ARYNews.tv | Urdu – Har Lamha Bakhabar

Tag: Suspect Arrest

  • باچا خان ایئرپورٹ پر مسافر کے بیگ سے پانچ کلو آئس ہیروئن برآمد، ملزم گرفتار

    باچا خان ایئرپورٹ پر مسافر کے بیگ سے پانچ کلو آئس ہیروئن برآمد، ملزم گرفتار

    پشاور : اے ایس ایف نے پشاور ایئر پورٹ پر ہیروئن اسمگلنگ کرنے کو شش ناکام بناتے ہوئے مسافر کے بیگ سے پانچ کلو آئس ہیروئن برآمد کرلی، ملزم نے بیگ کے خفیہ خانوں میں چھپا رکھی تھی۔

    تفصیلات کے مطابق باچا خان انٹر نیشنل ایئرپورٹ پر اے ایس ایف نے بڑی کارروائی کرتے ہوئے عرب امارات کروڑوں روپے مالیت کی ہیروئن اسمگلنگ کی کوشش کو ناکام بنادیا۔

    غیر ملکی ایئرلائن کے مسافر سے اعلیٰ کوالٹی کی پانچ کلو آئس ہیروئن برآمد کرلی گئی۔ اس حوالے سے ذرائع کا کہنا ہے کہ باچا خان ایئرپورٹ پر سی اے اے کے جوائنٹ سرچ بیگجز کاؤنٹر پر راس الخیمہ جانے والے مسافر عاقب علی کی تلاشی لی گئی تو اس کے بیگ کے خفیہ خانوں سے ہیروئن برآمد کرلی۔

    مذکورہ مسافر عاقب علی غیر ملکی ایئرلائن کی پرواز جی-9825پرواز کے ذریعے راس الخیمہ جارہا تھا، اے ایس ایف نے ملزم کو تفتیش کیلئے حراست میں لے لیا۔

    ہیروئن کروڑوں روپے مالیت کی بتائی جاتی ہے، اے ایس ایف نے قانونی کارروائی کیلئے مسافر کو اے این ایف کے حوالے کردیا۔

    مزید پڑھیں: باچا خان ایئرپورٹ پر چائے کے پیکٹ میں ہیروئن لے جانے کی کوشش ناکام، مسافر گرفتار

    واضح رہے کہ اس سے قبل باچا خان انٹر نیشنل ایئرپورٹ پر گزشتہ دنوں بھی اے ایس ایف نے دو مسافروں سے بھاری تعداد میں ہیروئن برآمد کر کے ملزم کو گرفتار کیا تھا۔

    نجی ایئرلائن ایئر بلو کے ڈرائیور سید عقیل شاہ کی شک کی بنیاد پر تلاشی لی گئی تو انکشاف ہوا کہ گاڑی میں رکھی چائے کی پتی کے پیکٹ میں ہیروئن چھپا کر رکھی گئی ہے۔

  • پشاور میں انسدادپولیومہم بدنام کرنے کی سازش کرنے والا شخص گرفتار

    پشاور میں انسدادپولیومہم بدنام کرنے کی سازش کرنے والا شخص گرفتار

    پشاور : پشاور میں انسدادپولیومہم بدنام کرنے کی سازش کرنے والے شخص کو گرفتار کرلیا گیا ، ملزم نذر محمد نے ویکسین کو ناقص دکھانے کیلئے صحت مند بچوں سے بے ہوشی کی ایکٹنگ کرائی۔

    تفصیلات کے مطابق پشاورمیں پولیومہم کو بدنام کرنے کی گھناؤنی سازش کاپردہ فاش ہوگیا، بچوں سے بیہوشی کاڈرامہ کرانے کی ویڈیو نشر کی تو پولیس بھی حرکت میں آگئی اور بچوں سے بیہوشی کا ڈرامہ کرانے والے ملزم نذر محمد کو بڈھ بیر پولیس نے گرفتار کرلیا۔

    ناقص ویکسین فلاپ ڈرامے کا ڈراپ سین سوشل میڈیا پر وائرل ہوا ، جس میں دیکھاجاسکتاہےکہ ایک شخص بچوں کوزبردستی بسترپر لٹاکر بے ہوشی کاڈرامہ رچا رہا ہے لیکن بچے تندرست دکھائی دے رہے ہیں۔

