ARYNews.tv | Urdu – Har Lamha Bakhabar

Tag: supreme court

  • این ایل سی اسکینڈل: نیب نے دیگر ملزمان کیخلاف کارروائی تیز کردی

    این ایل سی اسکینڈل: نیب نے دیگر ملزمان کیخلاف کارروائی تیز کردی

    اسلام آباد : این ایل سی اسکینڈل میں ریٹائرڈ فوجی افسروں کو سزاؤں کے بعد نیب نے بھی سویلین ملزمان کیخلاف کارروائی تیز کردی ہے۔

    نیب کی جانب سے سپریم کورٹ میں جمع کروائی جانیوالی رپورٹ میں این ایل سی معاملہ جلد نمٹانے کی یقین دہانی کرائی گئی ہے۔

    اے آر وائی نیوز نے رپورٹ کی کاپی حاصل کرلی۔ تفصیلات کے مطابق سینئر صحافی اسد کھرل کی درخواست پر سپریم کورٹ نے قومی احتساب بیورو سے این ایل سی اسکینڈل میں ہونے والی اب تک کی کارروائی پر رپورٹ طلب کی تھی جو نیب نے جمع کروادی ہے۔

    رپورٹ میں بتایا گیا ہے کہ ہائی پروفائل ملزمان کو فریش نوٹس ایشو کئے جاچکے ہیں اور این ایل سی سے اوریجنل ریکارڈ ملنے پر یہ معاملہ بہت تھوڑے عرصے میں نمٹا لیا جائے گا۔

  • سپریم کورٹ نے آ ئینی ترامیم کا تفصیلی فیصلہ سنا دیا

    سپریم کورٹ نے آ ئینی ترامیم کا تفصیلی فیصلہ سنا دیا

    اسلام آباد : سپریم کورٹ نے اٹھارہویں اور اکیسویں آ ئینی ترامیم کا تفصیلی فیصلہ سنا دیا ہے جس کے تحت عدالت نے کثرت رائے سے تمام درخواستیں مسترد کر دی ہیں جبکہ چیف جسٹس اور جسٹس حمود الرحمان کے نوٹ کے مطابق سپریم کورٹ کو فوجی عدالتوں پر نظر ثانی کا اختیار بھی حاصل ہے۔

    حکومت کا موقف تھا کہ آئینی ترامیم کے تحت دائر کی گئی درخواستیں قابل سماعت ہی نہیں ہیں لیکن حکومت کو یہ موقف سپریم کورٹ نے تین کے مقابلے میں چودہ ججوں کی اکثریت سے مسترد کر کے درخواستوں کو قابل سماعت تو قرار دیا لیکن ساتھ ہی دونوں آئینی ترمیم بھی کثرت رائے سے درست قرار دے دیں جس کے نتیجے میں فوجی عدالتوں کے قیام کو دوام حاصل ہو گیا اورفوجی عدالتوں کی سزائوں کیخلاف جاری شدہ حکم امتناء بھی ختم ہوگیا۔

    چار کے مقابلے میں تیرہ ججوں کی اکثریت سے اٹھارہویں آئینی ترمیم درست قرار دی گئی جس کے تحت پارلیمانی کمیٹی کو جوڈیشل کمیٹی کے نامزد کردہ فرد کا نام مسترد کرنے کا اختیار حاصل تھا لیکن ساتھ ہی انیسویں ترمیم کو بھی نہیں چھیڑا گیا جو پارلیمانی کمیٹی کے اس اختیار کو محدود کر تی ہے۔

    جبکہ عدالت نے چھ کے مقابلے میں گیارہ ججوں کی اکثریت سے اکیسویں آئینی ترمیم بھی برقرار رکھی اور اس ضمن میں چیف جسٹس اور جسٹس حمود الرحمان نے اپنے فیصلے میں لکھا کہ پارلیمینٹ کو ہر قسم کی ترمیم کا اختیار حاصل ہے جس کے اختیار پر آئین نے کسی قسم کی کوئی )پابندی بھی عائد نہیں کی اس لئے پارلیمینٹ کو کسی بھی قسم کی آئینی ترمیم کرنے سے نہ تو روکا جا سکتا ہے اور نہ ہی عدالت اس کی کی ہوئی ترمیم کو کالعدم قرار دے سکتی ہے۔

