ARYNews.tv | Urdu – Har Lamha Bakhabar

Tag: T20 Series

  • فخر زمان کی شاندار نصف سنچری : پاکستان نے ٹی ٹوینٹی سیریز جیت لی

    فخر زمان کی شاندار نصف سنچری : پاکستان نے ٹی ٹوینٹی سیریز جیت لی

    ڈھاکا : ٹی ٹوئنٹی سیریز کے دوسرے میچ میں پاکستان نے فخر زمان کی شاندار نصف سنچری کی بدولت بنگلہ دیش کو8وکٹوں سے شکست دے کر سیریز اپنے نام کرلی۔

    قومی ٹیم نے 109 رنز کا ہدف 18 ویں اوور میں مکمل کرلیا اور اس کے دو کھلاڑی آؤٹ ہوئے، گرین شرٹس کو سیریز میں 0-2 کی برتری حاصل ہوگئی ہے۔

    پاکستان بنگلا دیش کےخلاف دوسرے ٹی 20میچ میں 8وکٹوں سے کامیاب ہوا، فخر زمان کی ناقابل شکست نصف سنچری اسکور کی جبکہ محمد رضوان نے39 رنز بنائے۔

    فخر زمان کے 56رنزکی اننگز میں 3چھکے اور2چوکے شامل ہیں، شاہین شاہ آفریدی اور شاداب خان نے 2 ،2 وکٹیں حاصل کیں۔

    تفصیلات کے مطابق پاکستان اور بنگلہ دیش کے درمیان دوسرا ٹی ٹوئنٹی میچ شیر بنگلہ اسٹیڈیم ڈھاکا میں کھیلا گیا، جہاں بنگلا دیش کپتان محمداللہ نے ٹاس جیت کر پہلے بیٹنگ کا فیصلہ کیا۔

    شاہینوں کی نپی تلی بولنگ کے سامنے بنگلہ دیش کے بیٹرز بڑا اسکور کرنے میں ناکام رہے، اور وہ وقفے وقفے سے وکٹ گنواتے رہے، بنگلا دیش نے مقررہ اوورزمیں7 وکٹوں پر108 رنزبنائے۔

  • گرین شرٹس نے نئے معرکے کیلئے کمر کس لی

    گرین شرٹس نے نئے معرکے کیلئے کمر کس لی

    سنچورین: پاکستان اور جنوبی افریقا کے درمیان چار میچوں پر مشتمل ٹی ٹوئنٹی سیریز کا پہلا میچ کل جوہانسبرگ میں کھیلا جائے گا۔

    تفصیلات کے مطابق ون ڈے سیریز اپنے نام کرنے کےبعد گرین شرٹس نے ٹی20پر نظریں مرکوز کرلی ہے، اعتماد سےبھرپور بابراعظم ٹی20سیریز جیتنے کیلئے پرعزم ہیں۔

    پاکستان اور جنوبی افریقا کے درمیان ٹی20سیریزکاپہلا میچ کل کھیلا جائے گا، پاکستان کے خلاف ٹی ٹوئنٹی سیریز سے قبل میزبان جنوبی افریقی ٹیم کو دھچکا لگا ہے، پروٹیز بلے باز روسی وان ڈرڈسن ٹی ٹوینٹی سیریز سے باہر ہوگئے ہیں ، ڈسن تیسرے ون ڈے سے قبل سائیڈ اسٹرین کا شکار ہوئے تھے۔

    اس کے علاوہ جنوبی افریقی ٹیم کے کپتان ٹیمبا باووما بھی ان فٹ ہیں، کپتان ٹیمبا باووما ہیمسٹرنگ انجری کا شکار ہوئے جس کے بعد ان کی پاکستان کے خلاف ٹی ٹوئنٹی سیریز میں شرکت مشکوک ہوگئی ہے۔

    ٹی ٹوئنٹی میچز میں دونوں ٹیموں کا موازنہ کیا جائے تو پاکستان اور جنوبی افریقا کے درمیان اب تک17ٹی20میچزکھیلےگئے، نو میں جنوبی افریقہ اور8میں پاکستان نےکامیابی حاصل کی۔

