کراچی : پولیس نے بغدادی کے علاقے میں مقابلے کے بعد قتل کی سنگین وارداتوں میں ملوث ملزم کو گرفتار کرکے اسلحہ برآمد کرلیا۔
اس حوالے سے پولیس ذرائع کا کہنا ہے کہ گرفتار ہونے والا خطرناک ملزم16افراد کے قتل میں ملوث ہے۔ ملزم رکشے میں کاروائیاں کرتا تھا۔
ایس ایس پی سٹی کا کہنا ہے کہ گرفتار ملزم کے رکشے سے3پستول برآمد ہوئے ہیں، ملزم اسٹریٹ کرائم اور ڈکیتی کی کئی وارداتوں میں بھی ملوث ہے، ملزم کے نیٹ ورک کے مزید ساتھیوں کی تلاش جاری ہے۔
سکھر : پنوں عاقل میں مسجد کی چھت سے برآمد ہونے والی12سالہ بچے کی لاش کا معمہ حل ہوگیا، پولیس نے ملزم کو گرفتار کرکے مقدمہ درج کرلیا۔
سندھ کے شہر پنو عاقل میں ایک مسجد سے 12 سالہ بچے کی لاش ملنے کے مقدمے میں اہم پیش رفت ہوئی ہے، پولیس نے سفاک ملزم کو حراست میں لے لیا۔
سکھر پولیس کے مطابق بچہ زیادتی و قتل کیس کے ملزم کو گرفتار کرلیا گیا ہے، ملزم شفیق جتوئی نے دوران تفتیش اعتراف جرم بھی کرلیا۔
مقتول بچے کی پوسٹ مارٹم رپورٹ میں ذیادتی کے بعد گلے میں پھندا ڈال کر مارنے کی تصدیق ہوئی تھی جس کے بعد پولیس نے پھرتی سے کیس کی تفتیش کی اور ملزم تک پہنچ گئی۔
اس حوالے سے ایس ایس پی سکھر نے میڈیا کو بتایا کہ ملزم شفیق جتوئی نے 12سالہ آفاق واگھو کے ساتھ بدفعلی کی اور پکڑے جانے کے خوف سے پھندا ڈال کر بے دردی سے قتل کردیا۔
ایس ایس پی سکھر کا کہنا ہے کہ بچے کی دو روز قبل مسجد کی چھت سے لاش برآمد ہوئی تھی، مقتول کے والد کی مدعیت میں مقدمہ درج کیا گیا ہے۔
مزید پڑھیں : نماز پڑھنے جانے والے بچے کی لاش برآمد
مقتول بچے کے ورثا کا کہنا ہے کہ بچہ محلے کی مسجد میں نماز پڑھنے جاتا تھا، ہماری کسی کے ساتھ کوئی دشمنی بھی نہیں تھی۔
مقتول بچے کے والد احسان واگھو کالج کے لیکچرار ہیں، مقتول کے ورثاء نے اعلیٰ حکام سے ملزم کو سخت سے سخت سزا دینے کا مطالبہ کیا ہے۔
حیدرآباد : بھارت میں کچرا چن کر بچوں کا پیٹ پالنے والے والدین کی دو سالہ بچی کو اغواء کرلیا گیا، پولیس نے ڈرامائی انداز سے ملزم کو گرفتار کر کے بچی کو بازیاب کرالیا۔
بھارتی میڈیا کے مطابق حیدرآباد کے علاقے موسیٰ رام باغ سے اغوا ہونے والی دو سالہ بچی کے معاملے کو پولیس نے 24گھنٹوں میں حل کرکے بچی کو والدین کے حوالے کردیا۔
اس حوالے سے پولیس کا کہنا ہے کہ کوڑا کرکٹ اٹھانے والوں کی دو سالہ بچی کو ایک رکشہ ڈرائیور نے پیسہ کمانے کی نیت سے اغوا کیا تھا۔
پولیس نے بتایا کہ سڑک کے کنارے زندگی بسر کرنے والے میاں بیوی نے گزشتہ روز شکایت درج کروائی تھی کہ ان کی دو سالہ بیٹی امولو لاپتہ ہوگئی ہے27 جنوری کی رات غریب اور بے سہارا والدین اپنی بیٹی اور ایک دوست راجو کے ساتھ موسا رام باغ ایس بی آئی فٹ پاتھ پر سو رہےتھے۔
