ARYNews.tv | Urdu – Har Lamha Bakhabar

Tag: Suspect

  • کراچی سے ٹارگٹ کلنگ اور بھتہ خوری میں ملوث ملزم گرفتار، حیرت انگیز انکشافات

    کراچی سے ٹارگٹ کلنگ اور بھتہ خوری میں ملوث ملزم گرفتار، حیرت انگیز انکشافات

    کراچی میں رسالہ پولیس نے سنگین واردارتوں اور بھتہ خوری میں ملوث ملزم کو گرفتار کر کے اسلحہ برآمد کرلیا۔

    رسالہ پولیس کے مطباق ملزم محمد رزاق کا سیاسی جماعت سے تعلق ہے، ملزم نے 2012 کو پان منڈی میں فائرنگ کرکے ایک شخص کو قتل دوسرے کو زخمی کیا۔

    پولیس کا کہنا ہے کہ ملزم نے ساتھیوں کے ہمراہ فورسز کے جوان کو اغوا تشدد کے بعد شہید کردیا تھا، ملزم نے اپنے ساتھیوں کے ساتھ ریلی میں فائرنگ کرکے درجنوں افراد کو قتل اور زخمی کیا تھا۔

    پولیس کا کہنا ہے کہ ملزم لیاری گینگ وارکے کارندوں کو بھی قتل کرتا تھا، ملزم کو اسلحہ سیاسی جماعت فراہم کرتی تھی، ملزم دوہزار چودہ میں ایران کے راستے ترکی فرار ہوا اور 2019 میں وطن پہنچا، ملزم کے خلاف مقدنہ درج کرلیا گیا۔

    https://urdu.arynews.tv/karachi-encounters-7-arrested/

    دوسری جانب کراچی میں سرجانی زنجانیہ موڑ کے قریب مبینہ پولیس مقابلہ میں زخمی دو ڈاکو دوران علاج ہلاک ہوگئے، ملزمان کی شناخت خان محمد اور محمد عارف کے ناموں سے ہوئی، ملزمان روزی موڑ کے قریب شہری سے موٹر سائیکل چھیننے کی کوشش کررہے تھے۔

    شاہین فورس کے موقع پر پہنچنے پر ملزمان نے فائرنگ شروع کردی،جوابی کارروائی میں دونوں ملزمان کو زخمی حالت میں گرفتار کیا گیا، ملزمان سے دو پستول، تین مسروقہ موبائل فون اور نقدی برآمد ہوئی۔

    پولیس کے مطابق ملزمان کی گزشتہ سال لوٹ مار کی سی سی ٹی وی فوٹیج منظر عام پر آئی، فوٹیج میں ملزمان کو واردات کرتے دیکھا جاسکتا ہے، ملزمان پر سرجانی ٹاؤن تھانے میں ایک درجن سے زائد مقدمات درج ہیں۔

  • غیر قانونی بین الاقوامی سمز کی فروخت میں ملوث ملزم گرفتار

    غیر قانونی بین الاقوامی سمز کی فروخت میں ملوث ملزم گرفتار

    ایف آئی اے نے گلگت میں کارروائی کرتے ہوئے غیر قانونی بین الاقوامی سمز کی فروخت میں ملوث ملزم کو گرفتار کرلیا۔

    تفصیلات کے مطابق پی ٹی اے اور ایف آئی اے نے غیر قانونی پری ایکٹیو غیر ملکی سم فروخت پر کارروائی کی، اس دوران غیر قانونی بین الاقوامی سمز کی فروخت میں ملوث ملزم کو گرفتار کرلیا گیا۔

    ترجمان ایف آئی اے کے مطابق گرفتار ملزم قائم علی کو چھاپہ مار کارروائی میں دنیور سے گرفتار کیا گیا، ملزم  سمز کی غیر قانونی فروخت میں ملوث ہیں۔

    ترجمان کا کہنا ہے کہ گرفتار ملزم سوشل میڈیا پر بین الاقوامی سمز کی خرید وفروخت کرتا تھا، بین الاقوامی نمبرز غیر قانونی سرگرمیوں میں استعمال ہوتے ہیں۔

     ترجمان کا مزید کہنا تھا کہ سمز بلیک میلنگ، جعلی اسکیمز، آن لائن مالیاتی فراڈ میں استعمال ہوتی تھیں، غیر قانونی سرگرمیاں قومی سلامتی کے ضمن میں سنگین خطرہ بن سکتیں ہیں۔