    یہ بھی پڑھیں:  شاداب خان کی جگہ کس کھلاڑی کو ٹیم میں شامل کیا گیا؟

    دوسری جانب جنوبی افریقا کے خلاف پہلے ون ڈے میچ میں انجرڈ ہونے والے شاداب خان کی جگہ زاہد محمود کو ٹیم میں شامل کرلیا گیا، شاداب خان کو ڈاکٹرز نے چار ہفتے آرام کا مشورہ دیا ہے۔

    پاکستان اور زمبابوے کے درمیان تین میچوں پر مشتمل ٹی ٹوئنٹی سیریز 21 سے 25 اپریل تک ہرارے میں کھیلی جائے گی۔

  • پہلا ٹی ٹوئنٹی: پاکستان اور جنوبی افریقہ آج قذافی اسٹیڈیم میں مدمقابل ہونگے

    پہلا ٹی ٹوئنٹی: پاکستان اور جنوبی افریقہ آج قذافی اسٹیڈیم میں مدمقابل ہونگے

    لاہور: پاکستان اور جنوبی افریقا کے درمیان پہلا ٹی ٹوئنٹی انٹرنیشنل میچ کا میلہ آج لاہور کے قذافی اسٹیڈیم میں سجے گا۔

    تفصیلات کے مطابق میچ شام چھ بجے شروع ہوگا، دونوں ٹیموں کے درمیان سیریز کا دوسرا اور تیسرا ٹی ٹوئنٹی میچ 13 اور 14 فروری کو لاہور میں ہی کھیلا جائے گا۔

    مختصر فارمیٹ میں جنوبی افریقہ کا پاکستان کیخلاف پلڑابھاری ہے، دونوں ٹیموں کےدرمیان چودہ میچز ہوئے، جن میں سے آٹھ میں پروٹیز نےمیدان ماراجبکہ چھ پاکستان نےجیتے۔

    ہوم کنڈیشنز میں پاکستان کا ریکارڈ بھی شاندار ہے، قومی ٹیم نےپاکستان میں اٹھارہ ٹی ٹوئنٹی میچز کھیلے، جن میں سے سولہ میں فتح گرین شرٹ کے نام رہی جبکہ اسے چار میں شکست کا سامنا کرنا پڑا۔شاہینوں نےپاکستان میں کھیلتےہوئےگزشتہ پانچ ٹی ٹوئنٹی میں مسلسل کامیابی حاصل کی ہے، دوسری جانب جنوبی افریقا آخری چار ٹی ٹوئنٹی مقابلے میں کوئی میچ اپنے نام نہیں کرسکا ہے۔

      پروٹیز اسکواڈ 

    پاکستان کے خلاف ٹی ٹوئنٹی سیریز میں جنوبی افریقی ٹیم کی قیادت ہینرک کلیسن کریں گے، پروٹیز اسکواڈ میں ڈیوڈ ملر، ناندرے برگر، جونیئر ڈالا، ریزا ہینڈرکس شامل ہیں، اس کے علاوہ جورج، جالیمن ملان، ڈوئن پریٹورس، ریان، تبریز شمسی، لوتھو، اسموتس، پائٹ ویٹ ولجن بھی بھی ٹیم میں شامل ہیں۔

    گرین شرٹ اسکواڈ

    بابر اعظم ٹی20سیریز میں ٹیم کی قیادت کریں گے،دیگر کھلاڑیوں میں دانش عزیز، زاہد محمود ، عامر یامین، عماد بٹ، آصف علی، فہیم اشرف، حیدر علی، حارث رؤف شامل ہیں۔

    اس کے علاوہ حسین طلعت، افتخار احمد، خوشدل شاہ، محمد حسنین، محمد نواز، وکٹ کیپر بلے باز محمد رضوان، سرفراز احمد، شاہین شاہ آفریدی، عثمان قادر اور ظفر گوہر کو پروٹیز کے خلاف ٹی ٹوئنٹی اسکواڈ میں شامل کیا گیا ہے۔

    واضح رہے کہ پاکستان نے جنوبی افریقا کے خلاف کراچی ٹیسٹ 7 وکٹ اور پنڈی ٹیسٹ 95 رنز سے جیت کر مہمان ٹیم کو کلین سوئپ شکست دی تھی۔