    تاہم آئین کا آرٹیکل دو سو انتالیس سپریم کورٹ جائزے کے اختیار پر پابندی عائد نہیں کرتا اور انسانی حقوق سے متعلق کوئی درخواست عدالت آئین کے آر ٹیکل ایک سو چوراسی تین کے تحت بھی کر سکتی ہے اس طرح سپریم کور یم کورٹ کو انتظامیہ  کی جانب سے ملٹری کورٹ کو بھیجے جانے والے کیس کے انتخاب کا جائزہ لینے کا اختیار حاصل ہے اور ساتھ ہی فوجی عدالت کی سزاپر نظر ثانی کا اختیار بھی حاصل ہو گا کہ آیا یہ فیصلے بدنیتی یا ذاتی عناد کی بنیاد پر تو نہیں ہوئے۔

    اس نوٹ پر چیف جسٹس ناصر المک اور جسٹس حمود الرحمان کے دستخط ہیں جبکہ اختلاف کرنے والوں کی جانب سے نوٹ تحریر کرتے ہوئے جسٹس جواد ایس خواجہ نے اپنے نوٹ میں لکھا ہے کہ پارلیمینٹ کو ترمیم کا لا محدود اختیار حاصل نہیں ہے اور نہ ہی پارلیمینٹ کوئی ایسی ترمیم کر سکتی ہے جو آئینی کے بنیادی ڈھانچے سے متصادم ہو۔

    آئین میں اگر دو ایک جیسی شقیں شامل ہوں تو فوقیت خصوصی شق کو حاصل ہو گی اسی طرح دومتضاد شقوں کی صورت میں فوقیت اس شق کو حاصل ہو گی جو آئین کی معطلی سے پہلے شامل کی گئی ہو ۔

  • سپریم کورٹ کے لارجربنچ نے ملٹری کورٹس کے خلاف دائرتمام درخواستیں مسترد کردیں

    سپریم کورٹ کے لارجربنچ نے ملٹری کورٹس کے خلاف دائرتمام درخواستیں مسترد کردیں

    اسلام آباد: سپریم کورٹ کے فل بنچ نے ملٹری کورٹس کے خلاف دائر کردہ تمام درخواستوں کو رد کرتے ہوئے ان کے قیام کو قانونی اورآئینی قراردے دیا۔

    تفصیلات کے مطابق آج بروزبدھ سپریم کورٹ کے 17 ججز پر مشتمل لارجربنچ نے چیف جسٹس ناصرالملک کی سربراہی میں ملٹری کورٹس کے قیام کے حق میں فیصلہ سنایا۔

    ملٹری کورٹس کا قیام 16 دسمبر 2014 کو پشاور میں ہونے والے سانحہ آرمی پبلک اسکول کے ردعمل میں ہونے والی 21 ویں ترمیم کے تحت عمل میں لایا گیا تھا۔

    ملٹری کورٹس کے قیام کے خلاف سپریم کورٹ بار، پاکستان بارکونسل، ڈسٹرکٹ بارایسوسی ایشن راولپنڈی، لاہورہائی کورٹ بار، ڈسٹرکٹ بارسانگھڑ، عبدالحفیظ پیرزادہ کنسرنڈ سٹیزن آف پاکستان اوروطن پارٹی سمیت کل 31 درخواستیں دائر کی گئی تھیں۔

    درخواست گزاروں کا موقف تھا کہ ملٹری کورٹس کے قیام سے آئین کا بنیادی ڈھانچہ متاثر ہوگا اور اس سے موجودہ نظامِ عدل کو بھی نقصان پہنچے گا۔

    سپریم کورٹ کے لارجربنچ میں سے 11 ججز نے ملٹڑی کورٹس کے قیام کے حق میں جبکہ 6 ججز نے قیام کے خلاف فیصلہ دیا۔

