Tag: T20 world cup

ٹی 20 ورلڈ کپ 2024 کی چیمپئن بھارتی ٹیم ٹرافی کے ساتھ خصوصی طیارے کے ذریعے وطن واپسی کے لیے روانہ ہوگئی ہے۔

ٹی 20 ورلڈ کپ جیتنے کے بعد بھارتی ٹیم جو بارباڈوس میں آنے والے سمندری طوفان اور خراب موسمی حالات کے باعث پھنس گئی تھی اب تین روز کی تاخیر کے بعد وطن واپس روانہ ہوگئی ہے۔

چیمپئن ٹیم کی واپسی کے لیے بھارتی کرکٹ بورڈ نے خصوصی طیارہ بھیجا تھا جو تمام کھلاڑیوں اور ٹیم منیجمنٹ کو لے کر جمعرات کی علی الصباح دہلی پہنچے گا۔

بھارتی بورڈ نے 20 سے زائد صحافیوں کو بھی چارٹرڈ فلائٹ سے وطن روانگی کی پیشکش کی تھی اور وہ بھی اسی پرواز کے ذریعے کھلاڑیوں کے ہمراہ بھارت واپس آ رہے ہیں۔

واضح رہے کہ بھارتی ٹیم نے روہت شرما کی قیادت میں ہفتہ 29 جون کو بارباڈوس میں جنوبی افریقہ کو ٹی 20 ورلڈ کپ کے فائنل میں سنسنی خیز مقابلے کے بعد 7 رنز سے شکست دے کر دوسری بار عالمی چیمپئن بننے کا اعزاز حاصل کیا تھا۔

بلیو شرٹس سے پہلے سے طے شدہ شیڈول کے مطابق پیر کے روز نیویارک روانہ ہونا تھا جہاں سے انہیں بھارت واپس پہنچنا تھا۔

تاہم سمندری طوفان نے ٹیم کی واپسی میں رخنہ ڈالا، جس کے باعث بی سی سی آئی نے چارٹرڈ طیارہ ویسٹ انڈیز بھیجا اور ٹیم براہ راست اپنے وطن پہنچے گی۔

https://urdu.arynews.tv/t20-world-cup-indian-teams-homecoming-delayed-three-new-players-included-in-zimbabwe-tour/

بارباڈوس میں سمندری طوفان کے باعث ٹی ٹوئنٹی ورلڈ کپ 2024 کی فاتح انڈین ٹیم کی وطن واپسی میں تاخیر سے تین بھارتی کھلاڑیوں کی قسمت چمک اٹھی۔

بھارتی ٹیم جنہوں نے گزشتہ ہفتے کے روز جنوبی افریقہ کو ٹی ٹوئنٹی ورلڈ کپ کے فائنل میں سنسنی خیز مقابلے کے بعد سات رنز سے شکست دے کر دوسری بار ٹی ٹوئنٹی کرکٹ کا عالمی چیمپئن ہونے کا اعزاز حاصل کیا۔

تاہم ٹرافی اٹھانے کے بعد بھارتی ٹیم اپنے ہوٹل میں مقید ہوگئی ہے اور اس کی وطن واپسی میں طے شدہ پروگرام کے مطابق دو روز کی تاخیر ہوچکی ہے۔ وہاں بھارتی ٹیم اپنے وطن جانے کے لیے بے تاب تو یہاں بھارتی اپنی ٹیم کی فتح کا کھلاڑیوں کے ہمراہ جشن منانے کے لیے پرجوش ہیں۔

تاہم کہا جاتا ہے کہ جو بھی ہوتا ہے اچھے کے لیے ہوتا ہے تو اسی مثل کے مصداق چیمپئن ٹیم کا طوفان کے باعث بارباڈوس میں رکنا تین بھارتی کھلاڑیوں  کی قسمت چمکا گیا اور انہیں زمبابوے کے خلاف رواں ماہ کھیلی جانے والی ٹی 20 سیریز میں شامل کر لیا گیا ہے۔

بی سی سی آئی کو بلیو شرٹس کی اس تاخیر کی وجہ سے رواں ماہ زمبابوے کے خلاف ٹی ٹوئنٹی سیریز کے لیے اعلان کردہ اسکواڈ میں تبدیلیاں کرنا پڑیں اور تین نئے کھلاڑیوں کو شامل کیا گیا ہے۔

دورہ زمبابوے پر شبھمن گل کی قیادت میں جانیوالی بھارتی ٹیم میں جیتیش شرما، ہرشت رانا اور سائی سدرشن کو شامل کیا گیا کو ورلڈ کپ اسکواڈ میں شامل سنجو سیمسن، شیوم دوبے اور یشسوی جیسوال کی جگہ پُر کریں گے۔