  • آسٹریلیا نے سری لنکا کے خلاف ٹی 20 سیریز اپنے نام کرلی

    آسٹریلیا نے سری لنکا کے خلاف ٹی 20 سیریز اپنے نام کرلی

    برسبین: آسٹریلیا نے دوسرے ٹی 20 میچ میں سری لنکا کو 9 وکٹوں سے شکست دے کر تین میچز کی سیریز میں 2-0 کی فیصلہ کن برتری حاصل کرلی۔

    تفصیلات کے مطابق برسبین میں کھیلے جانے والے دوسرے ٹی 20 میچ میں سری لنکن ٹیم پہلے بیٹنگ کرتے ہوئے 117 رنز پر آل آؤٹ ہوگئی، جواب میں آسٹریلوی بلے بازوں نے ہدف 13 اوورز میں حاصل کرلیا۔

    اوپنر ڈیوڈ وارنر اور اسٹیو اسمتھ نے شاندار نصف سنچریاں اسکور کرکے 118 رنز کا ہدف ایک وکٹ کے نقصان پر حاصل کرلیا۔

    ڈیوڈ وارنر نے 9 چوکوں کی مدد سے 60 رنز کی ناقابل شکست اننگز کھیلی، اسٹیو اسمتھ 53 رنز بنا کر ناٹ آؤٹ رہے۔

    مزید پڑھیں: سری لنکن بولر کا ٹی 20 میں نیا عالمی ریکارڈ

    سری لنکا کی جانب سے آسٹریلیا کی واحد وکٹ ایرون فنچ کی لیستھ ملنگا نے حاصل کی، آسٹریلوی کپتان ایرون فنچ بغیر کوئی رن بنائے پویلین لوٹ گئے۔

    ٹی ٹوینٹی اسکواڈ میں واپسی کرنے والے آسٹریلوی اوپنر لگاتار دوسرے میچ میں بھی مین آف دی میچ قرار پائے۔

    سری لنکا کی جانب سے پریرا 27 رنز بنا کر نمایاں رہے، اوپنر گناتھلاکا نے 21 رنز بنائے، سری لنکن ٹیم کے پانچ کھلاڑی ڈبل فگر میں بھی داخل نہ ہوسکے۔

    آسٹریلیا کی جانب سے اسٹین لیک، پیٹ کمنز اور ایڈم زمپا نے دو، دو وکٹیں حاصل کیں۔

    واضح رہے کہ آسٹریلیا اور پاکستان کے درمیان تین میچوں کی ٹی 20 سیریز کا آغاز 3 نومبر سے ہوگا، قومی ٹیم آسٹریلیا کے خلاف 2 ٹیسٹ میچوں کی سیریز بھی کھیلے گی۔

  • سری لنکا کے خلاف ٹی 20 سیریز کے لیے قومی ٹیم کا اعلان

    سری لنکا کے خلاف ٹی 20 سیریز کے لیے قومی ٹیم کا اعلان

    لاہور: سری لنکا کے خلاف سیریز کے لیے قومی ٹی 20 کرکٹ ٹیم کا اعلان کردیا گیا، ون ڈے کھیلنے والے اسکواڈ میں 3 تبدیلیاں کی گئی ہیں۔

    تفصیلات کے مطابق سری لنکا کے خلاف سیریز کے لیے قومی ٹی 20 کرکٹ ٹیم کا اعلان کردیا گیا۔ ہیڈ کوچ مصباح الحق نے 16 رکنی ٹیم کا اعلان کیا۔

    ٹیم کے زیادہ تر پلیئر ون ڈے اسکواڈ والے ہی ہیں جس میں صرف 3 تبدیلیاں کی گئی ہیں۔ عابد علی، امام الحق اور محمد رضوان کو ٹی 20 اسکواڈ سے باہر کردیا گیا۔ امام الحق کو انجری کی وجہ سے ٹی 20 سیریز میں شامل نہیں کیا گیا۔

    ان کی جگہ احمد شہزاد، عمر اکمل اور فہیم اشرف کو ٹی 20 اسکواڈ میں شامل کرلیا گیا۔ سرفراز احمد کپتان اور بابر اعظم نائب کپتان مقرر کیے گئے ہیں۔