پولیس کے مطابق راجو رات تقریباً ڈیڑھ بجے اٹھا تو اس نے اپنے دوست کو جگا کر بتایا کہ اس کی بیٹی غائب ہے، آس پاس کافی دیر تک تلاش کرنے کے بعد انہوں نے پولیس میں اغواء کی رپورٹ درج کروائی۔
رپورٹ کے اندراج کے بعد پولیس حرکت میں آگئی، پولیس حکام نے بچی کی بازیابی کیلئے فوری طور پر ٹیمیں تشکیل دیں اور مغوی بچی کا سراغ لگانے کیلئے کارروائی کا آغاز کردیا۔
پولیس کو سی سی ٹی وی فوٹیج کی مدد سے پتہ چلا کہ ایک شخص موٹر سائیکل پر بچی کو لے کر جارہا ہے، پولیس ملزم کی سمت کا تعین کرتے ہوئے اس کے گھر گول ناکے تک جا پہنچی اور بچی کو بازیاب کرکے ملزم کو حراست میں لے لیا۔
پولیس کی ابتدائی تحقیقات میں معلوم ہوا ہے کہ ملزم شراون کمار شراب کا عادی ہے، ملزم اس سے قبل جائیداد سے متعلق متعدد جرائم میں بھی ملوث رہا ہے۔
دوران تفتیش ملزم شراون کمار نے پولیس کو بتایا کہ رکشے کی کمائی اس کیلئے ناکافی تھی اس لئے اس نے شاٹ کٹ سے پیسہ کمانے کیلئے اس بچی کو اغوا کیا۔
راولپنڈی : وفاقی تحقیقاتی ادارے (ایف آئی اے) کے سائبر کرائم سیل نے لڑکی کی غیر اخلاقی ویڈیو وائرل کرنے والے بلیک میلر کو گرفتار کرلیا۔
اس حوالے سے ذرائع کا کہنا ہے کہ ملزم شیراز ایاز لڑکی کو بلیک میل بھی کرتا تھا اور اب تک متاثرہ لڑکی سے ہزاروں روپے وصول کرچکا ہے۔
ذرائع کے مطابق شکایت ملتے ہی ایف آئی اے سائبر کرائم سیل راولپنڈی نے فوری طور پر کارروائی کرکے ملزم کو حراست میں لیا تھا۔
پولیس حکام کا کہنا ہے کہ ملزم شیراز ایاز کو منڈی موڑ اڈہ اسلام آباد سے گرفتار کیا گیا ہے، ملزم شیراز کی لڑکی کے ساتھ گزشتہ آٹھ سال سے دوستی تھی، ملزم اب تک لڑکی کو بلیک میل کرکے50ہزارروپے لے چکا ہے۔
لاہور : اے این ایف نے علامہ اقبال انٹر نیشنل ایئرپورٹ پر اسمگلنگ کرنے کو شش ناکام بناتے ہوئے مسافر کے بیگ سے ہیروئن برآمد کرلی، ملزم کو موقع پر ہی گرفتار کرلیا گیا۔
تفصیلات کے مطابق لاہور کے علامہ اقبال انٹر نیشنل ایئرپورٹ پر اے این ایف نے کامیاب کارروائی کرتے ہوئے اٹلی ہیروئن اسمگل کرنے کی کوشش ناکام بنادی، مسافر سے ساڑھے5کلو سے زائد ہیروئن برآمد کر کے ملزم کو حراست میں لے لیا گیا۔
اس حوالے سے اے این ایف ذرائع کا کہنا ہے کہ مسافر نے ٹرالی بیگ کے خفیہ خانوں میں ہیروئن چھپا رکھی تھی، مسافر قطر ایئرویز کی پرواز کیو آر621کے ذریعے دوحہ براستہ اٹلی جارہا تھا۔