    پشاورمیں پولیوویکسی نیشن سےبچوں کی حالت غیر ہونے کی افواہوں نےکھلبلی مچادی تھی،اوراسپتالوں میں عوام کاتانتابندھ گیاتھا۔ماشوخیل میں افواہوں پرمشتعل افراد نے مرکزی صحت پردھاوا بولا اور توڑ پھوڑ کرکے آگ لگادی تھی۔

    بڈھ بیر میں انسدادپولیو مہم کےخلاف احتجاج کرنے والے بارہ افراد کے خلاف پرچہ درج کرلیاگیا جبکہ سرکاری املاک کاجلاؤگھیراؤ کرنے والے کے خلاف آپریشن شروع کردیا ہے۔

    مزید پڑھیں : پشاور: انسداد پولیو مہم کو بد نام کرنے کی سازش بے نقاب، ویڈیو وائرل

    وزیرصحت ہشام انعام کا کہنا تھاسوچی سمجھی سازش کے تحت انسداد پولیو مہم کے خلاف آگ بھڑکائی گئی۔ویکسین سے کسی بچےکی حالت نہیں بگڑی میری اپنی بیٹیوں نے بھی وہی قطرے پیئے، مسجدوں سے اعلان کرا کر افراتفری مچائی گئی سازش کرنے والوں کو بے نقاب اور سزا ملنی چاہیے۔

    وزیر صحت خیبر پختونخواہ کا کہنا ہے فیصلہ کیا ہے کہ پولیو مہم جاری رہے گی ، کل افواہیں پھیلائی گئیں کہ پولیو ویکسین خراب ہے سب جان گئے ہیں یہ ایک پروپیگنڈا تھا ۔

    بعد ازاں پشاورمیں رات گئے چیف سیکریٹری خیبرپختونخواکی زیر صدارت ہنگامی اجلاس میں کسی بھی جعلی پروپیگنڈے پر انسداد پولیو مہم نہ روکنے کا فیصلہ کیا تھا۔

  • فیصل آباد : سفاک شوہر نے بیوی کی زبان کاٹ دی، ملزم گرفتار، مقدمہ درج

    فیصل آباد : سفاک شوہر نے بیوی کی زبان کاٹ دی، ملزم گرفتار، مقدمہ درج

    فیصل آباد / لاہور : مشتعل شوہر نے بیوی کی زبان کاٹ دی، ملزم کو گرفتار کرکے مقدمہ درج کرلیا گیا، لاہور میں سسرال والوں کے مظالم سے تنگ خاتون نے وزیراعلیٰ پنجاب سے تحفظ کی اپیل کردی۔

    تفصیلات کے مطابق فیصل آباد کے علاقے تھانہ صدر پنڈی بھٹیاں کی حدود میں گھریلو جھگڑے کے بعد شوہر نے بیوی پر بہیمانہ تشدد کیا، مضروبہ کو شدید زخمی حالت میں اسپتال منتقل کیا گیا۔

    اس حوالے سے اسپتال ذرائع کا کہنا ہے کہ گھریلو جھگڑے کے بعد مشتعل شوہر نے بیوی نسرین کی زبان کاٹ دی، تھانہ صدر پنڈی بھٹیاں پولیس نے ملزم جہانگیر کو گرفتار کرلیا۔

    زخمی نسرین کے رشتہ دار نے پولیس کو بتایا ہے کہ جھگڑے کے بعد ملزم جہانگیر نے پہلے نسرین کو طلاق دی پھر اسے قتل کرنے کی کوشش کی، جس کے باعث تیز دھار آلے سے اس کی زبان کٹ گئی۔

    دوسری جانب لاہور کے علاقے شاد باغ کی رہائشی خاتون انیلہ مبشر نے شوہر اور ساس کے مظالم سے پریشان ہوکر وزیراعلیٰ پنجاب عثمان بزدار سے تحفظ کی اپیل کی ہے۔

    انیلہ مبشر نے اپنی درخواست میں مؤقف اختیار کیا ہے کہ گزشتہ چار سال سے اس کا خاوند اور ساس رسیوں سے باندھ کر اسے پائپ سے شدید تشدد کا نشانہ بناتے رہے ہیں۔

    بہیمانہ تشدد کے باعث بچہ بھی پیٹ میں ہی مرگیا۔ متاثرہ خاتون کا کہنا تھا کہ مجھے کمرے میں بند کرکے مارتے اور جسم پر گرم تیل پھینکتے تھے۔

    اسما تشدد کیس میں نیا موڑ، ملزم ڈکیتی اور راہزنی کی وارداتوں میں ملوث نکلا

    یاد رہے کہ گذشتہ رو زلاہور کی مقامی عدالت میں اسما عزیز تشدد کیس کی سماعت ہوئی تھی، جس کے عدالت نے اسما کے خاوند فیصل اور ملازم کو چار روزہ جسمانی ریمانڈ پر پولیس کے حوالے کردیا.

