دمشق: ایران نے کہا ہے کہ شامی تنازع کے حل کیلئے امریکہ اور عالمی طاقتوں سے کوئی سمجھوتہ نہیں کیا گیا۔
دمشق میں میڈیا سے گفتگو میں ایرانی خارجہ پالیسی کے چئیرمین الہ دین بروجری نے کہا کہ شامی بحران کے حل کیلئے عالمی طاقتوں سے کوئی معاہدہ طے نہیں پایا۔
امریکہ اور عالمی طاقتوں سے ہونے والے حالیہ مذاکرات میں ایران کے سپریم لیڈر آیت اللہ خامنہ ای کی ہدایت پر صرف ایران کے جوہری معاہدے کا ایجنڈا سرفہرست رہا، جس میں معاہدے کی رو سے ایران پر عائد پابندیوں کو فی الفور اٹھانے کا مطالبہ کیا گیا ہے ۔
ان کا کہنا تھا کہ ایران ہمیشہ شامی حکومت اور ان کے عوام کے ساتھ اظہار یکجہتی کرتا رہے گا۔