Tag: #surpirse

اسلام آباد: ڈپٹی اسپیکر قاسم خان سوری کی جانب سے وزیر اعظم عمران خان کے خلاف تحریک عدم اعتماد کے مسترد ہونے کے بعد ٹوئٹر پر ’سرپرائز‘ ٹرینڈ کر رہا ہے۔

تفصیلات کے مطابق قومی اسمبلی میں اپوزیشن کی تحریک عدم اعتماد اچانک مسترد ہونے کے بعد ٹویٹر پر #سرپرائز کا ٹرینڈ ٹاپ پر چل رہا ہے۔

اس سے قبل ذرائع نے اطلاع دی تھی کہ پاکستان تحریک انصاف کی قیادت تحریک عدم اعتماد سے نمٹنے کے لیے ایک ’سرپرائز‘ لے کر آ رہی ہے۔

حکومتی وزرا کہہ رہے تھے انھوں نے اپنا ہوم ورک مکمل کر لیا ہے، اپوزیشن کو کچھ دن ڈھول بجانے دیں، ہم انھیں سرپرائز دیں گے۔

اب اس پر ٹوئٹر کے صارفین طرح طرح کے ٹویٹس کر رہے ہیں۔

Thats it…!!!!!!
What a yorker by Imran Khan#surprise#NoConfidenceMotion pic.twitter.com/dCsXAWf6Ou

— Ali!!! (@Ali_Asim86) April 3, 2022

Outstanding #surprise Sir
Today Is A Huge Day.. pic.twitter.com/W4Tzq7Nlpq

— Faiza Rajpoot (@FaizaRa62995937) April 3, 2022

My leader @ImranKhanPTI said
"Whenever you have a big goal you will face setbacks,there will be failures but the people who actually win in the end have this quality,
THEY NEVER GIVE UP!"#ImranKhanPrimeMinister#BehindYouSkipper #آخری_سانس_تک_عمران_خان#Surprise#BreakingNews pic.twitter.com/nVlp7YGzjq

— •.★* Tђє Ҝιяαη •.★* (@Its_KiranTariq) April 3, 2022

ایک ویڈیو بھی تیزی سے وائرل ہوئی ہے جس میں دیکھا گیا کہ اپوزیشن جماعتوں کے اراکین اسمبلی اجلاس کے بعد اپنی نشستوں پر صدمے کی حالت میں بیٹھے ہیں۔

واضح رہے کہ تحریک عدم اعتماد پر ووٹنگ کا اجلاس ڈپٹی اسپیکر قاسم خان سوری نے یہ کہہ کر مسترد کر دیا تھا کہ یہ وزیر اعظم عمران خان کے خلاف غیر ملکی سازش سے متعلق ہے، فیصلے کے بعد اجلاس ملتوی کر دیا گیا۔

اسلام آباد: وزیر داخلہ شیخ رشید نے کہا ہے کہ الیکشن کے لیے 90 دن طے ہو گئے ہیں، عمران خان قانون کے مطابق 15 دن وزیر اعظم رہ سکتے ہیں۔

اے آر وائی نیوز سے بات چیت کرتے ہوئے شیخ رشید نے کہا کہ میں تو ایمرجنسی کی خواہش رکھتا تھا میری بات نہیں مانی گئی، یہ زبردست کام ہوا ہے، عمران خان کو اتنے ووٹ ملیں گے کہ لوٹے کی ضرورت نہیں پڑے گی۔

انھوں نے کہا کہ اسمبلی تحلیل کرنے کے فیصلے کے بعد انڈیا کے 72 چینلوں پر صف ماتم بچھی ہوئی ہے، بھارتی چینلز کا خیال تھاان کے بزنس پارٹنر اور کاروباری شیئر ہولڈر آ جائیں گے۔

انھوں نے کہا پنجاب اور کے پی اسمبلیاں بھی پیر کو توڑ دینی چاہیئں۔ وزیر داخلہ نے کہا آصف زرداری نے 3 دن سے پھڈا ڈالا ہوا تھا، ورنہ 4 دن پہلے اسمبلی ٹوٹ جاتی، صرف آصف زداری نے اسٹینڈ لیا ہوا تھا باقی دو جماعتیں ری الیکشن کے لیے تیار تھیں، آصف زرداری نئے الیکشن میں رکاوٹ تھے۔

انھوں نے کہا 4 دن پہلے سے طے تھا ملک الیکشن کی طرف جا سکتا ہے، آخر کار کل فیصلہ ہوا اور عمران خان نے سیاسی کمیٹی ممبران سے حلف لیا۔

واضح رہے کہ ڈپٹی اسپیکر نے آج وزیر اعظم کے خلاف تحریک عدم اعتماد غیر آئینی قرار دے کر مسترد کر دیا، جس کے بعد صدر مملکت نے وزیر اعظم کی تجویز پر اسمبلیاں تحلیل کر دی ہیں۔

وزیر مملکت فرخ حبیب نے ایک ٹویٹ میں کہا ہے کہ نئے انتخابات آئندہ 90 روز میں ہوں گے۔