ARYNews.tv | Urdu – Har Lamha Bakhabar

Tag: switzerland

  • سوئٹزرلینڈ میں مسافر طیارہ گر کر تباہ، 20 افراد ہلاک

    سوئٹزرلینڈ میں مسافر طیارہ گر کر تباہ، 20 افراد ہلاک

    جنیوا: سوئٹزرلینڈ میں مسافر طیارہ گر کر تباہ ہوگیا جس کے نتیجے میں طیارہ میں موجود 20 افراد ہلاک ہوگئے۔

    بین الاقوامی خبررساں ادارے کے مطابق جنگ عظیم دوئم کا جنکر طیارہ سیگناس کی پہاڑیوں پر گر کر تباہ ہوا جس کے نتیجے میں 20 افراد ہلاک ہوئے، طیارے میں 17 مسافر اور عملے کے تین ارکان سوار تھے۔

    طیارہ 1939 میں جرمنی میں تعمیر ہوا تھا، پولیس کا کہنا ہے کہ جہاز سطح سمندر سے 8 ہزار 333 فٹ کی بلند چوٹی پر گرا تاہم دشوار راستوں اور خراب موسم کے باعث امدادی کارروائیوں میں مشکلات کا سامنا ہے۔

    پولیس ترجمان انیتا سینتی کے مطابق ہلاک ہونے والوں میں 11 مرد اور 9 خواتین شامل ہیں جبکہ آسٹریلین جوڑا اور ان کا بیٹا بھی ہلاک ہوگیا ہے۔

    واضح رہے کہ جے یو ایئر لائن جرمن ساختہ جنگ عظیم دوئم کے طیاروں کے ذریعے سیاحوں کو سیرو تفریح کے لیے خوبصورت سیاحتی مقام تک لے جاتے ہیں۔

    عینی شاہد کے مطابق طیارہ جہاز تیزی سے زمین کی طرف آنے لگا اور چند ہی سیکنڈ میں زمین پر آن گرا جس سے طیارہ مکمل طور پر تباہ ہوگیا اور ملبے میں آگ بھڑک اُٹھی۔

    مزید پڑھیں: میکسیکو میں مسافر طیارہ حادثے کا شکار، 85 افراد زخمی

    جرمن اخبار کے مطابق طیارہ ٹیکینو سے اُڑا تھا اور اس نے زیورخ کے قریب لینڈ کرنا تھا، خیال رہے کہ گزشتہ روز بھی اسی کمپنی کا ایک طیارہ تباہ ہوا تھا جس کے نتیجے میں ایک ہی خاندان کے چار افراد ہلاک ہوگئے تھے۔

  • ایرانی صدر اہم دورے پر سوئٹزر لینڈ پہنچ گئے، جوہری ڈیل پر بات چیت ہوگی

    ایرانی صدر اہم دورے پر سوئٹزر لینڈ پہنچ گئے، جوہری ڈیل پر بات چیت ہوگی

    برن: ایرانی صدر حسن روحانی اہم دورے پر سوئٹزرلینڈ پہنچ گئے جہاں وہ جوہری معاہدے سے متعلق تبادلہ خیال کریں گے۔

    تفصیلات کے مطابق ایرانی صدر یورپی رہنماؤں کی دعوت پر سوئٹزر لینڈ پہنچے ہیں جہاں وہ عالمی رہنماؤں سے جوہری ڈیل پر تبادلہ خیال کریں گے اور مستقبل کے لائحہ عمل پر بات چیت ہوگی۔

    غیر ملکی خبر رساں ادارے کا کہنا ہے کہ امریکا کی جانب سے ایران جوہری معاہدے سے دست برداری کے بعد پیدا ہونے والی صورت حال پر بھی گفتگو ہوگی۔

    ترجمان ایرانی وزارت خارجہ کی جانب سے جاری کردہ بیان میں کہا گیا ہے کہ حسن روحانی کا دورہ خطے کے لیے انتہائی اہم ہے، اس دورے سے ایران اور یورپی ممالک کے تعلقات مزید مضبوط ہوں گے۔

    ایران پر امریکی پابندیاں، عالمی طیارہ ساز کمپنی نے جہاز کی فروخت روک دی

    امریکی صدر ڈونلڈ ٹرمپ کی جانب سے ایران جوہری معاہدہ ختم کرنے کے بعد یورپ نے مکمل طور پر ایٹمی معاہدے پر عمل درآمد کی یقین دہانی کرائی ہے۔

