Tag: T20 world cup

بھارت کو ٹی 20 ورلڈ کپ کا دوسری بار چیمپئن بنا کر اس فارمیٹ سے ریٹائرمنٹ لینے والے بھارتی کپتان ٹی ٹوئنٹی میچ جیتنے کی نصف سنچری بھی مکمل کر لی۔

بارباڈوس میں بھارت کے کپتان روہت شرما نے جب جنوبی افریقہ کو 7 رنز سے شکست دے کر ورلڈ کپ میں دوسری بار انڈیا کو چیمپئن بنوایا تو اس کے ساتھ ہی ایک اور ریکارڈ اپنے نام کر لیا۔

انہوں نے ٹی ٹوئنٹی انٹرنیشنل میں بطور کپتان اپنی ٹیم کو فتوحات دلانے کی نصف سنچری مکمل کر لی اور 50 فتوحات کے ساتھ وہ کامیاب ترین کپتان بھی بن گئے۔

روہت شرما نے مسلسل 11 میچز بھی جیتنے کا اعزاز حاصل کیا اس کے ساتھ ہی میگا ایونٹ میں انہوں نے بابر اعظم جیت کے تسلسل کو بھی 11 میچز تک بڑھا دیا ہے۔

قبل ازیں روہت شرما نے آسٹریلیا کیخلاف میچ میں قومی ٹیم کے کپتان بابراعظم کے ٹی 20 انٹرنیشنلز میں سب سے زیادہ رنز بنانے کے سنگ میل عبور کیا تھا۔

روہت شرما 151 ٹی 20 انٹرنیشنل اننگز میں 4 ہزار 231 رنز بنا کر سر فہرست ہیں، جس میں ریکارڈ 5 سنچریاں اور 32 نصف سنچریاں شامل ہیں۔

فائنل میں 76 رنز کی شاندار اننگ کھیل کر ٹیم کو فتح دلانے والے ویرات کوہلی نے بابر اعظم کو تیسرے نمبر پر دھکیل دیا۔ انہوں نے 117 اننگز میں 4 ہزار 188 رنز بنائے ہیں۔

تاہم تیسرے نمبر پر موجود بابراعظم جو 116 اننگز میں 4 ہزار 145 رنز بناچکے ہیں ان کے پاس ٹی 20 فارمیٹ کا ٹاپ بلے باز بننے کا سنہری موقع موجود ہے کیونکہ ان سے آگے مذکورہ دونوں بلے باز اس فارمیٹ سے ریٹائرمنٹ کا اعلان کر چکے ہیں۔

https://urdu.arynews.tv/t20-world-cup-rohit-surpasses-cricketers-like-clive-lloyd-lara-and-finch/

ٹی 20 ورلڈ کپ 2024 کے فاتح بھارتی کپتان روہت شرما نے دنیائے کرکٹ کے نامور کرکٹر کلائیو لائیڈ، برائن لارا، ایرون فنچ کو پیچھے چھوڑ دیا۔

روہت شرما نے دو روز قبل بارباڈوس میں جب ورلڈ کپ کی ٹرافی اٹھائی تو اس وقت ان کی عمر 37 برس 60 دن تھی۔ یوں وہ ورلڈ کپ جیتنے والے دنیا کے دوسرے عمر رسیدہ کپتان بن گئے۔

ان سے اوپر پاکستان کے سابق کپتان عمران خان ہیں جنہوں نے 1992 کے ون ڈے ورلڈ کپ میں فائنل میں انگلینڈ کو شکست دے کر گرین شرٹص کو چیمپئن بنوایا تھا اور اس وقت ان کی عمر 39 سال اور 172 دن تھی۔

اس فہرست میں اب تیسرے نمبر پر ویسٹ انڈیز کے سابق کپتان لیجنڈری برائن لارا ہیں جنہوں نے 2004 کی چیمپئنز ٹرافی 35 سال اور 146 دن کی عمر میں اٹھائی تھی جب کہ آسٹریلوی کپتان نے 2021 کا ٹی 20 ورلڈ کپ جیتا تو وہ عمر کے 34 برس اور 362 دن دیکھ چکے تھے۔