    ملٹری کورٹس کی مخالفت کرنے والوں میں جسٹس جواد ایس خواجہ کے 25 صفحات پر مشتمل اختلافی نوٹ کوبھی فیصلے کا حصہ بنایا گیا ہے۔

    چیف جسٹس ناصرالملک نے کثرتِ رائے کی بنا پر ملٹری کورٹس کے قیام کے حق میں مختصر فیصلہ تحریر کیا۔

    فیصلے کے مطابق ملٹری کورٹس کی جانب سے دی گئی سزائیں جنہیں موخر کیا گیا تھا اب ان پر عملدرآمد ہوگا۔

    دوسری جانب سپریم کورٹ بار کے سابق صدر کامران مرتضیٰ نے اے آروائی نیوز سے گفتگو کرتے ہوئے کہا کہ فیصلے کے خلاف ریویو پٹیشن دائر کریں گے۔

    اے آر وائی نیوز کے اینکر پرسن ارشد شریف کا ماہرانہ تجزیہ

    پس منظر

    واضح رہے کہ 6جنوری 2015 کو21ویں آئینی ترمیم منظور ہوئی تھی جس کے تحت قائم ہونے والی فوجی عدالتوں نے کاروائی شروع کی تھی۔

    فوجی عدالتوں کےخلاف دائر کی جانے والی پہلی درخواست کی سماعت 28جنوری کو ہوئی تھی۔

    اعلیٰ عدالت نے 18اور 21 ویں ترامیم پردرخواستوں کو یکجا کرنے کا حکم دیا اور 3اپریل کومعاملے پر فل کورٹ تشکیل دیا گیا۔

    16اپریل کوعدالتی احکامات کے ذریعے فوجی عدالتوں کی سزاؤں پرعمل درآمد روکاگیا۔

    بالاخر 5 اگست 2015 کو سپریم کورٹ کے فل بنچ نے فوجی عدالتوں کے قیام کے خلاف دائر تمام درخواستوں کو مسترد کرتے ہوئے فوجی عدالتوں کو کام کرنے کی اجازت دے دی گئی۔

    واضح رہے کہ ابتدائی طور پر9 فوجی عدالتیں قائم کی گئیں تھیں جن میں سے پنجاب اور خیبر پختونخواہ میں 3،3، سندھ میں 2جبکہ بلوچستان میں 1 فوجی عدالت قائم کی گئی تھی۔

  • ایان علی کی ضمانت کیخلاف کسٹم حکام کا سپریم کورٹ جانے کا فیصلہ

    ایان علی کی ضمانت کیخلاف کسٹم حکام کا سپریم کورٹ جانے کا فیصلہ

    اسلام آباد : کسٹم حکام نے منی لانڈرنگ کیس میں ملوث اور 120 دن جیل میں رہنے کے بعد رہائی پانے والی سپر ماڈل ایان علی  کی ضمانت کے خلاف سپریم کورٹ میں جانے کا فیصلہ کرلیا۔

    ذرائع کے مطابق کسٹم حکام ماڈل گرل ایان علی کی ضمانت منسوخ کرانے کے لئے جلد سپریم کورٹ سے رجوع کریں گے جس کیلئے قانونی درخواست بھی تیار کرلی گئی۔ درخواست لاہور ہائی کورٹ کے فیصلے پر قانونی مشاورت کے بعد تیار کی گئی ہے ۔

    ماڈل ایان علی کو چودہ مارچ کو راولپنڈی ائیرپورٹ سے کرنسی اسمگلنگ کیس میں گرفتار کیا گیا تھا۔

    واضح رہے کہ چھ سال کے فنی کریئر میں شہرت کی بلندیوں کو چھونے والی 22 سالہ ماڈل ایان علی کی گرفتاری سے لے کر چار ماہ بعد ضمانت پر رہائی تک پاکستانی ذرائع ابلاغ پر اس معاملے کا خوب چرچا رہا جب کہ سوشل میڈیا پر بھی آئے روز نت نئی بحث چھڑتی رہی۔

