ARYNews.tv | Urdu – Har Lamha Bakhabar

Tag: suspects

  • لاہور: مبینہ پولیس مقابلوں میں 4 ملزمان اپنے ساتھیوں کی فائرنگ سے ہلاک

    لاہور: مبینہ پولیس مقابلوں میں 4 ملزمان اپنے ساتھیوں کی فائرنگ سے ہلاک

    (16 اگست 2025): لاہور کے علاقوں کاہنہ، گجرات اور چوہنگ میں 3 مبینہ پولیس مقابلوں میں 4 ملزمان اپنے ساتھیوں کی فائرنگ سے مارے گئے۔

    تفصیلات کے مطابق پہلا مقابلہ گجرات میں سی سی ڈی اور ڈاکوؤں کے درمیان رات گئے ہوا، مبینہ مقابلے کے دوران فائرنگ سے سرکاری گاڑی کو شدید نقصان پہنچا۔

    ترجمان سی سی ڈی نے بتایا مقابلہ بھمبر پل سیدھڑی کے قریب ہوا جس میں ایک ڈاکو اپنے ساتھی کی گولی سے مارا گیا، ہلاک ڈاکو کی شناخت علی رضا گوجرانوالہ کے نام سے ہوئی ہے۔

    ڈاکو علی رضا گوجرانوالہ پولیس کو 25 مقدمات میں مطلوب تھا، ہلاک ملزم منشیات فروشی اور جرائم پیشہ کے طور پر جانا جاتا تھا، ہلاک ڈاکو علی رضا سے ایک چوری شدہ موٹرسائیکل برآمد ہوئی۔

    دوسری جانب لاہور میں کاہنہ اور چوہنگ کے علاقوں میں سی سی ڈی کے مبینہ مقابلے کے دوران تین ملزمان اپنے ساتھیوں کی فائرنگ سے ہلاک ہوگئے۔

    سی سی ڈی حکام کے مطابق چوہنگ مقابلے میں دو ملزمان مظہر اور خالد مارے گئے جبکہ کاہنہ مقابلے میں شاہد عمران نامی ملزم مارا گیا، ہلاک ملزمان کے ساتھی اندھیرے کا فائدہ اٹھا کر فرار ہوگئے۔

    https://urdu.arynews.tv/gujrat-ccd-muqabla/

  • شادی رکوانے کے لئے دلہا کو قتل کرنے والے ملزمان گرفتار

    شادی رکوانے کے لئے دلہا کو قتل کرنے والے ملزمان گرفتار

    پولیس نے پتوکی میں شادی رکوانے کے لئے دلہا کو قتل کرنے میں ملوث دو ملزموں کو گرفتار کرلیا۔

    تفصیلات کے مطابق پتوکی میں شادی رکوانے کے لئے دلہا کے قتل میں ملوث دو ملزموں کو گرفتار کرلیا گیا، تھانہ صدر نے تفتیش کے بعد ملزم اظہر منظور اور ساجد کو حراست میں لے لیا۔

    ملزمان نے مقتول عمر شہزاد کو شادی سے سات دن پہلے چھت پر فائرنگ کر کے قتل کیا تھا، پولیس کی خصوصی ٹیم نے جدید ٹیکنالوجی سے ملزمان کو ٹریس کیا۔

    پولیس کا کہنا ہے کہ مرکزی ملزم اظہر، مقتول کی منگیتر سے تعلق رکھتا تھا اور عمر شہزاد کی شادی رکوانا چاہتا تھا اس بنا پر اس نے دلہے کو قتل کیا۔

    https://urdu.arynews.tv/sahiwal-accident-2-died/

    اس سے قبل لاہور ڈویژن کے علاقے سندر میں شادی کے روز نوجوان لڑکی عائشہ حبیبہ کو قتل کرنے والے ملزم کو پولیس نے گرفتار کیا تھا۔

    ڈی آئی جی انویسٹی گیشن کے مطابق ملزم اکرام مقتولہ کا بہنوئی ہے، ملزم نے مقتولہ کو رشتہ کے تنازعہ کی وجہ سے فائرنگ کرکے قتل کردیا تھا اور واردات کے بعد موقع سے فرار ہو گیا تھا۔

