بعض اوقات کھانا کھاتے ہوئے بے دھیانی یا جلدی میں کوئی لقمہ گلے میں پھنس جاتا ہے، جس سے دم گھٹنے اور سانس رکنے جیسی صورتحاک پیدا ہوجاتی ہے۔
بہت کم لوگ اس بات کو سمجھتے ہیں کہ اگر کچھ کھاتے ہوئے کسی کے گلے میں کچھ پھنس جائے تو فوری طور پر کیا کرنا چاہیے۔
تاہم اس وقت ہم کیا کریں گے جب اچانک ایسی کسی وجہ سے دم گھٹنا شروع ہوجائے اور آس پاس مدد کے لیے بھی کوئی موجود نہ ہو؟
اس حوالے سے کچھ احتیاطی تدابیر اور ہدایات یہاں بیان کی جارہی ہیں جس پر عمل کرکے آپ اس اس اذیت ناک صورتحال سے باآسانی چھٹکارا حاصل کرسکتے ہیں۔
کھانا کھانے ہوئے لقمہ پھنس جائے تو سوڈا مشروبات یعنی کولڈ ڈرنک پی کر اس تکلیف کو کم کیا جاسکتا ہے. ان مشروبات میں موجود کاربن ڈائی آکسائیڈ غذائی نالی میں پھنسنے والے نوالے کو حلق سے اتار کر معدے میں پہنچانے میں مدد کرتا ہے۔
ویسے تو عام طور پر نوالہ پھنسنے پر پانی بھی پیا جاتا ہے جس سے نالی میں پھنسے نوالے کو معدے میں پہنچانے میں مدد ملتی ہے، اسی طرح اکثر کھانا پھنسنے پر ایک اور نوالہ کھا لینے سے بھی حلق میں پھنسا ہوا کھانا نیچے اتر جاتا ہے۔
ایک طریقہ اور بھی ہے وہ یہ کہ روٹی کے ٹکڑے کو پانی یا دودھ میں بھگو کر نرم کرکے کھا لیا جائے، اس طرح کرنے سے بھی پھنسا ہوا نوالہ نگلنے میں آسانی ہوتی ہے، اس کے علاوہ ایک چمچ گھی بھی کھایا جاسکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
