Tag: Sukkur

دھرنے والے عیدالاضحیٰ کو سیاست کی نظر نہ کریں، خورشید شاہ

سکھر: خورشید شاہ کہتے ہیں عمران خان اور طاہرالقادری سے التجا ہے کہ عید جیسے خوشیوں کے تہواروں کو سیاست کی نظر نہ کریں۔۔پیر پگارا کہتے ہیں ملکی سلامتی کیلئے خصوصی دعائیں کی جائیں۔

اپوزیشن لیڈرخورشید شاہ نے نماز عید کی ادائیگی کے بعد سکھر میں میڈیا سے بات کرتے ہوئے شیخ رشید کو تنقید کا نشانہ بناتے ہوئے کہا کہ عید قرباں سے پہلے حکومت نہیں گئی۔

عمران خان اور طاہرالقادری سے التجا ہے کہ عید جیسے تہواروں کا احترام کریں۔ عید جیسی خوشیوں کے تہواروں کو سیاست کی نظر نہ کریں۔

مسلم لیگ فنکشنل کے سربراہ پیر پگارا نے خیر پور میں عید کی نماز ادا کی۔ حروں کے روحانی پیشوا پیر پگاڑہ کا اپنے مریدین کے اجتماع سے روحانی خطاب کرتے ہوئے کہا کہ ملک نازک حالات سے گذر رہاہے اس لئے ملکی سلامتی اور پاک افواج کے لئے خصوصی دعائیں کی جائیں۔ اسلام انسانیت کا درس دیتا ہے اس لئے انسانیت کی خدمت کرنے میں دلی سکون ہوتا ہے۔

اکتوبر 6, 2014
سندھ کی تقسیم کے خلاف احتجاج اور ہڑتال کا سلسلہ جاری

حیدرآباد: سندھ کی تقسیم کے خلاف صوبے بھر میں سندھ ترقی پسند پارٹی کی اپیل پر احتجاج اور ہڑتال کا سلسلہ جاری ہے۔ تفصیلات کے مطابق صوبہ سندھ میں انتظامی یونٹس کے قیام کے مطالبے کیخلاف حیدر آباد سکھر ودیگر شہروں میں احتجاج کا سلسلہ جاری ہے جس کے باعث کاروباری سرگرمیاں ماند پڑ گئیں ۔

احتجاج اور ہڑتال کے باعث حیدرآباد کے کئی علاقوں قاسم آباد، حسین آباد، گل سینٹر، اوردیگرعلاقوں میں کاروباری سرگرمیاں معطل رہیں ۔ ہڑتال کی کال پر سی این جی اسٹیشنزاور پیٹرول پمپس بند رہنے سے عوام کو پریشانی کا سامنا کرنا پڑا۔بعض علاقوں میں ٹائرنذر آتش کر کےاحتجاج ریکارڈ کرایا گیا۔

سکھرکے عوام نے سندھ کی تقسیم کو نامنظور قراردیا ، سکھر میں بھی کاروباری مراکز بند رہے،سرکاری دفاتر اور اسکولوں میں حاضری بھی کم رہی، جبکہ پیٹرول پمپس اور سی این جی اسٹیشنزبند رہے ۔

نوشیرو فیروز میں ایس ٹی پی پی کی کال پر ہڑتال میں کاروباری سرگرمیاں معطل رہیں،نواب شاہ میں سڑکوں پر ٹریفک کم جبکہ دکانوں پر تالے لگے رہے ۔ سندھ کی تقسیم کے خلاف سانگھڑ کے عوام نے زبردست احتجاج ریکارڈ کرایا ،سڑکوں پرپولیس کا گشت دیکھنے میں آیا ۔

ٹنڈو الہ یار میں عوام نے سڑکوں پر پتھراؤ کیا اور ٹائر نذر آتش کئے، جبکہ کاروباری مراکز بند رہے ،مٹیاری میں شٹرڈاؤن ہڑتال کا سماں رہا ،سکیورٹی کے لئے پولیس سڑکوں پر موجود رہی، لاڑکانہ میں بھی ہڑتال کامیاب رہی اورعوام نے سندھ کی تقسیم کے خلاف اپنا احتجاج ریکارڈ کرایا۔

ستمبر 26, 2014
سکھر: مویشی منڈی نہ بنائی جاسکی، جانوروں کا شہرمیں گشت

سکھر: جوں جوں عیدِ قرباں قریب آرہی ہے مویشی منڈیوں میں جانوروں کی تعداد اورقیمتیں بڑھتی جارہی ہیں ، قربانی ایک فریضہ ہے جس کی ادائیگی کے لئے جانوروں کی خریداری میں دن بدن تیزی آرہی ہے مگر خریداروں اوربیوپاریوں کو مسائل کا سامنا ہے۔

سکھر کی سڑکوں پر دوردور تک بکروں کے سر اور کھر دکھائی دیتے ہیں جس سے ٹریفک کی روانی متاثر ہورہی ہے۔بکروں کی اس قدر تعداد دیکھ کر بھی ابھی تک انتظامیہ نے مویشی منڈی قائم نہیں کی۔جس کی وجہ سے سڑک پر گاڑیوں اور لوگوں کےساتھ بکرے بھی چہل قدمی کرتے نظر آتے ہیں۔