انڈین میڈیا کے مطابق سنجو سیمسن، شیوم دوبے اور یشسوی جیسوال کے علاوہ رنکو سنگھ اور خلیل احمد بھی ٹی ٹوئنٹی ورلڈ کپ جیتنے والی ہندوستانی ٹیم کے ساتھ بارباڈوس میں پھنسے ہوئے ہیں تاہم بی سی سی آئی نے آخر الذکر دونوں کے متبادل کا اعلان نہیں کیا ہے۔

جیتیش شرما، ہرشت رانا اور سائی سدرشن کو زمبابوے کے خلاف پہلے دو ٹی ٹوینٹی میچوں کے لیے ہی بھارتی ٹیم میں شامل کیا گیا ہے۔

سیریز کا آغاز 6 جولائی سے ہو رہا ہے اور ابتدائی دو میچز لگاتار 6 اور 7 جولائی کو ہوں گے۔

دورہ زمبابوے کے لیے بھارتی ٹیم ان کھلاڑیوں پر مشتمل ہے۔

شبھمن گل (کپتان)، ریتوراج گائیکواڑ، ابھیشیک شرما، رنکو سنگھ، دھرو جورل، ریان پراگ، واشنگٹن سندر، روی بشنوئی، آویش خان، خلیل احمد، مکیش کمار، تشار دیش پانڈے، جیتیش شرما ، ہرشیت رانا اور سائی سدرشن۔

https://urdu.arynews.tv/viral-video-sportsman-dies-of-heart-attack-during-match/

بنگلہ دیش کے نائب کپتان اور سینئر فاسٹ بولر تسکین احمد حالیہ ٹی 20 ورلڈ کپ میں بھارت کے خلاف نہ کھیل سکے جس کی دلچسپ وجہ اب سامنے آ گئی ہے۔

بنگلہ دیش نے گزشتہ ماہ امریکا اور ویسٹ انڈیز کی مشترکہ میزبانی میں کھیلے گئے ٹی 20 ورلڈ کپ میں سپر 8 مرحلے کے لیے کوالیفائی کیا، تاہم اس مرحلے میں بنگلہ دیشی نائب کپتان اور سینیئر فاسٹ بولر تسکین احمد بھارت کے خلاف اہم میچ نہیں کھیلے اور اس میچ میں بنگال ٹائیگرز کو صرف دو فاسٹ بولرز کے ساتھ میدان میں اترنا پڑا۔

تسکین احمد یہ اہم ترین میچ کیوں نہ کھیلے اس کی بڑی مگر دلچسپ وجہ اب سامنے آ گئی ہے۔

سونا (نیند کرنا) انسان کے لیے بہت ضروری ہے لیکن ہر چیز میں توازن ضروری ہے اور مثل بھی مشہور ہے کہ ’’جو سوتا ہے، وہ کھوتا (گنوا دینا) ہے‘‘۔

اس مثل کا اطلاق گزشتہ ماہ ٹی ٹوئنٹی ورلڈ کپ میں بنگلہ دیشی کرکٹر تسکین احمد پر ہوگیا جو ہوٹل میں سوتے رہ گئے جس کے باعث وہ بھارت کے خلاف اہم میچ میں ٹیم سے ہی آؤٹ کر دیے گئے۔

بھارت کے خلاف اہم میچ میں بنگلہ دیش کے سینیئر فاسٹ بولر اور نائب کپتان کو نہ کھلانے کی وجہ صرف ان کا ہوٹل میں دیگر تک سوتے رہنا بنا، جس کی وجہ سے وہ فائنل الیون  میں شامل نہیں کیے گئے۔

اس حوالے سے بنگلہ دیشی بورڈ کے ایک آفیشل کا کہنا ہے کہ بھارت کے خلاف سپر 8 کے میچ سے قبل تسکین ہوٹل میں اپنے کمرے میں سوتے رہے اور بر وقت ٹیم بس میں سوار نہ ہوسکے، جس کی وجہ سے ٹیم اس میچ میں صرف دو فاسٹ بولرز کے ساتھ میدان میں اتری۔

رپورٹ کے مطابق فاسٹ بولر تاخیر سے اسٹیڈیم پہنچ گئے تھے تاہم انہیں بطور سزا فائنل الیون میں شامل نہیں کیا گیا جب کہ تسکین نے احمد نے ٹیم انتظامیہ سے اپنی اس حرکت پر معافی مانگ لی۔

واضح رہے کہ مذکورہ میچ میں بھارت نے بنگلہ دیش کو 50 رنز سے شکست دے کر سیمی فائنل کی دوڑ سے باہر کر دیا تھا۔

https://urdu.arynews.tv/t20-world-cup-pakistan-worst-performance-gary-kirsten-submitted-report/