  • عمران خان نے جوڈیشل کمیشن کی رپورٹ تسلیم کرلی

    عمران خان نے جوڈیشل کمیشن کی رپورٹ تسلیم کرلی

    اسلام آباد: عمران خان نے جوڈیشل کمیشن کی رپورٹ تسلیم کرلی ،ان کا کہنا ہے کہ جوڈیشل کمیشن کی رپورٹ نہ ماننے کا کوئی جواز نہیں ہے۔

    پاکستان تحریک انصاف کے چیئرمین عمران خان کا کہنا تھا کہ پہلے ہی کہہ دیا تھا کہ جوڈیشل کمیشن کا فیصلہ قبول ہوگا،صرف تحریک انصاف نے نہیں اکیس جماعتوں نے دھاندلی کا الزام لگایا تھا، عمران خان کا کہنا تھا کہ قومی بحران میں سب کا اکھٹا ہونا بہت ضروری ہے۔

    اس سے قبل سماجی رابطے کی ویب سائٹ ٹوئٹر پر اپنے پیغام میں عمران خان کا کہنا تھا کہ حکومت اور تحریک انصاف کے درمیان معاہدے کے تحت جوڈیشل کمیشن تشکیل دیا گیا تھا جب کہ انتخابی دھاندلی کیس میں 2 جماعتیں فریق ہیں لیکن ایک فریق کو رپورٹ دے دی گئی ہے اور دوسرا فریق اب تک حتمی رپورٹ سے محروم ہے۔

  • عمران خان کا خیبر پختو نخوا میں سیلابی صورتحال کانوٹس

    عمران خان کا خیبر پختو نخوا میں سیلابی صورتحال کانوٹس

    اسلام آباد: عمران خان نے خیبر پختو نخوا حکومت کوسیلابی صورتحال سے نمٹنے کے لئےفوری اقدامات کی کی ہدایت کردی۔

    ایک بیان میں پی ٹی آئی چیئرمین کا کہنا تھا کہ خیبرپختونخواہ حکومت چترال اور دیگر علاقوں میں سیلاب سے بچنے کی تدابیر اختیار کرے، اور شہریوں کی حفاظت کے لیے پیشگی انتظامات کئے جائیں۔

    انہوں نے کہا کہ آبی ذخائر نہ بنا کر ہر سال لاکھوں شہریوں کو سیلاب کے رحم وکرم پر چھوڑا جاتا ہے۔

    پی ٹی آئی چیئرمین نواز لیگ اور پیپلزپارٹی کی حکومتوں کی غفلت کاخمیازہ پوری قوم سیلاب کی صورتحال میں بھگت رہی ہے۔

    پاکستان تحریک انصاف کے چیئرمین عمران خان کل چترال کےسیلاب زدہ علاقوں کادورہ کریں گے۔

  • امن کو ترقی سے اورترقی کوامن سےمنسلک کرنا ہوگا، نواز شریف

    امن کو ترقی سے اورترقی کوامن سےمنسلک کرنا ہوگا، نواز شریف

    اوفا: وزیر اعظم نواز شریف نے اوفا میں برکس سربراہ اجلاس سے خطاب کرتے ہوئے کہاکہ پاکستان کی دہشتگردی کے خلاف جنگ خطے کیلئے ہے، چین کے ساتھ مل کر اقتصادی راہداری بنا رہے ہیں۔

     وزیر اعظم نواز شریف روس کے شہر اوفا میں ہونیوالے برکس سربراہ اجلاس میں شرکت کیلئے پہنچے تو روس کے صدر ولادی میر پیوٹن نے اُن کا استقبال کیا، اجلاس میں بھارتی وزیر اعظم نریندر مودی سمیت دیگر ملکوں کے سربراہان شریک تھے۔