  • گھاس چرتی گائیوں نے کھیت میں چھپا ملزم گرفتار کروا دیا

    گھاس چرتی گائیوں نے کھیت میں چھپا ملزم گرفتار کروا دیا

    امریکا میں ایک کھیت میں چھپے مشکوک شخص کو گائیوں نے گرفتار کروا دیا، پولیس گائیوں کی عقلمندی پر حیران رہ گئی۔

    امریکی میڈیا کے مطابق واقعہ ریاست نارتھ کیرولینا کے ایک چھوٹے سے قصبے بون میں پیش آیا۔ ایک مشکوک شخص ٹریفک سگنل توڑ کر تیزی سے فرار ہوا اور نواحی علاقے کے کھیتوں میں جا چھپا۔

    سوشل میڈیا پر جاری اپنے بیان میں مقامی پولیس کا کہنا تھا کہ مشکوک شخص اتنی تیز رفتاری سے اپنی گاڑی دوڑاتا ہوا نکلا کہ پولیس اس کا پیچھا نہ کرسکی، اس کے بعد وہ گاڑی ایک جگہ چھوڑ کر کھیتوں میں چھپ گیا۔

    جب پولیس مذکورہ مقام پر پہنچی تو انہوں نے دیکھا کہ کھیت میں گھاس چرتی گائیوں کا رویہ غیر معمولی تھا۔

    پولیس کے مطابق گائیوں کے انداز میں بے چینی تھی اور وہ بار بار اس جگہ دیکھ رہی تھیں جہاں مشکوک شخص چھپا ہوا تھا، پولیس نے پیش قدمی کی تو وہ نہایت دوستانہ انداز میں پولیس کو باقاعدہ اس جگہ تک ساتھ لے گئیں۔

    پولیس نے 34 سالہ مشکوک شخص کو گرفتار کرلیا۔

    پولیس نے اپنی فیس بک پوسٹ میں مزاحیہ انداز میں ان گائیوں کو بھی پولیس ڈپارٹمنٹ میں بھرتی کرنے کا ارادہ ظاہر کیا۔

  • رکشہ میں سوار خاتون سے بدتمیزی کرنے والے ملزمان کے گرد گھیرا تنگ

    رکشہ میں سوار خاتون سے بدتمیزی کرنے والے ملزمان کے گرد گھیرا تنگ

    لاہور : مقامی عدالت نے چنگ چی رکشہ میں سوار خاتون سے بدتمیزی کیس میں 4 ملزمان کے جوڈیشل ریمانڈ میں چودہ روز کی توسیع کردی۔

    تفصیلات کے مطابق ضلع کچہری لاہور میں چنگ چی رکشہ میں سوار خاتون سے بدتمیزی کیس کی سماعت ہوئی تفتیشی افسر نے عدالت میں رپورٹ پیش کی۔

    عدالت نے پولیس کی جانب سے ریمانڈ کی استدعا پر خاتون سے بدتمیزی کرنے والے چاروں ملزمان کے جوڈیشل ریمانڈ میں 14 دن کی توسیع کردی۔

    کیس کی سماعت کے بعد معزز عدالت نے پولیس سے آئندہ سماعت پر چالان سے متعلق مکمل رپورٹ طلب کی ہے، متاثرہ خاتون نے جیل میں ملزمان کی شناخت کی تھی۔

    تفتیشی افسر کی رپورٹ کے مطابق ملزمان نے موٹر سائیکل پر چلتے رکشے کا پیچھا کیا اور اس میں بیٹھی لڑکی کو جنسی طور پر ہراساں کیا۔

    تفتیشی افسر کا کہنا ہے کہ ملزم ساجد نے موٹر سائیکل سے اتر کر لڑکی سے بدتمیزی کی اور اس دوران رکشے کے پیچھے شریک دیگر ملزمان نے نازیبا جملے کسے۔ تفتیشی رپورٹ میں بتایا گیا ہے کہ ملزمان میں عثمان، عرفان، عبدالرحمان اور ساجد کو شناخت کیا گیا ہے۔