پانچویں نمبر پر ویسٹ انڈیز کو ابتدائی دو ون ڈے ورلڈ کپ جتوانے والے لیجنڈ کلائیو لائیڈ ہیں جنہوں نے 1979 میں منعقدہ دوسرے عالمی کپ میں جب اپنی ٹیم کو دوسری بار چیمپئن بنوایا تو اس وقت ان کی عمر 34 برس اور 296 دن تھی۔

https://urdu.arynews.tv/t20-world-cup-team-of-the-tournament-announced/

آئی سی سی ٹی 20 ورلڈ کپ 2024 کی چیمپئن ٹیم بھارت ویسٹ انڈیز کے شہر بارباڈوس میں پھنس گئی اور سمندری طوفان کے باعث ہوٹل میں مقید ہوگئی۔

بھارت نے دو روز قبل بارباڈوس میں جنوبی افریقہ کو ٹی ٹوئنٹی ورلڈ کپ 2024 کے فائنل میں سنسنی خیز مقابلے کے بعد 7 رنز سے شکست دے کر دوسری بار عالمی چیمپئن بننے کا اعزاز حاصل کیا۔

ٹرافی جیتنے کے بعد کرکٹرز اپنے وطن واپسی کے لیے پرجوش جب کہ بھارتی شہری اپنے چیمپئن کھلاڑیوں کا شاندار استقبال کرنے کے لیے بے چین ہیں۔

شیڈول کے مطابق بھارتی ٹیم نے آج بارباڈوس سے نیویارک روانہ ہونا تھا اور وہاں سے اپنے وطن کے لیے اڑان بھرنی تھی، تاہم سمندری طوفان نے سارا طے شدہ شیڈول درہم برہم کر دیا اور تاہم بلیو شرٹس کی فوری بھارت واپسی میں بارباڈوس میں آنے والی یہ طوفان رکاوٹ بن گیا ہے۔

غیر ملکی میڈیا کے مطابق تیسرے درجے کا سمندری طوفان بیرل جو پیر کی صبح (پاکستانی وقت کے مطابق پیر کی شام) بارباڈوس سے ٹکرائے گا اور اس طوفان کا لینڈ فال شدید ہونے کے باعث بارباڈوس کا ایئرپورٹ بھی بند اور پروازیں منسوخ ہونے کا خدشہ ہے۔

بھارتی ٹیم فی الحال اپنے ہوٹل میں موجود ہے تاہم امکان ہے کہ سمندری طوفان کے باعث ان کی وطن واپسی میں تاخیر ہو سکتی ہے۔

نیشنل ہریکین سینٹر کے مطابق بیرل 2024 اٹلانٹک سیزن کا پہلا سمندری طوفان ہے جو اتوار کی صبح ایک “انتہائی خطرناک” کیٹیگری 3 کے طوفان میں تبدیل ہو گیا تھا۔

حکام کے مطابق یہ طوفان آنے والے دنوں میں اپنے راستے میں بہت زیادہ تباہی لانے والا ہے، طوفان کے سبب بارباڈوس میں ممکنہ احتیاطی تدابیر اختیار کی جارہی ہیں۔

رپورٹس کے مطابق تیسرے درجے کا سمندری طوفان بیرل آج رات یا پیر کی صبح بارباڈوس سے ٹکرائے گا۔ طوفان کا لینڈ فال شدید ہونے کی توقع ہے جس کے باعث بارباڈوس کا ہوائی اڈہ بند ہو جائے گا اور پروازیں بھی منسوخ کی جا رہی ہیں۔

سمندری طوفان کی وجہ سے انڈین ٹیم کی بھارت روانگی میں تاخیر ہوسکتی ہے اور ٹیم کو مزید کچھ وقت بارباڈوس میں ہی رہنا پڑ سکتا ہے، بھارتی ٹیم فی الحال اپنے ہوٹل میں ہے۔

