ARYNews.tv | Urdu – Har Lamha Bakhabar

Tag: t10 league

  • پی سی بی کا بڑا فیصلہ، ٹی ٹین لیگ کے لیے پاکستانی کھلاڑیوں کی این او سی منسوخ

    پی سی بی کا بڑا فیصلہ، ٹی ٹین لیگ کے لیے پاکستانی کھلاڑیوں کی این او سی منسوخ

    لاہور: پاکستان کرکٹ بورڈ (پی سی بی) نے بڑا فیصلہ کرتے ہوئے قومی کرکٹ ٹیم کے کھلاڑیوں کو ٹی ٹین لیگ میں شرکت کرنے سے روک دیا۔

    تفصیلات کے مطابق پی سی بی نے قومی کرکٹ ٹیم کے کھلاڑیوں کو ٹی ٹین لیگ میں شرکت کے لیے دی گئی این او سیز منسوخ کردی۔

    پی سی بی کا کہنا ہے کہ این او سیز منسوخ کرنے کا فیصلہ کھلاڑیوں اور ڈومیسٹک کرکٹ کے وسیع تر مفاد کے لیے کیا گیا ہے، کھلاڑیوں کے مصروف شیڈول کے باعث این او سی منسوخ کی گئیں۔

    رپورٹ کے مطابق ٹی 10 لیگ میں پاکستان کے 15 سے 16 کھلاڑیوں نے حصہ لینا تھا۔

    واضح رہے کہ ٹی ٹین لیگ میں زیادہ شیئرز بھارتیوں کے ہیں، ٹی ٹین لیگ حالیہ دنوں میں میچ فکسنگ سے متعلق شدید متنازع ہوچکی ہے۔

    یاد رہے کہ انٹرنیشنل کرکٹ کونسل (آئی سی سی) چند روز قبل  یو اے ای کے تین کھلاڑیوں پر میچ فکسنگ کے الزامات ثابت ہونے پر پابندی عائد کی تھی، میچ فکسنگ ٹی ٹین لیگ کے دوران سامنے آئی تھی۔

    یو اے ای کرکٹ ٹیم کے کپتان محمد نوید نے بھی آئی سی سی کوڈ آف کنڈکٹ کی خلاف ورزی کی تھی، یو اے ای کے دیگر دو کھلاڑی جن پر پابندی عائد کی گئی ہے ان میں شیمان انور اور قدیر خان شامل ہیں۔

    خیال رہے کہ 2017 میں سری لنکا کے سابق کرکٹرز دلہارا لوکی ٹیج اور فاسٹ بولر نوون زویسا بھی ٹی ٹین لیگ کے دوران میچ فکسنگ میں ملوث پائے گئے تھے۔

  • ٹی ٹین لیگ کو سندھ ہائی کورٹ کی جانب سے توہینِ عدالت کا نوٹس جاری

    ٹی ٹین لیگ کو سندھ ہائی کورٹ کی جانب سے توہینِ عدالت کا نوٹس جاری

    کراچی: متنازع ٹی ٹین لیگ کو اب ایک اور مشکل کا سامنا کرنا پڑ گیا ہے، سندھ ہائی کورٹ کی جانب سے لیگ کو توہینِ عدالت کا نوٹس جاری کر دیا گیا۔

    تفصیلات کے مطابق سندھ ہائی کورٹ کی جانب سے ٹی ٹین لیگ کو جاری نوٹس میں کہا گیا ہے کہ پابندی کے باوجود کراچی سے ملتے جلتے نام کا استعمال کیا گیا۔

    نوٹس کے متن کے مطابق ٹی ٹین لیگ نے کراچینز نام سوشل میڈیا اور تھرڈ پارٹی ویب سائٹس پر استعمال کیا، جب کہ عدالت نے لیگ میں کراچینز یا ملتے جلتے نام پر پابندی لگائی تھی۔

    عدالت نے چیئرمین ٹی ٹین لیگ شجیع الملک سمیت 4 افراد کو توہینِ عدالت کا نوٹس دے دیا، مالک ٹین اسپورٹس زاہد نورانی، ٹیم مالک محمد عمران اور جنید خلیل کو بھی نوٹس جاری کر دیے گئے۔

    سندھ ہائی کورٹ نے تمام 4 افراد سے 28 نومبر تک جواب طلب کر لیا، درخواست گزار کی جانب سے بیرسٹرعابد زبیری اور بیرسٹر آیان میمن پیش ہوئے۔

    متنازع ٹی 10 لیگ کسی پاکستانی شہر کا نام اپنے مفاد کے لئے استعمال نہیں کرسکتی: سندھ ہائی کورٹ

    واضح رہے کہ 16 نومبر کو سندھ ہائی کورٹ نے ایک فیصلے کے ذریعے ٹی 10 لیگ پر پاکستانی شہر وں کے نام استعمال کرنے پر پابندی عائد کر دی تھی، عدالت نے کہا تھا کہ لیگ کے لیے کراچی، کراچینز، کنگز یا اس سے ملتے جلتے ناموں کے اشتہارات بھی جاری نہیں کیے جا سکتے۔

