۔ ہندوستانی قونصلیٹ ذرائع نے موقف اختیار کیا تھا کہ فارنسک اور لیب رپورٹس آنے کے بعد سری دیوی کی لاش کو ممبئی لے جانے کے سلسلے میں کارروائی شروع کی جائیگی۔

    مزید پڑھیں : سری دیوی کبھی امراض قلب میں مبتلا نہیں رہیں، سنجے کپور

    ممبئی ایئرپورٹ کے ذرائع کے مطابق سری دیوی کی نعش چارٹرڈ طیارے سے آج دبئی سے ممبئی لائی جائے گی، جہاں ان کی آخری رسومات ادا کی جائیں گی۔

    یاد رہے کہ سری دیوی کے قریبی عزیز سنجے کپور کا کہنا تھا کہ وہ کبھی دل کے عارضے میں مبتلا نہیں رہیں، جب اداکارہ کا انتقال ہوا اس وقت وہ دبئی کے مقامی ہوٹل کے روم میں تھیں، اچانک اس موت کے بعد پورا خاندان گہرے صدمے کا شکار ہے۔

    مزید پڑھیں : بالی ووڈ اداکارہ سری دیوی دل کا دورہ پڑنے سے چل بسیں

    خیال رہے کہ اداکارہ سری دیوی اپنے شوہر بونی کپور اور بیٹی خوشی کے ساتھ شادی کی تقریب میں شرکت کے لئے دبئی کےشیخ زید روڈ پرواقع جمیرا ایمرٹس ٹاورز میں مقیم تھیں، جہاں انہیں دل کا دورہ پڑا جو جان لیوا ثابت ہوا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