اے این ایف کے قائم کردہ بیگج سرچ کاؤنٹر پر اے این ایف اہلکاروں نے مسافر کے سامان کی تلاشی لی تو اس کے ٹرالی بیگ کے خفیہ خانوں میں چھپائی گئی ساڑھے5کلو ہیروئن برآمد کرلی گئی۔
مزید تحقیقات کیلئے مسافر کو اے این ایف نے اپنی تحویل میں لے لیا مذکورہ ہیروئن کی مالیت عالمی مارکیٹ میں کروڑوں روپے بتائی جارہی ہے۔
لاہور : پولیس نے ڈیڑھ ماہ قبل پر اسرار انداز میں قتل ہونے والے معمر میاں بیوی کے قاتل کو ڈھونڈ نکالا، ڈکیتی کی واردات کے دوران ملزم نے عمر رسیدہ جوڑے کو موت کی نیند سلادیا تھا۔
لاہور پولیس نے اندھے قتل کی تفتیش کے بعد قاتل کو گرفتار کرلیا ہے اس حوالے سے ایس ایس پی انویسٹی گیشن نے اے آر وائی نیوز کو بتایا کہ ڈیڑھ مہینہ پہلے لاہور میں میاں بیوی کو قتل کرنےوالا ان کا پڑوسی گرفتار کرلیا گیا ہے۔
پولیس کے مطابق ملزم شہباز نے ڈیڑھ ماہ قبل میاں بیوی کو ہتھوڑے کے وار سے قتل کیا، مقتولین میں80سالہ محمدانور اورانک ی اہلیہ جس کی عمر76سالہ نسیم شامل ہیں۔
ایس ایس پی انویسٹی گیشن کا کہنا ہے کہ پڑوس میں رہنے والا ملزم شہباز رقم لوٹنے کیلئے مقتولین کے گھر میں داخل ہوا اورواردات کے بعد دونوں معمر افراد کو موت کے گھاٹ اتار دیا۔ پولیس کا مزید کہنا ہے کہ مقتولین کے دونوں بیٹے بیرون ملک رہائش پذیر ہیں، دوںوں میاں بیوی اکیلے ہی گھر میں قیام پذیر تھے۔
علاوہ ازیں سی سی پی او نے نالے سے 8سالہ بچے کی لاش ملنے کا سختی سے نوٹس لیا ہے، اس حوالے سے غلام محمود ڈوگر نے ایس پی ماڈل ٹاؤن سے واقعے کی رپورٹ طلب کرلی۔
ذرائع کے مطابق سی سی پی او غلام محمود ڈوگر نے ملزمان کی فوری گرفتاری کا حکم دیتے ہوئے کہا ہے کہ ملزمان کو جلد کیفر کردار تک پہنچا کر ورثا کو انصاف فراہم کیا جائےگا، یاد رہے کہ ارسلان نامی بچے کے اغوا کا مقدمہ گزشتہ روز تھانہ نشتر میں درج ہوا تھا۔
کراچی : ڈاکو کو برانڈڈ جیکٹ لوٹنا مہنگا پڑگیا، پولیس نے ملزم کو چند گھنٹے میں ہی دھرلیا، کلفٹن کے علاقوں میں وارداتیں کرنے والے گروہ کے4کارندے پکڑے گئے۔
کراچی کے علاقے بفرزون میں گزشتہ رات موٹرسائیکل سوار3ڈاکوؤں نے رہزنی کی واردات جس کے دوران مسلح ملزمان نے اسلحے کے زور پر3نوجوانوں سے نقدی اور قیمتی سامان لوٹا اور فرار ہوگئے۔
ایک ڈاکو نے نوجوان سے اس کی نئی جیکٹ بھی چھین لی تھی، متاثرہ افراد نے واقعے کی رپورٹ تھانے میں درج کروائی، ایف آئی آر میں برانڈڈ جیکٹ ڈاکو کی نشانی بتائی گئی، پولیس کو جیکٹ کی تصاویر بھی دکھائیں۔
نیوکراچی پولیس نے فوری کارروائی کرتے ہوئے بتائی گئی نشانی کی مدد سے کچھ ہی دیر میں ملزم کو پکڑلیا، ڈاکو کو جس وقت گرفتارکیا گیا وہ چھینی ہوئی جیکٹ ہی پہنے ہوا تھا۔