    ٹی 20 ٹیم کے دیگر کھلاڑیوں میں آصف علی، فخر زمان، محمد حسنین، حارث سہیل، افتخار احمد، عماد وسیم، محمد نواز، محمد عامر، شاداب خان، عثمان شنواری اور وہاب ریاض بھی اسکواڈ کا حصہ ہیں۔

    دونوں ٹیموں کے درمیان 3 ون ڈے انٹرنیشنل میچز کی سیریز کا پہلا میچ شیڈول کے مطابق جمعہ کو کراچی میں ہونا تھا جو بارش کے باعث منسوخ کر دیا گیا تھا۔

    موسم کی صورتحال کو دیکھتے ہوئے پاکستان کرکٹ بورڈ نے دوسرے میچ کا شیڈول تبدیل کر دیا اور دوسرا ون ڈے میچ 30 ستمبر کو کھیلا گیا۔

    دوسرے ون ڈے میں پاکستان نے مہمان ٹیم کو 67 رنز سے شکست دے کر سیریز میں 0-1 کی برتری حاصل کرلی تھی۔

    ون ڈے سیریز کے بعد دونوں ٹیموں کے درمیان 3 ٹی ٹونٹی میچز کی سیریز کا آغاز 5 اکتوبر سے لاہور میں ہوگا۔ تینوں ٹی 20 میچز 5، 7 اور 9 اکتوبر کو قذافی اسٹیڈیم لاہور میں کھیلے جائیں گے۔

    یاد رہے کہ سری لنکن ٹیم 10 سال بعد پاکستان آئی ہے، مہمان ٹیم کےلئے سیکیورٹی کے فول پروف انتظامات کیے گئے ہیں۔

  • سابق ٹی ٹوئنٹی چیمپیئن ویسٹ انڈیز ویمنز ٹیم پندرہ سال بعد کراچی پہنچ گئی

    سابق ٹی ٹوئنٹی چیمپیئن ویسٹ انڈیز ویمنز ٹیم پندرہ سال بعد کراچی پہنچ گئی

    کراچی : سابق ٹی ٹوئنٹی چیمپیئن ویسٹ انڈیز خواتین ٹیم پندرہ سال بعد کراچی پہنچ گئی، ویسٹ انڈیز ٹیم کی کپتان کا کہنا ہے پاکستان کے دورے کیلئے پر جوش ہیں، خوشی ہے کہ ہم پاکستان میں کرکٹ واپس لانے میں کردار ادا کر رہے ہیں، ہمارےپاکستان آنےسےدوسری ٹیموں کا حوصلہ بڑھےگا۔

    تفصیلات کے مطابق سابق ٹی ٹوئنٹی چیمپیئن ویسٹ انڈیز ویمنز ٹیم ٹی ٹوئنٹی سیریز کیلئے دبئی سےکراچی پہنچ گئی، ویسٹ انڈیز ٹیم کی قیادت میریسا ایگیولیرا کررہی ہیں۔

    اس موقع پر ایئر پورٹ پر سیکیورٹی کے سخت انتظامات مکمل کرلئے گئے ہیں، مہمان ٹیم کو سیکیورٹی حصار میں ایئرپورٹ سے ہوٹل پہنچایا جائےگا، دونوں ٹیموں کی کپتان ٹرافی کی تقریب رونمائی میں شرکت کریں گی۔

    ویسٹ انڈین ٹیم کی کپتان میریسا نے دبئی ایئرپورٹ پربات چیت کرتے ہوئے کہا تھا پاکستان کیخلاف ٹی ٹوئنٹی سیریزکیلئےکھلاڑی پرجوش ہیں، امید ہ ےپاکستان ٹیم سےاچھی سیریز ثابت ہوگی۔

    مریسا کا کہنا تھا کہ ہمیں 2020 کے ٹی20 ورلڈکپ کی تیاری کرنی ہے ، پاکستان کو آسان حریف نہیں سمجھتے۔

    دوسری جانب سابق ٹی ٹوئنٹی چیمپیئنز ویسٹ انڈیز کا سامنا کرنے کیلئے پاکستان ویمنز ٹیم نے بھی تیاریاں مکمل کرلی ہے، کپتان بسمہ معروف کا کہنا ہے کہ پاور ہٹنگ پر کافی محنت کی گئی ہے ۔

