Tag: Summit bank

کراچی: معروف بینکر اور صدر سمٹ بنک حسین لوائی نے کہا ہے کہ رواں سال ملکی معاشی صورتحال تسلی بخش رہی اور بینکنگ سیکٹر کی گروتھ بھی بڑھ گئی۔

کراچی میں چارٹر اکاونٹس اسٹوڈنٹس کانفرنس سے خطاب کرتے ہوئے حسین لوائی کا کہنا تھا کہ ملکی معاشی میدان میں کارپوریٹ اداروں کو کوالٹی بہتربنا کر ہی ترقی کی جاسکتی ہے اور نئے چارٹر اکاؤنٹ معیشت میں ریڑھ کی ہڈی کا کردار ادا کرتے ہیں۔

ملک میں بہترین سروس اور کارکردگی کے لحاظ سے کئی ادارے مثالی بن چکے ہیں جن میں سمٹ بنک اور بحریہ ٹاون پروجیکٹ شامل ہیں ، اس موقع پر دیگر مقررین کا کہنا تھا کہ کارپوریٹ سیکٹر میں پروفیشنل اور قابل افراد خلاپرکر رہے ہیں اور جلد ملکی معیشت بہتر ہوجائے گی۔

اس موقع پر پروفیشنل تعلیم حاصل کرنے والے طلبہ پر زور دیا کہ اپنی تعلیم اور مقاصد کے حصول کو مد نظر رکھ کر مستقبل کی پلاننگ کریں۔

انسٹی ٹیوٹ آف چارٹرڈ اکاؤنٹ کے صدر یعقوب ستار کا کہنا تھا کہ کانفرنس کا مقصد طلبہ کو تعلیم کی اہمیت اور اس کے استعمال کا طریقہ کار کی افادیت فراہم کرنا تھا۔