Tag: T20 World Cup 2024

بھارت کیخلاف اہم ترین میچ میں اب تک ناکام رہنیوالے وکٹ کیپر بیٹر اعظم خان کو کھلانا چاہیے یا نہیں، کامران اکمل کا بیان سامنے آگیا۔

پروگرام ہرلمحہ پرجوش میں گفتگو کرتے ہوئے پاکستان کے سابق وکٹ کیپر بیٹر کامران اکمل نے کہا کہ مڈل آرڈر میں کوئی آپشن نہیں اعظم خان کو اسکواڈ میں رکھنا پڑے گا، اعظم خان کو بھارت کے خلاف میچ میں کھلانا چاہیے۔

کامران اکمل نے کہا کہ فخر نمبر4 پر ضائع ہورہا ہے، پاور پلے میں اس کا استعمال کرنا چاہیے، پاکستان کے لیے یہ میچ ’ڈو آرڈائی‘ جیسا ہوگا۔

انھوں نے کہا کہ بھارتی ٹیم کا کمبی نیشن اچھا بنا ہوا ہے، پاکستان ٹیم اس وقت پریشر میں ہے، پاکستان اور بھارت کے میچ میں دونوں ٹیموں پر پریشر ہوتا ہے۔

سابق کرکٹر نے کہا کہ پاکستان نے ہمیشہ ٹی ٹوئنٹی ورلڈکپ میں کم بیک کیا ہے، چاہے جس سے ہار کر آئیں پاک بھارت میچ الگ ہوتا ہے، بھارتی ٹیم کو یہ فائدہ ہے وہ پہلے 2 میچ کھیل چکی ہے۔

انھوں نے کہا کہ نیویارک کی پچ پر پہلے بالنگ کی تو بھارت کو 120 رنز تک روکنا ہوگا، بابر اعظم اور رضوان نیویارک کی پچ پر بہتر کھیل سکتے ہیں، بھارت کے خلاف ہدف حاصل کرنا بھی بہت مشکل ہوگا۔

سابق کرکٹر باسط علی نے کہا کہ بابر اعظم کو کل کے میچ میں 15 اوور تک رکنا پڑےگا، بابراعظم چاہے 50 رنز بنائیں لیکن 15 اوورز تک کریز پر ہوں۔

باسط علی نے کہا کہ نیویارک کی پچ پر ہٹنگ کرنا مشکل ہوگا لیکن وکٹ نہیں گرنے دینی، بھارت کے اسکواڈ میں بمراہ واحد بالر ہے جس سے خطرہ ہے۔

پاکستان کی قومی کرکٹ ٹیم کے سابق کپتان سرفراز احمد نے بابر اینڈ کمپنی کی ہمت بندھاتے ہوئے کہا ہے کہ ہر مشکل کے بعد آسانی آتی ہے۔

آئی سی سی ٹی ٹوئنٹی ورلڈکپ میں امریکا کی نوآموز ٹیم سے ہارنے کے بعد گرین شرٹس کو شدید تنقدید کا سامنا ہے، سابق کپتان اور سابق کرکٹرز بابر اعظم اور باقی پلیئرز کی غلطیوں کی نشاندہی کرتے ہوئے ان پرفارمنس اور باڈی لینگویج پر سوالات آٹھا رہے ہیں۔

تاہم ایسے میں سابق کپتان سرفراز نے کہا ہے کہ مشکل کے بعد آسانی آتی ہے، ہمیں امید ہے قومی ٹیم اچھا پرفارم کرے گی، ٹی ٹوینٹی ورلڈکپ میں ابھی بہت میچز باقی ہیں۔

اس سے قبل بابر اینڈ کمپنی نے جب 2023 کے ون ڈے ورلڈکپ میں بھی بدترین کارکردگی کا مظاہرہ کیا تھا تو سرفرازنے قائداعظم ٹرافی جیتنے کے بعد ٹیم کے نام پیغام میں ہمت نہ ہارنے کا مشورہ دیا تھا۔