    تیز ترین فارمیٹ میں دونوں ٹیمیں اکتیس جنوری سے لیکر تین فرروی تک کراچی میں مدمقابل ہوں گی، ویسٹ انڈیز کےخلاف ٹی ٹوئنٹی سیریز کا پہلا میچ31جنوری، دوسرا یکم اور تیسرا میچ 3 فروری کو ہوگا جبکہ ون ڈے سیریز کے میچز7سے11فروری تک دبئی میں شیڈول ہیں۔

    خیال رہے پندرہ سال پہلے 2004 میں ویسٹ انڈیز نے شہر قائد میں ون ڈے اور ٹیسٹ میچز کی سیریز کھیلی تھی، جس کے دوران ٹیسٹ سیریز کسی نتیجے کے بغیر ختم ہوگئی تھی 7 میچز پر مشتمل ون ڈے سیریز ویسٹ انڈیز نے 5-2 سے اپنے نام کی تھی۔

  • نیوزی لینڈ کرکٹ بورڈ نے ٹیم پاکستان بھیجنے سے معذرت کرلی

    نیوزی لینڈ کرکٹ بورڈ نے ٹیم پاکستان بھیجنے سے معذرت کرلی

    آکلینڈ: نیوزی لینڈ کرکٹ بورڈ نے رواں سال ٹیم پاکستان بھیجنے سے معذرت کرلی، پی سی بی نے نیوزی لینڈ کو ٹی ٹوئنٹی سیریز پاکستان میں کھیلنے کی دعوت دی تھی۔

    تفصیلات کے مطابق نیوزی لینڈ کرکٹ بورڈ نے رواں سال تین ٹی ٹوئنٹی میچز کے لیے ٹیم پاکستان بھیجنے سے معذرت کرلی ہے، اکتوبر میں پی سی بی کی میزبانی میں پاکستان اور نیوزی لینڈ کے درمیان سیریز متحدہ عرب امارات میں کھیلی جائے گی۔

    نیوزی لینڈ کرکٹ بورڈ کے سربراہ کا کہنا ہے کہ پاکستان میں ضرور کھیلیں گے لیکن ابھی وقت مناسب نہیں ہے، پاکستان کے حالات پہلے سے بہتر ہیں لیکن ابھی دورہ نہیں کرسکتے سیکیورٹی ماہرین نے پاکستان کے حالات مزید بہتر ہونے کا انتظار کرنے کی ہدایت کی ہے۔

    نیوزی لینڈ کرکٹ بورڈ کے چیئرمین گریگ بارلے نے کہا کہ ہمیں معلوم ہے پاکستان کرکٹ بورڈ کو اس فیصلے سے مایوسی ہوگی تاہم جیسے ہی پاکستان کے حالات مزید بہتر ہوں گے ٹیم پاکستان کا دورہ ضرور کرے گی۔

    واضح رہے کہ پاکستان اور نیوزی لینڈ کی ٹیموں کے درمیان تین ٹیسٹ، تین ون ڈے اور تین ٹی ٹوینٹی میچز کی سیریز اکتوبر میں کھیلی جائے گی، پی سی بی نے تین ٹی ٹوینٹی میچز پاکستان میں کھیلنے کی درخواست کی تھی۔

    خیال رہے کہ نیوزی لینڈ کی ٹیم نے 2003 میں پاکستان کا دورہ کیا تھا تاہم کراچی کے ہوٹل میں ہونے والے بم دھماکے کے سبب نیوزی لینڈ کی ٹیم دورہ ادھورا چھوڑ کر واپس وطن روانہ ہوگئی تھی۔

    یاد رہے کہ 2009 میں لاہور میں سری لنکن ٹیم پر ہونے والے حملے کے بعد سے پاکستان میں کرکٹ نہیں کھیلی گئی تھی جبکہ ویسٹ انڈیز وہ واحد ٹیم ہے جس نے رواں سال پاکستان کا دورہ کیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پاکستان نے سہ ملکی ٹی ٹوینٹی سیریز جیت لی،آرمی چیف کی مبارکباد

    پاکستان نے سہ ملکی ٹی ٹوینٹی سیریز جیت لی،آرمی چیف کی مبارکباد

    ہرارے : پاکستان نے سہ ملکی ٹی20سیریزجیت لی، آسٹریلیا کو چھ وکٹوں سے شکست کا سامنا کرنا پڑا، آرمی چیف نےقومی ٹیم کو پہلی پوزیشن برقرار رکھنےپر بھی مبارکباد دی ہے۔