    وزیر اعظم نواز شریف نے کہا پاکستان دہشتگردی کے خلاف جنگ لڑ رہا ہے جو پورے خطے کیلئے ہے،وزیر اعظم نواز شریف کا کہنا تھا چین کےساتھ اقتصادی راہداری بنا رہے ہیں دو ہزار پچیس تک پاکستان کومستحکم مقام پر دیکھنا چاہتے ہیں۔

    وزیر اعظم نے کہا کہ پاکستان برکس کے ممالک سے تعاون کررہا ہے،وزیراعظم نواز شریف نے کہا خطےمیں ترقی کےلیےسب کو ایک دوسرے کا ساتھ دینا ہوگا۔

  • نیب نے150بڑے مالیاتی اسکینڈلز کی فہرست سپریم کورٹ میں جمع کرادی

    نیب نے150بڑے مالیاتی اسکینڈلز کی فہرست سپریم کورٹ میں جمع کرادی

    اسلام آباد: نیب نے بڑے مالیاتی اسکینڈل میںم ملوث 150 اعلیٰ سیاسی اور سرکاری شخصیات کی فہرست سپریم کورٹ میں جمع کرادی۔

    تفصیلات کے مطابق جسٹس جواد ایس خواجہ کی سربراہی میں تین ججوں پر مبنی بنچ نے چیئرمین نیب منظور احمد غوری اور دیگر افسران کی جانب سے دائر کردہ درخواست کی سماعت کی۔

    نیب رپورٹ میں وزیراعظم نوازشریف،شہبازشریف،اسحاق ڈار، آصف زرداری ،یوسف رضاگیلانی،راجہ پرویزاشرف،آفتاب شیرپاؤ،اسلم رئیسانی اورہمایوں برادران سمیت کئی بڑے سیاست دانوں اوربیورکریٹس کےمبینہ کرپشن کی داستانیں موجود ہیں

    نیب رپورٹ میں وزیراعظم کےمعاون خصوصی ہارون اخترپر ستر کروڑ کی مشکوک ٹرانسیکشن،نواب اسلم رئیسانی کےدس کروڑ کے ناجائز اثاثہ جات،سابق وزیرداخلہ آفتاب احمدشیرپاؤ کیخلاف ایک ملین ڈالر کے ناجائزاثاثہ جات کی انکوائری بھی شامل ہے۔

    بڑے بیوروکریٹس میں این آئی سی ایل کے سابق چیئرمین ایاز نیازی پر چارارب کی غیرقانونی سرمایہ کاری، سابق سیکریٹری ورکرز ویلفیئر بورڈ کے پی پرچودہ کروڑ کے ناجائز اثاثہ جات، ماڈل کسٹم سیکٹریٹ لاہورپراناسی کروڑ پان اسمگلنگ، سیکریٹری بلدیات سندھ احمد لُنڈ پرپچیس کروڑ کے ناجائز اثاثہ جات، سابق سیکریٹری ہاؤسنگ ذکی اللہ پر انتالیس کروڑ کے ناجائز اثاثہ جات اور یونیورسٹی آف پشاورکےوائس چانسلر پردس کروڑ روپے کی خوردبرد کےکیسزہیں۔

    نجی گروپس میں ایم سی بی نجکاری کرپشن کےعلاوہ ناصرایچ شون کے خلاف سوا ارب قرضہ نادھندگی، یونس حبیب کے خلاف تین ارب کی نادھندگی، جہانگیرصدیقی کےخلاف دو ارب کے فراڈ، الحمرا ہلز اور ایڈن بلڈرزپر ایک ارب نوے کروڑ فراڈ کاکیس بھی رپورٹ میں شامل ہے۔

    عدالت عظمیٰ نے نیب کی جانب سے پیش کردہ رپورٹ پر عدم اطمینان کا اظہار کیا۔

    عدالت نے اپنے ریمارکس میں کہا کہ نیب کو اس رپورٹ میں مزید دوکالم شامل کرنے چاہئیے جن میں یہ بتایا جائے کہ کب کس ملزم کے خلاف درخواست درج ہوئی اور کب اس کی تصدیق ہوئی۔