    خیال رہے کہ اسما کے شوہر نے بہیمانہ تشدد کے بعد اس کے بال مونڈھ دیے تھے، وفاقی وزیر برائے انسانی حقوق شیریں مزاری نے واقعے کا فوری نوٹس لیا، جس کے بعد پولیس نے خاتون کے شوہر سمیت 2 افراد کو گرفتار کرلیا گیا، تھانہ کاہنہ میں واقعے کا مقدمہ درج کیا گیا تھا۔

  • لاہور : نویں کلاس کے طالب علم نے اسکول پرنسپل کو قتل کردیا، بہن زخمی

    لاہور : نویں کلاس کے طالب علم نے اسکول پرنسپل کو قتل کردیا، بہن زخمی

    لاہور : نویں جماعت کے طالب علم نے والدین سے شکایت کرنے پر اسکول پرنسپل کو قتل او اس کی بہن کو زخمی کردیا، پولیس نے ملزم کو گرفتار کرکے مقدمہ درج کرلیا۔

    تفصیلات کے مطابق ملتان روڈ لاہور کے علاقہ سندر میں اسکول پرنسپل شگفتہ نے ناجائز تعلقات کے شبہ میں نویں جماعت کے طالب علم رضوان اور ٹیچر کو تین روز قبل اسکول سے نکال دیا تھا جس کا ملزم کو شدید صدمہ تھا.۔

    ملزم نے مشتعل ہوکر اسکول کی بالائی منزل پر رہائش پذیر اپنی پرنسپل شگفتہ کو قتل کردیا، پولیس کے مطابق حملہ میں پرنسپل شگفتہ کی بہن بھی شدید زخمی ہوگئی جسے اسپتال منتقل کردیا گیا ہے۔

    مزید پڑھیں: پرنسپل کے قتل میں ملوث ملزم تین روزہ ریمانڈ پر پولیس کے حوالے

    مقتولہ شگفتہ تین بچوں کی ماں تھی، زخمی ہونے والی فرخندہ بھی اسی سکول میں ٹیچر ہے، پولیس نے رات گئے ملزم کو گرفتار کرکے آلہ قتل برآمد کرلیا، قتل کا مقمہ درج کرکے مزید تحقیقات جاری ہیں۔

  • برطانیہ:‌ نوجوان کی گردن پر قینچی مارنے والی دوشیزہ گرفتار

    برطانیہ:‌ نوجوان کی گردن پر قینچی مارنے والی دوشیزہ گرفتار

    لندن : برطانیہ کے علاقے کونٹری میں میں 14 سالہ لڑکی کو قینچی سے زخمی کرنے والی دوشیزہ کو پولیس نے گرفتار کرلیا۔

    تفصیلات کے مطابق برطانیہ کے علاقے کونٹری میں گزشتہ رات 16 سالہ لڑکی نے کم عمر اسکول گرل کے گلے میں قینچی گھونپ دی تھی جس کے باعث متاثرہ لڑکی شدید زخمی ہوگئی تھی۔

    متاثرہ لڑکی کا کہنا ہے کہ ’حادثے کے دوران پندرہ لڑکیوں سے میرا سامنا ہوا، جو مجھ پر حملہ کرنا چاہتی تھی‘۔

    واقعے کے عینی شاہد کا کہنا ہے کہ 14 سالہ لڑکی سڑک پر بھاگ رہی تھی اور اس پندرہ لڑکیاں اس کا تعاقب کررہی تھیں اور اس کے گردن اور ایک ہاتھ پر شدید نوعیت کے زخم تھے جن سے بہت زیادہ خون بہہ رہا تھا۔