    علاوہ ازیں امریکا کی جانب سے اس فیصلے کے بعد یورپی بلاک نے صدر ٹرمپ کو شدید تنقید کا بھی نشانہ بنایا اور واضح کیا کہ جوہری معاہدے میں شامل دیگر ممالک اس اہم ڈیل کی پاسداری کریں گے۔

    امریکا نے سلامتی کونسل سے ایران پر پابندی کا مطالبہ کردیا

    خیال رہے کہ ایرانی صدر حسن روحانی ابھی سوئٹزر لینڈ پہنچے ہیں جبکہ منگل کے روز وہ دارالحکومت برن جائیں گے جہاں وہ ایک پریس کانفرنس سے خطاب بھی کریں گے، ایران اور چھ عالمی طاقتوں کے درمیان جوہری معاہدے پر 2015ء میں دستخط برن میں ہی ہوئے تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فیفا ورلڈ کپ 2018: سوئٹزر لینڈ کے ہاتھوں سربیا کو شکست

    فیفا ورلڈ کپ 2018: سوئٹزر لینڈ کے ہاتھوں سربیا کو شکست

    ماسکو: فیفا ورلڈ کپ 2018 کے آج کھیلے جانے والے میچ میں سوئٹزر لینڈ نے سربیا کو دو ایک سے شکست دے دی۔

    تفصیلات کے مطابق روس میں منعقدہ فٹ بال کا عالمی میلہ اپنی تمام حشر سامانیوں کے ساتھ جاری ہے، اب تک کئی بڑے برج الٹ چکے ہیں جبکہ آج کے دن کھیلنے جانے والے تیسرے میچ میں سوئٹزر لینڈ نے سربیا کو 1-2 سے شکست دے دی۔

    قبل ازیں فیفا ورلڈ کپ کے پہلے میچ میں ٹورنامنٹ کی فیورٹ برازیل نے ایک سنسنی خیز، اعصاب شکن مقابلے کے بعد کوسٹاریکا کو شکست دی۔

    میچ میں کوسٹاریکا نے شان دار دفاعی کھیل پیش کیا، 90 منٹ پورے ہونے تک برازیل کے اسٹار کھلاڑی گول داغنے میں ناکام رہے۔ اضافی وقت میں کوسٹاریکا کی دفاعی لائن میں دراڑ پڑی، آخر کار کوٹینہیو گول کرنے میں کامیاب رہے، چند منٹ بعد نیمارجونیئر نے گول کرکے برازیل کی فتح پر تصدیق کی مہر ثبت کر دی۔

    فیفا ورلڈ کپ 2018: برازیل نے کوسٹاریکا، نائیجیریا نے آئس لینڈ کو ٹھکانے لگا دیا

    میگا ایونٹ کے دوسرے میچ میں گروپ ڈی کے نائیجیریا نے آئس لینڈ کو دو صفر سے شکست دے کر پہلی فتح‌ اپنے نام کر لی، میچ کا پہلا ہاف صفر صفر سے برابر رہا، مگر دوسرے ہاف میں نائیجیرین کھلاڑیوں‌ نے عمدہ کھیل کا مظاہرہ کرتے ہوئے برتری حاصل کر لی، دونوں گول فارورڈ موسیٰ نے کیے۔

    واضح رہے کہ آئس لینڈ کی ٹیم ارجنٹینا سے اپنا اولین میچ برابر کرنے میں‌ کامیاب رہی تھی، جب کہ نائیجیریا کو کروشیا کے ہاتھوں‌ شکست کا سامنا کرنا پڑا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • فیفا ورلڈ کپ 2018: برازیل اور سوئٹزر لینڈ کا میچ 1-1 گول سے برابر

    فیفا ورلڈ کپ 2018: برازیل اور سوئٹزر لینڈ کا میچ 1-1 گول سے برابر

    ماسکو: روس میں کھیلے جانے والے فیفا ورلڈ کپ 2018 میں برازیل اور سوئٹزر لینڈ کا میچ 1-1 گول سے برابر ہوگیا۔

    تفصیلات کے مطابق فیفا ورلڈ کپ میں سنسنی خیز مقابلے جاری ہیں جبکہ عالمی مقابلے کے چوتھے روز برازیل اور سوئٹزر لینڈ کا میچ ایک ایک گول سے برابر ہوگیا۔