    تفصیلات کے مطابق ہرارے میں کھیلے جانے والی سہ ملکی ٹی ٹوینٹی سیریز میں آسٹریلیا کو ہرا کر ٹرافی اپنے نام کرلی، آسٹریلیا نے ٹاس جیت کر پہلے بیٹنگ کا فیصلہ کیا۔

    آسٹریلیا نے پاکستان کو جیت کیلئے184رنزکا ہدف دیا تھا، جواب میں پاکستان کا آغاز مایوس کن رہا اور پہلے ہی اوور میں دو وکٹیں گرگئیں۔ جس کے بعد فخر زمان نے پوری ذمہ داری کے ساتھ بیٹنگ کرتے ہوئے شاندار 91رنز اسکور کیے، فخرزمان نے12 چوکوں اور3چھکوں کی مدد سے91رنز بنائے۔

    کپتان سرفرازاحمد نے28رنزبنائے جبکہ شعیب ملک43،آصف علی17رنز بنا کرناٹ آؤٹ رہے۔ پاکستان نے184 رنز کا ہدف آخری اوور کی دو گیندوں تک حاصل کیا، شاہینوں کی فتح کے بعد پاکستان کی ٹی20رینکنگ میں پہلی پوزیشن مزید مستحکم ہوگئی ہے۔

    فخر زمان نے اس سہ ملکی سیریز میں مجموعی طور پر278رنز اسکور کیے،انہیں مین آف دی سیریز کا اعزاز دیا گیاہے جبکہ آج کے میچ میں بہترین بیٹنگ کرتے ہوئے شاندار91رنز کے باعث بہترین کھلاڑی کا اعزاز بھی انہوں نے اپنے نام کیا۔

    آرمی چیف اور دیگر سیاسی رہنماؤں کی قومی ٹیم کو مبارکباد

    ہرارے میں شاہینوں کی جانب سے کینگروز کو ہرانے اور سہ ملکی ٹی20سیریزجیتنے پرآرمی چیف جنرل قمر باجوہ نے قومی ٹیم کو مبارکباد پیش کی ہے انہوں نے اپنے پیغام میں کہا ہے کہ پاکستان پرامن اورکھیل سےمحبت کرنےوالاملک ہے۔

    علاوہ ازیں چیئرمین پی پی بلاول بھٹو، چیئرمین پی ٹی آئی عمران خان اور چیئرمین پی سی بی نجم سیٹھی نے بھی قومی کرکٹ ٹیم کو مبارکباد پیش کی ہے۔

    عمران خان کا کہنا ہے کہ قومی ٹیم نے عمدہ کھیل کا مظاہرہ کیا، پوری قوم کی دعائیں اور نیک تمنائیں قومی ٹیم کے ساتھ ہیں، جیت پر کپتان سرفراز کو خصوصی مبارکباد دیتا ہوں انہوں نے ٹیم کی بہترین انداز میں قیادت کی۔

    بلاول بھٹو نے کہا کہ قومی ٹیم نےسہ فریقی سیریزجیت کرعوام کو بڑی خوشی دی ہے۔ چیئرمین پی سی بی نجم سیٹھی نے اپنے پیغام میں کہا کہ قومی کرکٹ ٹیم نےبہترین کھیل پیش کیا۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • ٹی20 سیریز: سنسنی خیزمقابلہ، افغانستان نے بنگلہ دیش کو ایک رن سے ہرا دیا

    ٹی20 سیریز: سنسنی خیزمقابلہ، افغانستان نے بنگلہ دیش کو ایک رن سے ہرا دیا

    دہرادون : افغانستان نے تیسرے ٹی ٹوینٹی میچ میں بنگلادیش کو وائٹ واش کردیا، راشد خان سیریز میں 8وکٹیں حاصل کرکے کامیاب کھلاڑی قرار پائے۔

    تفصیلات کے مطابق بھارتی ریاست دہرادون میں جاری افغانستان اور بنگلہ دیش کے درمیان کھیلے جارہے سیریز کے تیسرے ٹی ٹوینٹی میچ میں افغانستان کی ٹیم چھاگئی۔

