Tag: Sukkur

سکھر: سندھ کے شہر سکھر میں پولیس مقابلوں میں ڈاکو پنھل جاگیرانی سمیت 4 ڈاکو ہلاک ہو گئے۔

تفصیلات کے مطابق سکھر میں روہڑی تھانے کی حدود میں پولیس مقابلے میں سنگین جرائم میں مطلوب ڈاکو پنھل جاگیرانی ہلاک ہو گیا، پنوں عاقل کے قریب مبینہ پولیس مقابلے میں 3 ڈاکو ہلاک ہوئے۔

پولیس حکام کے مطابق روہڑی تھانے والے واقعے میں 5 ملزمان ڈکیتی کے لیے قومی شاہراہ پر موجود تھے، گشت پر مامور پولیس پارٹی کو دیکھ کر ڈاکوؤں نے فائرنگ کر دی۔

پولیس حکام کے مطابق جوابی فائرنگ میں سنگین جرائم میں مطلوب ڈاکو پنھل جاگیرانی ہلاک ہو گیا، جب کہ اس کے 4 ساتھی موقع سے فرار ہو گئے، فرار ڈاکوؤں کی گرفتاری کے لیے علاقے میں سرچ آپریشن کیا جا رہا ہے۔

دوسری طرف سکھر میں پنو عاقل کے قریب مبینہ پولیس مقابلے میں تین ڈاکو ہلاک ہوئے، ہلاک ڈاکوؤں کی شناخت غلام محمد عرف ننھو میرانی، عمران بلو اور پھلپوٹو کے نام سے ہوئی ہے۔ ان میں ایک ڈاکو مقابلے میں زخمی ہو گیا تھا جو اسپتال منتقلی کے دوران ہلاک ہوا۔

سکھر: صوبہ سندھ کے شہر سکھر میں دو معصوم بچے کھیلتے کھیلتے کار میں بیٹھ گئے، اور کار لاک ہو گئی، جس کی وجہ سے دونوں بچے جاں بحق ہو گئے۔

تفصیلات کے مطابق سکھر کے علاقے گلشن اقبال میں کار میں دم گھٹنے کی وجہ سے 2 بچے جاں بحق ہو گئے ہیں، 2 سالہ علی رضا، اور 4 سالہ علی شاہد کار لاک ہونے پر دم گھٹنے سے جاں بحق ہوئے۔

پولیس حکام کا کہنا ہے کہ علی رضا اور علی شاہد کھیلتے ہوئے کار میں بیٹھ گئے تھے اور بد قسمتی سے گاڑی لاک ہو گئی، جس کی وجہ سے ان کا دم گھٹ گیا۔

گھر والے بچوں کی تلاش میں 2 گھنٹے تک ادھر ادھر مارے پھرتے رہے، آخر کار جب وہ گاڑی کے پاس پہنچے تو انھوں نے کار کے اندر بچوں کو بے حس و حرکت پایا، پولیس کے مطابق بچے تب تک جاں بحق ہو چکے تھے۔