    دونوں ٹیموں کے درمیان کھیلے جانے والے میچ میں برازیل کی طرف سے کٹینیو نے میچ کے 20 ویں منٹ میں گول اسکور کیا جبکہ 50 ویں منٹ میں سوئٹزر لینڈ کے اسٹیون نے گول کر کے اسکور برابر کردیا یوں میچ فتح یا شکست کے بغیر 1-1 گول سے برابر ہوگیا۔

    قبل ازیں آج ہی کے دن فیفا ورلڈ کپ 2018 میں عالمی چیمپین جرمنی اور میکسیکو کی ٹیمیں مدمقابل آئیں جہاں میکسیکو نے عالمی چیمپین جرمنی کو شکست دے کر فیفا ورلڈ کپ 2018 کا بڑا اپ سیٹ کر دیا۔

    فیفا ورلڈ‌ کپ 2018 کا بڑا اپ سیٹ، میکسیکو نے دفاعی چیمپین جرمنی کو ٹھکانے لگا دیا

    ماہرین جرمنی کو فیورٹ قرار دے رہے تھے، مگر میکسیکو کی ’’انڈر ڈاگ‘‘ ٹیم نے جرمنی کو ٹھکانے لگا کر سب کو حیران کر دیا۔ میکسیکو کی جانب سے 35 ویں منٹ میں ہارونگ لوزینو نے خوب صورت گول داغ کر اپنی ٹیم کو برتری دلائی۔

    واضح رہے کہ فیفا ورلڈ کپ کے چوتھے روز کھیلنے جانے والے پہلے میچ میں گروپ ای کے میسربیا نے کوسٹاریکا کو ایک صفر سے شکست دے دی، میچ میں کوسٹاریکا اور سربیا کی ٹیموں نے ایک دوسرے کی پوسٹ پر متواتر حملے کیے، 56 ویں منٹ میں سربیین کپتان الیگزینڈر کولاراو نے میچ کا اکلوتا گول اسکور کیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سوئٹزرلینڈ: سیلفی کا جنون دو سیاحوں کی جان لے گیا

    سوئٹزرلینڈ: سیلفی کا جنون دو سیاحوں کی جان لے گیا

    برن: سوئٹزرلینڈ میں سیلفی کا جنون برطانوی اور آسٹریلوی سیاح کی جان لے گیا، برطانوی اور آسٹریلوی سیاح 90 میٹر اونچی دیوار سے گر کر ہلاک ہوگئے۔

    غیر ملکی خبر رساں ادارے کے مطابق واقعہ سوئٹزرلینڈ کے ساحلی شہر لشبونہ کے قریب پیش آیا، چالیس سالہ برطانوی سیاح اور تیس سالہ آسٹریلوی خاتون نے ایک خاکروب سے کہا کہ وہ ان کی سیلفی بنائے جبکہ وہ دونوں نوے فٹ بلند دیوار پر چڑھ گئے۔

    [bs-quote quote=”بظاہر ایسا لگتا ہے کہ سیلفی کے دوران ان میں سے ایک کا پاؤں پھسلا تو اس کو بچانے کی کوشش میں دونوں اونچی دیوار سے گر کر ہلاک ہوگئے” style=”style-2″ align=”left” author_name=”سربراہ ریسکیو ٹیم”][/bs-quote]

    ساحلی شہر کی ریسکیو ٹیم کے سربراہ نے بتایا کہ بظاہر ایسا لگتا ہے کہ سیلفی کے دوران ان میں سے ایک کا پاؤں پھسلا تو اس کو بچانے کی کوشش میں دونوں اونچی دیوار سے گر کر ہلاک ہوگئے۔

    ایک اطلاعات کے مطابق ایسا بھی ہوسکتا ہے کہ وہ دونوں خود سیلفی بنا رہے تھے کہ موبائل ہاتھ سے گرا اور وہ اسے پکڑنے کی کوشش میں نیچے آگرے اور ہلاک ہوگئے۔

    خیال رہے کہ حالیہ برسوں میں سیلفی کے جنون نے ایسے کئی المناک حادثات کو جنم دیا ہے، سیلفی کے شوقین بلند عمارتوں، پہاڑوں سے گرنے یا پانی میں ڈوب کر ہلاک ہوچکے ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • سویٹزرلینڈ: بس میں آتشزدگی کے باعث ملکی تاریخ کا بد ترین ٹریفک جام

    سویٹزرلینڈ: بس میں آتشزدگی کے باعث ملکی تاریخ کا بد ترین ٹریفک جام

    برن : یورپی یونین کے رکن ملک سویٹزرلینڈ کی سان برنیڈینو نامی سرنگ میں جرمن سیاحوں کی بس میں آتشزدگی کے باعث ملکی 19 سالہ تاریخ کا بد ترین ٹریفک جام ہوگیا.

