ڈھاکہ: پاکستان اور بنگلہ دیش کے درمیان واحد ٹی ٹوئنٹی میچ جمعہ کو میرپور ڈھاکا کے شیر بنگلہ کرکٹ اسٹیڈیم میں کھیلا جائیگا۔
ون ڈے سیریز کی شکست کو بھلا کر اب بنگلہ دیش کو ٹی ٹوئنٹی میں شکست دینا ہے، بنگلہ دیشی ٹیم کا مورال تاریخ ساز کامیابی کیساتھ بلند ہے اور انکی نظریں ٹی ٹوئنٹی میچ پر مرکوز ہے۔
پاکستان ٹیم کی قیادت شاہد خان آفریدی سنبھالیں گے، جو ٹی ٹوئنٹی ایکسپرٹ ہیں۔ گراؤنڈ میں انکا ہونا حریف ٹیموں کیلئے خطرے کی علامت ہے۔
بنگلہ دیش اور پاکستان سات مرتبہ مختصر فارمیٹ کی کرکٹ میں آمنے سامنے آئے، جیت پاکستان کا مقدر بنی لیکن اب ہوم گراؤنڈ ہے اور شائقین کی سپورٹ بھی جو بنگال ٹائیگرز کو خطرناک بناسکتی ہے۔