    راشد خان کی شاندار بولنگ کی بدولت افغانستان نے بنگلہ دیش کو ٹی ٹوئنٹی سیریز میں وائٹ واش کردیا، سیریز جیتنے کے بعد تیسرے ٹی ٹوئنٹی میں بھی بنگلہ دیش کی ٹیم کم بیک نہ کرسکی۔

    افغانستان نےتیسراٹی 20آخری گیند پر جیتا تیسرے میچ میں افغانستان نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر ایک سو پینتالیس رنزبنائے۔ جس میں سمیع اللہ شنواری 33 رنز کے ساتھ سرفہرست رہے جبکہ اصغر 27 رنز کے ساتھ دوسرے اور محمد شہزاد 26 رنز کے ساتھ تیسرے نمبر پر رہے۔

    جواب میں بنگلہ دیش کے اوپنرز لیٹن داس اور تمیم اقبال نے میدان میں اتر کر کھیل کا آغاز کیا لیکن تمیم اقبال صرف 5 رنز اور لیٹن داس12رنز بناکر ہی پویلین لوٹ گئے، بنگلہ دیش کی ٹیم 144رنز بنا سکی۔

    میچ سنسنی خیز مقابلے کے بعد افغانستان کی ٹیم نے ایک رن سے جیتا، آخری اوور میں بنگلہ دیش کو آٹھ رنز درکار تھے، راشد خان نے بہترین بولنگ کی اور ٹیم کو کامیابی دلائی۔ آٹھ وکٹیں لینے کی بدولت راشد خان سیریز کے بہترین کھلاڑی بھی قرار پائے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • نیوزی لینڈ نے ٹی 20 سیریزجیت لی، پاکستان رینکنگ میں پہلی پوزیشن سے محروم

    نیوزی لینڈ نے ٹی 20 سیریزجیت لی، پاکستان رینکنگ میں پہلی پوزیشن سے محروم

    ماؤنٹ مانگنوئی : نیوزی لینڈ نے ویسٹ انڈیز کے خلاف ٹی ٹوئنٹی سیریز جیت لی، پاکستان آئی سی سی رینکنگ میں پہلی پوزیشن سے محروم ہوگیا۔

    تفصیلات کے مطابق ویسٹ انڈیز اورنیوزی لینڈ کی کرکٹ ٹیموں کے درمیان کھیلی جانے والی ٹی 20 سیریز نیوزی لینڈ نے جیت لی، تیسرے ٹی ٹوئنٹی کا میلہ نیوزی لینڈ کے جارحانہ مزاج بیٹسمین کولن منرو نے لوٹ لیا۔

    نیوزی لینڈ نے ٹاس جیت کر پہلے بیٹنگ کا فیصلہ کیا تو اوپنرز مارٹن گپتل اور کولن منرو نے ویسٹ انڈین بولرز کی خوب درگت بنائی، گپتل نے نصف سنچری اسکورکی۔

    کولن منرو نے تریپن گیندوں پر10 چھکوں اور 3 چوکوں کی مدد سے 104 رنز کی دھواں دھار اننگز کھیلی، نیوزی لینڈ نے مقررہ بیس اوورز میں 5 وکٹوں پر 243 رنزبنائے، یہ کیویز کا ٹی ٹوئنٹی میں بہترین اسکور ہے۔

    جواب میں ویسٹ انڈیز کا آغاز مایوس کن رہا، گیل کا بلا بھی خاموش رہا  ویسٹ انڈیز کی ٹیم 124رنزپر ڈھیر ہوگئی۔ اس جیت کے بعد نیوزی لینڈ آئی سی سی کی ٹی ٹوئنٹی رینکنگ میں پاکستان سے پہلی پوزیشن چھین لی ہے۔

    یاد رہے کہ نومبر2017 میں بھارت سے سیریز ہارنے کے بعد نیوزی لینڈ آئی سی سی ٹی ٹوئنٹی رینکنگ میں پہلی پوزیشن سے محروم ہوگیا تھا، نیوزی لینڈ کی بھارت کے ہاتھوں سیریز میں دو ایک سے ناکامی نے پاکستان کو دنیا کی بہترین ٹیم بنا دیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