    تفصیلات کے مطابق سویٹزرلینڈ کی سان برنیڈینو نامی سرنگ میں جرمنی کے سیاحوں کو لانے والی بس میں اچانک آگ بھڑک اٹھی جس کے باعث پیچھے آنے والی گاڑیوں کی قطاریں بن گئی اور ملکی 19 سالہ تاریخ کا بد ترین ٹریفک جام ہوگیا۔

    غیر ملکی خبر رساں ادارے کا کہنا تھا کہ جرمنی سے تعلق رکھنے والے سیاحوں کی بس میں اچانک دھواں اٹھنے لگا جس پر ڈرائیور نے فوری طور پر سیاحوں کو بس سے اتار دیا تھا۔

    غیر ملکی خبر رساں اداروں کا کہنا تھا کہ جرمنی کے سیاحوں کی بس میں آتشزدگی کے واقعے نے سنہ 2001 میں گوٹھارڈ سرنگ میں ہونے والی آتشزدگی کی یادیں تازہ کردیں جس کے نتیجے میں 11 افراد جھلس کر ہلاک ہوگئے تھے۔

    غیر ملکی خبر رساں ادارے کا کہنا تھا کہ متاثرہ بس میں 22 مسافر سوار تھے جنہیں حادثے سے چند لمحے قبل ہی بس سے اتار لیا گیا تھا جبکہ دو افراد کو دھواں بھرجانے کے باعث طبی امداد دی جارہی ہے۔

    سویٹزرلینڈ پولیس کا کہنا تھا کہ سان برنیڈینو نامی سرنگ میں بس میں آتشزدگی کے باعث 28 کلو میٹر لمبا ٹریفک جام ہوگیا تھا جو ملکی 19 سالہ تاریخ کا بدترین ٹریفک جام ہے۔

    واضح رہے کہ سان برنیڈینو سرنگ مشرقی سویٹزر لینڈ کو مغربی سویٹزرلینڈ سے ملانے کا کام کرتی ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • آسٹریلوی سائنسدان ڈاکٹر ڈیوڈ گوڈال خودکشی کرنے سوئزرلینڈ پہنچ گئے

    آسٹریلوی سائنسدان ڈاکٹر ڈیوڈ گوڈال خودکشی کرنے سوئزرلینڈ پہنچ گئے

    جنیوا:104 سالہ مشہور  آسٹریلوی سائنسدان ڈاکٹر  ڈیوڈ گوڈال خودکشی کرنے سوئزرلینڈ پہنچ گئے، ڈاکٹرڈیوڈ نے چند روزقبل آج کے دن خودکشی کرنے کا اعلان کیا تھا۔

    غیر ملکی خبرایجنسی کے مطابق مشہور آسٹریلوی ماہر نباتات و ماحولیات ڈاکٹر ڈیوڈ گوڈال نے نیوز کانفرنس میں خودکشی کرنے کے فیصلے کا اعلان کرتے ہوئے کہا کہ موت کا دن متعین ہے لیکن موت منتخب کرنے کا انسان کو اختیار ہونا چاہیے، میری صلاحیتیں کم ہوگئی ہیں اس لئے میں مزید جینا نہیں چاہتا۔

    ڈاکٹرڈیوڈ کی عمر104سال ہے۔

    مزید پڑھیں : میں موت کو گلے لگانا چاہتا ہوں، آسٹریلوی سائنس دان ڈیوڈ گوڈیل

    اس سے قبل ماحولیات کے سائنس دان ڈیوڈ گوڈیل نے اپریل میں اپنی سالگرہ کے موقع پر اے بی سی ٹیلی ویژن کو انٹرویو دیتے ہوئے کہا تھا کہ میں اس عمر تک پہنچ گیا ہوں میں بالکل بھی خوش نہیں ہوں، میں موت کو گلے لگانا چاہتا ہوں، یہ کوئی غم کی بات نہیں ہے غم کی بات یہ ہے کہ میں ایسا کرنے سے رک جاؤں۔

