سکھر کے کچے کے علاقے میں زمین کے تنازع پر 2 گروہوں میں خونی تصادم کے دوران فائرنگ سے 7 افراد جاں بحق ہوگئے۔
ایس ایس پی سکھر زبیر نذیر کے مطابق آج صبح مہر برادری اور جتوئی برادری کے درمیان فائرنگ کے تبادلے میں7افراد جاں بحق اور 5زخمی ہوئے۔
انہوں نے بتایا کہ دونوں جانب سے ہونے والی اندھا دھند فائرنگ میں مہر برادری کا ایک اور جتوئی برادری کے 6افراد مارے گئے۔
جاں بحق افراد کی لاشیں اور زخمیوں کو تعلقہ اسپتال پنوعاقل منتقل کیا جارہا ہے، رضا گوٹھ تھانے کی حدود میں پولیس کی بھاری نفری تعینات کردی گئی ہے۔
ایس ایس پی سکھر کے مطابق دو گروپوں میں محکمہ جنگلات کی زمین پر قبضے کے معاملے پر جھگڑا ہوا تھا۔