دوسری جانب فیصل آبادکی منڈی میں جانور اور بیوپاری تو موجود ہیں مگر خریدار کا دوردورتک پتا نہیں۔خریداروں کو قیمتوں کے زیادہ ہونے کا شکوہ ہے تو بیوپاریوں کا کہنا ہے کہ اگر منافع نہ ہو تو حاصل وصول کچھ نہیں، بڑھتی ہوئی مہنگائی کارونا روتے بیوپاری اور خریدار دونوں ہی پریشان ہیں۔

ستمبر 24, 2014
سکھر:اسمگل شدہ دو سو کچھوے دریائے سندھ میں چھوڑ دیئے گئے

سکھر:پاکستان سے چائنہ اسمگل کئے جانےو الےدوسو تیس کچھوے ایک ماہ قبل پاکستان اور چائنہ کی سرحدی حدود سے چائنیز اور پاکستانی کسٹم حکام نے مشترکہ کارروائی کرکے تحویل میں لئے تھے، جنہیں پاکستان کی وائلڈ لائف حکام کے حوالے کیا گیا تھا،

بعد ازاں ایک ماہ تک کچھوؤں کو وائلڈ لائف ہیڈ کوارٹر سکھر میں رکھنے کے بعد آج پنو عاقل کے قریب دریائے سندھ میں چھوڑدیاگیا، اس موقع پر سیکریٹری فاریسٹ نائلہ واجد نے میڈیا سے گفتگو کر تے ہوئے بتایا کہ مزید 218کچھوؤں کو گذشتہ روز کراچی ایئر پورٹ سے پکڑا گیا ہے جنہیں پاکستان سے ہانگ کانگ اسمگل کیا جا رہا تھا ۔

انھوں نے بتایا کہ بین الاقوامی مارکیٹ میں ان کھچوؤں کی مالیت کروڑوں میں ہے کیونکہ بیرون ممالک میں انہیں شوق سے کھایا جا تا ہے۔ کچھوے اسمگل کرے والوں کے خلاف وائلڈ لائف کی جانب سے کریک ڈاﺅن آپریشن کر نے کا بھی اعلان کیا گیا ہے۔

ستمبر 22, 2014
عمران خان الزام ثابت کریں یامعافی مانگیں، خورشید شاہ

سکھر: پاکستان پیپلز پارٹی کے مرکزی رہنماء اورقومی اسمبلی میں اپوزیشن لیڈرسیدخورشید شاہ نےعمران خان کو کھلا چیلنج دیتے ہوئے کہا ہے کہ پی ٹی آئی کے سربراہ عمران خان مجھ پرکرپشن کاایک بھی الزام ثابت کردیں تو وہ سیاست ہمیشہ کیلئےچھوڑدیں گے۔

تفصیلات کے مطابق عمران خان کی جانب سے لگائے گئے الزامات پرقومی اسمبلی میں قائدِ حزب اختلاف سیدخورشید شاہ کا ردعمل سامنے آگیا ہے۔

اپوزیشن لیڈرنے کہاہے کہ اگرپاکستان تحریکِ انصاف کے سربراہ عمران خان ان پر لگائے گئے الزامات میں سے ایک بھی ثابت کردیں تو وہ سیاست کو خیرباد کہہ دیں گے۔

خورشید شاہ نےکہا کہ اگرعمران الزامات ثابت نہ کرسکے تو انہیں پوری قوم کے سامنے معافی مانگناہوگی۔ واضح رہے کہ گزشتہ روزعمران خان نےدھرنے کے شرکاء سے خطاب کرتے ہوئے سیدخورشید شاہ پرکرپشن کیسز کا الزام لگا یاتھا۔

ستمبر 20, 2014
سکھر: گڈوکےمقام پرسیلابی پانی میں مسلسل اضافہ

سکھر : پنجاب کی جانب سے آنے والا سیلابی ریلا سندھ میں داخل ہو چکا ہے اورگڈو کے مقام پردولاکھ پچھترہزار کیوسک کا سیلابی ریلا اس وقت گزر رہا ہے جبکہ سکھر بیراج میں بھی پانی کی سطح میں اضافے کے بعد ایک لاکھ چوبیس ہزار تک جا پہنچی ہے۔

گڈو اورسکھر کے مقام پر پانی کی سطح میں مسلسل اضافہ ہوتا جا رہا ہے، جس کے لئے بندوں اور پشتوں کی خصوصی نگرانی کی جا رہی ہے ۔

محکمہ آبپاشی کے عملے کی چھٹیاں منسوخ کرکے ایمرجنسی نافذ کردی گئی ہے اورسیکورٹی کو ہائی الرٹ رہنے کے احکامات جاری کئے گئے ہیں۔