    تجزیہ کاروں نے سندھ ہائی کورٹ کے فیصلے کو قابلِ ستائش قرار دیتے ہوئے کہا تھا کہ اس سے پاکستانی کرکٹ کے مالی مفادات محفوظ ہوں گے۔

  • متنازع ٹی 10 لیگ کسی پاکستانی شہر کا نام اپنے مفاد کے لئے استعمال نہیں کرسکتی: سندھ ہائی کورٹ

    متنازع ٹی 10 لیگ کسی پاکستانی شہر کا نام اپنے مفاد کے لئے استعمال نہیں کرسکتی: سندھ ہائی کورٹ

    کراچی: متنازع ٹی 10 لیگ اب پاکستان کے کسی شہرکا نام اپنےمفاد کے لئے استعمال نہیں کرسکتی.

    تفصیلات کے مطابق سندھ ہائی کورٹ کے فیصلے نے ٹی 10 لیگ پر پاکستانی شہر وں کے نام استعمال کرنے پر پابندی عائد کر دی.

    عدالتی فیصلے کے مطابق ٹی ٹین لیگ میں کراچی، کراچینز یا اس سے ملتےجلتے نام استعمال نہیں کیے جائیں گے.

    عدالت کے مطابق کراچی، کراچینز، کنگز  یا اس سے  ملتے جلتے ناموں کے اشتہارات بھی جاری نہیں کیے جا سکتے.

    متنازع ٹی 10 لیگ انتظامیہ کی جانب سےکراچی یا ملتے جلتے نام استعمال نہ کرنے کی یقین دہانی کروائی گئی ہے.

    عدالت میں استغاثہ کے دلائل پر وکیل صفائی کے پاس نہ تو کوئی دلیل تھی نہ کوئی جواب تھا، ٹی ٹین انتظامیہ کو عدالتی فیصلہ ماننا پڑا۔

    تجزیہ کاروں نے سندھ ہائیکورٹ کے فیصلے کو قابل ستائش قرار دیتے ہوئے کہا ہے کہ اس سے پاکستانی کرکٹ کے مالی مفادات محفوظ ہوں گے.

    واضح رہے کہ ٹی 10 لیگ پہلے ہی  کئی مشکلات کا شکار ہے، گذشتہ دونوں ٹی ٹین لیگ کے پہلے سیزن کا بڑا اسکینڈل سامنے آیا، جب آئی سی سی نے کرپشن کے الزامات پر  سابق سری لنکن کرکٹر دلہارا لوکوہیٹگے کو معطل کر دیا تھا.

    یاد رہے کہ آل راؤنڈر شعیب ملک نے بھی گذشتہ دونوں‌ٹی 10 لیگ نہ کھیلنے کا اعلان کیا تھا، پاکستان کرکٹ بورڈ بھی متنازع لیگ پر تحفظات کا اظہار کر چکا ہے، جب کہ اس کے لیے فنڈنگ کا معاملہ بھی واضح نہیں۔

  • آل راؤنڈرعماد وسیم نے ٹی ٹین لیگ کا بائیکاٹ کردیا

    آل راؤنڈرعماد وسیم نے ٹی ٹین لیگ کا بائیکاٹ کردیا

    کراچی: قومی کرکٹ ٹیم کے آل راؤنڈر عماد وسیم نے بھی متنازع ٹی ٹین لیگ کا بائیکاٹ کردیا۔

    تفصیلات کے مطابق قومی کرکٹ ٹیم کے اسٹار آل راؤنڈر عماد وسیم نے ٹی ٹین لیگ کا بائیکاٹ کرتے ہوئے کہا ہے کہ  سی ای او اے آر وائی ڈیجیٹل نیٹ ورک سلمان اقبال کی کرکٹ کے لیے بے شمار خدمات ہیں، ٹی ٹین کے فیصلے پر سلمان اقبال کو سپورٹ کرتا ہوں۔

    عماد وسیم نے کہا کہ کراچی کنگز کے مالک سلمان اقبال کا ساتھ دینے کا فیصلہ میرا ہے جس پر فخر ہے، بطور کھلاڑی ٹی ٹین لیگ کے فیصلے پر سلمان اقبال کو سپورٹ کرتے ہیں اور ان کے ساتھ کھڑے ہیں۔

    واضح رہے کہ آل راؤنڈر عماد وسیم انجری سے مکمل صحت یابی کے بعد ایک بار پھر ایکشن میں دکھائی دیں گے، انہیں آسٹریلیا کے خلاف ٹی ٹوئنٹی سیریز کے لیے قومی ٹیم میں شامل کیا گیا ہے۔

    عماد وسیم نے 19 جولائی 2015 کو سری لنکا کے خلاف اپنے ون ڈے کیریئر کا آغاز کیا تھا، عماد 30 ون ڈے اور 25 ٹی ٹوئنٹی انٹرنیشنل میچز میں قومی ٹیم کی نمائندگی کرچکے ہیں۔

