جوہار بارو:سلطان جوہر جونئیر ہاکی کپ میں پاکستان ٹیم مایوس کن کارکردگی کی وجہ سے چھ ٹیموں میں آخری پوزیشن پر آئی، ہے۔ملائیشیا کے شہر جوہار بارو میں کھیلے جارہے جونئیر ہاکی کپ میں پاکستان ٹیم کوئی بھی میچ جیت نہ سکی اور چھ ٹیموں میں آخری پوزیشن پر رہی۔
پانچویں پوزیشن کے میچ میں پاکستان کا مقابلہ ملائیشیا سے تھا۔پہلے ہاف میں ہی ملائیشیا نے تین صفر کی سبقت حاصل کرلی تھی۔ کھیل کے پینتالیسویں منٹ میں محمد نوید نے پاکستان کیلئے واحد گول کیا ۔پاکستان کو تین ایک سے شکست کا سامنا کرنا پڑا۔
جوہاربارو:سلطان آف جوہار جونئیر ہاکی کپ میں پاکستان ٹیم کو نیوزی لینڈ نے دلچسپ مقابلے کے بعد تین دو سے شکست دے دی
ملائیشیا کے شہر جوہار بارو میں کھیلے جارہے سلطان آف جوہار جونئیر ہاکی کپ کے میچ میں پاکستان کو نیوزی لینڈ کیخلاف شکست کا سامنا پڑا ہے۔
کھیل کے پہلے ہاف میں نیوزی لینڈ کو دو صفر کی سبقت حاصل تھی۔ کیوی کھلاڑیوں نے تیسرا گول دوسرے ہاف کے آغاز میں ہی اسکور کیا۔ جواب میں پاکستان ٹیم نے دو گول کیے لیکن شکست سے بچ نہ سکے۔ ایونٹ میں پاکستان ٹیم نے چار میچز کھیلتے ہوئے اب تک ایک میچ برابر اور تین میں شکست کھائی ہے