سفید کار میں وارداتیں کرنے والا گروہ پکڑا گیا
دوسری جانب کراچی کے علاقے کلفٹن اور اس کے اطراف وارداتوں کرنے والے گروہ کے4کارندے پولیس نے گرفتار کرلیے، ملزمان کا گروہ کافی عرصے سے شہر کے پوش علاقوں میں سفید کار میں وارداتیں کرتا رہا ہے۔
اس حوالے سے ساؤتھ پولیس حکام کا کہنا ہے کہ مذکورہ گروہ نے2ہفتہ وار چھٹیوں میں15بنگلوں میں وارداتیں کیں، گرفتار ملزمان نے دوران تفتیش 9 گھروں کو لوٹنے کا اعتراف کیا ہے۔
پولیس کے مطابق ملزمان کے نام ناصرشاہ عرف حاجی، آصف خان،سردار، راج ولی ہیں۔ ملزمان21اور22 نومبر کو 6بنگلوں میں ہونے والی لوٹ مار کی وارداتوں میں بھی ملوث ہیں، وارداتوں کیلئے ملزمان نے ایک گھر کرائے پرحاصل کر رکھا تھا۔
پولیس نے بتایا کہ ڈاکوؤں نے کرائے پر لیے جانے والے گھر کے آدھے حصے میں کسی خاندان کو رکھا ہوا تھا اور باقی میں خود رہتے تھے، گروہ کا سرغنہ کراچی میں واٹرٹینکر چلاتا رہا ہے۔
گروہ کے سرغنہ نے پشاور کراچی کیلئے بس بھی چلائی، ملزمان لوٹ مار کا کچھ حصہ دکھاوے کے لیے ساتھ رکھی ہوئی فیملی کو بھی دیتے تھے۔
کراچی : خاتون پولیس افسر سے دوستی کرنا ملزم کو مہنگا پڑگیا، کراچی کے تھانہ ٹیپو سلطان میں تعینات باہمت خاتون ایس ایچ او نے اپنی حاضر دماغی سے چورکو دوستی کے بہانے بلاکر گرفتار کرلیا۔
اس حوالے سے اے آر وئی نیوز کے پروگرام باخبر سویرا میں لیڈی پولیس انسپکٹر شرافت علی خان نے خصوصی گفتگو کرتے ہوئے پوری روداد سنادی۔
ان کا کہنا تھا کہ ڈکیتی کی مختلف وارداتوں میں ملوث ملزم یاسین پولیس کے شکنجے میں نہیں آرہا تھا، تو اس کا فون ٹریس کرکے اس سے دوستی کی اور ملاقات کے لیے ایک ریستوران میں بلایا۔
خاتون پولیس افسر نے بتایا کہ ملزم جب ملنے آیا تو میں نے قریب ہی سادہ لباس میں تعینات اہلکاروں کو ایک مخصوص اشارہ کیا جس کا ملزم کو شک بھی نہ ہوا۔
اہلکاروں نے اسے فوری طور پر پکڑ لیا اور گرفتار کرکے تھانے لے گئے، دوران تفتیش ملزم یاسین کے قبضے سے چوری کی موٹر سائیکل، قیمتی موبائل فونز اور دولاکھ سے زائد مالیت کی رقم بر آمد کرلی گئی۔
واضح رہے کہ ملزم نے اپنے ساتھیوں کے ساتھ مل کر15 روزقبل تمیس خان نامی شہری کے گھرچوری کی واردات کی تھی، جس کا مقدمہ درج ہونے کے بعد پولیس نے کارروائی کا آغاز کیا۔
ریاض : سعودی پولیس نے اے ٹی ایم کو توڑنے کی کوشش کرنے والے نقاب پوش ملزم کو حراست میں لے لیا، ملزم واردات کی ناکامی پر گیس سلنڈر چھوڑ کر فرار ہوگیا تھا۔
سعودی شہر حائل کی پولیس نے بینک کے اے ٹی ایم میں منفرد انداز میں ڈکیتی کی کوشش کرنے والے ملزم کو گرفتار کرلیا، ملزم نے گیس سیلنڈر کے ذریعے اے ٹی ایم کو توڑنے کی کوشش کی جس میں کامیاب نہ ہونے پر سیلنڈر چھوڑ کر فرار ہوگیا۔