    ڈی آئی جی سید ذیشان رضا کا کہنا تھا کہ قانون شکن عناصر سے آہنی ہاتھوں کےساتھ نمٹاجائےگا۔

  • کروڑوں روپے کی خورد برد میں ملوث کسٹمز آفیسر سمیت 2 ملزمان گرفتار

    کروڑوں روپے کی خورد برد میں ملوث کسٹمز آفیسر سمیت 2 ملزمان گرفتار

    ایف آئی اے نے بدعنوانی اور کروڑوں روپے کی خورد برد میں ملوث کسٹمز آفیسر سمیت 2 ملزمان کو گرفتار کرلیا۔

    تفصیلات کے مطابق ایف آئی اے اینٹی کرپشن سرکل اسلام نے کارروائی کے دوران کروڑوں روپے کی بدعنوانی اور خرد برد میں ملوث کسٹم آفیسر سمیت 2 ملزم گرفتار کرلیے۔

    ترجمان ایف آئی اے  کے مطابق گرفتار ملزمان کی شناخت امداد علی اور صابر علی کے نام سے ہوئی ہے، امداد علی پاکستان کسٹم سروسز میں بطور پرنسپل اپریزر تعینات تھا، ملزم نے صابر علی کے ساتھ مل کر قومی خزانے کو 8 کروڑ 14 لاکھ روپے سے زائد کا نقصان پہنچایا۔

    ترجمان نے بتایا کہ ملزمان کو اسپیشل عدالت سنٹرل سے ضمانت قبل از گرفتاری منسوخ ہونے پر گرفتار کیا گیا۔

    ابتدائی تفتیش کے مطابق ملزم صابر علی نے اپنی کمپنی کے ذریعے 2019 سے 2021 کے درمیان امریکی برانڈ آئس کریم کی 29 شپمنٹس درآمد کیں، ملزم نے مذکورہ شپمنٹس کی کلئیرنس کے لیے پاکستان کسٹمز کو انڈرانوئسنگ دستاویزات پیش کی، ملزمان نے انڈر انوائسنگ کے ذریعے درآمدی اشیاء کی کم قیمت ظاہر کی تاکہ کسٹمز ڈیوٹی اور ٹیکسز سے بچا جا سکے۔

    ترجمان ایف آئی اے کا کہنا ہے کہ ملزم امداد علی نے شپمنٹس کی انڈر انوائسنگ کی، جس کے باعث قومی خزانے کو مجموعی طور پر 8 کروڑ 14 لاکھ روپے سے زائد کا نقصان پہنچا اب ملزمان کو گرفتار کر کے تفتیش کا آغاز کر دیا گیا ہے۔

  • انسانی اسمگلنگ اور ویزا فراڈ میں ملوث 5 ملزمان گرفتار

    انسانی اسمگلنگ اور ویزا فراڈ میں ملوث 5 ملزمان گرفتار

    ایف آئی اے نے گوجرانوالہ سے انسانی اسمگلنگ اور ویزا فراڈ میں ملوث 5 ملزمان کو گرفتار کرلیا۔

    تفصیلات کے مطابق ایف آئی اے گوجرانوالہ نے کارروائی کرتے ہوئے انسانی اسمگلنگ اور ویزا فراڈ میں ملوث 5 ملزمان کو گرفتار کرلیا، گرفتار ملزمان میں امجد حسین، رضوان ڈار، رفاقت علی، مختار احمد اور عاقب عباس شامل ہیں۔

    ایف آئی اے کا کہنا ہے کہ ملزمان کو پھالیہ، وزیر آباد، سرگودھا اور گوجرانوالہ کے مختلف علاقوں سے گرفتار کیا گیا، رفاقت اور مختار نے شہری کو اسپین بھجوانے کیلئے 45 لاکھ روپے ہتھیائے تھے۔

    ایف آئی اے ترجمان کا کہنا ہے کہ ملزمان نے شہری کو ملازمت کیلئے اسپین کے بجائے موریطانیہ بھجوا دیا، موریطانیہ میں شہری کو بذریعہ کشتی یورپ بھجوانے کی کوشش کی گئی، شہری نے کشتی کے ذریعے یورپ جانے سے انکار کر دیا اور واپس آ گیا۔

