اسلام آباد : بھارتی حکومت نے ٹوئٹر انتظامیہ کو وفاقی وزیر مرادسعید کا اکاونٹ بند کرنےکی درخواست دے دی ، مراد سعید نے مقبوضہ وادی کے بد ترین حالات پر ٹوئٹ کیا تھا۔
تفصیلات کے مطابق بھارتی مظالم پر پاکستان کے بیانیے سے مودی حکومت پریشان ہیں اور کشمیرکے معاملے پر پاکستان سے اٹھنے وال آوازیں دبانے کے درپے ہیں۔
بھارت نے صحافیوں کے بعدسیاستدانوں کے سوشل میڈیااکاؤنٹ بند کرانے کی کوشش شروع کردی اور ٹوئٹر انتظامیہ سےمرادسعید کا اکاونٹ بند کرنےکی درخواست دے دی ہے ، وفاقی وزیر نے مقبوضہ وادی کے بد ترین حالات پر ٹوئٹ کیا تھا۔
Deploy armies, put barricades, suspend media, impose curfew, bare people from going IOK. We can’t be silenced India, you will still be exposed. You will still be exposed.#KashmirGenocideByModi #KashmirWantsFreedom pic.twitter.com/1tCLbUaCGh
— Murad Saeed (@MuradSaeedPTI) August 24, 2019
مراد سعید نے ٹوئٹر پر اپنے بیان میں کہا کشمیری میں بھارتی مظالم پرخاموش نہیں رہیں گے، ہم بھارتی جارحیت کودنیا بھر میں بے نقاب کریں گے۔
بھارتی وزارت داخلہ سے شکایت ملنے پر ٹوئٹر انتظامیہ نے مراد سعید سے رابطہ کیا اور بھارت کی جانب سے کی گئی شکایت سےمراد سعیدکوباقاعدہ آگاہ کیا۔
بھارت کی جانب سےمرادسعید کا ٹوئٹراکاؤنٹ بندکرنےکی درخواست مسترد کردی۔
مزید پڑھیں : سوشل میڈیا پر مقبوضہ کشمیرکے لیے آواز اٹھانے والے178 پاکستانیوں کے اکاؤنٹس معطل
یاد رہے بھارتی وزارتِ داخلہ کی جانب سے ٹویٹر انتظامیہ سے درخواست کی گئی تھی کہ پاکستان سے تعلق رکھنے والے آٹھ ٹویٹر اکاؤنٹ بند کردیے جائیں۔ یاد رہے کہ سینئر اینکر پرسن ارشد شریف سمیت یہ آٹھ افراد مسلسل بھارتی مظالم کو آشکار کررہے تھے۔
جس کے بعد سوشل میڈیا پر مقبوضہ کشمیریوں کےلیےآواز اٹھانے والےایک سواٹھہتر پاکستانیوں کے اکاؤنٹس معطل کر دیے تھے جبکہ اے آروائی نیوزکے سینئیر اینکر ارشد شریف کو بھی ٹوئٹس ڈیلیٹ کرنے کا نوٹس بھیج دیاتھا ۔