    خیال رہے کہ سوئزر لینڈ دنیا کا واحد ملک ہے، جہاں انتہائی بیمار، ذہنی اور جسمانی طور پر معذور طویل عمر اور کمزور بوڑھے افراد کو رضاکارانہ موت فراہم کی جاتی ہے۔

    سوئٹرزلینڈ میں ایسے کلینک ہیں، جو فیس کے عوض موت کی نیند سلانے کی سہولت دیتے ہیں۔

    سوئزرلینڈ میں 1940 سے رضا کارانہ خودکشی کا قانون نافذ ہے،  جس کے مطابق قانونی طور پر اس بات کی اجازت دی گئی ہےکہ اگر کوئی شخص خود کشی کرنا چاہے تو کرسکتا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بوم بوم شاہد آفریدی کی کشادہ دلی، مخالف بھارتیوں کے دل موہ لیے

    بوم بوم شاہد آفریدی کی کشادہ دلی، مخالف بھارتیوں کے دل موہ لیے

    برن: دنیائے کرکٹ کے مقبول کھلاڑی شاہد آفریدی نےبھارتی شائقین کا دل رکھتے ہوئے سوئٹزر لینڈ میں جاری میچ کے دوران بھارتی پرچم کے ساتھ تصویریں بنا کر روایتی حریف کو اپنا گرویدہ بنا لیا۔

    تفصیلات کے مطابق پاک بھارت سیاسی محاذ پر کشیدگی کے باوجود سوئٹزرلینڈ میں کرکٹ کا میلہ جاری ہے جس میں پاکستانی اور بھارتی کھلاڑی ایک ساتھ کھیل رہے ہیں۔

    کراچی کنگز کا نیا نغمہ، شاہد آفریدی نے بھی آواز کا جادو جگایا

    حالیہ میچ میں شاہد آفریدی کی ٹیم رائلز نے وریندر سہواگ کی ٹیم ڈائمنڈز کو ٹی ٹوئنٹی میں دو صفر سے شکست دی لیکن انہوں نے وہاں ایسا کارنامہ انجام دیا جس کے بعد بھارتی میڈیا شاہد آفریدی کے گن گانے لگا۔

    سوئٹزرلینڈ میں شاہد آفریدی نے دوسرے ٹی ٹوئنٹی میچ کے بعد شائقین کے ساتھ سیلفیاں بنوائیں اور آٹوگراف دیئے، اس موقع پر شاہد آفریدی نے بھارت کے قومی پرچم کے ساتھ تصاویر اور ویڈیو بنوا کر تمام بھارتیوں کو اپنا گرویدہ بنا لیا۔

    شاہد آفریدی کی نقیب اللہ کے والد سے ملاقات

    سوشل میڈیا پر وائیرل ہونے والی ویڈیو میں دیکھا جاسکتا ہے ایک بھارتی مداح شاہد آفریدی کے ساتھ تصویر بنوانے کے لیے اتنی زیادہ پرجوش ہوگئی تھی کہ پرچم کھولنا ہی بھول گئی جس پر شاہد آفریدی نے اس خاتون سے کہا کہ یہ جھنڈا سیدھا کرو جس کے بعد انہوں نے خاتون کے ساتھ تصویر بنوائی۔

    شاہد آفریدی کے اس عمل نے پورے بھارت کو اپنا دیوانہ بنادیا جس کے بعد بھارتی میڈیا بھی شاہد آفریدی کے گن گانے لگا، سوشل میڈیا پر بھی بھارتی صارفین نے آفریدی کے اس عمل کی کھل کر تعریف کی۔

    دوسری جانب پاکستان سے بھی شاہد آفریدی کو بے حد سراہاجارہا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کیا مودی سرکار سوئس بینک میں چھپا پیسہ واپس لائےگی؟ راہول گاندھی

    کیا مودی سرکار سوئس بینک میں چھپا پیسہ واپس لائےگی؟ راہول گاندھی

    نئی دہلی: بھارت کی اپوزیشن جماعت کانگریس کے صدر راہول گاندھی نے وزیراعظم نریندر مودی کے دورہ سوئیٹزلینڈ پر سوالات اٹھاتے ہوئے کہا ہے کہ کیا مودی سرکار سوئس بینک میں موجود غیر قانونی پیسہ واپس لاسکتی ہے؟۔

