Tag: SUKKER

سکھر:ظالم شخص نےسیاہ کاری کےالزام میں بیوی،ساس کوگاؤں سےنکال دیا

سکھر: مولوی نے شوہرسے لڑائی پربیوی اورساس کے خلاف قتل کا فتویٰ صادر کردیا، مفتی نعیم نے فتوے کو غیراسلامی قرار دے دیا۔

تفصیلات کے مطابق سکھر سے تعلق رکھنے والے مولوی کلیم اللہ نے جرگے میں شوہر سے لڑنے والی بیوی اور اس کی ماں کو قتل کرنے فتویٰ صادر کیا ہے۔

اے آروائی نیوزنے جب بیوی سے رابطہ کیا تو اس کا کہنا تھا کہ اس کا شوہر انتہائی ظالم ہے اسے مارتاہے، تشدد کا نشانہ بناتا ہے، اور کئی دن تک بھوکا بھی رہنے پڑتا ہے لہذا اس نے اپنے شوہر سے علیحدگی اختیار کرنے کا فیصلہ کیا ہے۔

واضح رہے کہ اس سے قبل شوہرنے ناصرف یہ کہ بیوی اورساس پر سیاہ کاری کا الزام لگا کر بے دخل کردیا تھا بلکہ بااثر افراد کے ساتھ مل کر بیوی کو قتل کرنے کی سازش بھی شروع کردی تھی۔

اے آروائے نیوزکے رابطہ کرنے پر معروف عالم مفتی نعیم کا اس موضوع پرکہنا تھا کہ فتوے کا اسلام سے کوئی تعلق نہیں یہ قطعی غیرشرعی ہے اور فتویٰ دینے والے کو گرفتار کیا جانا چاہیے۔

اے آر وائے نیوز پر خبر کے نشر ہوتے ہی سکھرپولیس نے ایکشن لیتے ہوئے مولوی کلیم اللہ کو اپنی حراست میں لے لیا ہے۔