  • غیرت کے نام پر قتل کے ملزم کی پراسرار موت

    غیرت کے نام پر قتل کے ملزم کی پراسرار موت

    حیدرآباد : غیرت کے نام پر داماد کو قتل کرنے والا شخص گھر سے مردہ حالت میں ملا، پولیس نے خود کشی کا شبہ ظاہر کیا ہے، ماروتی راؤ2018 میں24سالہ پرانئے کے قتل معاملہ کا اصل ملزم تھا۔

    تفصیلات کے مطابق عزت کے نام پر قتل کی واردات کے اصل ملزم کی موت واقع ہوگئی، ماروتی راؤ سال2018 میں 24سالہ داماد پرانئے کے قتل معاملہ کا اصل ملزم تھا جو حیدرآباد کے ایک علاقہ میں واقع اپنے کمرہ نمبر306میں مردہ حالت میں پایا گیا۔

    اس حوالے سے پولیس کا کہنا ہے کہ یہ پتہ نہیں چل سکا کہ ملزم ماروتی راؤ حیدرآباد کیوں آیا تھا؟ پولیس نے اس کی لاش کو پوسٹ مارٹم کے لئے اسپتال منتقل کردیا۔

    پولیس نے شبہ ظاہر کیا کہ اس نے خودکشی کی ہے، ماروتی راؤ پر پرانئے کے قتل کے لئے ایک کروڑ روپئے کی رقم ادا کرنے کا بھی الزام ہے۔

    واضح رہے کہ مقتول پرانئے نے ملزم ماروتی راؤ کی بیٹی سے شادی کی تھی، ذات کی اونچ نیچ پر اس نے شادی کی شدید مخالفت کی تھی کیونکہ پرانئے دلت تھا اور ملزم کی ذات اونچی تھی۔

    جائے واردات پر قتل کی یہ واردات سی سی ٹی وی کیمرے میں ریکارڈ ہوگئی تھی جس نے پوری ریاست میں سنسنی پھیلادی تھی، قتل کے وقت ماروتی راؤ کی بیٹی حاملہ تھی۔

    بعد ازاں اپریل2019میں عدالت سے ماروتی راؤ اور اس معاملہ کے دیگر ملزمان کی ضمانت منطور ہوگئی تھی کیونکہ پولیس اندرون 90دن چارج شیٹ داخل کرنے میں ناکام ہوگئی تھی۔ ضمانت پر رہائی کے بعد سے ملزم مریال گوڑہ میں واقع اپنے مکان میں رہ رہا تھا۔

    پولیس کا خیال ہے کہ ماروتی راؤ نے زہر پی کر اپنی زندگی کا خاتمہ کیا ہے، پولیس مختلف زاویوں سے اس معاملہ کی جانچ کررہی ہے، تاہم صورتھاقل پوقسٹ مارٹم رپورٹ آنے کے بعد واضح ہوگی۔

  • کار چوری کی سفاکانہ واردات، عورت نے ملازم کو کچل ڈالا

    کار چوری کی سفاکانہ واردات، عورت نے ملازم کو کچل ڈالا

    پورٹ لینڈ: امریکا میں ایک ٹو یارڈ سے ایک خاتون نے پک اپ گاڑی چرائی اور  فرار ہوتے ہوئے گیٹ پر کھڑے ملازم کو ٹکر مار کر شدید زخمی کر دیا۔

    مذکورہ واقعہ امریکی شہر پورٹ لینڈ میں پیش آیا جہاں 2 افراد نے ایک ٹو یارڈ (گاڑیاں ٹو کر کے لائی جانے والی جگہ) میں داخل ہونے کی کوشش کی۔

    سی سی ٹی وی فوٹیج میں دیکھا جاسکتا ہے کہ دونوں افراد جن میں سے ایک 60 سے 70 سالہ مرد اور ایک 20 سے 30 سال کی خاتون ہیں، دروازے کا قفل توڑ کر اندر گھسنے کی کوشش کر رہے ہیں۔

    جب انہیں اس میں ناکامی ہوئی تو خاتون دروازے کے نیچے سے رینگ کر یارڈ کے اندر چلی جاتی ہیں۔

    اس کے بعد وہ ایک پک اپ میں بیٹھ کر اسے اسٹارٹ کرتی ہے، اسی دوران یارڈ کا ایک ملازم وہاں پہنچتا ہے تو خاتون دروازے کو زوردار ٹکر مارتی ہے جس کی زد میں آکر ملازم بھی دور جا گرتا ہے۔