  • اسلام آباد: 25جولائی کو بلدیاتی انتخابات ہوں گے یا نہیں فیصلہ آج متوقع

    اسلام آباد: 25جولائی کو بلدیاتی انتخابات ہوں گے یا نہیں فیصلہ آج متوقع

    اسلام آباد: پچیس جولائی کو بلدیاتی انتخابات ہوں گے یا نہیں فیصلہ آج متوقع ہے، حکومت قانون سازی سے متعلق جواب آج سپریم کورٹ میں جمع کرائے گی۔

    اسلام آباد میں بلدیاتی الیکشن سے متعلق سماعت سپریم کورٹ کے بینچ نے کی، ایڈیشنل اٹارنی جنرل نےعدالت کو بتایا کہ عید سے پہلے بلدیاتی انتخابات کا قانون پارلیمنٹ سے منظور ہونا ممکن نہیں۔

    جس پر جسٹس جواد خواجہ نے برہمی کا اظہارکرتے ہوئے کہا کہ کیا اسلام آباد کے شہری تیسرے درجے کے ہیں جنھیں اپنے نمائندے منتخب کرنےکاحق نہیں۔ پچاس سال تک قانون نہیں بنا تو کیا انتخابات بھی نہیں ہوں گے۔

    جسٹس شیخ عظمت نے کہا کہ بظاہر پچیس جولائی کو انتخابات ہوتے نظر نہیں آرہے، عدالت نے ایڈیشنل اٹارنی جنرل کو حکومت سے بل کی منظوری سے متعلق ہدایات لے کر آگاہ کرنے کا حکم دیتے ہوئے سماعت ملتوی کردی۔

    دوسری جانب الیکشن کمیشن کا کہنا ہے کہ اسلام آباد انتخابات جماعتی بنیاد پرکرانے کا مطالبہ پورا کرنا ممکن نہیں، تمام انتخابی تیاریاں مکمل ہیں، نئی حلقہ بندیوں کے لئے وقت درکار ہوگا۔

  • ووٹ سےتبدیلی کا راستہ روکا جائے تو مارشل لاء کا راستہ ہی رہ جاتا ہے، عمران خان

    ووٹ سےتبدیلی کا راستہ روکا جائے تو مارشل لاء کا راستہ ہی رہ جاتا ہے، عمران خان

    اسلام آباد : عمران خان کا کہنا ہے کہ ن لیگ کے پاس لاہور کا مینڈیٹ ہے تو مینار پاکستان کا احاطہ عوام سے بھر کر دکھائے۔

    انتخابی دھاندلی پر بنے جوڈیشل کمیشن کی سماعت کے بعد میڈیا سے گفتگو میں عمران خان نے ن لیگ کو چیلنج کیا کہ ان کے پاس لاہور کا مینڈیٹ ہے تو مینار پاکستان کا احاطہ ہی عوام سے بھر کے دکھادیں۔

    انھوں نے کہا کہ ووٹ سےتبدیلی کا راستہ روکا جائےتومارشل لاء کا راستہ ہی رہ جاتا ہے، ن لیگ کے رہنماوں کا کہنا تھا پی ٹی آئی انکوائری کمیشن کے سوالوں کے جواب نہیں دے سکی۔

    اس سے پہلے جوڈیشل کمیشن میں چیف جسٹس ناصر الملک کا پی ٹی آئی کےوکیل سےمکالمہ میں کہنا تھا کہ آپ کے پاس ن لیگ کی دھاندلی کے کیاشواہد ہیں؟ جس پر حفیظ پیر زادہ نے کہا نواز شریف اور وزراء کے حلقوں میں بہت زیادہ بیلٹ پیپرز بھیجے گئے۔

    پیپلز پارٹی کے وکیل اعتزاز احسن نے دلائل میں کہافارم پندرہ کی اہمیت اس طرح ہے جس طرح دیو کی جان کسی چڑیا میں ہوتی تھی، فارم پندرہ کی حفاظت بھی چڑیا کی طرح ضروری تھی۔