اس وقت بھی ان کا کہنا تھا کہ یہ ٹھیک ہے قومی ٹیم توقعات کے مطابق پرفارم نہیں کرپا رہی لیکن ان میں کم بیک کرنے کی بھرپور صلاحیت ہے، رزلٹ کی پروا کیے بغیر سب لڑکے سو فیصد جان ماریں۔

واضح رہے کہ سرفراز احمد پاکستان کے کامیاب ترین ٹی ٹوئنٹی کپتان میں سے ایک ہیں، ان کی قیادت میں گرین شرٹس نے بھارت کو ہرا کر پہلی بار چیمپئنز ٹرافی جیتی تھی۔

پاکستان کرکٹ ٹیم کے سابق کپتان سرفراز احمد نے آئی سی سی کے دو کپ اپنی قیادت میں پاکستان کو جتوائے ہیں۔

اس سے قبل سابق ویسٹ انڈین کپتان کلائیو لائیڈ اور آسٹریلین قائد رکی پونٹنگ کو یہ اعزاز حاصل تھا کہ انھوں نے دو آئی سی سی ٹرافیاں اپنے اپنے ملکوں کے لیے اٹھائیں۔

سرفراز احمد نے 2006 میں پاکستان کی جونیئر ٹیم کی قیادت کرتے ہوئے گرین شرٹس کو آئی سی سی انڈر 19 کا ورلڈ کپ جتوا کر ٹرافی اٹھائی۔ اس اہم معرکے میں مدمقابل بھی بھارت تھا۔

قومی کرکٹ ٹیم کے کپتان بابر اعظم نے افتخار احمد کے بعد اعظم خان کو بھی نہایت دلچسپ نام دے ڈالا، جس کی ویڈیو وائرل ہوگئی۔

اکثر کھلاڑیوں کے درمیان دوستی کافی گہری ہوتی ہے اور وہ میدان یا پریکٹس سیشن میں ایک دوسرے سے چھیڑ چھاڑ بھی کرتے نظر آتے ہیں۔ پاکستانی کرکٹ ٹیم امریکا کے خلاف اپنے پہلے میچ کی تیاریوں کے سلسلے میں ڈیلاس کے گرینڈ پریری اسٹیڈیم میں پریکٹس سیشن میں مصروف تھی کہ کیمرے نے بابر اعظم کے الفاظ ریکارڈ کرلیے۔

اعظم خان اپنی بھاری جسامت کی وجہ سے ایک پریکٹس ڈرل ٹھیک طرح سے نہ کرپائے جس کے بعد کپتان بابر نے انھیں پنجابی زبان میں دلچسپ نام سے مخاطب کیا۔

جب پاکستانی وکٹ کیپر پریکٹس ڈرل کو پورا کرنے میں ناکام رہے تو بابر نے ماحول کو خوش گوار رکھنے کے لیے انھیں ازراہ مذاق ’گینڈا‘ کہا جس کی ویڈیو سوشل میڈیا پر تیزی سے وائرل ہوگئی۔

بابر اعظم اور اعظم خان کی اس ویڈیو پر شائقین کرکٹ مختلف تبصرے کرتے نظر آرہے ہیں کچھ لوگوں کا کہنا ہے کہ کپتان نے وکٹ کیپر بیٹر کو ’باڈی شیمنگ‘ کا نشانہ بنایا ہے۔

خیال رہے کہ اس سے قبل بابر اعظم نے صائم ایوب کو ’چھوٹا ڈان‘ کہہ کر مخاطب کیا تھا جبکہ انھوں نے افتخار احمد کو ایک بار ’چاچا‘ کہہ کر مخاطب کیا تھا جس کے بعد سے اکثر شائقین انھیں اس نک نام سے ہی مخاطب کرتے ہیں۔