کراچی : پاکستان سمیت دنیا بھر کے مختلف ممالک میں سپر مون کا نظارہ کیا گیا، ستر سال کے بعد سپر مون کو ہزاروں افراد نے دیکھا۔

چاند ہمیشہ سے دیکھنے والوں کو لبھاتا اور اپنی جگہ کھینچتا ہے اور جب چاند معمول سے زیادہ بڑا اور روشن ہو تو ہر نگاہ اس پر ٹک سی جاتی ہے، ایسا ہی شاندار نظارہ دنیا بھر میں دیکھا گیا، جہاں سپر مون نظر آیا تو سارا شہر چاند کی روشنی سے جگمگا اٹھا۔

سپر مون سب اسپین کے تفریحی مقام پر دیکھا گیا، جہاں بچوں اور بڑوں نے مکمل چاند کی تصویریں کھینچیں، امریکا کی مختلف ریاستوں میں سپر مون کا نظارہ کیا گیا۔

نیویارک سپر مون کی روشنی سے جگمگا اٹھا ، کیلی فورنیا کے شہر لاس انجلس میں سپر مون کا دیدہ زیب منظر دیکھا گیا۔

آسٹریلیا میں سپر مون کا سحر انگیز نظارہ طویل القامت عمارتوں کے درمیان سے نظر آنے والے چاند نے خوب چاندی بکھری، لندن میں سپر چاند کی رونقیں چھائی رہی۔

خوبصورت چاند کا نظارہ دوبارہ دیکھنے کے لیے 25 نومبر 2034ء تک انتظار کرنا ہوگا۔