سعودی ذرائع ابلاغ کے مطابق حائل میں پولیس کو اطلاع ملی کہ ایک نامعلوم شخص نجی بینک کی اے ٹی ایم کے پاس گیس سلینڈر چھوڑ کر فرار ہوگیا ہے، اطلاع دینے والے شخص نے یہ بھی بتایا کہ سیلنڈر کا والو کھلا ہوا ہے جس سے گیس لیک ہو رہی ہے۔
🎥#فيديو:
وزارة الداخلية : المواطن رجل الأمن الأولhttps://t.co/UEe4W5ttvB
#مهمة_أمنية pic.twitter.com/fiNDnOz2oD
— جـ ر يـ د ة ا لـ ر يـ ا ض (@AlRiyadh) December 7, 2020
پولیس کنٹرول روم کو اطلاع ملتے ہی پیٹرولنگ پر معمور عملہ وہاں پہنچ گیا جس نے سب سے پہلے گیس سیلنڈر کو بند کیا اور نامعلوم ملزم کے بارے میں رپورٹ درج کرکے اس کی تلاش شروع کردی۔
ذرائع کا کہنا ہے کہ پولیس نے فوری کارروائی کرتے ہوئے بینک کے سی سی ٹی وی کیمرے کی فوٹیج سے ملزم کو شناخت کرکے اسے گرفتار کرلیا حالانکہ اس نے چہرے کو ماسک سے چھپایا ہوا تھا۔
پولیس نے ناکام واردات کے بارے میں مزید بتایا کہ ملزم سعودی ہے جس کی عمر20 سال کے قریب ہے اس نے سیلنڈر سے اے ٹی ایم توڑنے کی کوشش کی ناکام ہونے پروہاں سے فرار ہوگیا۔
ملزم نے اپنی شناخت چھپانے کے لیے چہرے پر ماسک بھی پہنا ہوا تھا تاکہ اس کا چہرہ کیمرے میں نہ آسکے، ملزم سے مزید تحقیقات جاری ہیں جس کے بعد اس کا کیس پراسیکیوشن کے ادارے کو ارسال کیا جائے گا۔
پولیس نے القنفذہ میں خاندان کے چار افراد کو قتل کر کے فرارہونے والے قاتل کو گرفتار کرلیا۔ ملزم نے اپنی دو سگی بہنوں چچازار بھائی اور بہن اور قتل کر دیا تھا۔
سعودی خبر رساں ادارے کے مطابق قاتل نے اپنے بھائی کے ساتھ مل کر بھیانک واردات کی تھی اور اس کے بعد وہ جائے وقوعہ سے فرار ہوگیا تھا۔
خاندان کے چار افراد کے قتل کی خبر نے شہر بھر میں رنج و غم کی لہر دوڑا دی تھی۔ پولیس کے مطابق قاتل نے اپنے چچا زاد بھائی کو ڈیوٹی کے دوران قتل کیا جہاں وہ گرلز اسکول کے چوکیدار کے طور پر کام کر رہا تھا۔
ملزم نے اچانک مشین گن سے کئی فائر کیے اور اس کے بعد وہاں سے وہ اپنی بہنوں کے گھر پہنچا جہاں اس نے اپنے بھانجوں کے سامنے ان کی ماؤں پر گولیوں کی بارش کر دی۔ آخر میں اپنی چچا زاد بہن کے گھر گیا اور اسے قتل کرکے فرار ہو گیا۔ چچازاد بہن کافی ضعیف تھیں۔
پولیس نے فوری کارروائ یکرتے ہوئے قاتل کے اس بھائی کو جو واردات میں شریک تھا گرفتار کرلیا۔ بعد ازاں مکہ مکرمہ پولیس نے ڈائریکٹر جنرل کی ہدایت پر مفرور قاتل کا تعاقب کرکے اسے اللیث کمشنری کے جنوبی قریے الشاقا سے گرفتار کرلیا۔