    مزید پڑھیں: ٹی ٹین لیگ کو ایک اور بڑا دھچکا، افغان کرکٹرز لیگ میں حصہ نہیں لیں گے

    دوسری جانب کرکٹ میں کرپشن کا نیا اسیکنڈل سامنے آنے کے بعد ٹی ٹین لیگ پر کئی سوالات اٹھ گئے ہیں، تجزیہ کاروں نے سوال کیا ہے کہ انٹرنیشنل کرکٹ فکسنگ سے محفوظ نہیں تو کیا ٹی ٹین لیگ جیسی متنازع لیگ کرپشن سے پاک ہوسکتی ہے۔

  • سابق بھارتی کپتان اظہرالدین کا متنازع ٹی 10 لیگ سے دور رہنے کا فیصلہ

    سابق بھارتی کپتان اظہرالدین کا متنازع ٹی 10 لیگ سے دور رہنے کا فیصلہ

    ممبئی:  تنازعات میں گھری ٹی ٹین لیگ کی مشکلات میں مزید اضافہ ہوگا، سابق بھارتی کپتان نے لیگ سے  دور رہنے کا اعلان کر دیا.

    تفصیلات کے مطابق ٹی ٹین لیگ سے متعلق ایک اور  تنازع سامنے آگیا، لیجنڈ کرکٹر اظہر الدین  نے لیگ کی پیش کش رد کر دی.

    سابق بھارتی کپتان نے ٹویٹر پر اپنے خیالات کا اظہار کرتے ہوئے کہا کہ "مجھےٹی ٹین لیگ سے ڈائریکٹر ٹیلنٹ ہنٹ کی پیش کش تھی، مگر متنازع میڈیا رپورٹس سے گھری ٹی ٹین لیگ سےدوررہنا بہترہے.”

    مزید پڑھیں: ٹی ٹین لیگ: چیئرمین پی سی بی کے تحفظات کا اب تک جواب نہیں مل سکا

    یاد رہے کہ پی سی بی چیئرمین نے گذشتہ دونوں‌نیوز کانفرنس کے دوران کہا تھا کہ ٹی 10 لیگ سے متعلق معلومات میسر نہیں کہ ان کے اسپانسرز کون ہیں، فرنچائز کس کے پاس ہے، لیگ کے لیے پیسا کہاں سے آ رہا ہے، تسلی ہونے تک اپنے کھلاڑی ٹی 10 لیگ میں نہیں بھیجے جائیں گے۔

    واضح رہے کہ سابق کپتان آصف اقبال نے ٹی ٹین لیگ پر تحفظات کا اظہار کرتے ہوئے اسے تماشا قرار دیا تھا، دوسری جانب سابق ٹیسٹ کرکٹر سرفرازنواز کی جانب سے لیگ پرپابندی لگانے کا مطالبہ سامنے آیا ہے.

  • ٹی 10 لیگ: چیئرمین پی سی بی کے تحفظات کا اب تک جواب نہیں مل سکا

    ٹی 10 لیگ: چیئرمین پی سی بی کے تحفظات کا اب تک جواب نہیں مل سکا

    اسلام آباد: ٹی ٹین لیگ پر چیئرمین پی سی بی احسان مانی کے تحفظات کا اب تک کوئی جواب نہیں مل سکا.

    تفصیلات کے مطابق چیئرمین پی سی بی  کے ٹی ٹین لیگ کے کرتا دھرتاؤں کے بارے میں اٹھائے جانے والے اعتراضات کا کوئی جواب نہیں‌ آیا.

    احسان مانی کہتے ہیں کہ نہ تو لیگ کے مالک کا پتا ہے، نہ ہی آرگنائزر کاعلم ہے، یہ بھی واضح نہیں کہ پیسہ کہاں سےآرہا ہے، ورلڈ کپ سے قبل پاکستانی کھلاڑیوں کو تحفظ دینا ضروری ہے۔

    تجزیہ کاروں کے مطابق تحفظات کےباوجود چند عناصر ٹی ٹین لیگ کو قانونی قرار دلوانے کے لیے سرگرم ہیں، پہلے مخالفت کرنے والے اب حامی بن گئے ہیں.

    مزید پڑھیں: ٹی ٹین کوئی کرکٹ لیگ نہیں، ایسے فارمیٹ سے مطمئن نہیں، سابق کرکٹرز

    کرکٹ مبصرین ٹی ٹین کرکٹ لیگ کے میچ فکسرز کی جنت بننے کے خدشات بھی ظاہر کر رہے ہیں، کیوں کہ اس میں چیک اینڈ بیلنس کا واضح نظام موجود نہیں. لیگ آئی سی سی کے اینٹی کرپشن یونٹ سے بھی آزاد ہے۔

    یاد رہے کہ سابق کپتان آصف اقبال نے ٹی ٹین لیگ کو تماشا قرار  دیا ہے۔ دوسری جانب سابق ٹیسٹ کرکٹر سرفرازنوازنے  آئی سی سی سے لیگ پرپابندی لگانے کا مطالبہ کردیا.