کلاسن کی دھواں دھار بیٹنگ اور ٹیم کو فتح کے بالکل قریب لے جانے کے باوجود جنوبی افریقہ ٹی 20 ورلڈ کپ کا فائنل ہار گیا سابق قومی کپتان نے پروٹیز کی غلطی کی نشاندہی کر دی۔

ایک مقامی نجی ٹی وی کے اسپورٹس پروگرام میں گفتگو کرتے ہوئے سابق قومی کپتان سلمان بٹ نے کہا کہ جب تک کلاسن کریز پر موجود تھا تو جنوبی افریقہ میچ جیت رہا تھا۔ اس نے ناقابل یقین بیٹنگ کر کے ہر ایک کو حیران اور پریشان کر رکھا تھا اور ہر دوسری گیند کو چھکا لگا کر کافی سارے لوگوں کی سانسیں روک دی تھی۔

سلمان بٹ نے کہا کہ جیسے ہی کلاسن آؤٹ ہوا پروٹیز نے اپنا موڈ چینج کر دیا اور میرا خیال ہے کہ میچ کا نتیجہ جنوبی افریقہ کے لیے کسی بڑے صدمے سے کم نہیں ہے۔

سابق اوپنر بلے باز نے یہ بھی کہا کہ فائنل ہارنے کی بڑی وجہ جنوبی افریقہ کی بڑے میچ کھیلنے کے تجربے کی کمی بھی تھی۔ ایسے موقع پر جب 30 گیندوں پر اتنے ہی رنز درکار ہوں تو پھر آرام سے کھیلنا چاہیے، رنز تو مخالف ٹیم خود ہی دے دیتی ہے۔

انہوں نے ایک اور بڑی غلطی کی نشاندہی کرتے ہوئے کہا کہ کلاسن کے آؤٹ ہونے کے بعد رباڈا کو بھیجنے کے بجائے مہاراج کو بھیجنا بھی پروٹیز کی بہت بڑی غلطی تھی۔

واضح رہے کہ 29 جون کو بارباڈوس میں جنوبی افریقہ اور بھارت کے درمیان ٹی ٹوئنٹی ورلڈ کپ کا فائنل کھیلا گیا جو بھارت نے سنسنی خیز مقابلے کے بعد جیت لیا۔

ایک موقع پر جنوبی افریقہ کو 30 گیندوں پر 30 رنز درکار تھے اور اس کی چھ وکٹیں باقی تھیں تاہم اس موقع پر کلاسن کے آؤٹ ہوتے ہی پروٹیز کے ہاتھ پاؤں پھول گئے اور ایک بار پھر چوک کرتے ہوئے جیتا ہوا میچ صرف 7 رنز سے ہار گئے۔

https://urdu.arynews.tv/t20-world-cup-rohit-sharma-made-unique-records/

بھارت کو ٹی ٹوئنٹی ورلڈ کپ 2024 کا ٹائٹل جتوانے والے کپتان روہت شرما نے ایک منفرد ریکارڈ قائم کر لیا ہے۔

روہت شرما کو یہ اعزاز حاصل ہے کہ وہ بھارت کے سب سے کامیاب کپتان ایم ایس دھونی کی قیادت میں 2007 میں پہلا ٹی 20 ورلڈ کپ جیتنے والی ٹیم کا حصہ تھے اور 2024 میں میگا ایونٹ جیتنے والی ٹیم میں وہ 2007 کی ٹیم کے واحد رکن تھے۔

تاہم جو منفرد ریکارڈ انہوں نے بنایا ہے وہ یہ ہے کہ دنیائے کرکٹ میں وہ آئی سی سی ٹورنامنٹ کے ناک آؤٹ مرحلے کے سب سے زیادہ میچز کھیلنے کا ریکارڈ بھی اپنے نام کر لیا ہے۔

باربارڈوس میں کھیلا گیا ٹی 20 ورلڈ کپ 2024 کا فائنل بھارتی کپتان روہت شرما کے کیریئر کا آٹھواں ناک آؤٹ میچ تھا۔ اس سے قبل اس اعزاز کے سری لنکا کے 5 کھلاڑی مشترکہ حصے دار تھے۔

روہت شرما کے فائنل کھیلنے سے قبل سری لنکا کے سابق کپتان مہیلا جے وردھنے، کمار سنگاکارا، اینجلیو میتھیوز، لاستھ مالنگا اور تلکارتنے دلشان نے سات، 7 ناک آؤٹ میچز کھیل رکھے تھے۔

واضح رہے کہ بارباڈوس میں کھیلے گئے فائنل میں بھارت نے سنسنی خیز مقابلے کے بعد جنوبی افریقہ کو 7 رنز سے شکست دے کر دوسری بار ٹی ٹوئنٹی ورلڈ کپ جیتنے کا اعزاز حاصل کیا۔

https://urdu.arynews.tv/babar-azam-will-now-play-under-the-captaincy-of-mohammad-rizwan/