    گرنے کے باجود ملازم اٹھتا ہے اور کھڑکی پر مکے برساتا ہے تاہم اس دوران خاتون اپنی ڈرائیونگ جاری رکھتی ہیں اور دروازہ توڑ کر باہر نکل جاتی ہیں۔

    بعد ازاں زخمی ملازم کو اسپتال لے جایا گیا، دیگر چوٹوں کے علاوہ اسے گردن میں فریکچر بھی تشخیص ہوا۔

    پولیس سے بات کرتے ہوئے اس نے ہنستے ہوئے کہا کہ اسے خوشی اس بات کی ہے کہ وہ اس حادثے میں زندہ بچ گیا، خاتون کے ارادے خطرناک تھے اور وہ جاتے ہوئے اسے جان سے مار کر بھی جاسکتی تھی۔

    پولیس نے سی سی ٹی وی فوٹیج جاری کرتے ہوئے عوام سے اپیل کی ہے کہ اگر وہ ان دونوں افراد کو جانتے ہیں تو پولیس سے رابطہ کریں۔

  • ناورے میں مسجد پر حملہ کرنے والا ملزم عدالت میں پیش

    ناورے میں مسجد پر حملہ کرنے والا ملزم عدالت میں پیش

    اوسلو : نارویجین پولیس نے اوسلو کی النور مسجد پر حملہ کرنے والے 21 سالہ دہشت گرد کو عدالت میں پیش کردیا۔

    تفصیلات کے مطابق ناروے کے دارالحکومت اوسلو کے بیرم نامی علاقے میں واقع النور اسلامک سینٹر (مسجد) میں ایک روز قبل فائرنگ کرنے والے حملہ آور فلپ مینزہوس کو پولیس نے گرفتار کرکے قتل اور اقدام قتل کا مقدمہ درج کیا تھا۔

    غیر ملکی خبر رساں ادارے کا کہنا تھا کہ ملزم پر مسجد میں فائرنگ کے ساتھ ساتھ اپنی بہن کو قتل کرنے کا الزام بھی ہے، جس کے باعث پراسیکیوٹر نے عدالت سے ملزم کو چار ہفتے ریمانڈ پر دینے کی درخواست کی ہے۔

    برطانوی میڈیا کا کہنا تھا کہ مسجد پر حملہ کرنے والا 21 سالہ دہشت گرد جب عدالت میں پہنچا تو فوٹوگرافر کو دیکھ کر مسکراتے ہوئے تصویر بنوائی۔

    مسجد پر حملے کے کچھ دیر بعد ملزم کے گھر سے 17 سالہ بہن کی لاش کی بھی برآمد ہوئی تھی جبکہ مسجد حملے کے دوران تین افراد زخمی ہوئے تھے۔

    مسجد کے ڈائریکٹر نے بتایا کہ حملہ آور نے بلڈنگ میں داخل ہوا تو ہیلمٹ اور بلٹ پروف جیکٹ پہنا ہوا تھا اور متعدد خودکار اسلحے سے بھی لیس تھا۔

    انہوں نے بتایا کہ ملزم نے مسجد میں داخل ہوتے ہی اندر موجود افراد پر فائرنگ کردی تاہم اندر موجود تمام افراد شدید زخمی ہونے سے بچ گئے۔

    بی بی سی کی رپورٹ کے مطابق پاکستان ایئرفورس کے سابق افسر 65 سالہ محمد رفیق نے اپنی جان خطرے میں ڈال کر حملہ آور کو دبوچا اور اسلحہ چھینا جس کے باعث نقصان کم سے کم ہوا۔

    پولیس کا مؤقف ہے کہ حملہ آور انتہائی دائیں بازو کے نظریات کا حامل ہے اور مہاجرین اور مہاجرت کا شدید مخالف ہے۔

    ناروے میں مسجد پر حملہ، فائرنگ سے ایک زخمی

    غیر ملکی میڈیا کا کہنا تھا کہ آٹھ سال قبل نیو نازی گروپ کے نارویجین نے فائرنگ کرکے 77 افراد کو قتل کردیا تھا جس کے بعد عدالت نے اینڈرز بیریوک کو 21 سال قید کی سزا سنا دی تھی۔

    یاد رہے کہ رواں ماہ نیوزی لینڈ کے شہر کرائسٹ چرچ میں مسجد میں حملہ ہوا تھا جس کے نتیجے میں سیکڑوں نمازی شہید ہوگئے تھے۔