    غیر ملکی میڈیا کے مطابق علاقہ مکینوں نے ہنگامی خدمات انجام دینے والے عملے کو اطلاع دی جس کے بعد ریسکیو اہلکاروں نے متاثرہ لڑکی کو اسپتال منتقل کیا، اسپتال انتظامیہ کا کہنا ہے کہ لڑکی کی گردن کی پشت پر دو انچ گہرا زخم تھا تاہم زخم جان لیوا نہیں ہے۔

    برطانوی پولیس نے حملہ آور کی گرفتاری سے متعلق تصدیق کرتے ہوئے بتایا کہ ’اہلکاروں نے واقعے میں ملوث ہونے کے شعبے میں 16 سالہ لڑکی کو گرفتار کرلیا ہے‘۔

    مزید پڑھیں : لندن میں چاقو زنی کی واردات، دوشیزہ قتل

    مقامی خبر رساں ادارے کا کہنا ہے کہ جس مقام پر مذکورہ لڑکی کو چاقو زنی کا نشانہ بنایا گیا ہے اسی مقام پر گزشتہ پر 27 سالہ ڈینئل کینّل کو چاقو کے متعدد وار کرکے قتل کیا گیا تھا، عدالت نے ڈینئل کے قتل میں ملوث شخص کو رواں برس جنوری میں عمر قید کی سزا سنائی تھی۔

    یاد رہے کہ رواں ماہ برطانوی دارالحکومت لندن میں 17 سالہ دوشیزہ چاقو کے متعدد وار کے باعث ہلاک ہوگئی تھی۔

  • ایف آئی اے نے حوالہ میں ملوث ملزم کو گرفتار کر لیا، 12لاکھ روپے برآمد

    ایف آئی اے نے حوالہ میں ملوث ملزم کو گرفتار کر لیا، 12لاکھ روپے برآمد

    کراچی : ایف آئی اے اینٹی کرپشن سرکل نے کارروائی کرتے ہوئے حوالہ میں ملوث ملزم کو گرفتار کر لیا، نلزم کے قبضے سے 12لاکھ روپے اور دیگر اہم لٹریچر برآمد کرلیا گیا ۔

    تفصیلات کے مطابق ایف آئی اے کی اسٹنٹ ڈائریکٹر رابعہ قریشی کی سربراہی میں ٹیم نے حوالہ میں ملوث ملزم کو گرفتار کر لیا، شیخ وقار احمد نامی ملزم کو ایف ۤآئی اے ٹیم نے جدہ سینٹرز سے گرفتار کیا۔

    ملزم نے یو اے ای اور پاکستان میں کرنسی فراہمی کے لئے نیٹ ورک بنا رکھا تھا، ملزم پاکستانی کاروباری افراد اور گروپس کو یو اے ای کرنسی کی فراہمی میں ملوث ہے، نیٹ ورک کے ذریعے درہم پاکستان اور یو اے ای میں فراہم کئے جاتے رہے ہیں۔

    فراہم کردہ درہم کے مساوی روپے متعلقہ افراد پاکستان میں ادا کرتے رہے ہیں، ملزم مبینہ طور پر اومنی گروپ کو بھی رقم کی فراہمی میں ملوث ہے، درکار رقم کی تفصیلات افراد اور گروپس ملزم کو ای میل پر بھیجتے رہے۔

    ملزم سے اس کے کلائنٹس کے نام اور دیگر تفصیلات پر مبنی متعدد لیجرز بھی بر آمد کرلیا گیا ہے، ملزم کے قبضے سے 12لاکھ روپے اور حوالہ کی گئی رقوم کی تمام تفصیلات بھی حاصل کر لی گئیں۔

    ٹیم نے ملزم سے متعدد دستاویزات،رجسٹرز ، لیجرز اور دیگر اسٹیشنری بر آمد کرلی، ملزم کے خلاف مقدمہ درج کئے جانے کے بعد مزید کارروائی جاری ہے۔

  • کے پی پولیس نے پیشہ ورانہ انداز میں اسما کے قاتل کوپکڑا، عمران خان

    کے پی پولیس نے پیشہ ورانہ انداز میں اسما کے قاتل کوپکڑا، عمران خان

    اسلام آباد : پاکستان تحریک انصاف کے سربراہ عمران خان کا کہنا ہے کہ خیبرپختونخوا پولیس کی کارکردگی قابل تعریف ہے، کے پی پولیس نے پیشہ ورانہ انداز میں مجرم کو پکڑا۔