دوسری جانب بھارتی میڈیا کا کہنا ہے کہ بھارتی حکومت نے ٹیم کو خصوصی چارٹرڈ طیارے کے ذریعے وطن واپس لانے کا فیصلہ کیا ہے۔

موسم بہتر ہونے اور بارباڈوس کے ہوائی اڈے پر آپریشن شروع ہونے کے بعد بھارتی ٹیم اب نیویارک کے بجائے خصوصی چارٹرڈ طیارے سے براہ راست دہلی جائے گی۔

رپورٹ کے مطابق اس بات کا امکان ہے کہ ٹیم انڈیا کو بارباڈوس سے باہر نکلنے کے لیے پیر کی دیر شام یا منگل کی صبح تک انتظار کرنا پڑ سکتا ہے۔ ٹیم اور عملہ بارباڈوس سے براہ راست دہلی جائے گا۔ ایسے میں ہندوستانی ٹیم کے 3 جولائی تک ملک پہنچنے کا امکان ہے۔

ٹی 20 ورلڈ کپ 2024 جیت کر دوسری بار عالمی چیمپئن بننے کا اعزاز پانے والی بھارتی ٹیم کے کھلاڑیوں نے خوشی میں میدان میں ہی بھنگڑے ڈالے۔

ورلڈ کپ جیتنا ہر ٹیم کی خواہش ہوتی ہے اور جب کوئی ٹیم یہ ٹرافی جیتتی ہے تو پھر اس کی خوشی دیدنی ہوتی ہے۔ ایسا ہی ایک دلفریب نظارہ ہمیں گزشتہ سب ویسٹ انڈیز کے برج ٹاؤن باربا ڈوس کے میدان میں دیکھنے کو ملا۔

جنوبی افریقہ کو جیسے ہی 7 رنز سے شکست دے کر بھارتی ٹیم نے دوسری بار ٹی ٹوئنٹی ورلڈ چیمپئن بننے کا اعزاز حاصل کیا تو ٹیم کے ہر کھلاڑی کی خوشی دیدنی تھی۔

اس موقع پر ٹیم کے سینئر اور جونیئر کھلاڑیوں نے یک جان ہوکر جیت کا جشن منایا اور میدان میں ہی بھنگڑے ڈالے۔ جس کی ویڈیو آئی سی سی نے بھی انسٹا گرام کی آفیشل ویب سائٹ پر جاری کیں تو سب کی توجہ کا مرکز بن گئیں۔

اپنا آخری ورلڈ کھیلنے اور بھارت کو دوسری بار ٹی ٹوئنٹی کا عالمی چیمپئن بنا کر اس فارمیٹ سے ریٹائرمنٹ لینے والے سینئر کرکٹر ویرات کوہلی اور نوجوان کرکٹر ارشدیپ نے دلیر مہندی کے مقبول عام گیت ’’تنک تنک تو، تنک تنک تو، تارا را‘‘ پر ڈانس کیا جس کا ساتھی پلیئرز نے بھی بھرپور ساتھ دیا۔

 

View this post on Instagram

 

A post shared by ICC (@icc)

ایک اور ویڈیو میں آل راؤنڈر ہاردیک پانڈیا نے ورلڈ کپ ٹرافی پچ کے درمیان رکھ کر مختلف پوز دیے اور پھر ٹرافی کو اٹھا کر کاندھے پر فخر اور خوشی کے ساتھ رقص کرتے ہوئے چلتے ہوئے دکھائی دیے۔

 

View this post on Instagram

 

A post shared by ICC (@icc)

اس پوسٹ کے کمنٹ سیکشن میں بھارتی کرکٹ فینز اپنی بے انتہا خوشی کا اظہار کرتے ہوئے اس بھنگڑے کو ان کے دل میں ہونے والے جشن کے مماثل قرار دے رہے ہیں۔

https://urdu.arynews.tv/t20-world-cup-after-winning-trophy-first-call-to-indian-captain/