  • اسٹیل ٹاؤن میں پولیس کی کارروائی، تین ٹارگٹ کلر گرفتار

    اسٹیل ٹاؤن میں پولیس کی کارروائی، تین ٹارگٹ کلر گرفتار

    کراچی : پولیس نے خفیہ اطلاعات پر اسٹیل ٹاؤن میں کارروائی کرتے ہوئے ایم کیو ایم حقیقی کے تین ٹارگٹ کلرز کو گرفتار کرلیا۔

    تفصیلات کے مطابق شہری قائد کے علاقے اسٹیل ٹاؤن میں پولیس نے خفیہ اطلاعات موصول ہونے پر ٹارگٹ کلنگ کی وارداتوں میں ملوث ہونے کے الزام میں تین افراد کو حراست میں لے لیا۔

    ایس ایس پی ملیر کا کہنا ہے کہ گرفتار ملزمان سے تین آوان بم، اسلحہ اور ایمونیشن برآمد ہوئے ہیں، ملزمان نے قتل، جلاؤ گھیراؤ اور توڑ پھوڑ کا اعتراف کیا۔

    ایس ایس پی ملیر کا کہنا تھا کہ گرفتار ملزمان کا ڈکیتی سمیت سنگین نوعیت کی وارداتوں میں ملوث ہونے کا بھی انکشاف ہوا ہے۔

    پولیس نے مؤقف اختیار کیا ہے کہ گرفتار ملزمان کا تعلق مہاجر قومی موؤمنٹ (ایم کیو ایم حقیقی) سے ہے، ملزمان پر مختلف تھانوں میں سنگین نوعیت کے متعدد مقدمات درج ہیں جبکہ ملزمان درجنوں مقدمات میں جیل بھی جاچکے ہیں۔

    پولیس نے بتایا کہ گرفتار افراد میں گلفام پپی، فیضان عرف جنگو اور ہدایت حسین پیرزادہ شامل ہیں۔

    کراچی پولیس کی کارروائی‘ کالعدم تحریک طالبان کے دو دہشت گرد گرفتار

    واضح رہے گزشتہ سال 21 دسمبر کو کراچی پولیس نے خفیہ اطلاع پر کارروائی کرتے ہوئے دہشت گردی کی متعدد وارداتوں میں ملوث دو خطرناک ملزمان کو گرفتار کیا تھا۔

    دہشت گردوں میں رحمت علی عرف قاری صاحب اور صابر شاہ عرف ملا شامل تھے، دہشت گرد رحمت کا تعلق ملا فضل اللہ جاوید سواتی گروپ سے تھا۔

  • سری لنکن پولیس نے غلطی سے امریکی خاتون کو حملہ آور بنا دیا

    سری لنکن پولیس نے غلطی سے امریکی خاتون کو حملہ آور بنا دیا

    کولمبو : سری لنکن پولیس نے ایسٹر دھماکے کی تحقیقات کے دوران غلطی سے امریکی خاتون کو گرجا گھروں اور ہوٹلوں میں شدت پسندانہ کارروائیاں کرنے والا حملہ آور بنا دیا۔

    تفصیلات کے مطابق امریکی ریاست میری لینڈ کی رہنے والی عمارہ مجید کے لیے جمعہ کی صبح ایک ڈراؤنے خواب کی طرح تھی جب انہوں نے انٹرنیٹ پر ہر طرف اپنی تصویر دیکھی جس میں سری لنکن پولیس نے ان کو اتوار کو گرجا گھروں پر حملہ کرنے والے چھ شدت پسندوں کی فہرست میں شامل کیا تھا۔

    غیر ملکی خبر رساں ادارے کا کہنا تھا کہ عمارہ مجید نے فوری طور پر اپنے ٹوئٹر اکاونٹ کا سہارا لیا اور ٹویٹ کیا کہ مجھے آج صبح سری لنکن پولیس نے جھوٹ بولتے ہوئے داعش کے ان دہشت گردوں میں سے ایک قرار دیا ہے جنہوں نے ایسٹر کے موقع پر حملے کیے۔

    غیر ملکی میڈیا کا کہنا تھا کہ ’کیا ہی چیز ہے جاگنے پر دیکھنے کے لیے‘ عمارہ مجید نے اپنے ٹوئٹر اکاونٹ سے ایک اور ٹویٹ کیا جس میں سری لنکن پولیس کی جانب سے ان سے معافی مانگنے کی تصویر بھی منسلک کی۔