    تفصیلات کے مطابق پی ٹی آئی چیئرمین عمران خان نے سماجی رابطے کی ویب سائٹ ٹوئٹر پر اسما کے قاتل کو پکڑنے پر خیبرپختونخوا پولیس کی کارکردگی کی تعریف کرتے ہوئے کہا کہ اسما کیس میں صرف خون کےدھبے کے علاوہ کوئی ثبوت نہ تھا، کے پی پولیس نے پیشہ ورانہ انداز میں مجرم کو پکڑا، ظاہر ہوا کے پی پولیس نے فرانزک ڈیٹیکشن کی صلاحیت حاصل کرلی۔

    عمران خان کا کہنا تھا کہ وزیراعلیٰ کےپی نے معاملے پر سیاسی فائدہ لینےکی کوشش نہیں کی، جمہوری ملکوں کی طرح پولیس چیف نےپروفیشنل اندازمیں بریفنگ دی، کے پی اور پنجاب ،سندھ کی پولیس فورس میں یہی فرق ہے ۔

    یاد رہے اس سے قبل کے پی کے پولیس نے اسماقتل کیس کے مرکزی ملزم کو میڈیا کے سامنے پیش کیا مرکزی ملزم نبی مقتول اسما کا کزن ہے۔

    مزید پڑھیں : اسما قتل کیس ، مرکزی ملزم میڈیا کے سامنے پیش، مقتول اسما کا کزن نکلا

    آئی جی خیبرپختونخوا صلاح الدین محسود نے پریس کانفرنس کرتے ہوئے کہا تھا کہ مشکلات کے باوجود مردان کا کیس 25دن میں حل کرلیا، اسما کیس جنسی تشددکاتھامگرزیادتی نہیں ہوئی، مردان میں اسما کےقتل کاکیس 25دن میں حل کرلیا، اسماکے خاندان کا شکریہ اداکرنا چاہتاہوں، پہلے دن سے اسما کے خاندان نےہم پر اعتماد کیا، ہماری دعاتھی کہ ہم اسما کے خاندان کےاعتماد پر پورااتریں۔

    آر پی او مردان کا کہنا تھا کہ پورے علاقے کو سرچ کیا گیا،350 افرادسےپوچھ گچھ کی گئی، بچی کی گردن پر انگلیوں کے نشانات تھے، مردان کیس میں گرفتار ملزم محمد نبی ولد عبید اللہ ہے۔

    آر پی او کا کہنا تھا کہ مردان کیس میں گرفتار15سال کےملزم کانام محمدنبی ہے، مردان کیس میں گرفتارملزم محمد نبی نے اعتراف جرم کرلیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • لاہور: وزیراعلیٰ پنجاب پر حملے کی منصوبہ بندی، دہشت گرد گرفتار

    لاہور: وزیراعلیٰ پنجاب پر حملے کی منصوبہ بندی، دہشت گرد گرفتار

    لاہور: ڈیفنس ماڈل کالونی سے ایک دہشت گرد کو گرفتار کیا گیا ہے جو وزیر اعلیٰ پنجاب پر حملہ کرنے کی منصوبہ بندی کررہا تھا۔

    اے آر وائی نیوز کے نمائندے بابر خان نے بتایا کہ سی ٹی ڈی نے ڈیفنس ماڈل کالونی میں کارروائی کرتے ہوئے ایک مبینہ دہشت گرد کو گرفتار کیا ہے جس کے قبضے سے اسلحہ، نقشے اور لٹریچر برآمد ہوا ہے۔

    ذرائع کا کہنا ہے کہ یہ دہشت گرد وزیر اعلیٰ پنجاب پر حملے کی منصوبہ بندی کررہا تھا۔


    سی ٹی ڈی نے تفتیش کے لیے اسے نامعلوم مقام پر منتقل کردیا ہے تاکہ اس کے دیگر ساتھیوں کو بھی گرفتار کیا جاسکے۔

    ایک سوال پر رپورٹر نے بتایا کہ دہشت گرد کی شناخت خفیہ رکھی جارہی ہے ، مقصد اس کے نیٹ ورک کو توڑا جائے اور پتا چلائے جائے کہ اس کے ساتھی کن کن مقامات پر چھپے ہوئے ہیں اس کے بعد ہی ملزم کو منظر عام پر لایا جائے گا۔