    ترجمان کے مطابق امجد حسین نے شہری کو اٹلی بھجوانے کے لیے 16 لاکھ روپے ہتھیائے، رضوان ڈار نے شہریوں کو اٹلی میں ملازمت کا جھانسہ دیکر 26 لاکھ ہتھیائے، عاقب عباس نے شہری کو بیرون ملک بھجوانے کیلئے 2 لاکھ 85 ہزار روپے لیے، یہ تمام ٓملزمان شہریوں کو بیرون ملک بھجوانے میں ناکام رہے اور رقم لیکر روپوش ہوگئے۔

  • اے این ایف نے غیر ملکی سمیت 9 ملزمان کو گرفتار کرلیا، 1کروڑ سے زائد مالیت کی منشیات برآمد

    اے این ایف نے غیر ملکی سمیت 9 ملزمان کو گرفتار کرلیا، 1کروڑ سے زائد مالیت کی منشیات برآمد

    اے این ایف کا تعلیمی اداروں اور ملک کے مختلف شہروں میں منشیات اسمگلنگ کے خلاف کریک ڈاؤن اور کارروائیوں میں غیر ملکی سمیت 9 ملزمان گرفتار کرکے 1 کروڑ 48 لاکھ سے زائد مالیت کی 176.315 کلو گرام منشیات برآمد کرلی گئی۔

    ترجمان اے این ایف ہیڈ کوارٹر کے مطابق مختلف کارروائیوں میں 1 کروڑ 48 لاکھ سے زائد مالیت کی 176.315 کلو گرام منشیات برآمد کرلی گئی۔

    تعلیمی اداروں میں کارروائیوں کے دوران ملتان میں شجاع آباد روڈ کے قریب ملزم کے ذاتی قبضے سے 715 گرام آئس برآمد کرلی گئی، گرفتار ملزم نے تعلیمی اداروں کے طلباء کو منشیات فروخت کرنے کا اعتراف کرلیا۔

    حکام کے مطابق سپر ہائی وے کراچی میں سبزی منڈی کے قریب ٹرک میں چھپائی گئی 106.8 کلو گرام چرس برآمد کرکے ملزم کو گرفتار کرلیاگیا، پبی نوشہرہ کے قریب رکشہ میں چھپائی گئی 43.2 کلو گرام چرس برآمد کرکے ملزم کو گرفتار کرلیاگیا۔

    اسلام آباد میں گولڑہ موڑ کے قریب گاڑی سے 20.4 کلو گرام چرس برآمد ہوئی، 2 ملزمان گرفتار کرلئے گئے، کالا باغ روڈ میانوالی میں روکھڑی کے قریب ایک غیر مکی سمیت 3 ملزمان سے 3.2 کلو گرام آئس برآمد کرلی گئی۔

    حکام کا مزید کہنا ہے کہ ایم ون موٹر وے اسلام آباد کے قریب ملزم سے 2 کلو چرس برآمد ہوگئی۔ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔

  • پولیس کی بروقت کارروائی، ملزمان پستول اور موٹرسائیکل چھوڑ کر فرار

    پولیس کی بروقت کارروائی، ملزمان پستول اور موٹرسائیکل چھوڑ کر فرار

    کراچی کے علاقے گلشن حدید فیز ون میں پولیس اہلکار کی بروقت کارروائی نے ڈاکوؤں کو بھاگنے پر مجبور کر دیا۔

    تفصیلات کے مطابق کراچی کے علاقے گلشن حدید فیز 1 میں موٹر سائیکل سوار 2 ملزمان نے شہری کو لوٹنے کی کوشش کی اس دوران پولیس اچانک پہنچ گئی جس کے بعد ملزمان واردات چھوڑ کر فرار ہوگئے۔

    پولیس کا کہنا ہے کہ موٹر سائیکل سوار دو ملزم شہری کو لوٹ رہے تھے کہ پولیس اہلکار موقع پر پہنچ گیا، پولیس اہلکار کی فائرنگ پر ملزمان اپنی پستول اور موٹر سائیکل چھوڑ کر فرار ہوگئے۔