    سری لنکا حملے: خود کش حملہ آور کا برطانیہ و آسٹریلیا میں تعلیم حاصل کرنے کا انکشاف

    خیال رہے کہ سری لنکن پولیس ذرایع نے بھی کہا ہے کہ حملہ آوروں میں سے دو کا تعلق کولمبو کے ایک دولت مند تاجر کے گھرانے سے تھا، ان دو بھائیوں نے دو الگ ہوٹلوں پر حملے کیے تھے۔

    یہ بھی پڑھیں:  انٹرپول کا سری لنکا میں دھماکوں کی تحقیقات کیلئے ماہرین بھیجنے کا اعلان

    سری لنکا کے وزیر اعظم نے حملوں سے متعلق مؤقف ظاہر کیا ہے کہ ایسے حملے بیرونی مدد کے بغیر ممکن نہیں ہیں، داعش نے حملوں کی ذمہ داری قبول کی لیکن شواہد نہیں دیے۔

    سری لنکن صدر نے ملک کی سیکورٹی کی مکمل تعمیر نو کا عندیہ بھی دیا ہے، دفاعی فورسز کے سربراہان تبدیل کیے جانے کا امکان ہے۔

    واضح رہے کہ سری لنکا میں تین روز کا سوگ منایا جا رہا ہے، ایسٹر کے موقع پر ہونے والے سری لنکا دھماکوں میں ہلاکتوں کی تعداد 359 ہو گئی ہے۔

  • ڈیفنس میں فائرنگ، پولیس اہلکار سمیت دو جاں بحق، ملزم گرفتار

    ڈیفنس میں فائرنگ، پولیس اہلکار سمیت دو جاں بحق، ملزم گرفتار

    کراچی : سیکیورٹی اداروں نے ڈیفنس میں پولیس اہلکار سمیت دو افراد کو فائرنگ کرکے قتل کرنے والے ملزم کو گرفتار کرلیا۔

    تفصیلات کے مطابق شہر قائد کے علاقے ڈیفنس فیز 6 میں دو ملزمان کی فائرنگ سے پولیس اہلکار سمیت دو افراد ہلاک ہوئے تھے، پولیس نے فائرنگ کے واقعے میں ملوث ایک ملزم کو نجی اسپتال سے گرفتار کیا تھا، ایس ایس پی ساؤتھ پیر محمد کا کہنا تھا کہ ملزم واردات کے وقت نشے کی حالت میں تھا۔

    ایس ایس پی ساؤتھ نے بتایا کہ ملزم نذیر کو زخمی اور عینی شاہد نے شناخت کرلیا ہے، ملزم نذیر ساحل تھانے میں قتل کے مقدمے میں بھی ملوث ہے۔

    ایس ایس پی پیر محمد نے بتایا کہ ملزم الکوحل اور آئس عادی ہے اور پولیس اہلکار کو ٹارگٹ کرتے وقت بھی ملزمان نشے کی حالت میں تھے، جو بھی سامنے آیا ملزمان نے ان پر فائرنگ کی۔

    پولیس کا کہنا ہے کہ مزمان نے ایک گاڑی کو بھی روکا تھا، قریبی قونصلیٹ کے سیکیورٹی گارڈز نے ملزمان کو روکنے کی کوشش کی تھی۔

    پولیس ایس ایس پی نے بتایا کہ ملزم نے 2018 میں دشمنی پر ایک شخص کو قتل کیا تھا، ملزمان کی گاڑی کا فرانزک کیا جارہا ہے، گاڑی سے شراب کی بوتلیں اور منشیات برآمد کی گئیں۔

    ایس پی انویسٹی گیشن کا کہنا ہے کہ ڈبل کیبن گاڑی میں دو لوگ تھے، واقعے میں ایک پولیس اہلکار اور ایک راہ گیر جاں بحق ہوا جبکہ ایک زخمی ہوا تھا۔

    ایس پی انویسٹی گیشن نے بتایا کہ پولیس نے نجی اسپتال سے گرفتار ملزم سے تفتیش شروع کردی ہے جبکہ واقعے کا مقدمہ دہشت گردی کی دفعات کے تحت درج کیا جائے گا۔