  • سیہون بم دھماکے ملوث اہم ملزم گرفتار

    سیہون بم دھماکے ملوث اہم ملزم گرفتار

    کراچی: اتحاد ٹاؤن میں قانون نافذکرنےوالے اداروں کی کارروائی سیہون بم دھماکے کا ایک اور اہم ملزم گرفتار کرلیا گیا جبکہ حکومت سندھ دھماکے میں شہید و زخمی افراد کے معاوضے کی رقم جاری کردی ہے۔

    تفصیلات کے مطابق کراچی کے علاقے اتحاد ٹاؤن میں قانون نافذ کرنے والے اداروں نے کارروائی کی، کارروائی کے دوران سیہون بم دھماکے میں ملوث اہم دہشتگرد کو گرفتار کرلیا گیا، ملزم طاہر کو حساس اداروں کی مدد سے گرفتار کیا گیا۔

    ذرائع کے مطابق ملزم کا تعلق کالعدم تنظیم کے بشیربروہی گروپ سے ہے، ملزم کو تفتیش کے لئے نامعلوم مقام پر منتقل کردیا گیا۔

    مزید پڑھیں : سیہون دھماکہ: خودکش بمبار کے سہولت کاروں کی نشاندہی

    دوسری جانب حکومت سندھ نے دھماکے میں شہید و زخمی افراد کے معاوضے کی رقم جاری کردی، درگاہ میں شہید ہو نیوالے 84 شہداء میں سے 78افراد کے لئے رقم جاری کی گئی ہے جبکہ زخمی 357میں سے 321 افراد کے لئے چیک جاری کئے گئے ہیں۔

    جامشورو منور علی مہسر نے کہا کہ وہ جانے والے افراد کی لسٹیں تاخیر سے پہنچنے پر ان کا معاوضہ ابھی جاری نہیں کیا جا سکا ہے جو جلد جاری ہو جائے گا۔

    یاد رہے رواں سال فروری میں حساس اداروں نے سیہون شریف دھماکے میں ملوث مزید پانچ سہولت کاروں کو گرفتار کیا گیا تھا ، دو ملزمان کا تعلق خیرپور اور تین کا شکارپور سے تھا، ملزمان کو سی سی ٹی وی فوٹیج کی مدد سے گرفتار کیا گیا۔

    مزید پڑھیں : درگاہ لعل شہباز قلندر پر خودکش حملہ،76افراد شہید، 250 زخمی

    یاد رہے کہ 16 فروری کو سیہون شریف میں حضرت لعل شہباز قلندر کی درگاہ پر خوفناک خود کش دھماکے میں 83 افراد شہید اور 150 کے قریب زخمی ہوگئے تھے، جاں بحق افراد میں 20 بچے، 9 خواتین، 45 مرد اور ایک پولیس اہلکار شامل ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مولانا اعظم طارق کے قتل میں مطلوب ملزم سبطین کاظمی گرفتار

    مولانا اعظم طارق کے قتل میں مطلوب ملزم سبطین کاظمی گرفتار

    اسلام آباد : ایف آئی اے نے مولانا اعظم طارق کے قتل میں مطلوب ملزم سبطین کاظمی کوگرفتار کرلیا۔

    تفصیلات کے مطابق ایف آئی اے نے اسلام آباد بے نظیر انٹرنیشنل ائیرپورٹ پر کارروائی کی اور مولانا اعظم طارق کے قتل میں مطلوب ملزم سبطین کاظمی کو بیرون ملک فرار ہونے کی کوشش کرتے ہوئے گرفتار کرلیا۔

    ملزم نجی پرواز کے ذریعے دوحہ کے راستے برطانیہ جانے کی کوشش کررہا تھا ۔

    ایف آئی اے کے مطابق حکومت پاکستان نے اس کے سر کی قیمت دس لاکھ روپے مقرر کر رکھی تھی مگر ملزم کا نام ای سی ایل میں شامل نہیں تھا ۔

    ملزم سبطین کاظمی کیخلاف دوہزار تین میں تھانہ گولڑہ میں مقدمہ درج ہوا تھا اور سبطین کاظمی کواس مقدمے میں اشتہاری قرار دیا گیا تھا ، ملزم پر رکن قومی اسمبلی مولانا اعظم طارق کو قتل کرنے کا الزام ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