    شہری گھر سے نکل کر گاڑی میں بیٹھا ہی تھا کہ موٹر سائیکل سوار 2 ملزمان پہنچ گئے، پولیس کو آتا دیکھ کر ملزمان اپنی موٹر سائیکل چھوڑ کر فرار ہوئے، پولیس کی جانب سے ہوائی فائرنگ اور ملزمان کا پیچھا کیا گیا۔

    https://urdu.arynews.tv/nankana-sahib-suspects-killed-in-alleged-police-encounter/

  • 38 لاکھ کی ڈکیتی میں ملوث 2 ملزمان گرفتار

    38 لاکھ کی ڈکیتی میں ملوث 2 ملزمان گرفتار

    سپرہائی وے سبزی منڈی پولیس پوسٹ نے ٹیکنیکل بنیادوں پر کارروائی کرتے ہوئے سبزی منڈی کے اندر 38 لاکھ کی واردات کرنے والے 2 ملزمان کو گرفتار کرکے لاکھوں روپے برآمد کرلیے۔

      ایس ایس پی ایسٹ فرخ رضا کے مطابق سبزی منڈی پولیس پوسٹ کی ٹیکنیکل بنیادوں پر بڑی کارروائی کرتے ہوئے 38 لاکھ کی ڈکیتی میں ملوث 2 ملزمان گرفتارکرکے 26 لاکھ روپے کیش اور اسلحہ برآمد کرلیا گیا۔

    ایس ایس پی ایسٹ کے مطابق ڈکیتی میں تاجر کا منشی اکبر اور سبزی منڈی کا ڈرائیور مراد شامل تھا، 16 دسمبر کو سبزی منڈی کے اندر واردات ہوئی تھی موٹرسائیکل سوار 2 ملزمان نے 38 لاکھ روپے کیش چھینے موبائل فون اور موٹرسائیکل بھی چھینی گئی تھی۔

    ایس ایس پی ایسٹ فرخ رضا نے کہا کہ ڈی ایس پی چوہدری سہیل فیض کی سربراہی میں ٹیم تشکیل دی ٹیم میں چوکی انچارج کامران اور دیگر کو شامل کیا گیا۔

    حکام کا کہنا نے بتایا کہ سبزی منڈی چوکی پر قائم کنٹرول روم سے اہم شواہد حاصل ہوئے سی سی ٹی وی فوٹیجز کے ذریعے ملزمان کا ڈیٹا حاصل کیا گیا تاجر کا منشی اکبر مالک کے پیسے بینک میں جمع کرواتا اور نکالتا تھا اکبر نے منڈی کیسوزوکی ڈرائیور مراد کے ساتھ منصوبہ بنایا تین ملزمان کو باہر سے لاکر ڈکیتی کروائی گئی۔

    ایس ایس پی ایسٹ فرخ رضا نے کہا کہ ملزمان سوزوکی اور موٹرسائیکل پر  آئے تھے اکبرنے منصوبہ بندی کے تحت ملزمان کو کیش اور بائیک دے دی واردات میں ملوث تین ملزمان کی تلاش کا عمل جاری ہے۔

  • حوالہ ہنڈی اور کرنسی کی غیر قانونی ایکسچینج میں ملوث 4 ملزمان گرفتار

    حوالہ ہنڈی اور کرنسی کی غیر قانونی ایکسچینج میں ملوث 4 ملزمان گرفتار

    لاہور: وفاقی تحقیقاتی ادارہ (ایف آئی اے) نے حوالہ ہنڈی اور کرنسی کی غیر قانونی ایکسچینج میں ملوث 4 ملزمان کو گرفتار کرلیا۔

    تفصیلات کے مطابق لاہور کے نیو انارکلی اور ہال روڈ میں گینگ کے ٹھکانوں پر چھاپہ مار کارروائیاں کی گئیں، اس کارروائی میں حوالہ ہنڈی اور کرنسی کی غیرقانونی ایکسچینج میں ملوث 4 ملزمان کو گرفتار کیا گیا۔

    ایف آئی اے حکام کے مطابق گرفتار ملزمان سے 25 لاکھ 76 ہزار روپے سے زائد رقم برآمد کرلی گئی، ملزمان سے ہنڈی حوالہ سے متعلق ریکارڈ بھی برآمد کرلیا گیا۔