    تفصیلات کے مطابق چند روز قبل بھارتی وزیر اعظم نریندر مودی نے سوئیٹزرلینڈ کے شہر ڈوس میں منعقدہ عالمی اقتصادی فورم کے اجلاس میں شرکت کی تھی جس پر انہیں اپوزیشن کی سب سے بڑی جماعت نے شدید تنقید کا نشانہ بنایا۔

    کانگریس کے سربراہ راہول گاندھی نے اپنے بیان میں کہا ہے کہ ’کیا بھارتی وزیراعظم نریندر مودی کو اپنا کیا وعدہ یاد ہے جس میں انہوں نے سوئس بینک سے بھارتیوں کا غیر قانونی پیسہ واپس لانے کی یقین دہانی کروائی تھی؟‘۔

    خیال رہے کہ سوئیٹزرلینڈ کا شمار اُن ممالک میں ہوتا ہے جہاں لوگ خفیہ طریقے سے غیر قانونی پیسہ (سرمایہ) منتقل کرتے ہیں، اس ضمن میں بھارت اور سوئیٹزرلینڈ کے درمیان شہریوں کی سرمایہ کاری کے تبادلے سے متعلق سال 2016 میں سرکاری سطح پر معاہدہ طے پایا تھا۔

    معاہدے کے مطابق سوئس بینک بھارتی شہریوں کے بینک اکاؤنٹ کی مکمل تفصیلات  اور تمام مطلوبہ شواہد کے حکام کے مانگنے پر اُن کے حوالے کرے گا۔

    یاد رہے گزشتہ سال سپریم کورٹ آف پاکستان کی جانب سے پاناما کیس کا فیصلہ آنے کے بعد راہو گاندھی نے حکومتی پالیسی کو شدید تنقید کا نشانہ بناتے ہوئے کہا تھا کہ ’پاناما لیکس میں نام آنے پر پاکستان میں ادارے اور قانون کام کررہے ہیں جس کی مثال وہاں کے وزیراعظم کے خلاف آنے والا فیصلہ ہے جبکہ بھارت میں کرپٹ عناصر کے خلاف کوئی کارروائی عمل میں نہیں لائی جاتی‘۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سوئٹزرلینڈ میں جھینگوں کو زندہ پکانے پر پابندی عائد

    سوئٹزرلینڈ میں جھینگوں کو زندہ پکانے پر پابندی عائد

    سوئٹزرلینڈ میں زندہ جھینگوں کو ابلتے ہوئے پانی میں ڈال کر پکانے پر پابندی عائد کردی گئی ہے جو دنیا بھر کے لوگوں کا پسندیدہ پکوان ہے۔

    زندہ جھینگوں کو ہلاک کیے بغیر پکا کر کھانا دنیا بھر کے سی فوڈز ریستورانوں میں عام ہے اور خیال کیا جاتا ہے کہ جھینگے کو کوئی تکلیف نہیں پہنچتی۔

    تاہم حال ہی میں کی جانے والی ایک تحقیق میں بتایا گیا کہ جھینگوں کا اعصابی نظام نہایت حساس ہوتا ہےجس کی وجہ سے وہ تکلیف محسوس کر سکتے ہیں۔

    حکومت کی جانب سے جاری کردہ نوٹس میں کہا گیا ہے کہ جھینگوں کو پکانے سے قبل انہیں ہلاک کرنا ضروری ہے۔

    حکومت نے سمندری غذاؤں جیسے جھینگوں اور کیکڑوں کو برف میں ایک سے دوسری جگہ منتقل کرنے پر بھی پابندی لگاتے ہوئے انہیں ان کے قدرتی ماحول میں رکھ کر منتقل کرنے کی ہدایت کی ہے۔

    یاد رہے کہ آکٹوپس بھی ایک ایسا ہی جانور ہے جو محسوس کرنے کی صلاحیت رکھتا ہے لہٰذا برطانیہ اور یورپی یونین کے ممالک میں آکٹوپس کو بے ہوش کیے بغیر تحقیقی مقاصد کے لیے ان کے جسم کے ساتھ چیر پھاڑ کرنا قانوناً جرم ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