ستمبر 13, 2014
ممکنہ سیلاب : سکھرمیں حفاطتی انتظامات مکمل کرلئے گئے

سکھر :ممکنہ سیلا ب سے نمٹنے کے لئے سکھر بیراج پرحفاظتی انتظاما ت مکمل کر لئے گئے ہیں ،اندازے کے مطا بق پا نچ سے سات لا کھ کیو سک کا سیلابی ریلا سکھر بیراج سے بخیر و عافیت گزرجا ئے گا۔

ایگزیکیٹو انجینئر ایریگیشن ظریف کھیرو کے مطابق پنجاب کی جانب سے آنے والے سیلابی ریلے کے لئے بندوں اور پشتوں کی خصوصی نگرانی کی جا رہی ہے جبکہ ایر یگیشن عملے کی چھٹیاں منسوخ کر کے ایمرجنسی نافذ کردی گئی ہے، یہ با ت چیف انجئنیر ظریف کھیرو نے اے آروآئی نیوز سے خصوصی گفتگو کرتے ہوئے کہی۔ ان کا مز ید کہنا تھا کہ توڑی بند اور قر یشی بند کو حساس قرار دیئے جا نے کی وجہ سے وہاں خصوصی نگرا نی جا رہی ہے۔

ستمبر 10, 2014
سکھر:سیلابی صورتحال، دو سال سے بند گیٹ نمبر2 اور3 کو کھول دیا گیا

سکھر: دریا ئے سندھ میں امکانی سیلاب کی وجہ سے دو سال سے بند گیٹ نمبر دو اور تین کو کھول دیا گیا ہے.

گیٹ کے بند ہونے کی وجہ ریت کا جم جانا تھا، جنہیں صفائی کے بعد محکمہ ایر یگیشن نے آج کھول دیا ہےجبکہ سکھر ضلع کے توڑی اور قریشی بند کو حساس قراردیا جا رہا ہے۔

محکمہ ایریگیشن کے مطابق چودہ سے پندرہ تاریخ تک پنجاب سے آنے والا دس لاکھ کیوسک کا سیلابی ریلا جو کہ سکھر سے گزرے گا، اُس کے لئے ممکنہ حفاظتی اقدامات مکمل کر لئے گئے ہیں اور آج دو سال سے بند گیٹ نمبر دواور تین کو بھی صفائی کے بعد کھول دیا گیا ہے جبکہ محکمہ ایر یگیشن کے عملے کی چھٹیاں منسوخ کرکے ایمرجنسی نا فذ کردی گئی ہے۔

ستمبر 9, 2014
دشمن کومنہ توڑجواب دینے کی صلاحیت رکھتے ہیں،میجرعارف وڑائچ

سکھر: جنرل آفیسر کمانڈنگ میجرجنرل محمدعارف وڑائچ کا پنوں عاقل چھا ﺅنی میں دفاع پاکستان تقریب سے خطاب کرتے ہوئے کہنا تھا کہ آج وطن پر دہشت گردی کی جنگ مسلط ہے، پا کستان کی بہا درافواج اسی جذبے سے سرشار ہو کرجنگ میں مصروف ہیں اور انشاءاللہ ہم یہ جنگ جیتیں گے ۔

تقریب کا با قائدہ آغاز تلاوتِ کلام پا ک سے کیا گیا ،جس کے بعد بچوں نے ٹیبلوز بھی پیش کئے، تقریب کے مہمان خصوصی جی او سی میجر جنرل محمدعار ف وڑائچ تھے ۔

تقریب سے خطاب کرتے ہو ئےان کا کہناتھا کہ پاکستانی افواج دنیا کی بہترین فوج ہے جو ہر کڑے وقت میں دشمنوں سے نبرد آزما ہو تی چلی آئی ہے پاک فوج کے حوصلے بلند ہیں اگردشمنوں نے میلی آنکھ سے دیکھا تو منہ توڑ جواب دینے کی صلا حیت رکھتے ہیں۔

ستمبر 6, 2014
سکھرکی سڑکیں کھنڈرات میں تبدیل،شہریوں کومشکلات

سکھر: سندھ کے تیسرے بڑے شہر سکھر کے شہری سڑکوں کی تباہ حالی کے باعث سخت پریشانی میں مبتلا ہیں جس کی وجہ سے ٹریفک حادثات بھی معمول بن چکے ہیں ۔ شاہراہوں پر گڑھے بن جانے کے باعث سیوریج کا گنداپا نی بھی سڑکوں پرجمع رہنا معمو ل بن چکا ہے۔

سکھرشہر کے مختلف علاقے جن میں مقام روڈ ، بھو سہ لا ئن ،شالیمار روڈ، ورک شاپ روڈ طویل عرصہ سے ٹوٹ پھوٹ کا شکا ر ہے جس کی وجہ سے ٹریفک گزرنے اور پیدل چلنے وا لوں کو شد ید پریشا نی کا سامنا ہے ۔

شاہراہوں پرموجود گڑھوں میں سیوریج کا گندا پا نی بھرا رہتاہے جس سے پیدل چلنے والوں کے کپڑے خراب ہو جاتے ہیں،خاص طور پرمسجدوں کو جانے والے نمازیوں کو بھی شدید مشکلات کا سامنا کرنا پڑ رہا ہے۔

ستمبر 3, 2014