Tag: support shashank manohar

لاہور: پاکستان کرکٹ بورڈ کے چئیرمین شہریار خان کا کہنا ہے کہ وقت کم ہے بھارت کو سیریز کھیلنی ہے یا نہیں صاف بتا دے۔

چئیرمین پی سی بی شہریار خان کا کہنا ہے کہ پاک بھارت سیریز پر اب تک کوئی فیصلہ نہیں ہوا ہے ، کب تک انتظار کریں گے بھارت کچھ تو احساس کرے۔

شہریار خان نے مستقبل میں محمد عامر کو ٹیم میں شامل کرنے کا اشارہ بھی دیا اور کہا کہ عامر کو سمجھنا ہوگا کھیلنے کیلئے تحمل اور انکساری ضروری ہے۔

چئرمین پی سی بی شہریار خان نے کھلاڑیوں کی سلیکشن پر ذاتی پسند و نا پسند کے تاثر کی تردید بھی کردی۔

پاک بھارت سیریز پر تشویش کے سائے اب بھی منڈلارہے ہیں پاکستانی حکومت سری لنکا میں سیریز کے انعقاد کی اجازت دے چکی، اب انتظار ہے بھارتی حکومت کے گرین سگنل کا ہے۔

لاہور: چئیرمین پی سی بی شہریار خان نے بگ تھری کے معاملے پر آئی سی سی کے سربراہ ششانک منوہر کے بیان کی حمایت کردی.

چئیرمین پی سی بی شہریار خان کا کہنا ہے کہ کرکٹ میں تمام کنٹرول آئی سی سی کا ہونا چاہیے، بگ تھری فارمولے کو آئیڈیل قرار نہیں دیا جاسکتا۔ ان کا کہنا تھا کہ ماضی کی طرح آئی سی سی کو ہی کرکٹ سیریز کا فیصلہ کرنا چاہیے۔

گزشتہ روز ششانک منوہر نے بگ تھری کی مخالفت کی تھی، ششانک منوہر کا کہنا ہے کہ بگ تھری کی تشکیل سے گورننگ باڈی طاقت کے عدم توازن کا شکار ہوئی، آسٹریلیا، انگلینڈ اور بھارت کو ملنے والے اختیارات سے وہ متفق نہیں ہیں۔

ان کا کہنا ہے کہ ضروری نہیں کرکٹ تین بورڈز چلائیں، کوئی بھی ادارہ انفرادیت سے بڑا ہوتا ہے، تین ممالک کو آئی سی سی کے تمام اختیارات دینے پر متفق نہیں ہوں، اس سے کرکٹ کو نقصان ہوگا، آئی سی سی میں بہتری لانے کی کوشش کروں گا.