واشنگٹن : امریکہ کے صدر ڈونلڈ ٹرمپ نے ریاست مشی گن ری کاؤنٹنگ، پینسلوینیا اورجارجیا میں ووٹوں کی گنتی روکنے کے لیے سپریم کورٹ درخواست دائر کردی۔
امریکہ کے صدارتی انتخاب کے نتائج میں تاخیر کا خدشہ ہے، ڈونلڈ ٹرمپ کی انتخابی ٹیم نے تین انتخابی عذر داریاں دائر کردیں ٹرمپ انتظامیہ کی جانب سے مشی گن میں ووٹوں کی دوبارہ گنتی کا مطالبہ جارجیا اورپنسلوانیا میں ووٹ کی گنتی روکنے کیلئے مقدمات دائر کیے گئے ہیں۔
ٹرمپ نے مشی گن میں دوبارہ گنتی کیلئے مقدمہ دائرکردیاہے، پینسلوینیا اورجارجیا میں ڈاک کے ذریعے مزید آنے والے ووٹوں کی گنتی روکنے کی درخواست بھی دائرکی ہے۔
ان کا کہنا ہے کہ وسکونسن میں بھی ووٹوں کی دوبارہ گنتی کی درخواست دی جائے گی، مختلف گروہوں نےانتخابات متاثر کرنے کی کوشش کی، یہ امریکی عوام کےساتھ فراڈ اور باعث شرمندگی ہے۔
واضح رہے کہ دوسری جانب امریکا میں جاری صدارتی انتخابات کے غیر حتمی نتائج تو آنا شروع ہوگئے ہیں ، غیر ملکی میڈیا کے مطابق ڈیموکریٹک امیدوار جوبائیڈن نے 238 اور ری پبلکن امیدوار امریکی صدر ٹرمپ نے اب تک 213 الیکٹورل ووٹ حاصل کیے ہیں۔
امریکی میڈیا کے مطابق 19 ریاستوں میں ری پبلکن امیدوار ٹرمپ اور 16 ریاستوں میں ڈیموکریٹک امیدوار بائیڈن کو برتری حاصل ہے جب کہ 16 ریاستوں کےنتائج آنا ابھی باقی ہیں۔