    ایف آئی اے حکام کے مطابق ملزمان کیخلاف مقدمات درج کرلی گئی ہے جبکہ تفتیش جاری ہے۔

  • جنسی ہراسگی اور مالی فراڈ میں ملوث 2 ملزمان گرفتار

    جنسی ہراسگی اور مالی فراڈ میں ملوث 2 ملزمان گرفتار

    ایف آئی اے نے جنسی ہراسگی اور مالی فراڈ میں ملوث 2 ملزمان کو گرفتار کر لیا۔

    تفصیلات کے مطابق ایف آئی اے سائبر کرائم سرکل راولپنڈی نے بڑی کارروائی کرتے ہوئے جنسی ہراسگی اور مالی فراڈ میں ملوث 2 ملزمان کو گرفتار کر لیا۔

    ایف آئی اے ترجمان نے بتایا کہ گرفتار ملزمان میں محمد اسلم اور نقیب الرحمن شامل ہیں، ملزم نے خود کو شکایت کنندہ کا رشتےدار ظاہر کرتے ہوئے 5 لاکھ روپے ہتھیائے، ملزم نے مذکورہ رقم مختلف بینک اکاونٹس میں ٹرانسفر کروائیں۔

    ترجمان کے مطابق ملزم جعلی بینک ڈیپازٹ رسیدیں بھیج کر سادہ لوح شہریوں کو اپنے جال میں پھنساتا تھا ملزم نقیب چائلڈ پورنوگرافی مواد بنانے اور شئیر کرنے میں ملوث تھا۔ملزم نے متاثرہ بچے کو ہوٹل میں بلا کر قابل اعتراض ویڈیوز بنائی۔

    ترجمان نے مزید بتایا کہ ملزم متاثرہ کو قابل اعتراض مواد کی آڑ میں بلیک میل کر رہا تھا۔ ملزم نے قابل اعتراض تصاویر اور ویڈیوز سوشل میڈیا پر بھی وائرل کی۔ ملزم کے قبضے سے موبائل فون اور قابل اعتراض مواد برآمد کر لیا گیا۔ گرفتار ملزمان کے خلاف مقدمات درج کر لئے گئے۔

  • فاطمہ قتل کیس میں گرفتار 3 ملزمان کو چھوڑنے کی تیاری کا انکشاف

    فاطمہ قتل کیس میں گرفتار 3 ملزمان کو چھوڑنے کی تیاری کا انکشاف

    خیرپور: بڑے افسر کے ایجنٹ کے ذریعے فاطمہ قتل کیس میں گرفتار 3 ملزمان کو چھوڑنے کی تیاری ہوگئی۔

    تفصیلات کے مطابق خیرپور کے علاقے رانی پور میں بااثر پیر کی حویلی میں تشدد سے ہلاک 10 سالہ فاطمہ کے کیس میں گرفتار 3 ملزمان کو رہا کرنے کی تیاری مکمل کرلی گئی۔

    پولیس ذرائع کے مطابق  غفلت برتنے  پر گرفتار ڈاکٹر، کمپاؤنڈر، ایم ایس کو ایک بڑے افسر کے ایجنٹ کے ذریعے چھوڑنے کی ڈیل ہو گئی، یہ ڈیل 50 لاکھ روپے میں ہوئی جس میں تمام افراد کو رہا کیا جائے گا۔

    ذرائع پولیس کا کہنا ہے کہ بڑے افسر کے کہنے پر تمام افراد کو بے گناہ ثابت کیا جائےگا،فاطمہ کیس کے مرکزی ملزم اسد شاہ سے تا حال تفتیش نہیں ہوسکی۔

    یاد رہے کہ کمسن فاطمہ کی موت رانی پور میں بااثر پیر کی حویلی میں ہوئی تھی جس کی ویڈیو بھی منظر عام پر آئی تھی، قتل کیس میں گرفتار اسد شاہ کی اہلیہ حنا شاہ ضمانت قبل از گرفتاری کی مدت ختم ہونے کے باوجود تاحال گرفتار نہیں ہو سکی ہیں۔